Pune Murder Case : ਮੰਗੇਤਰ ਨਿਕਲੀ ਕਾਤਿਲ ! ਲੜਕੀ ਨੇ ਪ੍ਰੇਮੀ ਨਾਲ ਮਿਲ ਕੇ ਮੰਗੇਤਰ ਨੂੰ 400 ਫੁੱਟ ਡੂੰਘੀ ਖੱਡ 'ਚ ਦਿੱਤਾ ਧੱਕਾ
Pune Murder Case : ਪੁਣੇ ਵਿੱਚ ਰਾਜਾ ਰਘੁਵੰਸ਼ੀ ਹੱਤਿਆਕਾਂਡ ਵਰਗਾ ਇੱਕ ਹੋਰ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। 19 ਜੂਨ ਨੂੰ ਪੁਣੇ ਦੇ ਮਸ਼ਹੂਰ ਲੋਹਾਗੜ੍ਹ ਕਿਲ੍ਹੇ ਤੋਂ ਡਿੱਗਣ ਕਾਰਨ ਕੇਤਨ ਵਿਸ਼ਾਲ ਅਗਰਵਾਲ ਨਾਮਕ ਨੌਜਵਾਨ ਦੀ ਮੌਤ ਹੋ ਗਈ
Pune Murder Case : ਪੁਣੇ ਵਿੱਚ ਰਾਜਾ ਰਘੁਵੰਸ਼ੀ ਹੱਤਿਆਕਾਂਡ ਵਰਗਾ ਇੱਕ ਹੋਰ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। 19 ਜੂਨ ਨੂੰ ਪੁਣੇ ਦੇ ਮਸ਼ਹੂਰ ਲੋਹਾਗੜ੍ਹ ਕਿਲ੍ਹੇ ਤੋਂ ਡਿੱਗਣ ਕਾਰਨ ਕੇਤਨ ਵਿਸ਼ਾਲ ਅਗਰਵਾਲ ਨਾਮਕ ਨੌਜਵਾਨ ਦੀ ਮੌਤ ਹੋ ਗਈ ਸੀ। ਸ਼ੁਰੂ ਵਿੱਚ ਦੱਸਿਆ ਗਿਆ ਕਿ ਫੋਟੋ ਖਿੱਚਦੇ ਸਮੇਂ ਉਸਦਾ ਪੈਰ ਫਿਸਲ ਗਿਆ ਅਤੇ ਉਹ ਲਗਭਗ 350 ਫੁੱਟ ਡੂੰਘੀ ਖੱਡ ਵਿੱਚ ਡਿੱਗ ਗਿਆ। ਆਪਣੀ ਮੰਗੇਤਰ ਦਾ ਜਨਮਦਿਨ ਮਨਾਉਣ ਲਈ ਲੋਹਾਗੜ੍ਹ ਕਿਲ੍ਹੇ ਗਏ ਕੇਤਨ ਦੀ ਮੌਤ ਨੂੰ ਪਹਿਲਾਂ ਇੱਕ ਹਾਦਸਾ ਮੰਨਿਆ ਗਿਆ ਸੀ ਪਰ ਹੁਣ ਪੁਲਿਸ ਦੇ ਖੁਲਾਸਿਆਂ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ।
ਪੁਲਿਸ ਦੇ ਅਨੁਸਾਰ ਕੇਤਨ ਦੀ ਮੌਤ ਹਾਦਸਾ ਨਹੀਂ ਸੀ, ਸਗੋਂ ਇੱਕ ਸੋਚੀ-ਸਮਝੀ ਸਾਜ਼ਿਸ਼ ਤਹਿਤ ਕੀਤਾ ਗਿਆ ਕਤਲ ਸੀ। ਜਾਂਚ ਵਿੱਚ ਸਾਹਮਣੇ ਆਇਆ ਹੈ ਕਿ ਕੇਤਨ ਨੂੰ ਕਿਲ੍ਹੇ ਤੋਂ ਧੱਕਾ ਦਿੱਤਾ ਗਿਆ ਸੀ ਅਤੇ ਇਹ ਕੰਮ ਕਿਸੇ ਹੋਰ ਨੇ ਨਹੀਂ, ਬਲਕਿ ਉਸ ਦੀ ਮੰਗੇਤਰ ਸਿਆ ਗੋਇਲ ਅਤੇ ਉਸਦੇ ਪ੍ਰੇਮੀ ਚੇਤਨ ਚੌਧਰੀ ਨੇ ਮਿਲ ਕੇ ਕੀਤਾ ਸੀ। ਇਹ ਵੀ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਕੇਤਨ ਨੂੰ ਮਾਰਨ ਦੀ ਇਹ ਦੂਜੀ ਕੋਸ਼ਿਸ਼ ਸੀ। ਇਸ ਤੋਂ ਪਹਿਲਾਂ ਵੀ ਦੋਵੇਂ ਉਸਦੀ ਹੱਤਿਆ ਦੀ ਕੋਸ਼ਿਸ਼ ਕਰ ਚੁੱਕੇ ਸਨ। ਕਤਲ ਦੇ ਪਿੱਛੇ ਸਿਆ ਅਤੇ ਚੇਤਨ ਦੇ ਪ੍ਰੇਮ ਸੰਬੰਧਾਂ ਨੂੰ ਕਾਰਨ ਦੱਸਿਆ ਜਾ ਰਿਹਾ ਹੈ।
ਮੰਗੇਤਰ ਸਿਆ ਨੇ ਹੀ ਰਚੀ ਕਤਲ ਦੀ ਸਾਜ਼ਿਸ਼
ਇਸ ਕਹਾਣੀ ਦੇ ਤਿੰਨ ਮੁੱਖ ਕਿਰਦਾਰ ਹਨ—ਕੇਤਨ ਵਿਸ਼ਾਲ ਅਗਰਵਾਲ, ਸਿਆ ਗੋਇਲ ਅਤੇ ਚੇਤਨ ਚੌਧਰੀ। ਰਿਪੋਰਟਾਂ ਮੁਤਾਬਕ 24 ਸਾਲਾ ਕੇਤਨ ਅਤੇ 20 ਸਾਲਾ ਸਿਆ ਦੀ ਸ਼ਾਦੀ ਤੈਅ ਹੋ ਚੁੱਕੀ ਸੀ ਪਰ ਸਿਆ ਆਪਣੇ ਪਰਿਵਾਰ ਵੱਲੋਂ ਤੈਅ ਕੀਤੇ ਇਸ ਰਿਸ਼ਤੇ ਤੋਂ ਖੁਸ਼ ਨਹੀਂ ਸੀ। ਉਹ 22 ਸਾਲਾ ਚੇਤਨ ਚੌਧਰੀ ਨਾਲ ਪਿਆਰ ਕਰਦੀ ਸੀ ਅਤੇ ਕੇਤਨ ਨੂੰ ਆਪਣੇ ਰਿਸ਼ਤੇ ਵਿੱਚ ਰੁਕਾਵਟ ਸਮਝਦੀ ਸੀ। ਇਸ ਲਈ ਦੋਵਾਂ ਨੇ ਮਿਲ ਕੇ ਕੇਤਨ ਨੂੰ ਰਸਤੇ ਤੋਂ ਹਟਾਉਣ ਦੀ ਯੋਜਨਾ ਬਣਾਈ।
ਦੂਜੇ ਪਾਸੇ ਅਗਰਵਾਲ ਪਰਿਵਾਰ ਸ਼ਾਨਦਾਰ ਵਿਆਹ ਦੀਆਂ ਤਿਆਰੀਆਂ ਵਿੱਚ ਲੱਗਾ ਹੋਇਆ ਸੀ। ਕੇਤਨ ਦਾ ਪਰਿਵਾਰ ਰੀਅਲ ਐਸਟੇਟ ਕਾਰੋਬਾਰ ਨਾਲ ਜੁੜਿਆ ਹੋਇਆ ਹੈ ਅਤੇ ਕੇਤਨ ਖੁਦ ਕੰਪਨੀ ਵਿੱਚ ਡਾਇਰੈਕਟਰ ਸੀ। ਪਰਿਵਾਰ ਨੇ ਜੈਪੁਰ ਵਿੱਚ ਡੈਸਟਿਨੇਸ਼ਨ ਵੈਡਿੰਗ ਦੀ ਯੋਜਨਾ ਬਣਾਈ ਹੋਈ ਸੀ। ਇੱਕ ਮਹਲ ਬੁੱਕ ਕੀਤਾ ਗਿਆ ਸੀ ਅਤੇ ਮਹਿਮਾਨਾਂ ਲਈ ਹੋਟਲਾਂ ਵਿੱਚ ਪ੍ਰਬੰਧ ਕੀਤੇ ਗਏ ਸਨ।
ਬਾਲੀ ਟ੍ਰਿਪ ਰੱਦ ਹੋਣ ਤੋਂ ਬਾਅਦ ਬਣਿਆ ਨਵਾਂ ਪਲਾਨ
ਸ਼ਾਦੀ ਤੋਂ ਪਹਿਲਾਂ 19 ਜੂਨ ਨੂੰ ਸਿਆ ਦਾ ਜਨਮ ਦਿਨ ਸੀ। ਕੇਤਨ ਨੇ ਇਹ ਦਿਨ ਖਾਸ ਬਣਾਉਣ ਲਈ ਬਾਲੀ ਜਾਣ ਦੀ ਯੋਜਨਾ ਬਣਾਈ ਸੀ। ਸਾਰੀ ਤਿਆਰੀ ਮੁਕੰਮਲ ਸੀ ਪਰ ਆਖ਼ਰੀ ਸਮੇਂ ਟ੍ਰਿਪ ਰੱਦ ਹੋ ਗਈ। ਪੁਲਿਸ ਮੁਤਾਬਕ ਰਸਤੇ ਵਿੱਚ ਇੱਕ ਹੋਟਲ ਦੇ ਵਾਸ਼ਰੂਮ ਵਿੱਚ ਸਿਆ ਨੇ ਪਾਸਪੋਰਟ ਫਾੜ ਕੇ ਸੁੱਟ ਦਿੱਤਾ ਸੀ, ਜਿਸ ਕਾਰਨ ਯਾਤਰਾ ਰੱਦ ਹੋ ਗਈ। ਹਾਲਾਂਕਿ ਇਹ ਸਪੱਸ਼ਟ ਨਹੀਂ ਹੋ ਸਕਿਆ ਕਿ ਪਾਸਪੋਰਟ ਸਿਆ ਦਾ ਸੀ ਜਾਂ ਕੇਤਨ ਦਾ।
ਇਸ ਤੋਂ ਬਾਅਦ ਕੇਤਨ ਨੇ ਮਹਾਬਲੇਸ਼ਵਰ ਦੇ ਇੱਕ ਲਗਜ਼ਰੀ ਰਿਜ਼ੋਰਟ ਵਿੱਚ ਸਿਆ ਦਾ ਜਨਮ ਦਿਨ ਮਨਾਉਣ ਦਾ ਫੈਸਲਾ ਕੀਤਾ। ਇਸ ਲਈ ਲਗਭਗ 40 ਕਮਰੇ ਵੀ ਬੁੱਕ ਕਰਵਾਏ ਗਏ ਸਨ। ਇਸ ਦੌਰਾਨ ਸਿਆ ਨੇ ਪ੍ਰੀ-ਵੈਡਿੰਗ ਸ਼ੂਟ ਲਈ ਲੋਹਾਗੜ੍ਹ ਕਿਲ੍ਹੇ ਜਾਣ ਦੀ ਗੱਲ ਕੀਤੀ।
ਪਹਿਲੀ ਕੋਸ਼ਿਸ਼ ਨਾਕਾਮ, ਦੂਜੀ ਵਿੱਚ ਹੋ ਗਿਆ ਕਤਲ
ਪੁਲਿਸ ਮੁਤਾਬਕ 14 ਜੂਨ ਨੂੰ ਸਿਆ ਕੇਤਨ ਨੂੰ ਲੋਹਾਗੜ੍ਹ ਕਿਲ੍ਹੇ 'ਤੇ ਲੈ ਗਈ ਸੀ। ਉੱਥੇ ਉਸਨੇ ਸੱਪ ਦਾ ਡਰ ਦਿਖਾ ਕੇ ਕੇਤਨ ਨੂੰ ਖੱਡ ਵਿੱਚ ਧੱਕਣ ਦੀ ਕੋਸ਼ਿਸ਼ ਕੀਤੀ ਪਰ ਉਹ ਨਾਕਾਮ ਰਹੀ। ਉਸ ਸਮੇਂ ਕੇਤਨ ਨੂੰ ਕੋਈ ਸ਼ੱਕ ਨਹੀਂ ਹੋਇਆ ਕਿ ਸਿਆ ਦੇ ਮਨ ਵਿੱਚ ਕੀ ਚੱਲ ਰਿਹਾ ਹੈ। 19 ਜੂਨ ਨੂੰ ਸਿਆ ਇੱਕ ਵਾਰ ਫਿਰ ਕੇਤਨ ਨੂੰ ਲੋਹਾਗੜ੍ਹ ਕਿਲ੍ਹੇ 'ਤੇ ਲੈ ਗਈ। ਕੁਝ ਸਮੇਂ ਬਾਅਦ ਖ਼ਬਰ ਆਈ ਕਿ ਫੋਟੋ ਖਿੱਚਦੇ ਸਮੇਂ ਕੇਤਨ ਦਾ ਪੈਰ ਫਿਸਲ ਗਿਆ ਅਤੇ ਉਹ 350 ਫੁੱਟ ਡੂੰਘੀ ਖੱਡ ਵਿੱਚ ਡਿੱਗ ਗਿਆ, ਜਿਸ ਕਾਰਨ ਉਸਦੀ ਮੌਕੇ 'ਤੇ ਹੀ ਮੌਤ ਹੋ ਗਈ।
ਮੌਤ ਤੋਂ ਬਾਅਦ ਪਰਿਵਾਰ ਵਿੱਚ ਸੋਗ ਦੀ ਲਹਿਰ ਦੌੜ ਗਈ ਅਤੇ ਹਰ ਕੋਈ ਇਸਨੂੰ ਇੱਕ ਹਾਦਸਾ ਮੰਨ ਰਿਹਾ ਸੀ ਪਰ ਸੋਗ ਦੇ ਇਸ ਮਾਹੌਲ ਵਿੱਚ ਸਿਆ ਦੇ ਕੁਝ ਸ਼ੱਕੀ ਕਦਮਾਂ ਨੇ ਪੁਲਿਸ ਦਾ ਧਿਆਨ ਖਿੱਚਿਆ, ਜਿਸ ਤੋਂ ਬਾਅਦ ਜਾਂਚ ਨੇ ਇਸ ਪੂਰੇ ਮਾਮਲੇ ਦੀ ਚੌਕਾਉਣ ਵਾਲੀ ਸੱਚਾਈ ਸਾਹਮਣੇ ਲਿਆ ਦਿੱਤੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
