(Source: ECI/ABP News)
Supreme Court: ਅਵੈਧ ਵਿਆਹ ਤੋਂ ਪੈਦਾ ਹੋਣ ਵਾਲੇ ਬੱਚੇ ਨੂੰ ਮਿਲੇਗੀ ਮਾਪਿਆਂ ਦੀ ਜੱਦੀ ਜਾਇਦਾਦ - ਸੁਪਰੀਮ ਕੋਰਟ
Supreme Court: ਸੁਪਰੀਮ ਕੋਰਟ ਨੇ ਕਿਹਾ ਹੈ ਕਿ ਅਵੈਧ ਵਿਆਹ ਤੋਂ ਪੈਦਾ ਹੋਏ ਬੱਚੇ ਨੂੰ ਜੱਦੀ ਜਾਇਦਾਦ ਤੋਂ ਵਾਂਝਾ ਨਹੀਂ ਕੀਤਾ ਜਾ ਸਕਦਾ।
SC On Void/Voidable Marriages: ਅਵੈਧ ਵਿਆਹ ਤੋਂ ਪੈਦਾ ਹੋਏ ਬੱਚੇ ਨੂੰ ਆਪਣੇ ਪਿਤਾ ਜਾਂ ਮਾਤਾ ਦੀ ਜੱਦੀ ਜਾਇਦਾਦ ਤੋਂ ਵੀ ਅਧਿਕਾਰ ਮਿਲੇਗਾ। ਸੁਪਰੀਮ ਕੋਰਟ ਨੇ ਕਿਹਾ ਕਿ ਕਾਨੂੰਨ ਅਜਿਹੇ ਬੱਚੇ ਨੂੰ ਗੈਰ-ਕਾਨੂੰਨੀ ਨਹੀਂ ਮੰਨਦਾ। ਇਸ ਲਈ ਉਸ ਨੂੰ ਸੰਯੁਕਤ ਹਿੰਦੂ ਪਰਿਵਾਰ ਵਿਚ ਉਸ ਦੇ ਪਿਤਾ ਜਾਂ ਮਾਤਾ ਦੇ ਹਿੱਸੇ ਆਈ ਜਾਇਦਾਦ ਤੋਂ ਵਾਂਝਾ ਨਹੀਂ ਕੀਤਾ ਜਾ ਸਕਦਾ।
ਹਾਲਾਂਕਿ, ਅਦਾਲਤ ਨੇ ਸਪੱਸ਼ਟ ਕੀਤਾ ਹੈ ਕਿ ਅਜਿਹਾ ਬੱਚਾ ਕਿਸੇ ਹੋਰ 'ਕੋਪਾਰਸੇਨਰ' (ਸਾਂਝੀ ਜਾਇਦਾਦ ਦੇ ਮਾਲਕ) ਦੇ ਹਿੱਸੇ ਦਾ ਦਾਅਵਾ ਨਹੀਂ ਕਰ ਸਕਦਾ।
ਸੁਪਰੀਮ ਕੋਰਟ ਦਾ ਇਹ ਫੈਸਲਾ ਇਸ ਲਈ ਮਹੱਤਵਪੂਰਨ ਹੈ ਕਿਉਂਕਿ ਹੁਣ ਤੱਕ Void/Voidable ਵਿਆਹ ਤੋਂ ਪੈਦਾ ਹੋਏ ਬੱਚੇ ਨੂੰ ਆਪਣੇ ਮਾਤਾ-ਪਿਤਾ ਦੀ ਸਵੈ-ਪ੍ਰਾਪਤ ਜਾਇਦਾਦ ਵਿੱਚੋਂ ਤਾਂ ਅਧਿਕਾਰ ਮਿਲ ਸਕਦਾ ਸੀ, ਪਰ ਜੱਦੀ ਜਾਇਦਾਦ ਵਿੱਚੋਂ ਨਹੀਂ।
ਇਹ ਕੇਸ 31 ਮਾਰਚ 2011 ਨੂੰ ਸੁਪਰੀਮ ਕੋਰਟ ਦੇ ਦੋ ਜੱਜਾਂ ਦੇ ਬੈਂਚ ਨੇ ਵੱਡੇ ਬੈਂਚ ਨੂੰ ਭੇਜਿਆ ਸੀ। ਪਿਛਲੇ ਮਹੀਨੇ ਚੀਫ਼ ਜਸਟਿਸ ਡੀਵਾਈ ਚੰਦਰਚੂੜ, ਜਸਟਿਸ ਜੇਬੀ ਪਾਰਡੀਵਾਲਾ ਅਤੇ ਮਨੋਜ ਮਿਸ਼ਰਾ ਦੀ ਬੈਂਚ ਨੇ ਇਸ ਮਾਮਲੇ ਦੀ ਸੁਣਵਾਈ ਕੀਤੀ ਅਤੇ ਹੁਣ ਇਹ ਅਹਿਮ ਫ਼ੈਸਲਾ ਦਿੱਤਾ ਗਿਆ ਹੈ।
ਸੰਯੁਕਤ ਹਿੰਦੂ ਪਰਿਵਾਰ ਦੀ ਜਾਇਦਾਦ ਨਾਲ ਸਬੰਧਿਤ ਮਾਮਲਾ
ਇੱਥੇ ਇਹ ਧਿਆਨ ਵਿੱਚ ਰੱਖਣਾ ਜ਼ਰੂਰੀ ਹੈ ਕਿ ਇਹ ਪੂਰਾ ਮਾਮਲਾ ਇੱਕ ਸੰਯੁਕਤ ਹਿੰਦੂ ਪਰਿਵਾਰ ਦੀ ਜਾਇਦਾਦ ਨਾਲ ਸਬੰਧਤ ਹੈ। ਦਰਅਸਲ, ਹਿੰਦੂ ਮੈਰਿਜ ਐਕਟ ਦੀ ਧਾਰਾ 16 ਦੇ ਤਹਿਤ ਅਵੈਧ ਵਿਆਹ ਤੋਂ ਪੈਦਾ ਹੋਏ ਬੱਚੇ ਨੂੰ ਵੀ ਜਾਇਜ਼ ਮੰਨਿਆ ਜਾਂਦਾ ਹੈ। ਪਰ ਉਸ ਨੂੰ ਆਪਣੇ ਮਾਪਿਆਂ ਦੀ ਆਪਣੀ ਜਾਇਦਾਦ ਵਿੱਚੋਂ ਹੀ ਹਿੱਸਾ ਮਿਲ ਸਕਦਾ ਹੈ।
ਸੁਪਰੀਮ ਕੋਰਟ ਨੇ ਹਿੰਦੂ ਉੱਤਰਾਧਿਕਾਰੀ ਐਕਟ ਦੀ ਧਾਰਾ 6 ਦੇ ਤਹਿਤ ਇਸ ਪ੍ਰਣਾਲੀ ਨੂੰ ਹਿੰਦੂ ਮਿਤਾਕਸ਼ਰਾ ਪ੍ਰਣਾਲੀ (ਸੰਯੁਕਤ ਪਰਿਵਾਰ ਵਿੱਚ ਉਤਰਾਧਿਕਾਰ ਦਾ ਫੈਸਲਾ ਕਰਨ ਦੀ ਪ੍ਰਣਾਲੀ) ਨਾਲ ਜੋੜ ਕੇ ਇਹ ਫੈਸਲਾ ਦਿੱਤਾ ਹੈ।
ਹਿੰਦੂ ਮਿਤਾਕਸ਼ਰਾ ਪ੍ਰਣਾਲੀ ਦੇ ਤਹਿਤ ਸੰਯੁਕਤ ਪਰਿਵਾਰ ਦੀ ਜਾਇਦਾਦ ਵਿੱਚ ਇੱਕ 'ਕੋਪਾਰਸੇਨਰ' (ਸਾਂਝੀ ਜਾਇਦਾਦ ਦੇ ਮਾਲਕ) ਦਾ ਹਿੱਸਾ ਉਹ ਹਿੱਸਾ ਹੈ ਜਿਸ ਦਾ ਉਹ ਆਪਣੀ ਮੌਤ ਤੋਂ ਤੁਰੰਤ ਪਹਿਲਾਂ ਹੱਕਦਾਰ ਸੀ। ਹੁਣ ਸੁਪਰੀਮ ਕੋਰਟ ਨੇ ਕਿਹਾ ਹੈ ਕਿ ਅਵੈਧ ਵਿਆਹ ਤੋਂ ਪੈਦਾ ਹੋਇਆ ਬੱਚਾ ਵੀ ਉਸ ਜਾਇਦਾਦ ਦੇ ਹਿੱਸੇ ਦਾ ਦਾਅਵਾ ਕਰ ਸਕੇਗਾ ਜੋ ਪਿਤਾ ਨੂੰ 'ਕੋਪਾਰਸੇਨਰ' (ਸਾਂਝੀ ਜਾਇਦਾਦ ਦੇ ਮਾਲਕ) ਵਜੋਂ ਮਿਲਣੀ ਸੀ।
ਇਹ ਵੀ ਪੜ੍ਹੋ: Opposition Meeting: I.N.D.I.A ਗਠਜੋੜ ਦੀ ਬਣੀ ਤਾਲਮੇਲ ਕਮੇਟੀ, ਛੇਤੀ ਹੀ ਹੋਵੇਗੀ ਸੀਟਾਂ ਦੀ ਵੰਡ, ਜਾਣੋ ਕੌਣ-ਕੌਣ ਸ਼ਾਮਲ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
