ਏਅਰ ਕ੍ਰਾਫਟ 'ਵਿਰਾਟ' ਨੂੰ ਤਬਾਹ ਕਰਨ 'ਤੇ ਸੁਪਰੀਮ ਕੋਰਟ ਨੇ ਲਾਈ ਰੋਕ, 2007 'ਚ ਹੋਇਆ ਸੀ ਰਿਟਾਇਰ
2007 ਵਿੱਚ ਭਾਰਤੀ ਜਲ ਸੈਨਾ ਦੇ ਏਅਰਕ੍ਰਾਫਟ ਕੈਰੀਅਰ ‘ਆਈਐਨਐਸ ਵਿਰਾਟ’ ਨੂੰ ਰਿਟਾਇਰ ਕਰ ਦਿੱਤਾ ਸੀ।
ਨਵੀਂ ਦਿੱਲੀ: ਸੁਪਰੀਮ ਕੋਰਟ ਨੇ ਇੰਡੀਅਨ ਨੇਵੀ ਤੋਂ ਸੇਵਾ ਮੁਕਤ ਹੋ ਚੁੱਕੇ ਏਅਰਕ੍ਰਾਫਟ ਕੈਰੀਅਰ ‘ਆਈਐਨਐਸ ਵਿਰਾਟ’ ਨੂੰ ਤੋੜਨ 'ਤੇ ਰੋਕ ਲਾ ਦਿੱਤੀ ਹੈ। ਐਨੀਵਿਟੈਕ ਮਰੀਨ ਕੰਸਲਟੈਂਟਸ ਲਿਮਟਿਡ ਨਾਂ ਦੀ ਕੰਪਨੀ ਨੇ ਇਸ ਨੂੰ ਅਜਾਇਬ ਘਰ ਵਜੋਂ ਸੁਰੱਖਿਅਤ ਰੱਖਣ ਲਈ 100 ਕਰੋੜ ਰੁਪਏ ਦੀ ਅਦਾਇਗੀ ਦੀ ਮੰਗ ਕੀਤੀ ਸੀ। ਆਈਐਨਐਸ ਵਿਰਾਟ ਨੂੰ ਭਾਵਨਗਰ ਦੇ ਸ਼੍ਰੀਰਾਮ ਗਰੁੱਪ ਨੇ ਖਰੀਦਿਆ। ਇਸ ਨੂੰ ਕਬਾੜ ਵਾਂਗ ਤੋੜਿਆ ਜਾ ਰਿਹਾ ਹੈ। 2007 ਵਿੱਚ, ਭਾਰਤੀ ਜਲ ਸੈਨਾ ਦੇ ਏਅਰਕ੍ਰਾਫਟ ਕੈਰੀਅਰ ‘ਆਈਐਨਐਸ ਵਿਰਾਟ’ ਰਿਟਾਇਰ ਹੋ ਗਏ ਸੀ।
ਦੱਸ ਦਈਏ ਕਿ ਤਕਰੀਬਨ 15 ਸਾਲਾਂ ਤਕ ਵਿਰਾਟ ਨੇ ਨਾ ਸਿਰਫ ਪੂਰਬੀ ਤੱਟ ਤੇ ਭਾਰਤ ਦੇ ਪੱਛਮੀ ਤੱਟ ਦੇ ਨਾਲ-ਨਾਲ ਅਰਬ ਸਾਗਰ ਤੋਂ ਬੰਗਾਲ ਦੀ ਖਾੜੀ ਤੱਕ ਦੁਸ਼ਮਣਾਂ ਦੀ ਭਿਆਨਕ ਹਰਕਤਾਂ 'ਤੇ ਨਜ਼ਰ ਰੱਖੀ, ਪਰ ਕਿਸੇ ਨੂੰ ਵੀ ਫਟਕਣ ਨਹੀਂ ਦਿੱਤਾ।
ਵਿਰਾਟ ਨੂੰ ਭਾਰਤ ਨੇ 1987 ਵਿੱਚ ਬ੍ਰਿਟਿਸ਼ ਰਾਇਲ ਨੇਵੀ ਤੋਂ ਵੀ ਖਰੀਦਿਆ ਸੀ। ਉਸ ਸਮੇਂ ਵਿਰਾਟ ਦਾ ਨਾਂ 'ਐਚਐਮਐਸ ਹ੍ਰਮੇਸ' ਸੀ ਤੇ ਇਸ ਨੇ ਬ੍ਰਿਟਿਸ਼ ਨੇਵੀ ਵਿੱਚ 25 ਸਾਲ ਬਿਤਾਏ ਸੀ। ਉਸ ਨੇ ਅਰਜਨਟੀਨਾ ਦੇ ਖਿਲਾਫ ਫਾਕਲੈਂਡ ਯੁੱਧ ਵਿੱਚ ਇੱਕ ਮਹੱਤਵਪੂਰਣ ਹਿੱਸਾ ਲਿਆ ਸੀ। ਵਿਰਾਟ ਦਾ ਨਾਂ ਸਭ ਤੋਂ ਲੰਬੀ ਸੇਵਾ ਲਈ ਗਿੰਨੀਜ਼ ਬੁੱਕ ਆਫ ਵਰਲਡ ਰਿਕਾਰਡ ਵਿਚ ਸ਼ਾਮਲ ਹੈ।
ਇਹ ਵੀ ਪੜ੍ਹੋ: Punjab Municipal Election 2021: ਪੰਜਾਬ ਦਾ ਚੋਣ ਮਾਹੌਲ ਗਰਮਾਇਆ, ਜਾਣੋ ਮਿਊਂਸਪਲ ਚੋਣਾਂ ਦਾ ਪੂਰਾ ਹਾਲ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
