ਦੇਸ਼ ਦੀਆਂ 100 ਪ੍ਰਸਿੱਧ ਹਸਤੀਆਂ ਨੂੰ ਬਣਾਇਆ ਨਿਸ਼ਾਨਾ, ਇਤਰਾਜ਼ਯੋਗ ਵੀਡੀਓ ਬਣਾ ਕੀਤਾ ਬਲੈਕਮੇਲ

ਮੁੰਬਈ ਪੁਲਿਸ ਦੇ ਸਾਈਬਰ ਸੈੱਲ ਨੇ ਇੱਕ ਅਜਿਹੇ ਗਰੋਹ ਦਾ ਪਰਦਾਫਾਸ਼ ਕੀਤਾ ਹੈ ਜਿਸ ਨੇ 100 ਤੋਂ ਜ਼ਿਆਦਾ ਏ-ਸੂਚੀਬੱਧ ਪ੍ਰਸਿੱਧ ਹਸਤੀਆਂ (ਸੈਲੀਬ੍ਰਿਟੀਜ਼) ਨੂੰ ਸੈਕਸਟੌਰਸ਼ਨ ਦਾ ਸ਼ਿਕਾਰ ਬਣਾਇਆ ਹੈ।

ਸੰਕੇਤਕ ਤਸਵੀਰ

ਮੁੰਬਈ: ਮੁੰਬਈ ਪੁਲਿਸ ਦੇ ਸਾਈਬਰ ਸੈੱਲ ਨੇ ਇੱਕ ਅਜਿਹੇ ਗਰੋਹ ਦਾ ਪਰਦਾਫਾਸ਼ ਕੀਤਾ ਹੈ ਜਿਸ ਨੇ 100 ਤੋਂ ਜ਼ਿਆਦਾ ਏ-ਸੂਚੀਬੱਧ ਪ੍ਰਸਿੱਧ ਹਸਤੀਆਂ (ਸੈਲੀਬ੍ਰਿਟੀਜ਼) ਨੂੰ ਸੈਕਸਟੌਰਸ਼ਨ ਦਾ ਸ਼ਿਕਾਰ ਬਣਾਇਆ ਹੈ। ਹੈਰਾਨ ਕਰਨ ਵਾਲੀ ਗੱਲ ਇਹ ਹੈ ਕਿ ਇੱਕ ਨਾਬਾਲਗ ਵੀ ਇਸ ਗੈਂਗ ਵਿੱਚ ਸ਼ਾਮਲ ਹੈ। ਸਾਈਬਰ ਸੈੱਲ ਦੇ ਡੀਸੀਪੀ ਰਸ਼ਮੀ ਕਰੰਡੀਕਰ ਨੇ ਦੱਸਿਆ ਕਿ ਹੁਣ ਤੱਕ ਇਨ੍ਹਾਂ ਲੋਕਾਂ ਵਿੱਚੋਂ 285 ਵਿਅਕਤੀਆਂ ਨੂੰ ਆਪਣਾ ਸ਼ਿਕਾਰ ਬਣਾਇਆ ਜਾ ਚੁੱਕਾ ਹੈ। ਹੁਣ ਉਸ ਦੇ ਮੋਬਾਈਲ ਤੇ ਹੋਰ ਇਲੈਕਟ੍ਰੌਨਿਕ ਉਪਕਰਣਾਂ ਦੀ ਜਾਂਚ ਚੱਲ ਰਹੀ ਹੈ। ਪੁਲਿਸ ਨੇ ਇਨ੍ਹਾਂ ਦੋਸ਼ੀਆਂ ਨੂੰ ਮਹਾਰਾਸ਼ਟਰ ਦੇ ਨਾਗਪੁਰ, ਉੱਤਰ ਪ੍ਰਦੇਸ਼, ਉੜੀਸਾ ਤੇ ਗੁਜਰਾਤ ਤੋਂ ਗ੍ਰਿਫਤਾਰ ਕੀਤਾ ਹੈ।

ਇੰਝ ਬਣਾਉਂਦੇ ਸੀ ਨਿਸ਼ਾਨਾ
ਕਰੰਡੀਕਰ ਨੇ ਦੱਸਿਆ ਕਿ ਦੋਸ਼ੀ ਸੋਸ਼ਲ ਮੀਡੀਆ ਪਲੇਟਫਾਰਮਾਂ 'ਤੇ ਜਾਅਲੀ ਖਾਤੇ ਬਣਾਉਂਦੇ ਸਨ, ਜੋ ਲੜਕੀਆਂ ਤੇ ਲੁਭਾਉਣ ਵਾਲੇ ਪੁਰਸ਼ ਸਨ, ਜਿਨ੍ਹਾਂ ਵਿੱਚ ਜ਼ਿਆਦਾਤਰ ਉੱਚ ਪੱਧਰੀ ਤੇ ਅਮੀਰ ਲੋਕ ਸਨ। ਉਨ੍ਹਾਂ ਦੱਸਿਆ ਕਿ ਮੁਲਜ਼ਮਾਂ ਨੇ 12 ਜਾਅਲੀ ਖਾਤੇ ਤੇ ਛੇ ਜਾਅਲੀ ਈਮੇਲ ਆਈਡੀ ਬਣਾਏ ਸਨ, ਜਿਨ੍ਹਾਂ ਦੀ ਵਰਤੋਂ ਲੋਕਾਂ ਨਾਲ ਦੋਸਤੀ ਕਰਨ ਲਈ ਕੀਤੀ ਜਾਂਦੀ ਸੀ।

ਮੁਲਜ਼ਮਾਂ ਨੇ ਪੁੱਛਗਿੱਛ ਦੌਰਾਨ ਇਹ ਵੀ ਦੱਸਿਆ ਕਿ ਉਨ੍ਹਾਂ ਨੇ ਲੋਕਾਂ ਦਾ ਵਿਸ਼ਵਾਸ ਜਿੱਤਣ ਲਈ 6-6 ਮਹੀਨਿਆਂ ਤੱਕ ਦੋਸਤੀ ਕਾਇਮ ਰੱਖੀ ਸੀ ਤੇ ਇੱਕ ਵਾਰ ਜਦੋਂ ਉਹ ਵਿਸ਼ਵਾਸ ਜਿੱਤ ਲੈਂਦੇ ਸਨ, ਉਹ ਵੀਡੀਓ ਕਾਲ ਕਰਦੇ ਸਨ ਤੇ ਫਿਰ ਉਨ੍ਹਾਂ ਨੂੰ ਕੱਪੜੇ ਉਤਾਰਨ ਲਈ ਕਿਹਾ ਜਾਂਦਾ ਸੀ। ਫਿਰ ਉਹ ਆਪਣੇ ਸ਼ਿਕਾਰ ਦਾ ਸਕ੍ਰੀਨਸ਼ਾਟ ਲੈਂਦੇ ਸਨ ਤੇ ਫਿਰ ਬਲੈਕਮੇਲਿੰਗ ਦਾ ਕੰਮ ਸ਼ੁਰੂ ਹੋ ਜਾਂਦਾ ਸੀ।

ਇਨ੍ਹਾਂ ਦੋਸ਼ੀਆਂ ਨੇ 100 ਤੋਂ ਵੱਧ ਏ-ਸੂਚੀਬੱਧ ਪ੍ਰਸਿੱਧ ਹਸਤੀਆਂ ਨੂੰ ਨਿਸ਼ਾਨਾ ਬਣਾਇਆ ਹੈ, ਜਿਨ੍ਹਾਂ ਵਿੱਚ ਬਾਲੀਵੁੱਡ ਦੇ ਮਸ਼ਹੂਰ ਅਦਾਕਾਰਾਂ ਦੇ ਨਾਮ ਵੀ ਸ਼ਾਮਲ ਹਨ। ਇਸ ਤੋਂ ਇਲਾਵਾ ਇਸ ਗਰੋਹ ਨੇ ਔਰਤ ਤੇ ਮਰਦ ਮਾਡਲਾਂ ਨੂੰ ਵੀ ਨਿਸ਼ਾਨਾ ਬਣਾਇਆ। ਇਹ ਗਰੋਹ ਜਿਆਦਾਤਰ ਇੰਸਟਾਗ੍ਰਾਮ 'ਤੇ ਸਰਗਰਮ ਰਹਿੰਦਾ ਰਿਹਾ ਹੈ।

ਵੀਡਿਓ ਵੀ ਵੇਚਦੇ ਸਨ
ਜਾਂਚ ਦੌਰਾਨ ਮੁਲਜ਼ਮਾਂ ਨੇ ਪੁਲਿਸ ਨੂੰ ਦੱਸਿਆ ਕਿ ਇਹ ਲੋਕ ਉਨ੍ਹਾਂ ਵੀਡੀਓਜ਼ ਦੇ ਆਧਾਰ 'ਤੇ ਆਪਣੇ ਸ਼ਿਕਾਰਾਂ ਨੂੰ ਬਲੈਕਮੇਲ ਕਰਕੇ ਪੈਸੇ ਇਕੱਠੇ ਕਰਦੇ ਸਨ ਤੇ ਫਿਰ ਉਹ ਟਵਿੱਟਰ 'ਤੇ ਡੀਐਮ ਰਾਹੀਂ ਉਨ੍ਹਾਂ ਵੀਡੀਓਜ਼ ਨੂੰ ਵੇਚਦੇ ਸਨ। ਪੁਲਿਸ ਨੇ ਦੱਸਿਆ ਕਿ ਇਹ ਲੋਕ ਟਵਿੱਟਰ 'ਤੇ ਉਨ੍ਹਾਂ ਵੀਡਿਓਜ਼ ਦੀਆਂ ਤਸਵੀਰਾਂ ਪੋਸਟ ਕਰਦੇ ਸਨ। ਇਸ ਤੋਂ ਬਾਅਦ, ਜਿਸ ਕਿਸੇ ਨੇ ਵੀ ਉਹ ਵੀਡਿਓ ਦੇਖਣੇ ਹੁੰਦੇ ਸਨ, ਉਹ ਉਨ੍ਹਾਂ ਨੂੰ ਸਿੱਧਾ ਸੁਨੇਹਾ ਭੇਜਦੇ ਸਨ ਤੇ ਫਿਰ ਇਹ ਲੋਕ ਹਰ ਵੀਡੀਓ ਦੇਖਣ ਲਈ ਚਾਰਜ ਵਸੂਲਦੇ ਸਨ।

ਸੈਕਸਟੌਰੇਸ਼ਨ ਦਾ ਨੇਪਾਲ ਕੁਨੈਕਸ਼ਨ
ਜਾਂਚ ਵਿੱਚ ਇਹ ਵੀ ਸਾਹਮਣੇ ਆਇਆ ਕਿ ਮੁਲਜ਼ਮਾਂ ਨੇ ਪੈਸੇ ਦੇ ਲੈਣ-ਦੇਣ ਲਈ ਨੇਪਾਲ ਸਥਿਤ ਬੈਂਕ ਦੇ ਖਾਤੇ ਦੀ ਵਰਤੋਂ ਕੀਤੀ ਸੀ। ਜਾਂਚ ਏਜੰਸੀਆਂ ਦੇ ਰਾਡਾਰ ਤੋਂ ਬਚਣ ਲਈ ਇਹ ਲੋਕ ਬਲੈਕਮੇਲ ਕਰਕੇ ਪ੍ਰਾਪਤ ਹੋਏ ਪੈਸੇ ਨੂੰ ਲੁਕਾਉਣ ਲਈ ਨੇਪਾਲ ਦੇ ਬੈਂਕ ਦਾ ਸਹਾਰਾ ਲੈਂਦੇ ਸਨ। ਉਹ ਜਾਣਦੇ ਹਨ ਕਿ ਜੇ ਪੁਲਿਸ ਨੂੰ ਪਤਾ ਲੱਗ ਗਿਆ ਤੇ ਬੈਂਕ ਖਾਤਾ ਭਾਰਤ ਦਾ ਹੋਇਆ, ਤਾਂ ਉਹ ਖਾਤਾ ਫ੍ਰੀਜ਼ ਕਰ ਦਿੱਤਾ ਜਾਵੇਗਾ ਤੇ ਪੈਸੇ ਉਪਲਬਧ ਨਹੀਂ ਹੋਣਗੇ। ਇਸ ਕਾਰਨ, ਭਾਰਤ ਦੇ ਖਾਤੇ ਤੋਂ ਇਲਾਵਾ, ਇਨ੍ਹਾਂ ਲੋਕਾਂ ਨੇ ਨੇਪਾਲ ਬੈਂਕ ਖਾਤੇ ਦਾ ਵੀ ਸਹਾਰਾ ਲਿਆ, ਜਿਸ ਤੋਂ ਉਹ ਆਪਣੇ ਸਾਰੇ ਪੈਸੇ ਜਮ੍ਹਾਂ ਕਰਵਾਉਂਦੇ ਸਨ. ਪੁਲਿਸ ਨੇ ਹੁਣ ਨੇਪਾਲ ਪ੍ਰਸ਼ਾਸਨ ਨੂੰ ਇਸ ਬਾਰੇ ਸੂਚਿਤ ਕਰ ਦਿੱਤਾ ਹੈ।