ਇਸ ਦੇਸ਼ ਨੇ ਭਾਰਤੀਆਂ ਲਈ ਖੋਲ੍ਹੇ ਦਰਵਾਜ਼ੇ, 2 ਨਵੇਂ ਵੀਜ਼ਾ ਪ੍ਰੋਗਰਾਮ ਕੀਤੇ ਜਾਰੀ
ਜੇਕਰ ਤੁਹਾਡਾ ਵੀ ਵਿਦੇਸ਼ ਜਾ ਕੇ ਕੰਮ ਕਰਨ ਦਾ ਸੁਫਨਾ ਹੈ ਤਾਂ ਤੁਸੀਂ ਇਸ ਦੇਸ਼ ਵਿੱਚ ਜਾ ਸਕਦੇ ਹੋ। ਇਸ ਦੇਸ਼ ਨੇ ਭਾਰਤੀਆਂ ਦੇ ਲਈ ਕੰਮ ਕਰਨ ਦੇ ਲਈ ਆਪਣੇ ਦਰਵਾਜ਼ੇ ਖੋਲੇ ਹਨ। ਜਿਸ ਦੇ ਚੱਲਦੇ ਦੋ ਵੀਜ਼ਾ ਪ੍ਰੋਗਰਾਮ ਜਾਰੀ ਕੀਤੇ ਗਏ ਹਨ।
Taiwan Visa For Indians: ਵਿਦੇਸ਼ ਵਿੱਚ ਜਾ ਕੇ ਕੰਮ ਕਰਨ ਵਾਲੇ ਭਾਰਤੀ ਨੌਜਵਾਨਾਂ ਦੇ ਲਈ ਚੰਗੀ ਖਬਰ ਹੈ। ਜੀ ਹਾਂ ਤਾਈਵਾਨ (Taiwan Visa) ਟੈਕਨਾਲੋਜੀ, ਇੰਜੀਨੀਅਰਿੰਗ ਅਤੇ ਹੋਰ ਪ੍ਰਮੁੱਖ ਖੇਤਰਾਂ ਵਿੱਚ ਅਹੁਦਿਆਂ ਨੂੰ ਭਰਨ ਲਈ ਹੁਨਰਮੰਦ ਭਾਰਤੀ ਕਾਮਿਆਂ ਨੂੰ ਆਕਰਸ਼ਿਤ ਕਰ ਰਿਹਾ ਹੈ। ਇਸ ਦੇ ਲਈ ਇਸ ਨੇ ਦੋ ਨਵੇਂ ਵੀਜ਼ਾ ਪ੍ਰੋਗਰਾਮ ਪੇਸ਼ ਕੀਤੇ ਹਨ।
2 ਨਵੇਂ ਵੀਜ਼ਾ ਪ੍ਰੋਗਰਾਮ ਕੀਤੇ ਜਾਰੀ
ਪਹਿਲਾ ਪ੍ਰੋਗਰਾਮ 'ਇੰਪਲਾਇਮੈਂਟ ਸੀਕਿੰਗ ਵੀਜ਼ਾ' (Employment Seeking Visa) ਅਤੇ ਦੂਜਾ 'ਤਾਈਵਾਨ ਇੰਪਲਾਇਮੈਂਟ ਗੋਲਡ ਕਾਰਡ' (Taiwan Employment Gold Card) ਹੈ। ਤਾਈਵਾਨੀ ਸਰਕਾਰ ਦੁਆਰਾ ਇਸ ਪਹਿਲਕਦਮੀ ਦਾ ਉਦੇਸ਼ ਹੁਨਰਮੰਦ ਪੇਸ਼ੇਵਰਾਂ ਦੀ ਵੱਧ ਰਹੀ ਮੰਗ ਨੂੰ ਸੰਬੋਧਿਤ ਕਰਨਾ ਅਤੇ ਦੇਸ਼ ਦੇ ਆਰਥਿਕ ਵਿਕਾਸ ਨੂੰ ਸਮਰਥਨ ਦੇਣ ਲਈ ਇਸਦੇ ਕਰਮਚਾਰੀਆਂ ਨੂੰ ਵਧਾਉਣਾ ਹੈ।
ਹਾਲ ਹੀ ਵਿੱਚ (30 ਦਸੰਬਰ, 2024 ਨੂੰ) ਭਾਰਤ ਵਿੱਚ ਤਾਈਵਾਨ ਦੇ ਅਧਿਕਾਰਤ ਐਕਸ ਹੈਂਡਲ ਰਾਹੀਂ ਇਸ ਸਬੰਧ ਵਿੱਚ ਜਾਣਕਾਰੀ ਦਿੱਤੀ ਗਈ ਹੈ। ਇਸ ਵਿੱਚ ਉਨ੍ਹਾਂ ਨੇ ਦੱਸਿਆ ਹੈ, “ਤਾਈਵਾਨ ਤਕਨੀਕੀ ਅਤੇ ਇੰਜੀਨੀਅਰਿੰਗ ਅਤੇ ਹੋਰ ਖੇਤਰਾਂ ਵਿੱਚ ਹੁਨਰਮੰਦ ਭਾਰਤੀ ਕਾਮਿਆਂ ਦਾ ਸੁਆਗਤ ਕਰ ਰਿਹਾ ਹੈ! 'ਇੰਪਲਾਇਮੈਂਟ ਸੀਕਿੰਗ ਵੀਜ਼ਾ' ਨਾਲ ਭਾਰਤੀ ਨਾਗਰਿਕ ਨੌਕਰੀ ਦੇ ਮੌਕਿਆਂ ਦੀ ਖੋਜ ਕਰ ਸਕਦੇ ਹਨ, ਜਦੋਂ ਕਿ 'ਤਾਈਵਾਨ ਇੰਪਲਾਇਮੈਂਟ ਗੋਲਡ ਕਾਰਡ' ਪੇਸ਼ੇਵਰਾਂ ਲਈ ਵੀਜ਼ਾ, ਵਰਕ ਪਰਮਿਟ ਅਤੇ ਰਿਹਾਇਸ਼ੀ ਪਰਮਿਟ ਪ੍ਰਦਾਨ ਕਰਦਾ ਹੈ। ਕਿਰਤ ਮੰਤਰਾਲਾ ਇਹ ਯਕੀਨੀ ਕਰਨ ਲਈ ਇੱਕ ਟ੍ਰਾਇਲ ਦਾ ਆਯੋਜਨ ਕਰ ਰਿਹਾ ਹੈ ਕਿ ਭਾਰਤੀ ਕਾਮੇ ਸੁਚਾਰੂ ਢੰਗ ਨਾਲ ਆ ਸਕਣ। ਨੌਕਰੀ ਦੇ ਮੌਕਿਆਂ ਅਤੇ ਵੀਜ਼ਾ ਲੋੜਾਂ ਬਾਰੇ ਵਧੇਰੇ ਜਾਣਕਾਰੀ ਲਈ ਤਾਈਵਾਨ ਦੇ ਕੌਂਸਲਰ ਮਾਮਲਿਆਂ ਦੇ ਬਿਊਰੋ ਅਤੇ ਰਾਸ਼ਟਰੀ ਵਿਕਾਸ ਕੌਂਸਲ ਦੀਆਂ ਅਧਿਕਾਰਤ ਵੈੱਬਸਾਈਟਾਂ 'ਤੇ ਜਾਓ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
