![ABP Premium](https://cdn.abplive.com/imagebank/Premium-ad-Icon.png)
Ticket Cancellation Charges: ਰੇਲ ਯਾਤਰੀਆਂ ਲਈ ਚੰਗੀ ਖ਼ਬਰ! ਵੇਟਿੰਗ-RAC ਟਿਕਟ ਕੈਂਸਲ ਕਰਵਾਉਣ 'ਤੇ ਹੁਣ ਰੇਲਵੇ ਨਹੀਂ ਕੱਟੇਗਾ ਮੋਟਾ ਪੈਸਾ
Ticket Cancellation Charges: IRCTC ਦੀ ਵੈੱਬਸਾਈਟ ਤੋਂ ਬੁੱਕ ਕੀਤੇ ਵੇਟਿੰਗ ਅਤੇ RAC ਟਿਕਟਾਂ ਨੂੰ ਰੱਦ ਕਰਨ ਦੀ ਸਥਿਤੀ ਵਿੱਚ, ਸੁਵਿਧਾ ਫੀਸ ਦੇ ਨਾਮ 'ਤੇ ਵੱਡੀ ਰਕਮ ਕੱਟੀ ਜਾਂਦੀ ਸੀ। ਪਰ ਹੁਣ ਲੋਕਾਂ ਨੂੰ ਇਸ ਤੋਂ ਰਾਹਤ ਮਿਲ ਗਈ ਹੈ।
![Ticket Cancellation Charges: ਰੇਲ ਯਾਤਰੀਆਂ ਲਈ ਚੰਗੀ ਖ਼ਬਰ! ਵੇਟਿੰਗ-RAC ਟਿਕਟ ਕੈਂਸਲ ਕਰਵਾਉਣ 'ਤੇ ਹੁਣ ਰੇਲਵੇ ਨਹੀਂ ਕੱਟੇਗਾ ਮੋਟਾ ਪੈਸਾ Train Ticket Cancellation Charges Railway charges only 60 rupees Ticket Cancellation Charges: ਰੇਲ ਯਾਤਰੀਆਂ ਲਈ ਚੰਗੀ ਖ਼ਬਰ! ਵੇਟਿੰਗ-RAC ਟਿਕਟ ਕੈਂਸਲ ਕਰਵਾਉਣ 'ਤੇ ਹੁਣ ਰੇਲਵੇ ਨਹੀਂ ਕੱਟੇਗਾ ਮੋਟਾ ਪੈਸਾ](https://feeds.abplive.com/onecms/images/uploaded-images/2024/04/24/fd0907c6799c2d3468b6b220c5180fff1713933158189647_original.png?impolicy=abp_cdn&imwidth=1200&height=675)
Ticket Cancellation Charges: ਰੇਲਵੇ ਯਾਤਰੀਆਂ ਨੂੰ ਵੱਡੀ ਰਾਹਤ ਮਿਲੀ ਹੈ। IRCTC ਦੀ ਵੈੱਬਸਾਈਟ ਤੋਂ ਬੁੱਕ ਕੀਤੇ ਵੇਟਿੰਗ ਅਤੇ RAC ਟਿਕਟਾਂ ਨੂੰ ਰੱਦ ਕਰਨ ਦੀ ਸਥਿਤੀ ਵਿੱਚ, ਸੁਵਿਧਾ ਫੀਸ ਦੇ ਨਾਮ 'ਤੇ ਵੱਡੀ ਰਕਮ ਕੱਟੀ ਜਾਂਦੀ ਸੀ। ਪਰ ਹੁਣ ਲੋਕਾਂ ਨੂੰ ਇਸ ਤੋਂ ਰਾਹਤ ਮਿਲ ਗਈ ਹੈ।
ਹੁਣ ਅਜਿਹੀਆਂ ਟਿਕਟਾਂ 'ਤੇ ਰੇਲਵੇ ਵਲੋਂ ਨਿਰਧਾਰਤ 60 ਰੁਪਏ ਪ੍ਰਤੀ ਯਾਤਰੀ ਦੀ ਕੈਂਸਲੇਸ਼ਨ ਫੀਸ ਹੀ ਵਸੂਲੀ ਜਾਵੇਗੀ। ਗਿਰੀਡੀਹ ਦੇ ਸੋਸ਼ਲ ਕਮ ਆਰਟੀਆਈ ਕਾਰਕੁੰਨ ਸੁਨੀਲ ਕੁਮਾਰ ਖੰਡੇਲਵਾਲ ਦੀ ਸ਼ਿਕਾਇਤ 'ਤੇ ਰੇਲਵੇ ਨੇ ਯਾਤਰੀਆਂ ਨੂੰ ਇਹ ਰਾਹਤ ਦੇਣ ਦਾ ਫੈਸਲਾ ਕੀਤਾ ਹੈ। ਇਸ ਨਾਲ ਪੂਰੇ ਦੇਸ਼ ਦੇ ਲੋਕਾਂ ਨੂੰ ਰਾਹਤ ਮਿਲੇਗੀ।
ਖੰਡੇਲਵਾਲ ਨੇ 12 ਅਪ੍ਰੈਲ ਨੂੰ ਰੇਲਵੇ ਪ੍ਰਸ਼ਾਸਨ ਨੂੰ ਆਈਆਰਸੀਟੀਸੀ ਵਲੋਂ ਟਿਕਟ ਕੈਂਸਲ ਕਰਨ 'ਤੇ ਵਸੂਲੀ ਜਾ ਰਹੀ ਮਨਮਾਨੀ ਫੀਸ ਬਾਰੇ ਪੱਤਰ ਭੇਜਿਆ ਸੀ। ਇਸ ਵਿੱਚ ਉਸ ਨੇ ਕਿਹਾ ਸੀ ਕਿ ਜੇਕਰ IRCTC ਦੀ ਵੈੱਬਸਾਈਟ ਰਾਹੀਂ ਬੁੱਕ ਕੀਤੀਆਂ ਵੇਟਿੰਗ ਟਿਕਟਾਂ ਦੀ ਪੁਸ਼ਟੀ ਨਹੀਂ ਹੁੰਦੀ ਹੈ, ਤਾਂ ਰੇਲਵੇ ਖੁਦ ਉਨ੍ਹਾਂ ਟਿਕਟਾਂ ਨੂੰ ਰੱਦ ਕਰ ਦਿੰਦਾ ਹੈ। ਨਾਲ ਹੀ ਸਾਡੇ ਦੁਆਰਾ ਅਦਾ ਕੀਤੀ ਰਕਮ ਦਾ ਇੱਕ ਵੱਡਾ ਹਿੱਸਾ ਸਰਵਿਸ ਚਾਰਜ ਵਜੋਂ ਕੱਟਿਆ ਜਾਂਦਾ ਹੈ।
ਇਹ ਵੀ ਪੜ੍ਹੋ: HighCourt on Banks: ਬੈਂਕ ਡਿਫਾਲਟਰਾਂ ਨੂੰ ਹਾਈਕੋਰਟ ਨੇ ਦਿੱਤੀ ਵੱਡੀ ਰਾਹਤ, ਬ੍ਰਾਂਚਾਂ ਨੂੰ ਜਾਰੀ ਕੀਤੇ ਆਹ ਹੁਕਮ
IRCTC ਨੇ ਕੀਤੀ ਵੱਡੀ ਕਾਰਵਾਈ
ਉਦਾਹਰਣ ਦੇ ਕੇ ਕਿਹਾ ਗਿਆ ਸੀ ਕਿ ਜੇਕਰ 190 ਰੁਪਏ ਵਿੱਚ ਬੁੱਕ ਕੀਤੀ ਵੇਟਿੰਗ ਟਿਕਟ ਦੀ ਪੁਸ਼ਟੀ ਨਹੀਂ ਹੁੰਦੀ ਹੈ, ਤਾਂ ਰੇਲਵੇ ਸਿਰਫ 95 ਰੁਪਏ ਵਾਪਸ ਕਰਦਾ ਹੈ। ਇਸ ਸ਼ਿਕਾਇਤ ਦੇ ਮੱਦੇਨਜ਼ਰ ਆਈਆਰਸੀਟੀਸੀ ਨੇ ਇਹ ਵੱਡੀ ਕਾਰਵਾਈ ਕੀਤੀ ਹੈ। ਆਈਆਰਸੀਟੀਸੀ ਦੇ ਮੈਨੇਜਿੰਗ ਡਾਇਰੈਕਟਰ ਨੇ ਖੰਡੇਲਵਾਲ ਨੂੰ 18 ਅਪ੍ਰੈਲ ਨੂੰ ਸੂਚਿਤ ਕੀਤਾ ਹੈ ਕਿ ਟਿਕਟ ਬੁਕਿੰਗ ਅਤੇ ਰਿਫੰਡ ਨਾਲ ਸਬੰਧਤ ਨੀਤੀ, ਫੈਸਲੇ ਅਤੇ ਨਿਯਮ ਭਾਰਤੀ ਰੇਲਵੇ ਦਾ ਵਿਸ਼ਾ ਹਨ। IRCTC ਰੇਲਵੇ ਵਲੋਂ ਬਣਾਏ ਗਏ ਨਿਯਮਾਂ ਦੀ ਪਾਲਣਾ ਕਰਨ ਲਈ ਪਾਬੰਦ ਹੈ।
ਉਨ੍ਹਾਂ ਨੇ ਅੱਗੇ ਕਿਹਾ ਕਿ ਪੂਰੀ ਤਰ੍ਹਾਂ ਵੇਟਿੰਗ ਲਿਸਟ ਹੋਣ ਦੇ ਮਾਮਲੇ ਵਿੱਚ, ਆਰਏਸੀ ਟਿਕਟ ਕਲਰਕਕੇਜ ਚਾਰਜ, ਭਾਰਤੀ ਰੇਲਵੇ ਨਿਯਮਾਂ ਅਨੁਸਾਰ ਪ੍ਰਤੀ ਯਾਤਰੀ 60 ਰੁਪਏ ਕੈਂਸਲੇਸ਼ਨ ਚਾਰਜ ਲਗਾਇਆ ਜਾਵੇਗਾ। ਆਈਆਰਸੀਟੀਸੀ ਦੇ ਮੈਨੇਜਿੰਗ ਡਾਇਰੈਕਟਰ ਨੇ ਖੰਡੇਲਵਾਲ ਦੇ ਸੁਝਾਅ ਦੀ ਬਹੁਤ ਸ਼ਲਾਘਾ ਕੀਤੀ ਹੈ। ਇਸ ਮਾਮਲੇ ਨੂੰ ਰੇਲਵੇ ਪ੍ਰਸ਼ਾਸਨ ਦੇ ਸਾਹਮਣੇ ਲਿਆਉਣ ਲਈ ਉਨ੍ਹਾਂ ਦਾ ਧੰਨਵਾਦ ਵੀ ਕੀਤਾ। ਇੱਥੇ ਖੰਡੇਲਵਾਲ ਨੇ ਮਾਮਲੇ ਦਾ ਨੋਟਿਸ ਲੈਂਦਿਆਂ ਤੁਰੰਤ ਕਾਰਵਾਈ ਕਰਨ ਲਈ ਰੇਲਵੇ ਪ੍ਰਸ਼ਾਸਨ ਦਾ ਧੰਨਵਾਦ ਕੀਤਾ ਹੈ।
ਇਹ ਵੀ ਪੜ੍ਹੋ: Big changes: ਗੈਸ ਸਿਲੰਡਰ ਤੋਂ ਲੈ ਕੇ ਬੈਂਕ ਚਾਰਜਿਜ਼ ਤੱਕ 1 ਮਈ ਤੋਂ ਹੋਣ ਜਾ ਰਹੇ ਇਹ ਵੱਡੇ ਬਦਲਾਅ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)