ਸਬਜ਼ੀਆਂ ਦੀਆਂ ਥੋਕ ਤੇ ਪ੍ਰਚੂਨ ਕੀਮਤਾਂ 'ਚ ਵੱਡਾ ਫਰਕ ਕਿਉਂ? ਸਰਕਾਰ ਹੋਈ ਚੌਕਸ

ਕੇਂਦਰ ਸਰਕਾਰ ਸਬਜ਼ੀਆਂ ਦੇ ਥੋਕ ਤੇ ਪ੍ਰਚੂਨ ਕੀਮਤਾਂ ਵਿੱਚ ਵੱਧ ਰਹੇ ਅੰਤਰ ਨੂੰ ਦੇਖਦਿਆਂ ਚੌਕਸ ਹੈ। ਖੁਰਾਕ ਮੰਤਰਾਲੇ ਨੇ ਇਸ ਬਾਰੇ ਸੂਬਿਆਂ ਨੂੰ ਚੇਤਾਵਨੀ ਦਿੱਤੀ ਹੈ ਤਾਂ ਜੋ ਕੀਮਤਾਂ ਬੇਕਾਬੂ ਨਾ ਹੋਣ। ਸੂਬਿਆਂ ਨੂੰ ਇੱਥੇ ਸਬਜ਼ੀਆਂ ਦੀ ਸਪਲਾਈ 'ਤੇ ਨਜ਼ਰ ਰੱਖਣ ਲਈ ਕਿਹਾ ਗਿਆ ਹੈ।

ਨਵੀਂ ਦਿੱਲੀ: ਥੋਕ ਬਾਜ਼ਾਰ ਦੀ ਤੁਲਨਾ ‘ਚ ਪ੍ਰਚੂਨ ਬਾਜ਼ਾਰ ਵਿੱਚ ਸਬਜ਼ੀਆਂ ਵਧੇਰੇ ਮਹਿੰਗੀ ਹੋਣ ਤੋਂ ਸਰਕਾਰ ਸੁਚੇਤ ਹੈ। ਪਿਛਲੇ ਕੁਝ ਦਿਨਾਂ ਤੋਂ ਆਲੂ, ਟਮਾਟਰ ਤੇ ਮੌਸਮੀ ਸਬਜ਼ੀਆਂ ਦੀਆਂ ਕੀਮਤਾਂ ਵਿੱਚ ਕਾਫ਼ੀ ਵਾਧਾ ਹੋ ਰਿਹਾ ਹੈ। ਆਲੂ 35 ਤੋਂ 40 ਰੁਪਏ ਤੇ ਟਮਾਟਰ 70 ਰੁਪਏ ਤੋਂ 90 ਰੁਪਏ ਕਿਲੋ ਵਿਕ ਰਹੇ ਹਨ। ਇਹ ਪ੍ਰਚੂਨ ਦੀਆਂ ਕੀਮਤਾਂ ਹਨ। ਥੋਕ ਮੰਡੀਆਂ ਵਿੱਚ ਉਨ੍ਹਾਂ ਦੀਆਂ ਕੀਮਤਾਂ ਕਾਫ਼ੀ ਘੱਟ ਹਨ। ਸਬਜ਼ੀਆਂ ਮਹਿੰਗੀ ਹੋਣ ਦਾ ਕਾਰਨ? ਟਮਾਟਰ ਥੋਕ ਮੰਡੀਆਂ ‘ਚ 18 ਤੋਂ 20 ਰੁਪਏ ਕਿੱਲੋ ਵਿੱਚ ਵਿਕ ਰਿਹਾ ਹੈ ਪਰ ਪ੍ਰਚੂਨ ਦੇ ਭਾਅ 50 ਤੋਂ 80 ਰੁਪਏ ਹੋ ਗਏ ਹਨ। ਸ਼ਿਮਲਾ ਮਿਰਚ ਦੀ ਥੋਕ ਕੀਮਤ 20 ਰੁਪਏ ਪ੍ਰਤੀ ਕਿੱਲੋ ਹੈ ਤੇ ਇਹ 50 ਤੋਂ 60 ਰੁਪਏ ਵਿੱਚ ਵਿਕ ਰਹੀ ਹੈ। ਪ੍ਰਚੂਨ ਦੁਕਾਨਦਾਰ ਡੀਜ਼ਲ ਦੀਆਂ ਕੀਮਤਾਂ ਵਿੱਚ ਵਾਧੇ ਤੇ ਥੋਕ ਬਾਜ਼ਾਰਾਂ ਵਿੱਚ ਸਬਜ਼ੀਆਂ ਦੀ ਘੱਟ ਆਮਦ ਦਾ ਕਾਰਨ ਦਰਸਾ ਰਹੇ ਹਨ। ਅਸਲ ਵਿੱਚ ਪ੍ਰਚੂਨ ਵਿਕਰੇਤਾ ਇਸ ਸਮੇਂ ਸਥਿਤੀ ਦਾ ਲਾਭ ਲੈ ਰਹੇ ਹਨ। ਪ੍ਰਚੂਨ ਦੁਕਾਨਦਾਰ ਇਸ ਦੇ ਲਈ ਸਬਜ਼ੀਆਂ ਦੀਆਂ ਵਧੀਆਂ ਕੀਮਤਾਂ ਨੂੰ ਜ਼ਿੰਮੇਵਾਰ ਠਹਿਰਾ ਰਹੇ ਹਨ। ਉਹ ਕਹਿੰਦਾ ਹੈ ਕਿ ਡੀਜ਼ਲ ਮਹਿੰਗਾ ਹੋਣ ਕਾਰਨ ਆਵਾਜਾਈ ਦਾ ਖਰਚਾ ਵਧਿਆ ਹੈ। ਲਾਗਤ ਕੱਣ ਲਈ ਸਬਜ਼ੀਆਂ ਮਹਿੰਗੇ ਵੇਚਣੀਆਂ ਪੈਂਦੀਆਂ ਹਨ। ਦੇਸ਼ ਦੇ ਕੁਝ ਹਿੱਸਿਆਂ ਵਿੱਚ ਮੌਨਸੂਨ ਦੀ ਬਹੁਤ ਜ਼ਿਆਦਾ ਬਾਰਸ਼ ਕਾਰਨ ਸੜਕਾਂ ਬੰਦ ਹੋ ਗਈਆਂ ਹਨ। ਇਸ ਦਾ ਅਸਰ ਸਬਜ਼ੀਆਂ ਦੀ ਢੋਹ-ਢੁਆਈ ‘ਤੇ ਵੀ ਪਿਆ ਹੈ। ਕੁਝ ਥੋਕ ਦੁਕਾਨਦਾਰ ਮੌਨਸੂਨ ਤੋਂ ਪੈਦਾ ਹੋਣ ਵਾਲੀਆਂ ਸਬਜ਼ੀਆਂ ਦੀ ਘਾਟ ਦਾ ਲਾਭ ਲੈਣ ਕੇ ਜਮਾਖੋਰੀ ਕਰ ਰਹੇ ਹਨ ਜਿਸ ਕਰਕੇ ਸਬਜ਼ੀਆਂ ਮਹਿੰਗੀਆਂ ਹੋ ਰਹੀਆਂ ਹਨ। ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ: https://play.google.com/store/apps/details?id=com.winit.starnews.hin https://apps.apple.com/in/app/abp-live-news/id811114904