AC ਵੀ ਚਲਾਓ ਤੇ ਬਿਜਲੀ ਦਾ ਬਿੱਲ ਵੀ ਘੱਟ ਪਾਓ! ਇੰਝ ਹੋਏਗੀ ਮੋਟੀ ਬੱਚਤ

ਹਰ ਕੋਈ ਸੋਚਦਾ ਹੈ ਕਿ ਕੰਮ ਵੀ ਪ੍ਰਭਾਵਿਤ ਨਾ ਹੋਵੇ ਤੇ ਬਿਜਲੀ ਦਾ ਬਿੱਲ ਵੀ ਘੱਟ ਹੋਵੇ। ਕੁਝ ਗੱਲਾਂ ਦਾ ਧਿਆਨ ਰੱਖ ਕੇ ਏਸੀ ਦਾ ਬਿੱਲ ਘੱਟ ਕੀਤਾ ਜਾ ਸਕਦਾ ਹੈ।

ਚੰਡੀਗੜ੍ਹ: ਬਿਜਲੀ ਦਾ ਬਿੱਲ ਦੇਖ ਕੇ ਹਰ ਇੱਕ ਦੀ ਚਿੰਤਾ ਵਧ ਜਾਂਦੀ ਹੈ ਪਰ ਅਜੋਕੇ ਦੌਰ 'ਚ ਹਰ ਕੰਮ ਬਿਜਲੀ ਨਾਲ ਹੀ ਸੰਭਵ ਹੈ। ਜਿਵੇਂ ਪੱਖਾ, ਫਰਿੱਜ, ਟੀਵੀ, ਵਾਟਰ ਫਿਲਟਰ, ਵਾਸ਼ਿੰਗ ਮਸ਼ੀਨ, ਕੂਲਰ, ਏਸੀ ਆਦਿ ਹਰ ਘਰ ਦੀ ਲੋੜ ਹੈ। ਇਨ੍ਹਾਂ ਤੋਂ ਬਿਨਾਂ ਰੋਜ਼ ਦੇ ਕੰਮ ਮੁਸ਼ਕਲ ਹਨ। ਗਰਮੀਆਂ ਵਿੱਚ ਏਸੀ ਅਕਸਰ ਬਿੱਲ ਨੂੰ ਕਈ ਗੁਣਾ ਵਧਾ ਦਿੰਦਾ ਹੈ।

ਹਰ ਕੋਈ ਸੋਚਦਾ ਹੈ ਕਿ ਕੰਮ ਵੀ ਪ੍ਰਭਾਵਿਤ ਨਾ ਹੋਵੇ ਤੇ ਬਿਜਲੀ ਦਾ ਬਿੱਲ ਵੀ ਘੱਟ ਹੋਵੇ। ਕੁਝ ਗੱਲਾਂ ਦਾ ਧਿਆਨ ਰੱਖ ਕੇ ਏਸੀ ਦਾ ਬਿੱਲ ਘੱਟ ਕੀਤਾ ਜਾ ਸਕਦਾ ਹੈ।

1. ਏਸੀ ਨਾਲ ਪੱਖਾ ਚਲਾ ਲੈਣਾ ਚਾਹੀਦਾ ਹੈ ਤਾਂ ਜੋ ਪੂਰੇ ਕਮਰੇ 'ਚ ਠੰਢੀ ਹਵਾ ਫੈਲ ਸਕੇ।

2. ਏਸੀ ਬਹੁਤ ਘੱਟ ਤਾਪਮਾਨ 'ਤੇ ਨਾ ਚਲਾਓ। 25 ਡਿਗਰੀ 'ਤੇ ਚਲਾਉਣ ਨਾਲ ਘੱਟ ਖਰਚ 'ਚ ਸਹੀ ਤਾਪਮਾਨ ਮਿਲੇਗਾ।

3. ਦਰਵਾਜ਼ੇ ਤੇ ਖਿੜਕੀ ਦੀ ਪੈਕਿੰਗ ਚੰਗੀ ਤਰ੍ਹਾਂ ਹੋਣੀ ਚਾਹੀਦੀ ਹੈ।

4. ਖਿੜਕੀਆਂ 'ਤੇ ਪਰਦੇ ਜਾਂ ਸਨ ਫ਼ਿਲਮ ਆਦਿ ਲਾ ਕੇ ਰੱਖਣੀ ਚਾਹੀਦੀ ਹੈ।

5. ਏਸੀ ਦੇ ਥਰਮੋਸਟੇਟ ਕੋਲ ਲੈਂਪ ਜਾਂ ਟੀਵੀ ਆਦਿ ਨਹੀਂ ਹੋਣੇ ਚਾਹੀਦੇ। ਥਰਮੋਸਟੇਟ ਉਨ੍ਹਾਂ ਦੀ ਗਰਮੀ ਸੈਂਸ ਕਰਦਾ ਹੈ ਤੇ AC ਲਗਾਤਾਰ ਚੱਲਦਾ ਰਹਿੰਦਾ ਹੈ।

6. AC 'ਤੇ ਸਿੱਧੀ ਧੁੱਪ ਨਹੀਂ ਡਿੱਗਣੀ ਚਾਹੀਦੀ। ਛਾਂ 'ਚ ਰੱਖੇ AC ਦਾ ਬਿੱਲ 10 ਫੀਸਦ ਘੱਟ ਆਉਂਦਾ ਹੈ।

7. AC ਤੋਂ ਨਿਕਲਣ ਵਾਲੇ ਪਾਣੀ ਦਾ ਪਾਈਪ ਇਸ ਤਰ੍ਹਾਂ ਛੱਡੋ ਕਿ ਉਸ 'ਚ ਪਾਣੀ ਰੁਕੇ ਨਾ।

8. AC ਦੇ ਫਿਲਟਰ ਲਗਾਤਾਰ ਸਾਫ਼ ਕਰਨੇ ਚਾਹੀਦੇ ਹਨ। ਫਿਲਟਰ ਗੰਦਾ ਹੋਣ 'ਤੇ AC 'ਚ ਬਿਜਲੀ ਦੀ ਖਪਤ ਵਧ ਜਾਂਦੀ ਹੈ।

9. ਜੇਕਰ AC ਵੱਧ ਪੁਰਾਣਾ ਹੋਵੇ ਤਾਂ ਨਵਾਂ ਸਟਾਰ ਰੇਟੇਡ AC ਖਰੀਦ ਲੈਣਾ ਚਾਹੀਦਾ ਹੈ। ਬਿਜਲੀ ਦਾ ਬਿੱਲ ਘੱਟ ਕਰਕੇ ਇਹ ਜਲਦੀ ਭਰਪਾਈ ਕਰ ਦਿੰਦਾ ਹੈ।

10 AC ਦੇ ਪਲੱਗ ਕੱਢੇ ਨਹੀਂ ਜਾਂਦੇ। ਜੇਕਰ ਪਲੱਗ ਲੱਗਾ ਹੋਵੇ ਤਾਂ ਸਵਿੱਚ ਬੰਦ ਹੋਣ 'ਤੇ ਵੀ ਬਿਜਲੀ ਖਾਂਦੇ ਹਨ। ਇਨ੍ਹਾਂ ਦੇ ਸਵਿੱਚ ਬੰਦ ਹੋਣ ਤੇ ਵੀ ਪਲੱਗ ਲੱਗੇ ਹੋਣ ਨਾਲ ਨਿਊਟ੍ਰਲ ਵਾਇਰ ਜ਼ਰੀਏ ਇਲੈਕਟ੍ਰੀਸਿਟੀ ਲੈਂਦੇ ਰਹਿੰਦੇ ਹਨ। ਪਲੱਗ ਕੱਢ ਦੇਣਾ ਚਾਹੀਦਾ ਹੈ ਨਹੀਂ ਤਾਂ ਬਿਜਲੀ ਦਾ ਬਿੱਲ ਵਧਾਉਂਦੇ ਰਹਿੰਦੇ ਹਨ।

ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਏਬੀਪੀ ਸਾਂਝਾ ਦੀ ਐਪ ਹੁਣੇ ਕਰੋ ਡਾਊਨਲੋਡ