ਪਟਿਆਲਾ ਦੀ ਰਾਓ ਨਦੀ 'ਚ ਰੁੜ੍ਹੀ ਮਹਿਲਾ ਪੰਚ ਦੀ ਲਾਸ਼ ਪਿੰਡ ਝਾਮਪੁਰ ਤੋਂ ਬਰਾਮਦ, ਪਤੀ ਅਜੇ ਵੀ ਲਾਪਤਾ

ਨਵਾਂ ਗਾਓਂ ਨੇੜੇ ਪਟਿਆਲਾ ਦੀ ਰਾਓ ਨਦੀ ਵਿਚ ਐਤਵਾਰ ਨੂੰ ਤੇਜ਼ ਮੀਂਹ ਦੇ ਬਾਅਦ ਆਏ ਹੜ੍ਹ ਵਿਚ ਬਹੀ ਕਾਨੇ ਦੇ ਬਾੜੇ ਦੀ ਪੰਚ ਸੁਨੀਤਾ ਦੀ ਲਾਸ਼ ਸੋਮਵਾਰ ਨੂੰ ਪਿੰਡ ਝਾਮਪੁਰ ਤੋਂ ਬਰਾਮਦ ਕੀਤੀ ਗਈ ਹੈ।

Woman panch death

ਨਵਾਂ ਗਾਓਂ : ਨਵਾਂ ਗਾਓਂ ਨੇੜੇ ਪਟਿਆਲਾ ਦੀ ਰਾਓ ਨਦੀ ਵਿਚ ਐਤਵਾਰ ਨੂੰ ਤੇਜ਼ ਮੀਂਹ ਦੇ ਬਾਅਦ ਆਏ ਹੜ੍ਹ ਵਿਚ ਬਹੀ ਕਾਨੇ ਦੇ ਬਾੜੇ ਦੀ ਪੰਚ ਸੁਨੀਤਾ ਦੀ ਲਾਸ਼ ਸੋਮਵਾਰ ਨੂੰ ਪਿੰਡ ਝਾਮਪੁਰ ਤੋਂ ਬਰਾਮਦ ਕੀਤੀ ਗਈ ਹੈ। ਹਾਲਾਂਕਿ ਅਜੇ ਤੱਕ ਉਨ੍ਹਾਂ ਦੇ ਪਿਤਾ ਸੱਜਣ ਸਿੰਘ ਦਾ ਕੋਈ ਸੁਰਾਗ ਨਹੀਂ ਲੱਗਿਆ ਹੈ। ਗੁੱਸੇ 'ਚ ਆਏ ਲੋਕਾਂ ਨੇ ਸੁਨੀਤਾ ਦੀ ਲਾਸ਼ ਨੂੰ ਨਗਰ ਕੌਂਸਲ ਨਵਾਂਗਾਓਂ ਦੇ ਬਾਹਰ ਰੱਖ ਕੇ ਪ੍ਰਦਰਸ਼ਨ ਸ਼ੁਰੂ ਕਰ ਦਿੱਤਾ ਹੈ। ਪ੍ਰਸ਼ਾਸਨ ਨੇ ਹੁਣ ਮਦਦ ਲਈ NDRF ਟੀਮ ਨੂੰ ਬੁਲਾਇਆ ਹੈ।

ਐਤਵਾਰ ਸ਼ਾਮ ਨੂੰ ਪਹਾੜਾਂ 'ਤੇ ਪਏ ਭਾਰੀ ਮੀਂਹ ਤੋਂ ਬਾਅਦ ਪਟਿਆਲਾ ਦੀ ਰਾਓ 'ਚ ਹੜ ਆ ਗਿਆ ਸੀ। ਇਸ ਦੌਰਾਨ ਪੰਚ ਸੁਨੀਤਾ ਅਤੇ ਉਸ ਦੇ ਪਤੀ ਸੱਜਣ ਸਿੰਘ ਸਮੇਤ 8 ਵਿਅਕਤੀ ਦਰਿਆ ਪਾਰ ਕਰਦੇ ਸਮੇਂ ਰੁੜ੍ਹ ਗਏ। ਇਸ ਵਿੱਚੋਂ 6 ਵਿਅਕਤੀਆਂ ਨੂੰ ਤਾਂ ਬਚਾ ਲਿਆ ਗਿਆ ਪਰ ਪੰਚ ਅਤੇ ਉਸ ਦੇ ਪਤੀ ਦਾ ਕੋਈ ਸੁਰਾਗ ਨਹੀਂ ਮਿਲਿਆ।

 

ਪਿੰਡ ਵਾਸੀ ਐਤਵਾਰ ਨੂੰ ਸਾਰੀ ਰਾਤ ਨਦੀ ਵਿੱਚ ਦੋਵਾਂ ਦੀ ਭਾਲ ਕਰਦੇ ਰਹੇ। ਸੁਨੀਤਾ ਦੀ ਲਾਸ਼ ਸੋਮਵਾਰ ਦੁਪਹਿਰ ਕਰੀਬ 12 ਵਜੇ ਪਿੰਡ ਤੋਂ 35 ਕਿਲੋਮੀਟਰ ਦੂਰ ਝਾਮਪੁਰ 'ਚ ਨਦੀ 'ਚੋਂ ਬਰਾਮਦ ਹੋਈ। ਪ੍ਰਸ਼ਾਸਨ ਦੀ ਕੋਈ ਟੀਮ ਮਦਦ ਲਈ ਉੱਥੇ ਨਹੀਂ ਪਹੁੰਚੀ। ਇਸ ਮਗਰੋਂ ਲੋਕਾਂ ਨੇ ਬੜੀ ਮੁਸ਼ਕਲ ਨਾਲ ਲਾਸ਼ ਨੂੰ ਨਦੀ ਵਿੱਚੋਂ ਕੱਢ ਕੇ ਨਵਾਂਗਾਓਂ ਲਿਆਂਦਾ ਅਤੇ ਕੌਂਸਲ ਦਫ਼ਤਰ ਦੇ ਬਾਹਰ ਲਾਸ਼ ਰੱਖ ਕੇ ਰੋਸ ਪ੍ਰਦਰਸ਼ਨ ਸ਼ੁਰੂ ਕਰ ਦਿੱਤਾ।

ਲੋਕਾਂ ਦਾ ਦੋਸ਼ ਹੈ ਕਿ ਪ੍ਰਸ਼ਾਸਨ ਲੋਕਾਂ ਦੀ ਜ਼ਿੰਦਗੀ ਪ੍ਰਤੀ ਗੰਭੀਰ ਨਹੀਂ ਹੈ। ਦੋ ਮਹੀਨਿਆਂ ਵਿੱਚ 4 ਲੋਕਾਂ ਦੀ ਜਾਨ ਜਾ ਚੁੱਕੀ ਹੈ ਪਰ ਅਜੇ ਤੱਕ ਉਥੇ ਲੋਕਾਂ ਦੀ ਸੁਰੱਖਿਆ ਲਈ ਕੋਈ ਆਰਜ਼ੀ ਪ੍ਰਬੰਧ ਨਹੀਂ ਕੀਤੇ ਗਏ ਹਨ। ਲੋਕਾਂ ਨੇ ਦੋਸ਼ ਲਾਇਆ ਸੀ ਕਿ ਜੇਕਰ ਚੰਡੀਗੜ੍ਹ ਨੇੜੇ ਪੈਂਦੇ ਪਿੰਡ ਦੀ ਇਹ ਹਾਲਤ ਹੈ ਤਾਂ ਪੰਜਾਬ ਦਾ ਕੀ ਹਾਲ ਹੋਵੇਗਾ। ਲੋਕਾਂ ਦਾ ਕਹਿਣਾ ਹੈ ਕਿ ਜੇਕਰ ਲੋੜ ਪਈ ਤਾਂ ਉਹ ਸੀਐੱਮ ਹਾਊਸ ਦਾ ਘਿਰਾਓ ਵੀ ਕਰਨਗੇ ਅਤੇ ਮਾਮਲਾ ਹਾਈਕੋਰਟ 'ਚ ਲੈ ਕੇ ਜਾਣਗੇ।