ਫ਼ਿਰੋਜ਼ਪੁਰ 'ਚ ਗਲਘੋਟੂ ਬਿਮਾਰੀ ਕਾਰਨ ਹੋਈ ਪਹਿਲੀ ਮੌਤ, WHO ਦੀ ਪਹੁੰਚੀ ਟੀਮ, 8 ਟੀਮਾਂ ਸਰਵੇ 'ਚ ਜੁਟੀਆਂ, 200 ਘਰਾਂ 'ਚ ਜਾਂਚ
ਡਾਕਟਰ ਯੁਵਰਾਜ ਨਾਰੰਗ ਦਾ ਕਹਿਣਾ ਹੈ ਕਿ ਗਲਘੋਟੂ ਯਾਨੀ ਡਿਪਥੀਰੀਆ ਇੱਕ ਉਮਰ-ਸੰਬੰਧੀ ਛੂਤ ਦੀ ਬਿਮਾਰੀ ਹੈ, ਜੋ ਕਿ 2 ਤੋਂ 10 ਸਾਲ ਦੀ ਉਮਰ ਦੇ ਬੱਚਿਆਂ ਵਿੱਚ ਜ਼ਿਆਦਾ ਹੁੰਦੀ ਹੈ, ਹਾਲਾਂਕਿ ਇਹ ਬਿਮਾਰੀ 20 ਸਾਲ ਤੱਕ ਦੇ ਲੋਕਾਂ ਵਿੱਚ ਵੀ ਹੋ ਸਕਦੀ ਹੈ। ਇਹ ਬਿਮਾਰੀ ਗਲੇ ਵਿੱਚ ਹੁੰਦੀ ਹੈ
Punjab NEws: ਫ਼ਿਰੋਜ਼ਪੁਰ ਵਿੱਚ ਇੱਕ ਹੋਰ ਜਾਨਲੇਵਾ ਬਿਮਾਰੀ ਫੈਲ ਗਈ ਹੈ, ਇਸ ਬਿਮਾਰੀ ਦਾ ਨਾਮ ਗਲਘੋਟੂ ਬਿਮਾਰੀ ਦੱਸਿਆ ਜਾ ਰਿਹਾ ਹੈ, ਫ਼ਿਰੋਜ਼ਪੁਰ ਵਿੱਚ ਇਸ ਬਿਮਾਰੀ ਨਾਲ ਪਹਿਲੀ ਮੌਤ ਹੋ ਗਈ ਹੈ, ਜਿਸ ਕਾਰਨ ਸਿਹਤ ਅਧਿਕਾਰੀ ਵੀ ਦਹਿਸ਼ਤ ਵਿੱਚ ਹਨ। ਬਿਮਾਰੀ ਦੀ ਜਾਂਚ ਲਈ ਸਿਹਤ ਸੰਗਠਨ ਦੀ ਟੀਮ ਫ਼ਿਰੋਜ਼ਪੁਰ ਪਹੁੰਚ ਗਈ ਹੈ। ਬਿਮਾਰੀ ਕਾਰਨ ਹੋਈ ਮੌਤ ਦੀ ਪੁਸ਼ਟੀ ਸਿਵਲ ਸਰਜਨ ਫ਼ਿਰੋਜ਼ਪੁਰ ਰਾਜਵਿੰਦਰ ਕੌਰ ਨੇ ਕੀਤੀ ਹੈ।
ਜਾਣਕਾਰੀ ਅਨੁਸਾਰ ਮਰਨ ਵਾਲੀ ਤਿੰਨ ਸਾਲਾ ਬੱਚੀ ਦੇ ਪਿਤਾ ਦਾ ਨਾਂਅ ਜਗਤਾਰ ਸਿੰਘ ਹੈ ਅਤੇ ਉਹ ਫ਼ਿਰੋਜ਼ਪੁਰ ਸ਼ਹਿਰ ਦੀ ਆਵਾ ਵਾਲੀ ਕਲੋਨੀ ਦਾ ਵਸਨੀਕ ਹੈ, ਬੱਚੀ 8 ਅਕਤੂਬਰ ਨੂੰ ਫ਼ਰੀਦਕੋਟ ਵਿਖੇ ਹੀ ਦਮ ਤੋੜ ਦਿੱਤਾ ਸੀ। ਲੜਕੀ ਦੀ ਮੌਤ ਤੋਂ ਬਾਅਦ ਇਲਾਕੇ ਦੇ ਲੋਕਾਂ 'ਚ ਦਹਿਸ਼ਤ ਦਾ ਮਾਹੌਲ ਹੈ। ਹਰ ਪਰਿਵਾਰ ਇਸ ਡਰ ਵਿੱਚ ਜੀਅ ਰਿਹਾ ਹੈ ਕਿ ਉਨ੍ਹਾਂ ਦੇ ਬੱਚੇ ਵੀ ਇਸ ਬਿਮਾਰੀ ਦਾ ਸ਼ਿਕਾਰ ਹੋ ਸਕਦੇ ਹਨ, ਜਿਸ ਇਲਾਕੇ ਵਿੱਚ ਲੜਕੀ ਦੀ ਮੌਤ ਹੋਈ ਹੈ, ਉੱਥੇ ਇੱਕ ਹੋਰ ਲੜਕੀ ਵੀ ਇਸ ਬਿਮਾਰੀ ਦਾ ਸ਼ੱਕੀ ਹਾਲਤ ਵਿੱਚ ਪਾਈ ਗਈ ਹੈ, ਪਰ ਉਸ ਦੇ ਸੈਂਪਲ ਦੀ ਰਿਪੋਰਟ ਨੈਗੇਟਿਵ ਆਈ ਹੈ।
ਡਾਕਟਰ ਨੇ ਦੱਸਿਆ ਕਿ ਉਨ੍ਹਾਂ ਵੱਲੋਂ ਇਸ ਬਿਮਾਰੀ ਦੀ ਜਾਂਚ ਲਈ ਸਰਵੇ ਕੀਤਾ ਜਾ ਰਿਹਾ ਹੈ, ਇਹ ਸਰਵੇ ਬਸਤੀ ਆਵਾ ਅਤੇ ਬਸਤੀ ਬੋਰੀਆਂ ਵਾਲੀ ਵਿੱਚ ਕੀਤਾ ਜਾ ਰਿਹਾ ਹੈ, ਇਸ ਕੰਮ ਵਿੱਚ ਵਿਭਾਗ ਦੀਆਂ ਅੱਠ ਟੀਮਾਂ ਲੱਗੀਆਂ ਹੋਈਆਂ ਹਨ, ਜਿਸ ਵਿੱਚ ਕੁੱਲ 24 ਮੈਂਬਰ ਕੰਮ ਕਰ ਰਹੇ ਹਨ। ਹੁਣ ਤੱਕ ਦੋਵਾਂ ਬਸਤੀਆਂ ਦੇ 200 ਘਰਾਂ 'ਚ ਜਾਂਚ ਕੀਤੀ ਜਾ ਚੁੱਕੀ ਹੈ, ਛੁੱਟੀ ਵਾਲੇ ਦਿਨ ਵੀ ਟੀਮ ਇਲਾਕੇ 'ਚ ਕੰਮ ਕਰ ਰਹੀ ਹੈ, ਜਿਸ ਪਰਿਵਾਰ ਦੀ ਲੜਕੀ ਦੀ ਮੌਤ ਹੋਈ ਹੈ, ਉਸ ਪਰਿਵਾਰ 'ਚ ਦੋ ਹੋਰ ਬੱਚੇ ਹਨ।
ਬੱਚੇ ਹੁੰਦੇ ਨੇ ਇਸ ਬਿਮਾਰੀ ਤੋਂ ਜ਼ਿਆਦਾ ਪੀੜਤ
ਡਾਕਟਰ ਯੁਵਰਾਜ ਨਾਰੰਗ ਦਾ ਕਹਿਣਾ ਹੈ ਕਿ ਗਲਘੋਟੂ ਯਾਨੀ ਡਿਪਥੀਰੀਆ ਇੱਕ ਉਮਰ-ਸੰਬੰਧੀ ਛੂਤ ਦੀ ਬਿਮਾਰੀ ਹੈ, ਜੋ ਕਿ 2 ਤੋਂ 10 ਸਾਲ ਦੀ ਉਮਰ ਦੇ ਬੱਚਿਆਂ ਵਿੱਚ ਜ਼ਿਆਦਾ ਹੁੰਦੀ ਹੈ, ਹਾਲਾਂਕਿ ਇਹ ਬਿਮਾਰੀ 20 ਸਾਲ ਤੱਕ ਦੇ ਲੋਕਾਂ ਵਿੱਚ ਵੀ ਹੋ ਸਕਦੀ ਹੈ। ਇਹ ਬਿਮਾਰੀ ਗਲੇ ਵਿੱਚ ਹੁੰਦੀ ਹੈ, ਇਹ ਗਲੇ, ਨੱਕ, ਅੱਖਾਂ ਅਤੇ ਜਣਨ ਅੰਗਾਂ ਨੂੰ ਵੀ ਪ੍ਰਭਾਵਿਤ ਕਰ ਸਕਦੀ ਹੈ।
ਕਿਉਂ ਹੁੰਦੀ ਹੈ ਇਹ ਬਿਮਾਰੀ
ਇਸ ਬਿਮਾਰੀ ਦਾ ਕਾਰਨ ਕੋਰੀਨ ਬੈਕਟੀਰਿਅਮ ਡਿਪਥੀਰੀਆ ਨਾਮਕ ਬੈਕਟੀਰੀਆ ਹੈ, ਇਹ ਇਨਫੈਕਸ਼ਨ ਬੱਚਿਆਂ ਦੇ ਸਰੀਰ ਵਿੱਚ ਪੈਨਸਿਲ, ਪੈਨ ਆਦਿ ਚੀਜ਼ਾਂ ਨੂੰ ਇੱਕ ਦੂਜੇ ਦੇ ਮੂੰਹ ਵਿੱਚ ਪਾਉਣ ਨਾਲ ਹੁੰਦਾ ਹੈ। ਇਸ ਕਾਰਨ ਗਲੇ ਵਿੱਚ ਝਿੱਲੀ ਬਣਨ ਲੱਗਦੀ ਹੈ, ਇਹ ਬੈਕਟੀਰੀਆ ਬਲਗਮ ਰਾਹੀਂ ਇੱਕ ਵਿਅਕਤੀ ਤੋਂ ਦੂਜੇ ਵਿਅਕਤੀ ਵਿੱਚ ਫੈਲਦਾ ਹੈ। ਇਸ ਦੇ ਸਰੀਰ 'ਤੇ ਖਤਰਨਾਕ ਪ੍ਰਭਾਵ ਹੁੰਦੇ ਹਨ, ਇਹ ਦਿਲ ਦੀਆਂ ਮਾਸਪੇਸ਼ੀਆਂ ਵਿੱਚ ਸੋਜ ਦਾ ਕਾਰਨ ਬਣ ਸਕਦਾ ਹੈ ਅਤੇ ਦਿਮਾਗੀ ਪ੍ਰਣਾਲੀ ਦੀ ਖਰਾਬੀ ਦਾ ਕਾਰਨ ਵੀ ਬਣ ਸਕਦਾ ਹੈ।
Before You Go
Punjab Band | Bandi Singh ਬੰਦੀ ਸਿੰਘਾਂ ਨਾਲ ਧੱਕਾ ਕਿਉਂ?' ਪ੍ਰੋ. ਬਲਜਿੰਦਰ ਸਿੰਘ ਨੇ ਸਰਕਾਰ ਨੂੰ ਘੇਰਿਆ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
