ਅਰਦਾਸ ਮੌਕੇ ਫਾਈਰਿੰਗ ਕਰਨ ਵਾਲਾ ਗ੍ਰੰਥੀ ਮੋਗਾ ਗੁਰਦੁਆਰੇ ਦਾ ਮੈਨੇਜਰ

ਅਰਦਾਸ ਮੌਕੇ ‘ਬੋਲੇ ਸੋ ਨਿਹਾਲ’ ਦੇ ਜੈਕਾਰਿਆਂ ਤੋਂ ਬਾਅਦ ਫਾਈਰਿੰਗ ਕਰਨ ਵਾਲੇ ਗ੍ਰੰਥੀ ਦਾ ਪਤਾ ਲੱਗ ਗਿਆ ਹੈ। ਗ੍ਰੰਥੀ ਰਜਿੰਦਰ ਸਿੰਘ ਮੋਗਾ ਦ ਪਿੰਡ ਤਖਤੂਪੁਰਾ ਦੇ ਗੁਰਦੁਆਰਾ ਸਾਹਿਬ ਦਾ ਮੈਨੇਜਰ ਹੈ।

ਕਪੂਰਥਲਾ: ਅਰਦਾਸ ਮੌਕੇ ‘ਬੋਲੇ ਸੋ ਨਿਹਾਲ’ ਦੇ ਜੈਕਾਰਿਆਂ ਤੋਂ ਬਾਅਦ ਫਾਈਰਿੰਗ ਕਰਨ ਵਾਲੇ ਗ੍ਰੰਥੀ ਦਾ ਪਤਾ ਲੱਗ ਗਿਆ ਹੈ। ਗ੍ਰੰਥੀ ਰਜਿੰਦਰ ਸਿੰਘ ਮੋਗਾ ਦ ਪਿੰਡ ਤਖਤੂਪੁਰਾ ਦੇ ਗੁਰਦੁਆਰਾ ਸਾਹਿਬ ਦਾ ਮੈਨੇਜਰ ਹੈ। ਵੀਡੀਓ ਲੁਧਿਆਣਾ ਦੇ ਪਿੰਡ ਹਸਨ ਪੁਰਾ ਦੀ ਦੱਸੀ ਜਾ ਰਹੀ ਹੈ ਜਿੱਥੈ ਸ਼੍ਰੀ ਅਖੰਡ ਪਾਠ ਸਾਹਿਬ ਹੋ ਰਿਹਾ ਸੀ। ਸ਼੍ਰੀ ਅਖੰਡ ਪਾਠ ਸਾਹਿਬ ਦੇ ਪਾਠ ਦੇ ਭੋਗ ਤੋਂ ਬਾਅਦ ਗ੍ਰੰਥੀ ਰਜਿੰਦਰ ਨੇ ਫਾਈਰਿੰਗ ਕੀਤੀ। ਇਹ ਮਾਮਲਾ ਪਿਛਲੇ ਕਈ ਦਿਨਾਂ ਤੋਂ ਸੋਸ਼ਲ ਮੀਡੀਆ ‘ਤੇ ਭਖਿਆ ਹੋਇਆ ਹੈ। ਖ਼ਬਰ ਪ੍ਰਕਾਸ਼ਿਤ ਹੋਣ ਤੋਂ ਬਾਅਦ ਮੁੱਦਾ ਸ਼੍ਰੀ ਅਕਾਲ ਤਖ਼ਤ ਸਾਹਿਬ ਕੋਲ ਵੀ ਪਹੁੰਚ ਗਿਆ। ਸਿੰਘ ਸਾਹਿਬਾਨਾ ਦਾ ਕਹਿਣਾ ਸੀ ਕਿ ਉਨ੍ਹਾਂ ਕੋ ਇਸ ਮਾਮਲੇ ‘ਤੇ ਅਜੇ ਤਕ ਕੋਈ ਸ਼ਿਕਾਇਤ ਨਹੀਂ ਆਈ। ਪਰ ਮਾਮਲੇ ਗੁਰਮਰਿਆਦਾ ਖਿਲਾਫ ਹੈ ਇਸ ਲਈ ਜਾਂਚ ਕੀਤੀ ਜਾਵੇਗੀ। ਦੱਸ ਦਈਏ ਕਿ ਗ੍ਰੰਥੀ ਰਾਜਿੰਦਰ ਨੇ 13 ਨਵੰਬਰ ਨੂੰ ਅਰਦਾਸ ਦੌਰਾਨ ਪੰਜ ਫਾਈਰ ਕੀਤੇ ਸੀ। ਇਸ ਤੋਂ ਬਾਅਦ ਹੁਣ ਗ੍ਰੰਥੀ ਦੀ ਸਫਾਈ ਸਾਹਮਣੇ ਆਈ ਹੈ। ਉਸ ਦਾ ਕਹਿਣਾ ਹੈ ਕਿ ਉਸਨੇ ਖੁਸ਼ੀ ‘ਚ ਫਾਈਰ ਕੀਤੇ ਸੀ। ਜਦੋਂ ਸਿੱਖ ਰੇਜੀਮੈਂਟ ਗੁਰੂ ਸਾਹਿਬ ਦੇ ਸਰੂਪ ਨੂੰ ਲੈ ਕੇ ਆਉਂਦੀ ਹੈ ਤਾਂ ਫਾਈਰ ਨਾਲ ਸਵਾਗਤ ਕੀਤਾ ਜਾਂਦਾ ਹੈ। ਇਸ ਦਾ ਜੇਕਰ ਕਿਸੇ ਨੂੰ ਬੁਰਾ ਲੱਗਿਆ ਹੈ ਤਾਂ ਮੈਂ ਮਾਫੀ ਮੰਗਦਾ ਹਾਂ।