Organs Donate: ਫੈਸਲੇ ਨੂੰ ਸਲਾਮ: ਦੁਨੀਆ ਛੱਡਣ ਮਗਰੋਂ 13 ਸਾਲਾ ਬੱਚੀ ਨੇ ਚੰਡੀਗੜ੍ਹ ਤੇ ਮੁੰਬਈ ਦੇ ਛੇ ਲੋਕਾਂ ਨੂੰ ਦਿੱਤੀ ਨਵੀਂ ਜ਼ਿੰਦਗੀ

ਪੀਜੀਆਈ ਦੇ ਡਾਇਰੈਕਟਰ ਪ੍ਰੋ. ਜਗਤਰਾਮ ਨੇ ਲੜਕੀ ਦੇ ਮਾਪਿਆਂ ਦੇ ਫੈਸਲੇ ਦੀ ਸ਼ਲਾਘਾ ਕੀਤੀ। ਉਨ੍ਹਾਂ ਕਿਹਾ ਕਿ ਇਹ ਇੱਕ ਮੁਸ਼ਕਲ ਫੈਸਲਾ ਸੀ ਪਰ ਬਹਾਦਰ ਮਾਪਿਆਂ ਨੇ ਅਜਨਬੀਆਂ ਦੀ ਜਾਨ ਬਚਾਉਣ ਵਿੱਚ ਮਹੱਤਵਪੂਰਨ ਯੋਗਦਾਨ ਪਾਇਆ ਹੈ।

organs_donate

ਚੰਡੀਗੜ੍ਹ ਦੀ ਇੱਕ 13 ਸਾਲਾ ਲੜਕੀ ਨੇ ਦੁਨੀਆ ਛੱਡਣ ਤੋਂ ਬਾਅਦ ਛੇ ਲੋਕਾਂ ਨੂੰ ਨਵੀਂ ਜ਼ਿੰਦਗੀ ਦਿੱਤੀ ਹੈ। ਪੀਜੀਆਈ ਵਿਖੇ ਇਲਾਜ ਦੌਰਾਨ ਬ੍ਰੇਨ ਡੈਡ ਐਲਾਨੇ ਜਾਣ ਤੋਂ ਬਾਅਦ, ਮਾਪਿਆਂ ਦੀ ਇਜਾਜ਼ਤ ਮਿਲਣ ਤੋਂ ਬਾਅਦ ਲੜਕੀ ਦੇ ਅੰਗ ਦਾਨ ਕੀਤੇ ਗਏ। ਇਸ ਨਾਲ ਪੀਜੀਆਈ ਵਿੱਚ ਦਾਖਲ ਪੰਜ ਮਰੀਜ਼ਾਂ ਨੂੰ ਜਿਗਰ, ਗੁਰਦੇ ਤੇ ਕੋਰਨੀਆ ਦਿੱਤਾ ਗਿਆ, ਨਾਲ ਹੀ ਮੁੰਬਈ ਦੇ ਇੱਕ ਮਰੀਜ਼ ਦਾ ਦਿਲ ਟ੍ਰਾਂਸਪਲਾਂਟ ਹੋਇਆ। ਪੀਜੀਆਈ ਪ੍ਰਸ਼ਾਸਨ ਨੇ ਗ੍ਰੀਨ ਕੋਰੀਡੋਰ ਦੀ ਵਰਤੋਂ ਦਿਲ ਨੂੰ ਮੁੰਬਈ ਭੇਜਣ ਲਈ ਕੀਤੀ।

ਬਹਾਦਰ ਮਾਪਿਆਂ ਦਾ ਫੈਸਲਾ ਮਿਸਾਲੀ

ਪੀਜੀਆਈ ਦੇ ਡਾਇਰੈਕਟਰ ਪ੍ਰੋ. ਜਗਤਰਾਮ ਨੇ ਲੜਕੀ ਦੇ ਮਾਪਿਆਂ ਦੇ ਫੈਸਲੇ ਦੀ ਸ਼ਲਾਘਾ ਕੀਤੀ। ਉਨ੍ਹਾਂ ਕਿਹਾ ਕਿ ਇਹ ਇੱਕ ਮੁਸ਼ਕਲ ਫੈਸਲਾ ਸੀ ਪਰ ਬਹਾਦਰ ਮਾਪਿਆਂ ਨੇ ਅਜਨਬੀਆਂ ਦੀ ਜਾਨ ਬਚਾਉਣ ਵਿੱਚ ਮਹੱਤਵਪੂਰਨ ਯੋਗਦਾਨ ਪਾਇਆ ਹੈ। ਉਸਦਾ ਕੰਮ ਸ਼ਲਾਘਾਯੋਗ ਤੇ ਮਿਸਾਲੀ ਹੈ।

ਉਨ੍ਹਾਂ ਦੱਸਿਆ ਕਿ ਲੜਕੀ ਨੂੰ 8 ਜੁਲਾਈ ਨੂੰ 'ਸੇਰੇਬ੍ਰਲ ਐਡੀਮਾ' ਕਾਰਨ ਜੀਐਮਐਸਐਚ-16 'ਚ ਦਾਖਲ ਕਰਵਾਇਆ ਗਿਆ ਸੀ, ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਪੀਜੀਆਈ ਰੈਫ਼ਰ ਕਰ ਦਿੱਤਾ। ਇਲਾਜ ਦੌਰਾਨ, ਉਸ ਨੂੰ 18 ਜੁਲਾਈ ਨੂੰ ਦਿਮਾਗ ਦੀ ਮੌਤ (ਬ੍ਰੇਨ ਡੈਡ) ਕਰਾਰ ਦਿੱਤਾ ਗਿਆ ਸੀ।

ਕਰਾਸ ਮੈਚਿੰਗ ਤੋਂ ਬਾਅਦ ਦਿਲ ਨੂੰ ਮੁੰਬਈ ਭੇਜਿਆ ਗਿਆ

ਪੀਜੀਆਈ ਦੇ ਵਧੀਕ ਮੈਡੀਕਲ ਸੁਪਰਡੈਂਟ ਅਤੇ ਰੋਟੋ ਦੇ ਕਾਰਜਕਾਰੀ ਨੋਡਲ ਅਧਿਕਾਰੀ ਪ੍ਰੋ. ਅਸ਼ੋਕ ਕੁਮਾਰ ਨੇ ਕਿਹਾ ਕਿ ਕਰਾਸ ਮੈਚਿੰਗ ਦੌਰਾਨ ਪੀਜੀਆਈ ਦੀ ਇੰਤਜ਼ਾਰ ਸੂਚੀ ਵਿਚ ਸ਼ਾਮਲ ਇਕ ਮਰੀਜ਼ ਦਾ ਦਿਲ ਲੜਕੀ ਦੇ ਦਿਲ ਨਾਲ ਮੇਲ ਨਹੀਂ ਖਾਂਦਾ।

ਇਸ ਤੋਂ ਬਾਅਦ ਆਸ ਪਾਸ ਦੇ ਹੋਰ ਹਸਪਤਾਲਾਂ ਨੂੰ ਇਸ ਬਾਰੇ ਜਾਣਕਾਰੀ ਦਿੱਤੀ ਗਈ। ਇਸ ਤੋਂ ਬਾਅਦ ਉਸ ਦਾ ਦਿਲ ਮੁੰਬਈ ਰਿਲਾਇੰਸ ਹਸਪਤਾਲ ਦੇ ਇੱਕ ਮਰੀਜ਼ ਨੂੰ ਅਲਾਟ ਹੋ ਗਿਆ। ਗ੍ਰੀਨ ਕੋਰੀਡੋਰ ਨੂੰ ਤੇਜ਼ ਆਵਾਜਾਈ ਸੇਵਾ ਨੂੰ ਯਕੀਨੀ ਬਣਾਇਆ ਗਿਆ ਸੀ ਤੇ ਸਮੇਂ ਸਿਰ ਏਅਰਪੋਰਟ ਪਹੁੰਚ ਗਿਆ ਸੀ, ਜਿਸ ਵਿੱਚ ਪੀਜੀਆਈ ਦੇ ਨਾਲ ਨਾਲ ਚੰਡੀਗੜ੍ਹ ਅਤੇ ਮੁਹਾਲੀ ਪੁਲਿਸ, ਸੀਆਈਐਸਐਫ ਅਤੇ ਏਅਰਪੋਰਟ ਸਟਾਫ ਦੀਆਂ ਕੋਸ਼ਿਸ਼ਾਂ ਸ਼ਲਾਘਾਯੋਗ ਸਨ।

ਇਹ ਵੀ ਪੜ੍ਹੋ: World's Most Expensive Ice Cream: ਦੁਨੀਆ ਦੀ ਸਭ ਤੋਂ ਮਹਿੰਗੀ ਆਇਸਕ੍ਰੀਮ, ਕੀਮਤ 60,000 ਤੋਂ ਜ਼ਿਆਦਾ, ਜਾਣੋ ਇਤਿਹਾਸ

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:

https://play.google.com/store/apps/details?id=com.winit.starnews.hin

https://apps.apple.com/in/app/abp-live-news/id811114904