Punjab Weather Today: ਪੰਜਾਬ 'ਚ ਬਦਲਿਆ ਮੌਸਮ, ਰਾਤ ਨੂੰ ਕਈ ਥਾਂ ਪਿਆ ਮੀਂਹ, ਅੱਜ ਵੀ ਸੂਬੇ ਦੇ 16 ਜ਼ਿਲ੍ਹਿਆਂ 'ਚ ਤੇਜ਼ ਹਵਾਵਾਂ-ਧੂੜ ਭਰੀ ਹਨ੍ਹੇਰੀ ਸਣੇ ਮੀਂਹ ਦਾ ਅਲਰਟ
ਪੰਜਾਬ 'ਚ ਬਦਲਿਆ ਮੌਸਮ ਕਰਕੇ ਸਵੇਰ ਤੋਂ ਹੀ ਮੌਮਸ ਸੁਹਾਵਨਾ ਹੋ ਗਿਆ ਹੈ। ਰਾਤ ਕਈ ਥਾਂ ਰੁਕ-ਰੁਕ ਮੀਂਹ ਪੈਂਦਾ ਰਿਹਾ ਅਤੇ ਬੱਦਲ ਗਰਜਦੇ ਰਹੇ। ਆਓ ਜਾਣਦੇ ਹਾਂ ਅੱਜ ਮੌਸਮ ਦਾ ਕਿਵੇਂ ਦਾ ਹਾਲ ਰਹੇਗਾ।
Punjab Weather 3 June: ਪੰਜਾਬ ਵਿੱਚ ਇਸ ਵਾਰ ਨੌਤਪੇ ਦੇ ਦਿਨਾਂ ਵਿੱਚ ਗਰਮੀ ਨੇ ਜ਼ੋਰ ਨਹੀਂ ਫੜਿਆ। ਮੌਸਮ ਵਿਭਾਗ ਦੀ ਰਿਪੋਰਟ ਮੁਤਾਬਕ, ਬੀਤੇ ਦਿਨਾਂ ਵਿੱਚ ਵੱਖ-ਵੱਖ ਜ਼ਿਲ੍ਹਿਆਂ ਵਿੱਚ ਮੌਸਮ ਬਦਲਾਅ ਨਾਲ ਔਸਤ ਵੱਧ ਤੋਂ ਵੱਧ ਤਾਪਮਾਨ ਆਮ ਨਾਲੋਂ 2.1 ਡਿਗਰੀ ਸੈਲਸੀਅਸ ਘੱਟ ਦਰਜ ਹੋਇਆ। 2 ਜੂਨ 2025 ਨੂੰ ਸਭ ਤੋਂ ਵੱਧ ਤਾਪਮਾਨ ਬਠਿੰਡਾ ਵਿੱਚ 42.7 ਡਿਗਰੀ ਸੈਲਸੀਅਸ ਸੀ।
ਅੱਜ ਵੀ ਸੂਬੇ ਦੇ ਕਈ ਹਿੱਸਿਆਂ ਵਿੱਚ ਵੱਧ ਤੋਂ ਵੱਧ ਤਾਪਮਾਨ 36 ਤੋਂ 38 ਡਿਗਰੀ ਦੇ ਵਿਚਕਾਰ ਦਰਜ ਕੀਤਾ ਗਿਆ। ਨਾਲ ਹੀ, ਅੱਜ ਵੀ ਸੂਬੇ ਦੇ 16 ਜ਼ਿਲ੍ਹਿਆਂ ਵਿੱਚ ਮੀਂਹ ਨੂੰ ਲੈ ਕੇ ਯੈਲੋ ਅਤੇ ਓਰੇਂਜ ਅਲਰਟ ਜਾਰੀ ਕਰ ਦਿੱਤਾ ਗਿਆ ਹੈ। ਇਸ ਦੌਰਾਨ ਮੀਂਹ ਤਾਂ ਹੋਵੇਗਾ ਹੀ, ਨਾਲ ਹੀ ਤੇਜ਼ ਹਵਾਵਾਂ ਅਤੇ ਧੂੜ ਭਰੀ ਹਨ੍ਹੇਰੀ ਵੀ ਚੱਲ ਸਕਦੀ ਹੈ।
ਨਾਲ ਹੀ, 2 ਜੂਨ ਨਾਲ ਨੌਤਪੇ ਦੇ 9 ਦਿਨ ਪੂਰੇ ਹੋ ਗਏ। ਇਸ ਸੀਜ਼ਨ ਵਿੱਚ ਇੱਕ ਵੀ ਦਿਨ ਪੰਜਾਬ ਵਿੱਚ ਲੂ ਨੇ ਜ਼ੋਰ ਨਹੀਂ ਫੜਿਆ। ਹਾਲਾਂਕਿ, ਜੋਤਸ਼ੀ ਮੰਨਦੇ ਹਨ ਕਿ ਇਸ ਦਾ ਅਸਰ ਮਾਨਸੂਨ 'ਤੇ ਪੈ ਸਕਦਾ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਜੇਕਰ ਨੌਤਪੇ ਦੌਰਾਨ ਤੇਜ਼ ਗਰਮੀ ਨਹੀਂ ਪੈਂਦੀ, ਤਾਂ ਵਰਖਾ ਰੁੱਤ ਕਮਜ਼ੋਰ ਹੋ ਸਕਦੀ ਹੈ। ਇਸ ਦਾ ਸਿੱਧਾ ਅਸਰ ਜਲਾ ਭੰਡਾਰ ਅਤੇ ਖੇਤੀ 'ਤੇ ਪੈ ਸਕਦਾ ਹੈ।
ਅੱਜ ਤੇਜ਼ ਹਵਾਵਾਂ ਦੀ ਚੇਤਾਵਨੀ ਜਾਰੀ
ਮੌਸਮ ਵਿਗਿਆਨ ਕੇਂਦਰ ਚੰਡੀਗੜ੍ਹ ਦੇ ਅਨੁਸਾਰ, ਸੋਮਵਾਰ ਨੂੰ ਤਾਪਮਾਨ ਵਿੱਚ ਔਸਤਨ 1.3 ਡਿਗਰੀ ਦੀ ਕਮੀ ਆਈ। ਬੀਤੀ ਰਾਤ ਪੰਜਾਬ ਦੇ ਕਈ ਜ਼ਿਲ੍ਹਿਆਂ ਦੇ ਵਿੱਚ ਮੀਂਹ ਸਣੇ ਤੇਜ਼ ਹਵਾਵਾਂ ਕਰਕੇ ਮੌਸਮ ਠੰਡਾ ਹੋ ਗਿਆ।
3 ਜੂਨ - ਪੰਜਾਬ ਦੇ ਚਾਰ ਜ਼ਿਲੇ ਫਾਜ਼ਿਲਕਾ, ਮੁਕਤਸਰ, ਬਠਿੰਡਾ ਅਤੇ ਮਾਨਸਾ ਵਿੱਚ ਔਰੇਂਜ ਅਲਰਟ ਜਾਰੀ ਕੀਤਾ ਗਿਆ ਹੈ। ਦੂਜੇ ਪਾਸੇ ਫਿਰੋਜ਼ਪੁਰ, ਫਰੀਦਕੋਟ, ਮੋਗਾ, ਬਰਨਾਲਾ, ਸੰਗਰੂਰ, ਪਟਿਆਲਾ, ਫਤਿਹਗੜ੍ਹ ਸਾਹਿਬ, ਮੋਹਾਲੀ, ਰੂਪਨਗਰ, ਨਵਾਂਸ਼ਹਿਰ, ਹਰੇਸ਼ਿਆਰਪੁਰ, ਗੁਰਦਾਸਪੁਰ ਅਤੇ ਪਠਾਨਕੋਟ ਵਿੱਚ ਮੀਂਹ ਅਤੇ ਤੂਫ਼ਾਨ ਦੇ ਲਈ ਯੈਲੋ ਅਲਰਟ ਜਾਰੀ ਕੀਤਾ ਗਿਆ ਹੈ।
4 ਤੋਂ 6 ਜੂਨ — ਪੰਜਾਬ ਦੇ ਜ਼ਿਲਿਆਂ ਵਿੱਚ ਅੱਜ ਅਤੇ ਅੱਗੇ ਆਉਣ ਵਾਲੇ ਦਿਨਾਂ ਵਿੱਚ ਕਿਸੇ ਵੀ ਤਰ੍ਹਾਂ ਦਾ ਅਲਰਟ ਜਾਰੀ ਨਹੀਂ ਕੀਤਾ ਗਿਆ।
ਪਿਛਲੇ ਸਾਲ ਘੱਟ ਮੀਂਹ ਪੈਣ ਕਾਰਨ ਪੰਜਾਬ, ਹਿਮਾਚਲ ਅਤੇ ਰਾਜਸਥਾਨ ਨੂੰ ਪਾਣੀ ਪਹੁੰਚਾਉਣ ਵਾਲੇ ਜਲ ਭੰਡਾਰਾਂ ਦੀ ਸਥਿਤੀ ਚਿੰਤਾਜਨਕ ਸੀ। ਪਰ ਹੁਣ ਜਲ ਸੰਕਟ ਦੀ ਕੋਈ ਚਿੰਤਾ ਨਹੀਂ ਹੈ। ਉੱਤਰ ਭਾਰਤ ਦੇ ਮੁੱਖ ਰਾਜ—ਹਿਮਾਚਲ ਪ੍ਰਦੇਸ਼, ਪੰਜਾਬ ਅਤੇ ਰਾਜਸਥਾਨ—ਵਿੱਚ ਸਥਿਤ ਛੇ ਵੱਡੇ ਜਲ ਭੰਡਾਰਾਂ ਦੀ ਕੁੱਲ ਸਮਰੱਥਾ 18.01 ਬਿਲੀਅਨ ਕਿਊਬਿਕ ਮੀਟਰ ਹੈ। ਕੇਂਦਰੀ ਜਲ ਆਯੋਗ ਦੇ ਅਨੁਸਾਰ 1 ਜੂਨ 2025 ਤੱਕ ਇਨ੍ਹਾਂ ਵਿੱਚ ਕੁੱਲ 15.96 ਬਿਲੀਅਨ ਕਿਊਬਿਕ ਮੀਟਰ ਪਾਣੀ ਮੌਜੂਦ ਹੈ, ਜੋ ਕਿ ਕੁੱਲ ਸਮਰੱਥਾ ਦਾ ਲਗਭਗ 89% ਹੈ।
ਇਹ ਸਥਿਤੀ ਸਿਰਫ ਪਿਛਲੇ ਸਾਲ ਨਾਲੋਂ ਹੀ ਵਧੀਆ ਨਹੀਂ, ਬਲਕਿ ਪਿਛਲੇ 10 ਸਾਲਾਂ ਦੇ ਔਸਤ ਜਲ ਸੰਗ੍ਰਹਿ ਤੋਂ ਵੀ ਵੱਧ ਹੈ। ਇਸ ਤੋਂ ਪਤਾ ਲੱਗਦਾ ਹੈ ਕਿ ਪੀਣ ਵਾਲੇ ਪਾਣੀ, ਸਿੰਚਾਈ ਅਤੇ ਬਿਜਲੀ ਉਤਪਾਦਨ ਵਰਗੀਆਂ ਜ਼ਰੂਰਤਾਂ ਲਈ ਕਾਫ਼ੀ ਪਾਣੀ ਉਪਲਬਧ ਹੈ। ਪਿਛਲੇ ਸਾਲ ਇਸੇ ਸਮੇਂ ਸਟੋਰੇਜ 76% ਸੀ ਅਤੇ ਪਿਛਲੇ 10 ਸਾਲਾਂ ਦਾ ਔਸਤ 77% ਸੀ।
ਪੰਜਾਬ ਦੇ ਸ਼ਹਿਰਾਂ ਦਾ ਮੌਸਮ
ਅੰਮ੍ਰਿਤਸਰ - ਹਲਕੇ ਬੱਦਲ ਛਾਏ ਰਹਿਣਗੇ, ਮੀਂਹ ਦਾ ਵੀ ਅੰਦਾਜ਼ਾ ਹੈ। ਤਾਪਮਾਨ 24 ਤੋਂ 34 ਡਿਗਰੀ ਦੇ ਦਰਮਿਆਨ ਰਹਿਣ ਦੀ ਸੰਭਾਵਨਾ ਹੈ।
ਜਲੰਧਰ - ਹਲਕੇ ਬੱਦਲ ਛਾਏ ਰਹਿਣਗੇ, ਮੀਂਹ ਦਾ ਵੀ ਅੰਦਾਜ਼ਾ ਹੈ। ਤਾਪਮਾਨ 24 ਤੋਂ 34 ਡਿਗਰੀ ਦੇ ਦਰਮਿਆਨ ਰਹਿਣ ਦੀ ਸੰਭਾਵਨਾ ਹੈ।
ਲੁਧਿਆਣਾ - ਹਲਕੇ ਬੱਦਲ ਛਾਏ ਰਹਿਣਗੇ, ਮੀਂਹ ਦਾ ਵੀ ਅੰਦਾਜ਼ਾ ਹੈ। ਤਾਪਮਾਨ 24 ਤੋਂ 37 ਡਿਗਰੀ ਦੇ ਦਰਮਿਆਨ ਰਹਿਣ ਦੀ ਸੰਭਾਵਨਾ ਹੈ।
ਪਟਿਆਲਾ - ਹਲਕੇ ਬੱਦਲ ਛਾਏ ਰਹਿਣਗੇ, ਮੀਂਹ ਦਾ ਵੀ ਅੰਦਾਜ਼ਾ ਹੈ। ਤਾਪਮਾਨ 25 ਤੋਂ 35 ਡਿਗਰੀ ਦੇ ਦਰਮਿਆਨ ਰਹਿਣ ਦੀ ਸੰਭਾਵਨਾ ਹੈ।
ਮੋਹਾਲੀ - ਹਲਕੇ ਬੱਦਲ ਛਾਏ ਰਹਿਣਗੇ, ਮੀਂਹ ਦਾ ਵੀ ਅੰਦਾਜ਼ਾ ਹੈ। ਤਾਪਮਾਨ 24 ਤੋਂ 34 ਡਿਗਰੀ ਦੇ ਦਰਮਿਆਨ ਰਹਿਣ ਦੀ ਸੰਭਾਵਨਾ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
