Punjab Weather Today: ਪੰਜਾਬ 'ਚ ਮਾਨਸੂਨ ਦੀ ਵਿਦਾਈ, ਮੀਂਹ ਦੇ ਕੋਈ ਅਸਾਰ ਨਹੀਂ; ਤਾਪਮਾਨ 'ਚ ਹੋਇਆ ਵਾਧਾ, ਸੂਬੇ ਨੇ 125 ਸਾਲਾਂ 'ਚ 7ਵੀਂ ਵਾਰੀ ਝੱਲੀ ਸਭ ਜ਼ਿਆਦਾ ਮੀਂਹ ਦੀ ਮਾਰ...
ਪੰਜਾਬ 'ਚ ਇਸ ਵਾਰੀ ਮਾਨਸੂਨ ਸਾਲ ਦੀ ਰਿਕਾਰਡ ਤੋੜ ਮੀਂਹ ਨਾਲ ਖਤਮ ਹੋ ਰਿਹਾ ਹੈ। ਮਾਨਸੂਨ ਹੁਣ ਵਿਦਾਈ ਵੱਲ ਹੈ ਅਤੇ ਅਗਲੇ ਇੱਕ ਹਫ਼ਤੇ 'ਚ ਸੂਬੇ ਤੋਂ ਪੂਰੀ ਤਰ੍ਹਾਂ ਵਾਪਸ ਚਲਾ ਜਾਵੇਗਾ। ਜਾਂਦੇ-ਜਾਂਦੇ ਵੀ ਪੰਜਾਬ ਦੇ ਕਈ ਜ਼ਿਲ੍ਹਿਆਂ ਚ ਬਾਰੀ ਮੀਂਹ..
ਪੰਜਾਬ ਵਿੱਚ ਇਸ ਵਾਰੀ ਮਾਨਸੂਨ ਸਾਲ ਦੀ ਰਿਕਾਰਡ ਤੋੜ ਮੀਂਹ ਨਾਲ ਖਤਮ ਹੋ ਰਿਹਾ ਹੈ। ਮਾਨਸੂਨ ਹੁਣ ਵਿਦਾਈ ਵੱਲ ਹੈ ਅਤੇ ਅਗਲੇ ਇੱਕ ਹਫ਼ਤੇ ਵਿੱਚ ਸੂਬੇ ਤੋਂ ਪੂਰੀ ਤਰ੍ਹਾਂ ਵਾਪਸ ਚਲਾ ਜਾਵੇਗਾ। ਮੌਸਮ ਵਿਭਾਗ ਦੇ ਅੰਕੜਿਆਂ ਦੇ ਮੁਤਾਬਕ, ਇਸ ਸਾਲ 1 ਜੂਨ ਤੋਂ 20 ਸਤੰਬਰ ਤੱਕ ਸੂਬੇ ਵਿੱਚ 621.4 ਮਿਲੀਮੀਟਰ ਮੀਂਹ ਹੋਈ, ਜੋ ਆਮ ਦਰ 418.1 ਮਿਲੀਮੀਟਰ ਨਾਲੋਂ 49% ਵੱਧ ਹੈ। ਇਹ ਮੀਂਹ ਪਿਛਲੇ 125 ਸਾਲਾਂ ਵਿੱਚ 7ਵੀਂ ਸਭ ਤੋਂ ਭਾਰੀ ਮੀਂਹ ਦਰਜ ਕੀਤੀ ਗਈ।
ਮੌਸਮ ਵਿਭਾਗ ਤੋਂ ਮਿਲੇ ਅੰਕੜਿਆਂ ਦੇ ਮੁਤਾਬਕ, ਮਾਨਸੂਨ ਲਗਭਗ 40 ਤੋਂ 45 ਦਿਨ ਤੱਕ ਸਰਗਰਮ ਰਿਹਾ ਅਤੇ ਇਸ ਦੌਰਾਨ ਲਗਾਤਾਰ ਕਈ ਬਾਰਿਸ਼ ਦੇ ਦੌਰ ਵੇਖਣ ਨੂੰ ਮਿਲੇ। ਇਨ੍ਹਾਂ ਵਿੱਚ ਲਗਭਗ 15 ਤੋਂ 20 ਦਿਨ ਉਹ ਸਨ ਜਦੋਂ ਆਮ ਮੀਂਹ ਨਾਲੋਂ ਕਾਫੀ ਵੱਧ ਮੀਂਹ ਦਰਜ ਹੋਈ, ਖਾਸ ਕਰਕੇ ਜੁਲਾਈ ਅਤੇ ਅਗਸਤ ਮਹੀਨੇ ਵਿੱਚ ਮੀਂਹ ਦਾ ਸਿਲਸਿਲਾ ਤੇਜ਼ ਰਿਹਾ।
ਮੌਸਮ ਵਿਭਾਗ ਦੇ ਅਨੁਸਾਰ, ਆਉਣ ਵਾਲੇ ਇੱਕ ਹਫ਼ਤੇ ਤੱਕ ਸੂਬੇ ਵਿੱਚ ਮੀਂਹ ਦੇ ਕੋਈ ਅਸਾਰ ਨਹੀਂ ਹਨ। ਮੌਸਮ ਸਧਾਰਣ ਰਹੇਗਾ ਅਤੇ ਵਾਤਾਵਰਨ ਸੁੱਕਾ ਰਹੇਗਾ। ਇਸ ਦੌਰਾਨ ਤਾਪਮਾਨ ਵਿੱਚ ਹੌਲੀ-ਹੌਲੀ ਵਾਧਾ ਵੀ ਦੇਖਣ ਨੂੰ ਮਿਲ ਸਕਦਾ ਹੈ।
ਮੀਂਹ ਦੇ ਪੈਟਰਨ ਵਿੱਚ ਵੱਖਰਾ ਰੁਝਾਨ, ਅੱਗੇ ਵੀ ਜਾਰੀ ਰਹੇਗਾ
IMD ਚੰਡੀਗੜ੍ਹ ਦੇ ਡਾਇਰੈਕਟਰ ਸੁਰਿੰਦਰ ਪਾਲ ਨੇ ਦੱਸਿਆ ਕਿ ਇਸ ਵਾਰੀ ਮਾਨਸੂਨ ਦਾ ਪੈਟਰਨ ਵੱਖਰਾ ਰਿਹਾ ਹੈ। ਇਸ ਮਨਸੂਨ ਵਿੱਚ ਤਿੰਨ ਵੱਡੇ ਬਦਲਾਅ ਵੇਖਣ ਨੂੰ ਮਿਲੇ ਹਨ:
ਲਗਾਤਾਰ ਮੀਂਹ ਵਾਲੇ ਦਿਨ ਆਮ ਨਾਲੋਂ ਵੱਧ ਰਹੇ।
ਭਾਰੀ ਮੀਂਹ ਦੀਆਂ ਘਟਨਾਵਾਂ ਵੀ ਵੱਧ ਹੋਈਆਂ ਅਤੇ ਆਮ ਨਾਲੋਂ ਇਹ ਦਿਨ ਜ਼ਿਆਦਾ ਸਨ।
ਪੱਛਮੀ ਪੰਜਾਬ ਵਿੱਚ ਵੀ ਮਨਸੂਨ ਵੱਧ ਸਰਗਰਮ ਰਿਹਾ।
ਮੌਸਮ ਵਿਭਾਗ ਨੇ ਪਹਿਲਾਂ ਹੀ ਅੰਦਾਜ਼ਾ ਲਾਇਆ ਸੀ ਕਿ ਮੀਂਹ ਆਮ ਨਾਲੋਂ ਵੱਧ ਹੋਵੇਗੀ ਅਤੇ ਅਸਲ ਵਿੱਚ ਵੀ ਅਜਿਹਾ ਹੀ ਹੋਇਆ। ਜੋ ਇਹ ਪੈਟਰਨ ਵਿੱਚ ਬਦਲਾਅ ਆਇਆ ਹੈ, ਉਸਦਾ ਅੰਦਾਜ਼ਾ ਹੈ ਕਿ ਭਵਿੱਖ ਵਿੱਚ ਵੀ ਇਹ ਜਾਰੀ ਰਹੇਗਾ। ਇਸ ਸਾਲ ਦੀ ਮੀਂਹ ਪਿਛਲੇ 125 ਸਾਲਾਂ ਵਿੱਚ 7ਵੀਂ ਸਭ ਤੋਂ ਭਾਰੀ ਮੀਂਹ ਹੈ।
125 ਸਾਲਾਂ ਵਿੱਚ 7ਵੀਂ ਸਭ ਤੋਂ ਭਾਰੀ ਮੀਂਹ
ਮੌਸਮ ਵਿਭਾਗ ਦੇ ਮੁਤਾਬਕ, ਇਸ ਸਾਲ ਦੀ ਮੀਂਹ ਨੂੰ ਪੰਜਾਬ ਦੇ ਇਤਿਹਾਸ ਵਿੱਚ ਵਿਸ਼ੇਸ਼ ਮੰਨਿਆ ਜਾ ਰਿਹਾ ਹੈ। 2025 ਦਾ ਮਨਸੂਨ ਪਿਛਲੇ 125 ਸਾਲਾਂ ਵਿੱਚ ਸੱਤਵਾਂ ਸਭ ਤੋਂ ਵੱਧ ਬਰਸਾਤੀ ਸੀਜ਼ਨ ਰਿਹਾ। ਇਹ ਮੀਂਹ 1988 ਤੋਂ ਬਾਅਦ ਸਭ ਤੋਂ ਵੱਧ ਹੋਈ। 1988 ਵਿੱਚ ਸਿਰਫ਼ 22 ਤੋਂ 27 ਸਤੰਬਰ ਤੱਕ ਚਾਰ ਦਿਨਾਂ ਵਿੱਚ 634 ਮਿਮੀ ਤੋਂ ਵੱਧ ਮੀਂਹ ਹੋਈ ਸੀ, ਜਿਸ ਨਾਲ ਪੰਜਾਬ ਵਿੱਚ ਭਿਆਨਕ ਹੜ੍ਹ ਆਇਆ ਸੀ। 1993 ਵਿੱਚ ਵੀ ਪੰਜਾਬ ਨੂੰ ਹੜ੍ਹ ਦਾ ਸੰਕਟ ਝੱਲਣਾ ਪਿਆ ਸੀ। 2019 ਵਿੱਚ ਭਾਰੀ ਮੀਂਹ ਕਾਰਨ ਸੈਂਕੜੇ ਪਿੰਡ ਡੁੱਬੇ ਅਤੇ ਲੱਖਾਂ ਹੈਕਟੇਅਰ ਤੋਂ ਵੱਧ ਫਸਲਾਂ ਬਰਬਾਦ ਹੋਈਆਂ। 2023 ਵਿੱਚ ਜੂਨ-ਜੁਲਾਈ ਦੌਰਾਨ ਆਮ ਨਾਲੋਂ ਕਾਫੀ ਵੱਧ ਮੀਂਹ ਦਰਜ ਕੀਤੀ ਗਈ ਸੀ। ਘੱਗਰ ਦਾ ਪਾਣੀ ਵੱਧਣ ਦੇ ਕਾਰਨ ਪਟਿਆਲਾ ਨੂੰ ਹੜ੍ਹ ਦਾ ਸਾਹਮਣਾ ਕਰਨਾ ਪਿਆ।
ਪੰਜਾਬ ਦੇ ਮੁੱਖ ਸ਼ਹਿਰਾਂ ਦਾ ਤਾਪਮਾਨ –
ਅੰਮ੍ਰਿਤਸਰ – ਆਸਮਾਨ ਸਾਫ਼ ਰਹੇਗਾ। ਤਾਪਮਾਨ 26 ਤੋਂ 36 ਡਿਗਰੀ ਸੈਲਸੀਅਸ ਦੇ ਵਿਚਕਾਰ ਰਹਿਣ ਦਾ ਅੰਦਾਜ਼ਾ ਹੈ।
ਜਲੰਧਰ – ਆਸਮਾਨ ਸਾਫ਼ ਰਹੇਗਾ। ਤਾਪਮਾਨ 26 ਤੋਂ 36 ਡਿਗਰੀ ਸੈਲਸੀਅਸ ਦੇ ਵਿਚਕਾਰ ਰਹਿਣ ਦਾ ਅੰਦਾਜ਼ਾ ਹੈ।
ਲੁਧਿਆਣਾ – ਆਸਮਾਨ ਸਾਫ਼ ਰਹੇਗਾ। ਤਾਪਮਾਨ 27 ਤੋਂ 35 ਡਿਗਰੀ ਸੈਲਸੀਅਸ ਦੇ ਵਿਚਕਾਰ ਰਹਿਣ ਦਾ ਅੰਦਾਜ਼ਾ ਹੈ।
ਪਟਿਆਲਾ – ਆਸਮਾਨ ਸਾਫ਼ ਰਹੇਗਾ। ਤਾਪਮਾਨ 26 ਤੋਂ 36 ਡਿਗਰੀ ਸੈਲਸੀਅਸ ਦੇ ਵਿਚਕਾਰ ਰਹਿਣ ਦਾ ਅੰਦਾਜ਼ਾ ਹੈ।
ਮੋਹਾਲੀ – ਆਸਮਾਨ ਸਾਫ਼ ਰਹੇਗਾ। ਤਾਪਮਾਨ 26 ਤੋਂ 36 ਡਿਗਰੀ ਸੈਲਸੀਅਸ ਦੇ ਵਿਚਕਾਰ ਰਹਿਣ ਦਾ ਅੰਦਾਜ਼ਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
