Punjab Weather Today: ਪੰਜਾਬ 'ਚ ਹੌਲੀ-ਹੌਲੀ ਠੰਡ ਦੇ ਰਹੀ ਦਸਤਕ, ਘੱਟ ਰਿਹਾ ਤਾਪਮਾਨ, ਪਰ ਵੱਧ ਰਿਹਾ ਪ੍ਰਦੂਸ਼ਣ, ਰੂਪਨਗਰ ਦਾ AQI 500, ਜਲੰਧਰ ਦਾ 439 ਦਰਜ
ਪੰਜਾਬ ਦਾ ਤਾਪਮਾਨ ਹੌਲੀ-ਹੌਲੀ ਘੱਟ ਰਿਹਾ ਹੈ। 24 ਘੰਟਿਆਂ ਵਿੱਚ ਤਾਪਮਾਨ ਵਿੱਚ 0.1 ਡਿਗਰੀ ਦੀ ਕਟੌਤੀ ਦੇਖਣ ਨੂੰ ਮਿਲੀ। ਅੱਜ ਤਾਪਮਾਨ ਲਗਭਗ 2 ਡਿਗਰੀ ਤੱਕ ਘਟਣ ਦਾ ਅੰਦਾਜ਼ਾ ਹੈ। ਸਵੇਰੇ ਅਤੇ ਰਾਤ ਨੂੰ ਠੰਡੀ ਰਹੇਗੀ...
ਪੰਜਾਬ ਦਾ ਤਾਪਮਾਨ ਹੌਲੀ-ਹੌਲੀ ਘੱਟ ਰਿਹਾ ਹੈ। 24 ਘੰਟਿਆਂ ਵਿੱਚ ਤਾਪਮਾਨ ਵਿੱਚ 0.1 ਡਿਗਰੀ ਦੀ ਕਟੌਤੀ ਦੇਖਣ ਨੂੰ ਮਿਲੀ। ਅੱਜ ਤਾਪਮਾਨ ਲਗਭਗ 2 ਡਿਗਰੀ ਤੱਕ ਘਟਣ ਦਾ ਅੰਦਾਜ਼ਾ ਹੈ। ਸਵੇਰੇ ਅਤੇ ਰਾਤ ਨੂੰ ਠੰਡੀ ਰਹੇਗੀ, ਪਰ ਦੁਪਹਿਰ ਵਿੱਚ ਧੁੱਪ ਨਾਲ ਹਲਕੀ ਗਰਮੀ ਮਹਿਸੂਸ ਹੋ ਸਕਦੀ ਹੈ। ਮੌਸਮ ਸੁੱਕਾ ਬਣਿਆ ਰਹਿ ਸਕਦਾ ਹੈ।
ਇਸ ਦੇ ਨਾਲ-ਨਾਲ ਵਾਯੂਮੰਡਲ ਵਿੱਚ ਬਣ ਰਹੀ ਦਬਾਅ ਕਾਰਨ ਏਅਰ ਲਾਕ ਦੀ ਸਥਿਤੀ ਬਣ ਰਹੀ ਹੈ, ਜਿਸਦੇ ਕਾਰਨ ਪ੍ਰਦੂਸ਼ਣ ਲੋਕਾਂ ਦੀਆਂ ਸਾਹਾਂ ਨੂੰ ਘੋਂਟ ਰਿਹਾ ਹੈ। ਪਿਛਲੇ 24 ਘੰਟਿਆਂ ਵਿੱਚ ਕਈ ਸ਼ਹਿਰਾਂ ਵਿੱਚ ਵੱਧ ਤੋਂ ਵੱਧ ਪ੍ਰਦੂਸ਼ਣ ਦਾ ਸਤਰ ਏਅਰ ਕੁਆਲਿਟੀ ਇੰਡੈਕਸ (AQI) 500 ਤੋਂ ਵੱਧ ਦਰਜ ਕੀਤਾ ਗਿਆ।
ਬਠਿੰਡਾ ਅਤੇ ਲੁਧਿਆਣਾ ਵਿੱਚ ਹਵਾ ਖ਼ਰਾਬ
ਰੂਪਨਗਰ ਵਿੱਚ ਏਅਰ ਕੁਆਲਿਟੀ ਇੰਡੈਕਸ (AQI) 500 ਅਤੇ ਜਲੰਧਰ ਵਿੱਚ 439 ਦਰਜ ਕੀਤਾ ਗਿਆ। ਬਠਿੰਡਾ ਅਤੇ ਲੁਧਿਆਣਾ ਉਹ ਦੋ ਸ਼ਹਿਰ ਹਨ, ਜਿੱਥੇ ਔਸਤ AQI 200 ਤੋਂ ਉਪਰ ਦਰਜ ਕੀਤਾ ਜਾ ਰਿਹਾ ਹੈ। ਸਾਰੇ ਸ਼ਹਿਰਾਂ ਦਾ AQI 100 ਤੋਂ ਉਪਰ ਜਾ ਰਿਹਾ ਹੈ। ਇਸ ਦੌਰਾਨ, ਐਤਵਾਰ ਨੂੰ ਪੰਜਾਬ ਦਾ ਔਸਤ AQI 156 ਰਿਹਾ। ਸਾਹ ਦੀ ਬਿਮਾਰੀ ਵਾਲੇ ਮਰੀਜ਼ਾਂ ਨੂੰ ਵਧੇਰੇ ਸਾਵਧਾਨ ਰਹਿਣ ਦੀ ਲੋੜ ਹੈ।
ਪੰਜਾਬ ਦੇ ਸ਼ਹਿਰਾਂ ਦਾ AQI:
ਅੰਮ੍ਰਿਤਸਰ: 126
ਬਠਿੰਡਾ: 227
ਜਲੰਧਰ: 158
ਖੰਨਾ: 144
ਲੁਧਿਆਣਾ: 206
ਮੰਡੀ ਗੋਬਿੰਦਗੜ੍ਹ: 113
ਪਟਿਆਲਾ: 122
ਰੂਪਨਗਰ: 153
ਜਾਣੋ ਕਿਉਂ ਸਿਰਦੀਆਂ ਵਿੱਚ ਪ੍ਰਦੂਸ਼ਣ ਵੱਧਦਾ ਹੈ
ਸਰਦੀਆਂ ਵਿੱਚ ਧਰਤੀ ਦੀ ਸਤਹ਼ ਤੇ ਜਿੰਨੀ ਵੀ ਸੋਲਿਡ ਚੀਜ਼ਾਂ ਹਨ, ਜਿਵੇਂ ਸੜਕਾਂ, ਇਮਾਰਤਾਂ, ਪੁਲ ਆਦਿ, ਇਹ ਸਾਰੀਆਂ ਸੂਰਜ ਤੋਂ ਮਿਲੀ ਗਰਮੀ ਨੂੰ ਰਾਤ ਵਿੱਚ ਰਿਲੀਜ਼ ਕਰਦੀਆਂ ਹਨ। ਰਿਲੀਜ਼ ਕੀਤੀ ਗਈ ਗਰਮੀ ਜ਼ਮੀਨ ਤੋਂ 50 ਤੋਂ 100 ਮੀਟਰ ਉੱਪਰ ਚੜ੍ਹ ਕੇ ਇੱਕ ਲਾਕ ਹੋਣ ਵਾਲੀ ਪਰਤ ਬਣਾ ਲੈਂਦੀ ਹੈ। ਇਸ ਕਾਰਨ ਵਾਤਾਵਰਣ ਦੀ ਹਵਾ ਉੱਪਰ ਨਹੀਂ ਚੜ੍ਹ ਸਕਦੀ। ਮਤਲਬ ਇਹ ਹੈ ਕਿ ਹਵਾ ਵਾਤਾਵਰਣ ਦੇ ਨੀਵੇਂ ਪੱਧਰ ਤੇ ਹੀ ਲਾਕ ਰਹਿ ਜਾਂਦੀ ਹੈ।
ਇਸ ਪਰਤ ਦੇ ਹੇਠਾਂ ਜ਼ਮੀਨ ਦੇ ਨੇੜੇ ਹਵਾ ਠੰਡੀ ਹੁੰਦੀ ਹੈ ਅਤੇ ਠੰਡੀ ਹਵਾ ਵਿੱਚ ਹਲਚਲ ਘੱਟ ਹੁੰਦੀ ਹੈ। ਪ੍ਰਦੂਸ਼ਣ ਦੇ ਪਾਰਟਿਕਲ ਵੀ ਇਸ ਹਵਾ ਵਿੱਚ ਮਿਲ ਜਾਂਦੇ ਹਨ ਅਤੇ ਉੱਪਰ ਨਹੀਂ ਚੜ੍ਹ ਸਕਦੇ, ਜਿਸ ਨਾਲ ਪ੍ਰਦੂਸ਼ਣ ਵੀ ਠੰਡੀ ਹਵਾ ਦੇ ਨਾਲ ਲਾਕ ਹੋ ਜਾਂਦਾ ਹੈ। ਇਹੀ ਕਾਰਨ ਹੈ ਕਿ ਸਰਦੀਆਂ ਵਿੱਚ ਪ੍ਰਦੂਸ਼ਣ ਵੱਧਦਾ ਹੈ। ਇਹੀ ਸਮੌਗ ਅਤੇ ਫੌਗ ਦਾ ਕਾਰਨ ਬਣਦਾ ਹੈ।
ਤਾਪਮਾਨ ਵਿੱਚ ਕਟੌਤੀ ਦਰਜ ਕੀਤੀ ਜਾਵੇਗੀ
ਪੰਜਾਬ ਵਿੱਚ 24 ਅਕਤੂਬਰ ਤੋਂ 30 ਅਕਤੂਬਰ 2025 ਤੱਕ ਵੱਧ ਤੋਂ ਵੱਧ ਅਤੇ ਘੱਟ ਤੋਂ ਘੱਟ ਤਾਪਮਾਨ ਆਮ ਰਹਿਣ ਦਾ ਅੰਦਾਜ਼ਾ ਹੈ। ਵੱਧ ਤੋਂ ਵੱਧ ਤਾਪਮਾਨ ਉੱਤਰੀ ਅਤੇ ਪੂਰਬੀ ਜ਼ਿਲ੍ਹਿਆਂ ਵਿੱਚ 26-30°C, ਦੱਖਣ-ਪੱਛਮੀ ਹਿੱਸਿਆਂ ਵਿੱਚ 32-34°C ਅਤੇ ਬਾਕੀ ਜ਼ਿਲ੍ਹਿਆਂ ਵਿੱਚ 30–32°C ਰਹਿਣ ਦੇ ਆਸਾਰ ਹਨ। ਘੱਟ ਤੋਂ ਘੱਟ ਤਾਪਮਾਨ ਉੱਤਰੀ ਅਤੇ ਪੂਰਬੀ ਹਿੱਸਿਆਂ ਵਿੱਚ 12–14°C, ਮਾਜ਼ਾ ਦੇ ਜ਼ਿਲ੍ਹਿਆਂ ਵਿੱਚ 10–12°C, ਹੋਰ ਖੇਤਰਾਂ ਵਿੱਚ 14-16°C ਦੇ ਨੇੜੇ ਰਹਿਣਗਾ।
ਪੰਜਾਬ ਦੇ ਪ੍ਰਮੁੱਖ ਸ਼ਹਿਰਾਂ ਦਾ ਤਾਪਮਾਨ:
ਅੰਮ੍ਰਿਤਸਰ ਵਿੱਚ ਵੱਧ ਤੋਂ ਵੱਧ ਤਾਪਮਾਨ 29°C ਅਤੇ ਘੱਟ ਤੋਂ ਘੱਟ 17°C ਰਹੇਗਾ, ਮੌਸਮ ਸਾਫ਼ ਅਤੇ ਧੁੱਪ ਖਿੱਲੀ ਰਹੇਗੀ।
ਜਲੰਧਰ ਵਿੱਚ ਵੱਧ ਤੋਂ ਵੱਧ ਤਾਪਮਾਨ 29°C ਅਤੇ ਘੱਟ ਤੋਂ ਘੱਟ 17°C ਰਹੇਗਾ, ਮੌਸਮ ਸਾਫ਼ ਅਤੇ ਹਲਕੀ ਧੁੱਪ ਰਹੇਗੀ।
ਲੁਧਿਆਣਾ ਵਿੱਚ ਵੱਧ ਤੋਂ ਵੱਧ ਤਾਪਮਾਨ 30°C ਅਤੇ ਘੱਟ ਤੋਂ ਘੱਟ 16°C ਰਹੇਗਾ, ਧੁੱਪ ਰਹੇਗੀ।
ਪਟਿਆਲਾ ਵਿੱਚ ਵੱਧ ਤੋਂ ਵੱਧ ਤਾਪਮਾਨ 30°C ਅਤੇ ਘੱਟ ਤੋਂ ਘੱਟ 16°C ਰਹੇਗਾ, ਮੌਸਮ ਸਾਫ਼ ਰਹੇਗਾ।
ਮੋਹਾਲੀ ਵਿੱਚ ਵੱਧ ਤੋਂ ਵੱਧ ਤਾਪਮਾਨ 30°C ਅਤੇ ਘੱਟ ਤੋਂ ਘੱਟ 20°C ਰਹੇਗਾ, ਮੌਸਮ ਸਾਫ਼ ਅਤੇ ਸੁੱਕਾ ਰਹੇਗਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
