2000 Year Old Treasure: ਜ਼ਮੀਨ 'ਚੋਂ ਮਿਲਿਆ 2000 ਸਾਲ ਪੁਰਾਣਾ ਦੁਰਲੱਭ ਖਜ਼ਾਨਾ, ਵਿਗਿਆਨੀਆਂ ਨੇ ਕੀਤਾ ਹੈਰਾਨੀਜਨਕ ਖੁਲਾਸਾ
2000 Year Old Treasure: ਅਮੀਰ ਬਣਨ ਲਈ ਹਰ ਕੋਈ ਮਿਹਨਤ ਕਰਦਾ ਹੈ ਤਾਂ ਕਿਸੇ ਨੂੰ ਦੱਬਿਆ ਖ਼ਜ਼ਾਨਾ ਮਿਲ ਜਾਂਦਾ ਹੈ। ਜੀ ਹਾਂ, ਅਸੀਂ ਅਕਸਰ ਜ਼ਮੀਨ ਹੇਠਾਂ ਦੱਬੇ ਖਜ਼ਾਨੇ ਬਾਰੇ ਸੁਣਿਆ ਹੋਵੇਗਾ। ਸੋਨਾ, ਚਾਂਦੀ, ਹੀਰੇ ਅਤੇ ਮੋਤੀ
2000 Year Old Treasure: ਅਮੀਰ ਬਣਨ ਲਈ ਹਰ ਕੋਈ ਮਿਹਨਤ ਕਰਦਾ ਹੈ ਤਾਂ ਕਿਸੇ ਨੂੰ ਦੱਬਿਆ ਖ਼ਜ਼ਾਨਾ ਮਿਲ ਜਾਂਦਾ ਹੈ। ਜੀ ਹਾਂ, ਅਸੀਂ ਅਕਸਰ ਜ਼ਮੀਨ ਹੇਠਾਂ ਦੱਬੇ ਖਜ਼ਾਨੇ ਬਾਰੇ ਸੁਣਿਆ ਹੋਵੇਗਾ। ਸੋਨਾ, ਚਾਂਦੀ, ਹੀਰੇ ਅਤੇ ਮੋਤੀ ਬਹੁਤ ਸਾਰੇ ਖਜ਼ਾਨਿਆਂ ਵਿੱਚ ਪਾਏ ਜਾਂਦੇ ਹਨ। ਪੁਰਾਣੇ ਸਮਿਆਂ ਵਿੱਚ ਜਦੋਂ ਸੋਨਾ, ਚਾਂਦੀ ਵਰਗੀਆਂ ਚੀਜ਼ਾਂ ਮਹਿੰਗੀਆਂ ਨਹੀਂ ਹੁੰਦੀਆਂ ਸਨ ਤਾਂ ਲੋਕ ਇਨ੍ਹਾਂ ਨੂੰ ਕਿਤੇ ਲੁਕੋ ਕੇ ਜਾਂ ਜ਼ਮੀਨ ਵਿਚ ਦੱਬ ਦਿੰਦੇ ਸਨ। ਅਕਸਰ ਲੋਕ ਖਜ਼ਾਨੇ ਨੂੰ ਲੁਕਾ ਕੇ ਜਾਂ ਦੱਬ ਕੇ ਭੁੱਲ ਜਾਂਦੇ ਸੀ।
ਇਸ ਤੋਂ ਬਾਅਦ ਜਦੋਂ ਉਨ੍ਹਾਂ ਦੇ ਪਰਿਵਾਰ ਦੇ ਲੋਕਾਂ ਨੇ ਉਸ ਜਗ੍ਹਾ ਦੀ ਵਰਤੋਂ ਕੀਤੀ ਤਾਂ ਉਹ ਖਜ਼ਾਨਾ ਮਿਲਿਆ ਪਰ ਇਨ੍ਹੀਂ ਦਿਨੀਂ ਇੱਕ ਹੈਰਾਨੀਜਨਕ ਮਾਮਲਾ ਸਾਹਮਣੇ ਆਇਆ ਹੈ। ਵਿਗਿਆਨੀਆਂ ਨੂੰ 2000 ਸਾਲ ਬਾਅਦ ਇੱਕ ਖਜ਼ਾਨਾ ਮਿਲਿਆ ਹੈ। ਹੈਰਾਨੀ ਦੀ ਗੱਲ ਹੈ ਕਿ ਇੰਨੇ ਸਾਲਾਂ ਤੱਕ ਇਸ ਖਜ਼ਾਨੇ ਬਾਰੇ ਕਿਸੇ ਨੂੰ ਪਤਾ ਨਹੀਂ ਲੱਗਾ। ਇਹ ਖਜ਼ਾਨਾ ਇੱਕ ਵਿਅਕਤੀ ਦੇ ਖੇਤ ਵਿੱਚੋਂ ਮਿਲਿਆ। ਦਰਅਸਲ 2000 ਸਾਲ ਪਹਿਲਾਂ ਕਿਸਾਨ ਦੇ ਖੇਤ ਵਿੱਚ ਸੋਨੇ ਦੀ ਵਰਖਾ ਹੋਈ ਸੀ। ਇਸੇ ਲਈ ਵਿਗਿਆਨੀਆਂ ਨੂੰ ਇੱਕ, ਦੋ ਨਹੀਂ ਸਗੋਂ 41 ਸੋਨੇ ਦੇ ਸਿੱਕੇ ਮਿਲੇ ਹਨ।
ਇਹ ਖਜ਼ਾਨਾ ਖੋਜ ਉੱਤਰ-ਪੂਰਬੀ ਜਰਮਨੀ ਦੇ ਬਰੈਂਡਨਬਰਗ ਵਿੱਚ ਮਿਲਿਆ ਹੈ। ਵਿਗਿਆਨੀਆਂ ਨੇ ਇਹ ਸਿੱਕੇ ਇੱਕ ਕਿਸਾਨ ਦੇ ਖੇਤ ਵਿੱਚੋਂ ਲੱਭੇ ਹਨ। ਇਹ ਖੋਜ ਬਹੁਤ ਦੁਰਲੱਭ ਦੱਸੀ ਜਾਂਦੀ ਹੈ। ਜਰਮਨੀ ਵਿੱਚ ਇੱਕ ਫ੍ਰੀਲਾਂਸਰ ਵਜੋਂ ਕੰਮ ਕਰਨ ਵਾਲੇ ਇਸ ਪੁਰਾਤੱਤਵ ਵਿਗਿਆਨੀ ਨੇ ਖੇਤ ਵਿੱਚੋਂ ਸੇਲਟਿਕ ਸਿੱਕਿਆਂ ਦੀ ਖੋਜ ਕੀਤੀ ਹੈ। ਇਕ ਰਿਪੋਰਟ ਮੁਤਾਬਕ ਇਹ ਸਿੱਕੇ ਕਾਫੀ ਕੀਮਤੀ ਹਨ। ਇਨ੍ਹਾਂ ਸਿੱਕਿਆਂ ਦੀ ਸਭ ਤੋਂ ਖਾਸ ਗੱਲ ਇਹ ਹੈ ਕਿ ਇਨ੍ਹਾਂ ਨੂੰ ਸਤਰੰਗੀ ਪੀਂਘ ਦੇ ਸਿਰੇ 'ਤੇ ਬਣਾਇਆ ਗਿਆ ਹੈ। ਇਸੇ ਕਰਕੇ ਇਨ੍ਹਾਂ ਨੂੰ ਰੇਨਬੋ ਕੱਪ ਵੀ ਕਿਹਾ ਜਾਂਦਾ ਹੈ।
ਇਨ੍ਹਾਂ ਸੋਨੇ ਦੇ ਸਿੱਕਿਆਂ ਦੀ ਖੋਜ ਦੀ ਖ਼ਬਰ ਬਰੈਂਡਨਬਰਗ ਦੇ ਸੱਭਿਆਚਾਰਕ ਮੰਤਰੀ ਮੈਂਡਾ ਸ਼ੁਲੇ ਨੇ ਦਿੱਤੀ ਹੈ। ਸ਼ੂਲੇ ਅਨੁਸਾਰ ਇਹ ਸਿੱਕੇ ਲਗਭਗ ਦੋ ਹਜ਼ਾਰ ਸਾਲ ਪੁਰਾਣੇ ਹਨ। ਇਹ ਸਿੱਕੇ ਬਹੁਤ ਵੱਖਰੇ ਤਰੀਕੇ ਨਾਲ ਬਣਾਏ ਗਏ ਹਨ। ਕਿਹਾ ਜਾਂਦਾ ਹੈ ਕਿ ਇਹ ਸਿੱਕੇ ਜਰਮਨ ਭਾਸ਼ਾ ਦੇ regenbogenschüsselchen ਯਾਨੀ ਰੇਗੇਨਬੋਗੇਨਸ਼ਚੁਸੇਲਚੇਨ ਤੋਂ ਪ੍ਰੇਰਿਤ ਹਨ। ਇਸਦਾ ਅਰਥ ਹੈ "ਇੰਦਰਧਨੁਸ਼ ਦਾ ਕੱਪ"।
ਇਹ ਵੀ ਪੜ੍ਹੋ: ਕਬਾੜ ਹੋਏ ਜਹਾਜ਼ ਨਾਲ ਇਹ ਸਖ਼ਸ਼ ਕਰ ਰਿਹਾ ਕਰੋੜਾਂ ਦੀ ਕਮਾਈ, ਕਦੇ ਸਿਰਫ 100 ਰੁਪਏ 'ਚ ਖਰੀਦਿਆ ਸੀ
ਦੁਰਲੱਭ ਚੀਜਾਂ ਦਾ ਅਧਿਐਨ ਕਰਨ ਵਾਲੇ ਮਾਰਜ਼ੇਨਕੋ ਪਿਲਿਕ ਦੇ ਅਨੁਸਾਰ, ਇਹਨਾਂ ਸਿੱਕਿਆਂ ਨਾਲ ਜੁੜੀ ਕਹਾਣੀ ਇਹਨਾਂ ਨੂੰ ਬਹੁਤ ਦੁਰਲੱਭ ਬਣਾਉਂਦੀ ਹੈ। ਪੀਲਿਕ ਸਕਲੋਸ ਫ੍ਰੀਡਨਸਟਾਈਨ ਗੋਥਾ ਫਾਊਂਡੇਸ਼ਨ ਕੈਬਨਿਟ ਦੇ ਮੈਂਬਰ ਹਨ। ਮੀਂਹ ਤੋਂ ਬਾਅਦ ਜਦੋਂ ਸਤਰੰਗੀ ਪੀਂਘ ਧਰਤੀ 'ਤੇ ਬਣਦੀ ਹੈ ਤੇ ਸਤਰੰਗੀ ਪੀਂਘ ਦਾ ਆਖਰੀ ਸਿਰਾ ਧਰਤੀ 'ਤੇ ਕਿੱਥੇ ਪੈਂਦਾ ਹੈ। ਉੱਥੇ ਹੀ ਇਹ ਸਿੱਕੇ ਮਿਲੇ ਹਨ।
ਇਨ੍ਹਾਂ ਸਿੱਕਿਆਂ ਦੀ ਖੋਜ ਕਰਨ ਵਾਲੇ ਵੋਲਫਗੈਂਗ ਹਰਕਟ ਬ੍ਰਾਂਡੇਨਬਰਗ ਸਟੇਟ ਹੈਰੀਟੇਜ ਮੈਨੇਜਮੈਂਟ ਤੇ ਪੁਰਾਤੱਤਵ ਰਾਜ ਅਜਾਇਬ ਘਰ (ਬੀਐਲਡੀਏਐਮ) ਵਿੱਚ ਇੱਕ ਪੁਰਾਤੱਤਵ-ਵਿਗਿਆਨੀ ਹੈ। ਹਰਕਟ ਨੂੰ ਸ਼ੱਕ ਸੀ ਕਿ ਖੇਤ ਵਿੱਚ ਇਸ ਤਰ੍ਹਾਂ ਦੇ ਸੋਨੇ ਦੇ ਸਿੱਕੇ ਹਨ। ਜਦੋਂ ਖੇਤ ਦੇ ਮਾਲਕ ਤੋਂ ਇਜਾਜ਼ਤ ਲੈ ਕੇ ਖੁਦਾਈ ਕੀਤੀ ਗਈ ਤਾਂ 41 ਸਿੱਕੇ ਮਿਲੇ ਜੋ ਬਹੁਤ ਹੀ ਦੁਰਲੱਭ ਹਨ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
