60 ਸੈਕਿੰਡ 'ਚ 7 ਕਰੋੜ ਦੀ ਪੋਰਸ਼ ਸਮੇਤ 5 ਲਗਜ਼ਰੀ ਕਾਰਾਂ ਚੋਰੀ, ਨਹੀਂ ਯਕੀਨ ਤਾਂ ਵੇਖੋ ਵੀਡੀਓ
Video: ਏਸੇਕਸ ਕਾਉਂਟੀ ਵੱਲੋਂ ਸ਼ੇਅਰ ਕੀਤੀ ਗਈ ਵੀਡੀਓ ਵਿੱਚ ਸਾਫ਼ ਨਜ਼ਰ ਆ ਰਿਹਾ ਹੈ ਕਿ ਚੋਰ ਇੱਕ ਮਿੰਟ ਤੋਂ ਵੀ ਘੱਟ ਸਮੇਂ ਵਿੱਚ ਦੋ ਪੋਰਸ਼, ਇੱਕ ਮਰਸਡੀਜ਼, ਇੱਕ ਮੇਬੈਕ ਸਮੇਤ ਕੁੱਲ ਪੰਜ ਕਾਰਾਂ ਚੋਰੀ ਕਰਦੇ ਨਜ਼ਰ ਆ ਰਹੇ ਹਨ।
Video : ਇੰਗਲੈਂਡ ਦੀ ਏਸੇਕਸ ਕਾਊਂਟੀ 'ਚ ਹੈਰਾਨੀਜਨਕ ਤਰੀਕੇ ਨਾਲ ਚੋਰੀ ਦਾ ਵੀਡੀਓ ਸਾਹਮਣੇ ਆਇਆ ਹੈ। ਐਸੈਕਸ ਪੁਲਿਸ ਨੇ ਖੁਦ ਚੋਰੀ ਦੀ ਇਸ ਵੀਡੀਓ ਨੂੰ ਟਵਿਟਰ 'ਤੇ ਸ਼ੇਅਰ ਕਰਕੇ ਇਸ ਦੀ ਜਾਣਕਾਰੀ ਦਿੱਤੀ ਹੈ। ਪੁਲਿਸ ਨੇ ਚੋਰੀ ਦੀ ਸਾਰੀ ਘਟਨਾ ਦੀ ਸੀਸੀਟੀਵੀ ਫੁਟੇਜ ਜਾਰੀ ਕੀਤੀ ਹੈ, ਜਿਸ ਵਿੱਚ ਚੋਰ ਲਗਜ਼ਰੀ ਗੱਡੀਆਂ ’ਤੇ ਹੱਥ ਸਾਫ਼ ਕਰਦੇ ਨਜ਼ਰ ਆ ਰਹੇ ਹਨ। ਹੁਣ ਐਸੈਕਸ ਕਾਉਂਟੀ ਪੁਲਿਸ ਚੋਰਾਂ ਨੂੰ ਫੜਨ ਵਿੱਚ ਲੱਗੀ ਹੋਈ ਹੈ।
ਇੱਕ-ਇੱਕ ਕਰਕੇ 5 ਲਗਜ਼ਰੀ ਕਾਰਾਂ ਚੋਰੀ
ਦਰਅਸਲ, ਪੁਲਿਸ ਵੱਲੋਂ ਜਾਰੀ ਕੀਤੀ ਗਈ ਵੀਡੀਓ 60 ਸੈਕਿੰਡ ਦੀ ਹੈ, ਵੀਡੀਓ ਵਿੱਚ ਸਾਫ਼ ਦੇਖਿਆ ਜਾ ਸਕਦਾ ਹੈ ਕਿ ਚੋਰ ਇੱਕ-ਇੱਕ ਕਰਕੇ 5 ਲਗਜ਼ਰੀ ਕਾਰਾਂ ਚੋਰੀ ਕਰ ਰਹੇ ਹਨ। ਚੋਰੀ ਦੀ ਇਸ ਵੱਡੀ ਵਾਰਦਾਤ ਤੋਂ ਬਾਅਦ ਇਲਾਕੇ ਦੇ ਲੋਕ ਡਰੇ ਹੋਏ ਹਨ ਕਿ ਕਿਤੇ ਉਨ੍ਹਾਂ ਦੇ ਘਰਾਂ 'ਚ ਵੀ ਚੋਰੀ ਦੀ ਵਾਰਦਾਤ ਹੋ ਸਕਦੀ ਹੈ। ਇਸ ਚੋਰੀ ਨੂੰ ਲੈ ਕੇ ਪੁਲਿਸ ਹੈਰਾਨ ਹੈ ਕਿਉਂਕਿ ਇਹ ਵਾਰਦਾਤ ਵਹਿਸ਼ੀ ਹੈ ਜਿਸ ਦਾ ਅੱਜ ਤੱਕ ਪੁਲਿਸ ਕੋਈ ਸੁਰਾਗ ਨਹੀਂ ਲਗਾ ਸਕੀ |
Porsche, Mercedes, Maybach ਕਾਰਾਂ ਸ਼ਾਮਿਲ ਹਨ
ਐਸੇਕਸ ਕਾਉਂਟੀ ਵੱਲੋਂ ਸ਼ੇਅਰ ਕੀਤੀ ਗਈ ਵੀਡੀਓ ਵਿੱਚ ਸਾਫ਼ ਨਜ਼ਰ ਆ ਰਿਹਾ ਹੈ ਕਿ ਚੋਰ ਇੱਕ ਮਿੰਟ ਤੋਂ ਵੀ ਘੱਟ ਸਮੇਂ ਵਿੱਚ ਦੋ ਪੋਰਸ਼, ਇੱਕ ਮਰਸੀਡੀਜ਼, ਇੱਕ ਮੇਬੈਕ ਸਮੇਤ ਕੁੱਲ ਪੰਜ ਕਾਰਾਂ ਚੋਰੀ ਕਰਦੇ ਨਜ਼ਰ ਆ ਰਹੇ ਹਨ। ਚੋਰੀ ਤੋਂ ਬਾਅਦ ਚੋਅ ਵੀ ਬੜੇ ਆਰਾਮ ਨਾਲ ਭੱਜਦਾ ਦੇਖਿਆ ਗਿਆ। ਵਾਰਦਾਤ ਨੂੰ ਅੰਜਾਮ ਦਿੰਦੇ ਸਮੇਂ ਇੱਕ ਚੋਰ ਗੇਟ 'ਤੇ ਖੜ੍ਹਾ ਹੋ ਕੇ ਕਾਰਾਂ ਨੂੰ ਬਾਹਰ ਨਿਕਲਣ ਵਿੱਚ ਮਦਦ ਕਰ ਰਿਹਾ ਹੈ, ਉਸ ਨੇ ਮੇਨ ਗੇਟ ਨੂੰ ਫੜਿਆ ਹੋਇਆ ਹੈ ਅਤੇ ਬਾਕੀ ਚੋਰ ਇੱਕ-ਇੱਕ ਕਰਕੇ ਕਾਰਾਂ ਦੀ ਭੰਨ-ਤੋੜ ਕਰ ਰਹੇ ਹਨ।
We are currently investigating an incident where multiple luxury cars were stolen from a unit on Brentwood Road in #Bulphan on 11 November.
— Essex Police (@EssexPoliceUK) December 5, 2022
Did you witness anything suspicious? If so, please contact us. pic.twitter.com/2huktS0PJI
ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਇੰਗਲੈਂਡ ਦੀ ਏਸੇਕਸ ਕਾਉਂਟੀ ਨੇ ਲਿਖਿਆ ਕਿ "ਅਸੀਂ ਇਸ ਸਮੇਂ ਇੱਕ ਘਟਨਾ ਦੀ ਜਾਂਚ ਕਰ ਰਹੇ ਹਾਂ ਜਿੱਥੇ 11 ਨਵੰਬਰ ਨੂੰ ਬੁੱਲਫਾਨ ਵਿੱਚ ਬ੍ਰੈਂਟਵੁੱਡ ਰੋਡ 'ਤੇ ਇੱਕ ਯੂਨਿਟ ਤੋਂ ਕਈ ਲਗਜ਼ਰੀ ਕਾਰਾਂ ਚੋਰੀ ਹੋ ਗਈਆਂ ਸਨ। ਇਹ ਪੁੱਛੇ ਜਾਣ 'ਤੇ ਕਿ ਕੀ ਤੁਸੀਂ ਕੁਝ ਸ਼ੱਕੀ ਦੇਖਿਆ ਹੈ? ਕਿਰਪਾ ਕਰਕੇ ਸਾਡੇ ਨਾਲ ਸੰਪਰਕ ਕਰੋ।"
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
