ਨਾਰੀਅਲ ਪਾਣੀ ਪੀਣ ਨਾਲ ਤਿੰਨ ਘੰਟੇ 'ਚ ਹੋਈ ਵਿਅਕਤੀ ਦੀ ਮੌਤ, ਵਜ੍ਹਾ ਜਾਣ ਕੇ ਰਹਿ ਜਾਓਗੇ ਹੈਰਾਨ
Man Dies due to Coconut Water: ਹਾਲ ਹੀ ਵਿੱਚ ਇੱਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ ਜਿੱਥੇ ਡੈਨਮਾਰਕ ਵਿੱਚ ਇੱਕ ਵਿਅਕਤੀ ਦੀ ਮੌਤ ਪੁਰਾਣਾ ਅਤੇ ਸੜਿਆ ਹੋਇਆ ਨਾਰੀਅਲ ਪਾਣੀ ਪੀਣ ਨਾਲ ਹੋ ਗਈ।
Man Dies due to Coconut Water: ਗਰਮੀਆਂ ਦੇ ਮੌਸਮ ਵਿੱਚ ਨਾਰੀਅਲ ਪਾਣੀ ਸਿਹਤ ਲਈ ਬਹੁਤ ਫਾਇਦੇਮੰਦ ਹੁੰਦਾ ਹੈ। ਇਹ ਸਰੀਰ ਨੂੰ ਹਾਈਡ੍ਰੇਟ ਰੱਖਦਾ ਹੈ ਅਤੇ ਇਲੈਕਟ੍ਰੋਲਾਈਟਸ ਦਾ ਸੰਤੁਲਨ ਬਣਾਈ ਰੱਖਦਾ ਹੈ। ਇਹ ਥਕਾਵਟ ਦੂਰ ਕਰਨ, ਪਾਚਨ ਕਿਰਿਆ ਸੁਧਾਰਨ ਅਤੇ ਚਮੜੀ ਨੂੰ ਨਿਖਾਰਨ ਵਿੱਚ ਮਦਦ ਕਰਦਾ ਹੈ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਜੇਕਰ ਨਾਰੀਅਲ ਪਾਣੀ ਗਲਤ ਤਰੀਕੇ ਨਾਲ ਪੀਤਾ ਜਾਵੇ, ਤਾਂ ਇਹ ਖਤਰਨਾਕ ਸਾਬਤ ਹੋ ਸਕਦਾ ਹੈ? ਹਾਲ ਹੀ ਵਿੱਚ ਇੱਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ ਜਿੱਥੇ ਡੈਨਮਾਰਕ ਵਿੱਚ ਇੱਕ ਵਿਅਕਤੀ ਦੀ ਮੌਤ ਪੁਰਾਣਾ ਅਤੇ ਸੜਿਆ ਹੋਇਆ ਨਾਰੀਅਲ ਪਾਣੀ ਪੀਣ ਨਾਲ ਹੋ ਗਈ।
ਵੱਖ-ਵੱਖ ਰਿਪੋਰਟਾਂ ਦੇ ਅਨੁਸਾਰ ਡੈਨਮਾਰਕ ਵਿੱਚ ਵਾਪਰੀ ਇਸ ਘਟਨਾ ਵਿੱਚ ਇੱਕ ਵਿਅਕਤੀ ਨੇ ਨਾਰੀਅਲ ਪਾਣੀ ਖਰੀਦਿਆ ਪਰ ਉਸ ਨੂੰ ਫਰਿੱਜ ਵਿੱਚ ਨਹੀਂ ਰੱਖਿਆ। ਜਦੋਂ ਉਸ ਨੇ ਕਈ ਦਿਨਾਂ ਬਾਅਦ ਨਾਰੀਅਲ ਪਾਣੀ ਪੀਤਾ ਤਾਂ ਕੁਝ ਹੀ ਮਿੰਟਾਂ ਵਿੱਚ ਉਸ ਦੀ ਸਿਹਤ ਵਿਗੜਨੀ ਸ਼ੁਰੂ ਹੋ ਗਈ। ਪਹਿਲਾਂ ਉਸ ਨੂੰ ਬਹੁਤ ਪਸੀਨਾ ਆਉਣ ਲੱਗਿਆ, ਫਿਰ ਮਤਲੀ ਅਤੇ ਉਲਟੀਆਂ ਆਉਣੀਆਂ ਸ਼ੁਰੂ ਹੋ ਗਈਆਂ। ਥੋੜ੍ਹੀ ਦੇਰ ਵਿੱਚ ਹੀ ਉਹ ਬੇਹੋਸ਼ ਹੋ ਗਿਆ ਅਤੇ ਹਸਪਤਾਲ ਪਹੁੰਚਣ ਤੋਂ ਪਹਿਲਾਂ ਹੀ ਉਸ ਦੀ ਮੌਤ ਹੋ ਗਈ। ਮ੍ਰਿਤਕ ਦੀ ਪਤਨੀ ਦੇ ਅਨੁਸਾਰ, ਨਾਰੀਅਲ ਪਾਣੀ ਵਿੱਚੋਂ ਇੱਕ ਅਜੀਬ ਗੰਧ ਆ ਰਹੀ ਸੀ ਅਤੇ ਉਸ ਨੂੰ ਉੱਲੀ ਲੱਗੀ ਹੋਈ ਸੀ, ਫਿਰ ਵੀ ਉਸ ਨੇ ਥੋੜ੍ਹੀ ਜਿਹੀ ਮਾਤਰਾ ਵਿੱਚ ਪੀਤਾ। ਇਹ ਫੰਗਸ ਤੇਜ਼ੀ ਨਾਲ ਖੂਨ ਵਿੱਚ ਪਹੁੰਚ ਕੇ ਦਿਮਾਗ ਤੱਕ ਪਹੁੰਚ ਗਿਆ, ਜਿਸ ਨਾਲ ਜਾਨਲੇਵਾ ਸਥਿਤੀ ਪੈਦਾ ਹੋ ਗਈ।
ਪੋਸਟਮਾਰਟਮ ਰਿਪੋਰਟ ਵਿੱਚ ਆਦਮੀ ਦੀ ਸਾਹ ਦੀ ਨਾਲੀ ਵਿੱਚ ਫੰਗਸ ਪਾਇਆ ਗਿਆ ਅਤੇ ਨਾਰੀਅਲ ਦੀ ਜਾਂਚ ਵਿੱਚ Arthrinium saccharicola ਨਾਮ ਦੇ ਫੰਗਸ ਬਾਰੇ ਪਤਾ ਲੱਗਿਆ। ਇਹ ਖ਼ਤਰਨਾਕ ਫੰਗਸ 3-ਨਾਈਟਰੋਪ੍ਰੋਪੀਓਨਿਕ ਐਸਿਡ (3-NPA) ਨਾਮਕ ਇੱਕ ਜ਼ਹਿਰੀਲਾ ਮਿਸ਼ਰਣ ਪੈਦਾ ਕਰਦੀ ਹੈ, ਜੋ ਦਿਮਾਗ ਨੂੰ ਬੁਰੀ ਤਰ੍ਹਾਂ ਪ੍ਰਭਾਵਿਤ ਕਰਦੀ ਹੈ। ਇਸ ਜ਼ਹਿਰੀਲੇ ਪਦਾਰਥ ਨੇ ਵਿਅਕਤੀ ਨੂੰ ਨਿਊਰੋਲੋਜੀਕਲ ਨੁਕਸਾਨ ਪਹੁੰਚਾਇਆ, ਜਿਸ ਦੇ ਨਤੀਜੇ ਵਜੋਂ ਉਸ ਦੀ ਮੌਤ ਹੋ ਗਈ। ਇਸ ਤੋਂ ਪਹਿਲਾਂ ਵੀ ਚੀਨ ਅਤੇ ਅਫਰੀਕਾ ਵਿੱਚ ਇਸ ਜ਼ਹਿਰ ਕਾਰਨ ਕਈ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਇਹ ਫੰਗਸ ਗੰਨੇ ਵਿੱਚ ਵੀ ਪਾਈ ਗਈ ਸੀ ਅਤੇ ਇਸਨੂੰ ਖਾਣ ਤੋਂ ਬਾਅਦ ਲੋਕਾਂ ਵਿੱਚ ਗੰਭੀਰ ਸਿਹਤ ਸਮੱਸਿਆਵਾਂ ਵੇਖੀਆਂ ਗਈਆਂ ਸਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
