ਟਰੰਪ ਦੀ ਗਲਤੀ 'ਤੇ ਨਿੱਕੀ ਹੇਲੀ ਦੀ ਫਟਕਾਰ- 'ਟਾਰਗੇਟ ਚੀਨ, ਦੋਸਤ ਭਾਰਤ ਨਾਲ ਦੁਸ਼ਮਣ ਵਰਗਾ ਵਿਵਹਾਰ...'
ਸੰਯੁਕਤ ਰਾਸ਼ਟਰ ਵਿੱਚ ਅਮਰੀਕਾ ਦੀ ਸਾਬਕਾ ਰਾਜਦੂਤ ਨਿੱਕੀ ਹੇਲੀ ਨੇ ਸਪੱਸ਼ਟ ਚੇਤਾਵਨੀ ਦਿੱਤੀ ਹੈ ਕਿ ਅਮਰੀਕਾ-ਭਾਰਤ ਸਬੰਧ ਟੁੱਟਣ ਦੀ ਕਗਾਰ 'ਤੇ ਹਨ। ਉਨ੍ਹਾਂ ਕਿਹਾ ਕਿ ਜੇ ਅਮਰੀਕਾ ਚੀਨ ਦੀਆਂ ਵਧਦੀਆਂ ਅਭਿਲਾਸ਼ਾਵਾਂ 'ਤੇ ਲਗਾਮ ਲਗਾਉਣਾ...
ਸੰਯੁਕਤ ਰਾਸ਼ਟਰ ਵਿੱਚ ਅਮਰੀਕਾ ਦੀ ਸਾਬਕਾ ਰਾਜਦੂਤ ਨਿੱਕੀ ਹੇਲੀ ਨੇ ਸਪੱਸ਼ਟ ਚੇਤਾਵਨੀ ਦਿੱਤੀ ਹੈ ਕਿ ਅਮਰੀਕਾ-ਭਾਰਤ ਸਬੰਧ ਟੁੱਟਣ ਦੀ ਕਗਾਰ 'ਤੇ ਹਨ। ਉਨ੍ਹਾਂ ਕਿਹਾ ਕਿ ਜੇ ਅਮਰੀਕਾ ਚੀਨ ਦੀਆਂ ਵਧਦੀਆਂ ਅਭਿਲਾਸ਼ਾਵਾਂ 'ਤੇ ਲਗਾਮ ਲਗਾਉਣਾ ਚਾਹੁੰਦਾ ਹੈ ਤਾਂ ਉਸ ਨੂੰ ਭਾਰਤ ਨਾਲ ਸਬੰਧਾਂ ਨੂੰ ਤਰਜੀਹ ਦੇਣੀ ਹੋਵੇਗੀ।
ਬੁੱਧਵਾਰ ਯਾਨੀਕਿ 20 ਅਗਸਤ ਨੂੰ ਨਿਊਜ਼ਵੀਕ ਵਿੱਚ ਪ੍ਰਕਾਸ਼ਿਤ ਇੱਕ ਲੇਖ ਵਿੱਚ ਹੇਲੀ ਨੇ ਲਿਖਿਆ ਕਿ ਅਮਰੀਕਾ ਨੂੰ ਸਭ ਤੋਂ ਮਹੱਤਵਪੂਰਨ ਗੱਲ ਨੂੰ ਨਜ਼ਰਅੰਦਾਜ਼ ਨਹੀਂ ਕਰਨਾ ਚਾਹੀਦਾ ਕਿ ਸਾਡਾ ਨਿਸ਼ਾਨਾ ਚੀਨ ਹੈ। ਉਸ ਦਾ ਸਾਹਮਣਾ ਕਰਨ ਲਈ ਅਮਰੀਕਾ ਕੋਲ ਭਾਰਤ ਦੇ ਰੂਪ ਵਿੱਚ ਇੱਕ ਦੋਸਤ ਹੋਣਾ ਚਾਹੀਦਾ।
ਟੈਰੀਫ਼ ਅਤੇ ਰੂਸੀ ਤੇਲ ਨੂੰ ਲੈ ਕੇ ਵਿਵਾਦ
ਹੇਲੀ ਦਾ ਬਿਆਨ ਇਸ ਸਮੇਂ ਆਇਆ ਹੈ, ਜਦੋਂ ਅਮਰੀਕਾ ਅਤੇ ਭਾਰਤ ਦੇ ਦਰਮਿਆਨ ਵਪਾਰਕ ਵਿਵਾਦ ਅਤੇ ਰੂਸੀ ਤੇਲ ਆਯਾਤ ਨੂੰ ਲੈ ਕੇ ਤਣਾਅ ਵੱਧ ਗਿਆ ਹੈ। ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਭਾਰਤ ਉੱਤੇ ਰੂਸੀ ਤੇਲ ਖਰੀਦ ਜਾਰੀ ਰੱਖਣ ਦੇ ਕਾਰਨ 25% ਪਰਸਪਰਕ ਸ਼ੁਲਕ ਅਤੇ 25% ਵਾਧੂ ਟੈਰੀਫ਼ ਲਗਾ ਦਿੱਤਾ ਹੈ, ਜੋ 27 ਅਗਸਤ ਤੋਂ ਲਾਗੂ ਹੋਵੇਗਾ।
ਹੇਲੀ ਨੇ ਮੰਨਿਆ ਕਿ ਭਾਰਤ ਵੱਲੋਂ ਤੇਲ ਖਰੀਦਣ ਕਾਰਨ ਰੂਸ ਨੂੰ ਯੂਕਰੇਨ ਯੁੱਧ ਲਈ ਆਰਥਿਕ ਸਹਾਇਤਾ ਮਿਲ ਰਹੀ ਹੈ, ਪਰ ਨਾਲ ਹੀ ਉਨ੍ਹਾਂ ਚੇਤਾਵਨੀ ਦਿੱਤੀ ਕਿ ਭਾਰਤ ਨਾਲ ਦੁਸ਼ਮਣ ਵਰਗਾ ਵਰਤਾਅ ਕਰਨਾ ਇੱਕ ਰਣਨੀਤਿਕ ਗਲਤੀ ਹੋਵੇਗੀ।
ਚੀਨ ਨੂੰ ਰੋਕਣ ਵਿੱਚ ਭਾਰਤ ਦੀ ਅਹਿਮ ਭੂਮਿਕਾ
ਹੇਲੀ ਨੇ ਕਿਹਾ ਕਿ ਏਸ਼ੀਆ ਵਿੱਚ ਚੀਨ ਦੇ ਦਬਦਬੇ ਦਾ ਮੁਕਾਬਲਾ ਕਰਨ ਵਾਲਾ ਇਕਮਾਤਰ ਦੇਸ਼ ਭਾਰਤ ਹੈ। ਭਾਰਤ ਕੋਲ ਚੀਨ ਦੀ ਤਰ੍ਹਾਂ ਵੱਡੇ ਪੱਧਰ 'ਤੇ ਨਿਰਮਾਣ ਕਰਨ ਦੀ ਸਮਰੱਥਾ ਹੈ, ਜੋ ਅਮਰੀਕਾ ਨੂੰ ਚੀਨ ਦੀ ਬਜਾਏ ਭਾਰਤ ਦੇ ਜ਼ਰੀਏ ਆਪਣੀ ਸਪਲਾਈ ਚੇਨ ਦੀ ਮੰਗ ਨੂੰ ਪੂਰਾ ਕਰਨ ਵਿੱਚ ਮਦਦ ਕਰ ਸਕਦੀ ਹੈ। ਭਾਰਤ ਦੇ ਅਮਰੀਕਾ ਅਤੇ ਇਜ਼ਰਾਈਲ ਵਰਗੇ ਦੇਸ਼ਾਂ ਨਾਲ ਮਜ਼ਬੂਤ ਰੱਖਿਆ ਸਬੰਧ ਇਸ ਨੂੰ ਵਿਸ਼ਵ ਦੀ ਸੁਰੱਖਿਆ ਲਈ ਮਹੱਤਵਪੂਰਨ ਬਣਾਉਂਦੇ ਹਨ। ਹੇਲੀ ਦਾ ਮੰਨਣਾ ਹੈ ਕਿ ਆਉਣ ਵਾਲੇ ਸਮੇਂ ਵਿੱਚ ਭਾਰਤ ਚੀਨ ਦੀਆਂ ਅਭਿਲਾਸ਼ਾਵਾਂ ਨੂੰ ਕਮਜ਼ੋਰ ਕਰੇਗਾ।
ਟਰੰਪ-ਮੋਦੀ ਗੱਲਬਾਤ ਦੀ ਅਪੀਲ
ਹੇਲੀ ਨੇ ਸੁਝਾਅ ਦਿੱਤਾ ਕਿ ਰਾਸ਼ਟਰਪਤੀ ਡੋਨਾਲਡ ਟਰੰਪ ਅਤੇ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੂੰ ਸਿੱਧੀ ਗੱਲਬਾਤ ਕਰਨੀ ਚਾਹੀਦੀ ਹੈ ਤਾਂ ਜੋ ਦੋਵੇਂ ਦੇਸ਼ਾਂ ਵਿੱਚ ਉੱਭਰੀ ਗਲਤਫ਼ਹਿਮੀਆਂ ਦੂਰ ਕੀਤੀਆਂ ਜਾ ਸਕਣ। ਉਨ੍ਹਾਂ ਨੇ ਕਿਹਾ ਕਿ ਜੇ ਇਹ ਨਹੀਂ ਹੋਇਆ ਤਾਂ ਚੀਨ ਇਸ ਫਰਕ ਦਾ ਫਾਇਦਾ ਉਠਾ ਸਕਦਾ ਹੈ। ਹੇਲੀ ਨੇ ਆਪਣੇ ਲੇਖ ਵਿੱਚ 1982 ਵਿੱਚ ਇੰਦਿਰਾ ਗਾਂਧੀ ਅਤੇ ਅਮਰੀਕੀ ਰਾਸ਼ਟਰਪਤੀ ਰੋਨਾਲਡ ਰੀਗਨ ਦੇ ਵਿਚਾਰ ਦਾ ਜ਼ਿਕਰ ਕੀਤਾ। ਉਨ੍ਹਾਂ ਲਿਖਿਆ ਕਿ ਅਮਰੀਕਾ ਅਤੇ ਭਾਰਤ ਕਦੇ-ਕਦੇ ਵੱਖ-ਵੱਖ ਰਸਤੇ ਅਪਣਾ ਸਕਦੇ ਹਨ, ਪਰ ਉਹਨਾਂ ਦੀ ਮੰਜਿਲ ਇੱਕੋ ਰਹਿਣੀ ਚਾਹੀਦੀ ਹੈ। ਹੇਲੀ ਨੇ ਦੁਹਰਾਇਆ ਕਿ ਚੀਨ ਦੀ ਚੁਣੌਤੀ ਦਾ ਸਾਹਮਣਾ ਕਰਨ ਲਈ ਅਮਰੀਕਾ ਲਈ ਭਾਰਤ ਨਾਲ ਦੋਸਤੀ ਬਣਾਈ ਰੱਖਣਾ ਜ਼ਰੂਰੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
