ਅਮਰੀਕਾ 'ਚ ਓਮੀਕ੍ਰੋਨ ਦਾ ਕਹਿਰ, ਦੇਸ਼ ਦੇ 22 ਸੂਬਿਆਂ 'ਚ ਫੈਲਿਆ, ਵਿਸ਼ਵ ਪੱਧਰੀ ਚਿਤਾਵਨੀ
ਓਮੀਕ੍ਰੋਨ ਦਾ ਪਹਿਲਾ ਕੇਸ ਤਾਈਵਾਨ 'ਚ ਪਾਇਆ ਗਿਆ ਹੈ। ਇਹ ਮਰੀਜ਼ ਉਹ ਔਰਤ ਹੈ ਜੋ 8 ਦਸੰਬਰ ਨੂੰ ਅਫ਼ਰੀਕੀ ਦੇਸ਼ ਇਸਵਾਤੀਨੀ ਤੋਂ ਵਾਪਸ ਆਈ ਸੀ।
ਵਾਸ਼ਿੰਗਟਨ: ਕੋਰੋਨਾ ਦਾ ਨਵਾਂ ਵੇਰੀਐਂਟ ਓਮੀਕ੍ਰੋਨ (Omicron) ਅਮਰੀਕਾ ਦੇ 22 ਸੂਬਿਆਂ 'ਚ ਫੈਲ ਚੁੱਕਾ ਹੈ। ਅਮਰੀਕਾ 'ਚ ਹੁਣ ਤਕ ਓਮੀਕ੍ਰੋਨ ਦੇ 43 ਕੇਸ ਸਾਹਮਣੇ ਆਏ ਹਨ, ਜਿਨ੍ਹਾਂ 'ਚੋਂ 33 ਸੰਕਰਮਿਤ ਅਜਿਹੇ ਹਨ, ਜੋ ਪਿਛਲੇ 2 ਹਫ਼ਤਿਆਂ ਦੌਰਾਨ ਵਿਦੇਸ਼ ਗਏ ਸਨ। ਇਹ ਵੀ ਪਤਾ ਲੱਗਾ ਹੈ ਕਿ ਦੱਖਣੀ ਅਫ਼ਰੀਕਾ 'ਚ ਪਹਿਲੀ ਵਾਰ ਓਮੀਕ੍ਰੋਨ ਵੇਰੀਐਂਟ ਦੀ ਪੁਸ਼ਟੀ ਹੋਣ ਤੋਂ ਪਹਿਲਾਂ ਅਮਰੀਕਾ 'ਚ ਇਹ ਵੇਰੀਐਂਟ ਮੌਜੂਦ ਸੀ।
ਸੀਐਨਬੀਸੀ ਦੀ ਇੱਕ ਰਿਪੋਰਟ ਅਨੁਸਾਰ ਸੈਂਟਰ ਫ਼ਾਰ ਡਿਸੀਜ਼ ਕੰਟਰੋਲ ਐਂਡ ਪ੍ਰੀਵੇਸ਼ਨ ਸੈਂਟਰ (ਸੀਡੀਸੀ) ਨੇ ਕਿਹਾ ਹੈ ਕਿ ਅਮਰੀਕਾ 'ਚ ਓਮੀਕ੍ਰੋਨ ਵੇਰੀਐਂਟ ਦੇ ਪਹਿਲੇ ਕੇਸ ਦਾ ਪਤਾ 15 ਨਵੰਬਰ ਨੂੰ ਹੀ ਪਾਇਆ ਗਿਆ ਸੀ, ਜਦੋਂ ਵਿਦੇਸ਼ ਯਾਤਰਾ ਕਰਨ ਵਾਲੇ ਵਿਅਕਤੀ 'ਚ ਲੱਛਣ ਪਾਏ ਗਏ ਸਨ। ਅਧਿਕਾਰਤ ਤੌਰ 'ਤੇ ਅਮਰੀਕਾ 'ਚ ਓਮੀਕ੍ਰੋਨ ਦੇ ਪਹਿਲੇ ਮਾਮਲੇ ਦੀ ਪੁਸ਼ਟੀ 29 ਨਵੰਬਰ ਨੂੰ ਹੋਈ ਸੀ।
ਇਸ ਤੋਂ ਇਲਾਵਾ ਕੈਲੇਫ਼ੋਰਨੀਆ ਦੇ ਨਾਲੇ ਦੇ ਪਾਣੀ ਦੀ ਵੀ ਜਾਂਚ ਕੀਤੀ ਗਈ, ਜਿਸ 'ਚ 25 ਨਵੰਬਰ ਨੂੰ ਕੋਰੋਨਾ ਵੇਰੀਐਂਟ ਪਾਇਆ ਗਿਆ ਸੀ। ਇਸ ਤੋਂ ਇਕ ਦਿਨ ਪਹਿਲਾਂ ਮਤਲਬ 24 ਨਵੰਬਰ ਨੂੰ ਦੱਖਣੀ ਅਫ਼ਰੀਕਾ 'ਚ ਓਮੀਕ੍ਰੋਨ ਵੇਰੀਐਂਟ ਪਾਏ ਜਾਣ ਦੀ ਪੁਸ਼ਟੀ ਹੋਈ ਸੀ ਤੇ 26 ਨਵੰਬਰ ਨੂੰ ਵਿਸ਼ਵ ਸਿਹਤ ਸੰਗਠਨ (ਡਬਲਿਯੂਐਚਓ) ਨੇ ਇਸ ਨੂੰ ਓਮੀਕ੍ਰੋਨ ਨਹੀਂ ਦਿੱਤਾ ਸੀ।
ਓਮੀਕ੍ਰੋਨ ਬਾਰੇ ਵਿਸ਼ਵ ਪੱਧਰੀ ਚਿਤਾਵਨੀ
ਦੱਖਣੀ ਅਫ਼ਰੀਕਾ ਨੇ ਓਮੀਕ੍ਰੋਨ ਨਾਲ ਸੰਕਰਮਿਤ ਸਿਹਤ ਮੁਲਾਜ਼ਮਾਂ ਲਈ 10 ਦਿਨ ਦੇ ਕੁਆਰੰਟੀਨ ਮਿਆਦ ਨੂੰ ਘਟਾਉਣ ਤੋਂ ਇਨਕਾਰ ਕਰ ਦਿੱਤਾ ਹੈ। ਦੱਖਣੀ ਅਫ਼ਰੀਕਾ 'ਚ ਓਮੀਕ੍ਰੋਨ ਵੇਰੀਐਂਟ ਨਾਲ ਸੰਕਰਮਿਤ ਮਰੀਜ਼ਾਂ ਦਾ ਇਲਾਜ ਕਰਨ ਵਾਲੇ ਡਾ. ਅਨਬੇਨ ਪਿੱਲੇ ਦਾ ਕਹਿਣਾ ਹੈ ਕਿ ਕਿਸੇ 'ਚ ਵੀ ਗੰਭੀਰ ਲਾਗ ਨਹੀਂ ਨਜ਼ਰ ਆਇਆ ਹੈ।
ਯੂਕੇ ਜਾਣ ਵਾਲੇ 2 ਯਾਤਰੀਆਂ ਅਤੇ ਚਾਂਗੀ ਹਵਾਈ ਅੱਡੇ ਦੇ 1 ਮੁਲਾਜ਼ਮ ਦੀ ਸਿੰਗਾਪੁਰ 'ਚ ਸ਼ੱਕੀ ਓਮੀਕ੍ਰੋਨ ਕੇਸਾਂ ਵਜੋਂ ਪਛਾਣ ਕੀਤੀ ਗਈ ਹੈ। ਗਮਾਲਿਆ ਨੈਸ਼ਨਲ ਰਿਸਰਚ ਸੈਂਟਰ ਨੇ ਕਿਹਾ ਹੈ ਕਿ ਦੱਖਣੀ ਅਫ਼ਰੀਕਾ ਤੋਂ ਰੂਸ ਪਰਤਣ ਵਾਲੇ ਓਮੀਕ੍ਰੋਨ ਸੰਕਰਮਿਤਾਂ ਨੂੰ ਪਹਿਲਾਂ ਹੀ ਟੀਕਾ ਲਗਾਇਆ ਗਿਆ ਸੀ। ਸਾਰਿਆਂ 'ਚ ਹਲਕੇ ਲੱਛਣ ਹਨ।
ਓਮੀਕ੍ਰੋਨ ਦਾ ਪਹਿਲਾ ਕੇਸ ਤਾਈਵਾਨ 'ਚ ਪਾਇਆ ਗਿਆ ਹੈ। ਇਹ ਮਰੀਜ਼ ਉਹ ਔਰਤ ਹੈ ਜੋ 8 ਦਸੰਬਰ ਨੂੰ ਅਫ਼ਰੀਕੀ ਦੇਸ਼ ਇਸਵਾਤੀਨੀ ਤੋਂ ਵਾਪਸ ਆਈ ਸੀ। ਫਰਾਂਸ 'ਚ ਪਿਛਲੇ ਇਕ ਹਫ਼ਤੇ ਤੋਂ ਰੋਜ਼ਾਨਾ ਔਸਤਨ 44 ਹਜ਼ਾਰ ਤੋਂ ਵੱਧ ਨਵੇਂ ਕੇਸ ਸਾਹਮਣੇ ਆ ਰਹੇ ਹਨ, ਜੋ ਕਿ ਪਿਛਲੇ ਹਫ਼ਤੇ ਨਾਲੋਂ 36 ਫ਼ੀਸਦੀ ਵੱਧ ਹੈ।
ਬ੍ਰਿਟੇਨ 'ਚ ਕੋਰੋਨਾ ਲਾਗ ਦੇ 54,073 ਨਵੇਂ ਮਾਮਲੇ ਸਾਹਮਣੇ ਆਏ ਹਨ ਤੇ 132 ਲੋਕਾਂ ਦੀ ਜਾਨ ਜਾ ਚੁੱਕੀ ਹੈ। ਓਮੀਕ੍ਰੋਨ ਦੇ ਵੀ 633 ਮਾਮਲੇ ਸਾਹਮਣੇ ਆਏ ਹਨ। ਇਸ ਦੇ ਨਾਲ ਯੂਕੇ 'ਚ ਓਮੀਕ੍ਰੋਨ ਦੇ ਕੁੱਲ ਮਾਮਲਿਆਂ ਦੀ ਗਿਣਤੀ 1989 ਹੋ ਗਈ ਹੈ।
Before You Go
BJP ‘ਤੇ CM ਮਾਨ ਦਾ ਤਿੱਖਾ ਤੰਜ, ਸਿਆਸਤ ਹੋਈ ਗਰਮ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
