Pakistani Girl come india for marriage: ਵਿਆਹ ਕਰਵਾਉਣ ਭਾਰਤ ਆਈ ਪਾਕਿਸਤਾਨੀ ਲਾੜੀ, ਲਾੜੇ ਦੇ ਪਰਿਵਾਰ ਨੇ ਇਦਾਂ ਕੀਤਾ ਸਵਾਗਤ
Pakistan news: ਪਾਕਿਸਤਾਨ ਦੇ ਕਰਾਚੀ ਦੀ ਰਹਿਣ ਵਾਲੀ ਜਵੇਰੀਆ ਖਾਨਮ ਵਿਆਹ ਕਰਨ ਲਈ ਭਾਰਤ ਆਈ ਹੈ। ਉਹ ਮੰਗਲਵਾਰ ਨੂੰ ਅੰਮ੍ਰਿਤਸਰ ਦੇ ਅਟਾਰੀ ਬਾਰਡਰ ਰਾਹੀਂ ਇੱਥੇ ਆਈ ਹੈ।
Pakistan news: ਪਾਕਿਸਤਾਨ ਦੇ ਕਰਾਚੀ ਦੀ ਰਹਿਣ ਵਾਲੀ ਜਵੇਰੀਆ ਖਾਨਮ ਵਿਆਹ ਕਰਨ ਲਈ ਭਾਰਤ ਆਈ ਹੈ। ਉਹ ਮੰਗਲਵਾਰ ਨੂੰ ਅੰਮ੍ਰਿਤਸਰ ਦੇ ਅਟਾਰੀ ਬਾਰਡਰ ਰਾਹੀਂ ਇੱਥੇ ਆਈ ਹੈ। ਜਵੇਰੀਆ ਦਾ ਵਿਆਹ ਕੋਲਕਾਤਾ ਦੇ ਕਾਰੋਬਾਰੀ ਅਹਿਮਦ ਕਮਾਲ ਖਾਨ ਦੇ ਬੇਟੇ ਸਮੀਰ ਨਾਲ ਹੋਵੇਗਾ। ਅਟਾਰੀ ਸਰਹੱਦ ਪੁੱਜਣ 'ਤੇ ਸਹੁਰੇ ਪਰਿਵਾਰ ਨੇ ਜੋੜੀ ਦਾ ਢੋਲ ਨਾਲ ਸਵਾਗਤ ਕੀਤਾ। ਜਵੇਰੀਆ ਪਾਕਿਸਤਾਨ ਦੇ ਕਰਾਚੀ ਦੇ ਅਜ਼ਮਤ ਇਸਮਾਈਲ ਖਾਨ ਦੀ ਧੀ ਹੈ।
ਸਮੀਰ ਖਾਨ ਆਪਣੇ ਪਿਤਾ ਨਾਲ ਅਟਾਰੀ ਬਾਰਡਰ 'ਤੇ ਜਵੇਰੀਆ ਖਾਨਮ ਨੂੰ ਲੈਣ ਪਹੁੰਚੇ ਸਨ। ਸਮੀਰ ਨੇ ਦੱਸਿਆ ਕਿ ਉਨ੍ਹਾਂ ਨੇ 5 ਸਾਲ ਜਰਮਨੀ 'ਚ ਪੜ੍ਹਾਈ ਕੀਤੀ ਸੀ। ਇੱਥੇ ਉਨ੍ਹਾਂ ਦੀ ਮਾਂ ਦੀ ਰਿਸ਼ਤੇਦਾਰ ਜਵੇਰੀਆ ਖਾਨ ਜੋ ਕਿ ਪਾਕਿਸਤਾਨ ਦੀ ਰਹਿਣ ਵਾਲੀ ਹੈ, ਵੀ ਪੜ੍ਹਨ ਲਈ ਆਈ ਸੀ। ਮਈ 2018 'ਚ ਉਨ੍ਹਾਂ ਦੀ ਮੁਲਾਕਾਤ ਜਵੇਰੀਆ ਖਾਨ ਨਾਲ ਹੋਈ ਸੀ।
ਜਿੱਥੇ ਦੋਵਾਂ ਵਿਚਾਲੇ ਗੱਲਬਾਤ ਹੋਈ। ਸਮੀਰ ਨੇ ਦੱਸਿਆ ਕਿ ਉਨ੍ਹਾਂ ਨੇ ਜਰਮਨੀ 'ਚ ਹੀ ਇਕ ਦੂਜੇ ਨਾਲ ਵਿਆਹ ਕਰਨ ਦਾ ਫੈਸਲਾ ਕੀਤਾ ਸੀ। ਪਰਿਵਾਰ ਰਿਸ਼ਤੇਦਾਰ ਸਨ ਇਸ ਲਈ ਦੋਹਾਂ ਪਾਸਿਓਂ ਵਿਆਹ ਲਈ ਹਾਂ ਹੋ ਗਈ ਪਰ ਇਸ ਤੋਂ ਬਾਅਦ ਕੋਰੋਨਾ ਦਾ ਦੌਰ ਸ਼ੁਰੂ ਹੋ ਗਿਆ।
ਇਹ ਵੀ ਪੜ੍ਹੋ: SGPC: ਬਲਵੰਤ ਸਿੰਘ ਰਾਜੋਆਣਾ ਦੇ ਨਾਮ ਸ਼੍ਰੋਮਣੀ ਕਮੇਟੀ ਦਾ ਇੱਕ ਹੋਰ ਪੱਤਰ, ਪ੍ਰਧਾਨ ਧਾਮੀ ਨੇ ਰੱਖੀ ਆਹ ਮੰਗ
ਸਮੀਰ ਨੇ ਦੱਸਿਆ ਕਿ ਕੋਰੋਨਾ ਕਾਰਨ ਦੋਹਾਂ ਨੂੰ ਆਪੋ-ਆਪਣੇ ਦੇਸ਼ ਪਰਤਣਾ ਪਿਆ ਪਰ ਪਿਆਰ ਘੱਟ ਨਹੀਂ ਹੋਇਆ। ਕੋਰੋਨਾ ਦੀ ਮਿਆਦ ਖਤਮ ਹੋਣ ਤੋਂ ਬਾਅਦ ਵੀਜ਼ਾ ਦੀਆਂ ਕੋਸ਼ਿਸ਼ਾਂ ਦੋ ਸਾਲਾਂ ਤੱਕ ਜਾਰੀ ਰਹੀਆਂ। ਦੋ ਸਾਲਾਂ ਬਾਅਦ ਹੁਣ ਸਿਰਫ ਜਵੇਰੀਆ ਨੂੰ ਵੀਜ਼ਾ ਮਿਲਿਆ ਹੈ। ਇਸ ਲਈ ਜਵੇਰੀਆ ਇਕੱਲੀ ਹੀ ਵਿਆਹ ਕਰਨ ਲਈ ਭਾਰਤ ਆਈ ਹੈ। ਵਿਆਹ ਦੋ ਦਿਨਾਂ ਵਿੱਚ ਹੋਵੇਗਾ। ਰਿਸੈਪਸ਼ਨ ਜਨਵਰੀ ਦੇ ਪਹਿਲੇ ਹਫਤੇ ਹੋਵੇਗੀ।
ਸਮੀਰ ਨੇ ਦੱਸਿਆ ਕਿ ਜਵੇਰੀਆ ਨੂੰ ਫਿਲਹਾਲ 45 ਦਿਨਾਂ ਦਾ ਵੀਜ਼ਾ ਮਿਲਿਆ ਹੈ। ਵਿਆਹ ਤੋਂ ਬਾਅਦ ਉਹ ਵੀਜ਼ਾ ਵਧਾਉਣ ਲਈ ਅਪਲਾਈ ਕਰਨਗੇ। ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਲਾਈਫ ਟਾਈਮ ਵੀਜ਼ਾ ਮਿਲੇਗਾ। ਸਮੀਰ ਨੇ ਦੱਸਿਆ ਕਿ ਇਹ ਉਨ੍ਹਾਂ ਲਈ ਖੁਸ਼ੀ ਦੇ ਪਲ ਹਨ। ਸਮੀਰ ਅਤੇ ਜਵੇਰੀਆ ਹੁਣ ਤੱਕ ਸਿਰਫ਼ ਤਿੰਨ ਵਾਰ ਹੀ ਇੱਕ ਦੂਜੇ ਨੂੰ ਮਿਲ ਸਕੇ ਹਨ। ਜਿਸ ਵਿੱਚੋਂ ਉਹ ਦੋ ਵਾਰ ਥਾਈਲੈਂਡ ਅਤੇ ਇੱਕ ਵਾਰ ਦੁਬਈ ਵਿੱਚ ਆਪਣੇ ਪਰਿਵਾਰ ਨੂੰ ਮਿਲੇ ਸਨ।
ਇਸ ਦੌਰਾਨ ਜਵੇਰੀਆ ਅਤੇ ਸਮੀਰ ਨੇ ਦੋਵਾਂ ਦੇਸ਼ਾਂ ਦੀਆਂ ਸਰਕਾਰਾਂ ਨੂੰ ਮੈਰਿਜ ਵੀਜ਼ਾ ਸ਼ੁਰੂ ਕਰਨ ਦਾ ਪ੍ਰਸਤਾਵ ਦਿੱਤਾ ਹੈ। ਜਵੇਰੀਆ ਨੇ ਕਿਹਾ ਕਿ ਦੋਵਾਂ ਦੇਸ਼ਾਂ ਨੂੰ ਮੈਰਿਜ ਵੀਜ਼ਾ ਸ਼ੁਰੂ ਕਰਨਾ ਚਾਹੀਦਾ ਹੈ। ਉਹ ਸਰਹੱਦ ਪਾਰ ਹੋਣ ਕਰਕੇ ਇਕੱਲੀ ਹੀ ਭਾਰਤ ਆਈ ਹੈ।
ਸਿਰਫ਼ ਉਸ ਨੂੰ ਵੀਜ਼ਾ ਦਿੱਤਾ ਗਿਆ ਸੀ, ਉਸ ਦਾ ਪਰਿਵਾਰ ਇਸ ਵਿਆਹ ਨੂੰ ਮਿਸ ਕਰੇਗਾ। ਜੇਕਰ ਮੈਰਿਜ ਵੀਜ਼ੇ ਵਰਗੀ ਕੋਈ ਵਿਵਸਥਾ ਹੁੰਦੀ ਤਾਂ ਉਸਦਾ ਪੂਰਾ ਪਰਿਵਾਰ ਇੱਥੇ ਹੀ ਹੁੰਦਾ। ਇਸ ਦੇ ਨਾਲ ਹੀ ਸਮੀਰ ਨੇ ਕਿਹਾ ਕਿ ਦੋਹਾਂ ਦੇਸ਼ਾਂ ਦੀ ਸੁਰੱਖਿਆ ਦਾ ਮੁੱਦਾ ਹੈ ਅਤੇ ਉਹ ਇਸ ਦਾ ਸਨਮਾਨ ਕਰਦੇ ਹਨ ਪਰ ਦੋਵਾਂ ਦੇਸ਼ਾਂ ਨੂੰ ਇਸ 'ਤੇ ਵਿਚਾਰ ਕਰਨਾ ਚਾਹੀਦਾ ਹੈ।
ਇਹ ਵੀ ਪੜ੍ਹੋ: Amritsar News: ਖਾਲਿਸਤਾਨੀ ਲੀਡਰ ਲਖਬੀਰ ਰੋਡੇ ਦੀ ਮੌਤ ਮਗਰੋਂ ਪੁਲਿਸ ਦਾ ਵੱਡਾ ਐਕਸ਼ਨ, ਇੰਗਲੈਂਡ ਜਾਣ ਦੀ ਕੋਸ਼ਿਸ਼ ਕਰ ਰਿਹਾ ਸਾਥੀ ਗ੍ਰਿਫਤਾਰ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
