ਇਸ ਦੇਸ਼ ਦੀ ਸਰਕਾਰ ਬੱਚੇ ਪੈਦਾ ਕਰਨ ਲਈ ਕੱਢ ਰਹੀ ਲੋਕਾਂ ਦੇ ਤਰਲੇ

ਬੇਲਗ੍ਰੇਡ: ਭਾਰਤ ਅਤੇ ਚੀਨ ਜਿਹੇ ਦੇਸ ਜਿੱਥੇ ਵੱਧ ਆਬਾਦੀ ਦੀ ਸਮੱਸਿਆ ਨਾਲ ਲੜ ਰਹੇ ਹਨ, ਉੱਥੇ ਹੀ ਯੂਰੋਪ ਦਾ ਸਰਬੀਆ ਦੇਸ਼ ਆਬਾਦੀ ਨਾ ਵਧਣ ਕਾਰਨ ਪ੍ਰੇਸ਼ਾਨ ਹੈ। ਸਰਬੀਆ ਦੀ ਸਰਕਾਰ ਆਪਣੇ ਦੇਸ਼ ਦੀ ਜੋੜੀਆਂ ਨੂੰ ਅਪੀਲ ਕਰ ਰਹੀ ਹੈ, ‘ਬੱਚੇ ਪੈਦਾ ਕਰੋ, ਦੇਰ ਨਾ ਕਰੋ।’ ਬੱਚਿਆਂ ਦੀ ਘੱਟ ਆਬਾਦੀ ਦੀ ਸਮੱਸਿਆ ਨੂੰ ਦੂਰ ਕਰਨ ਲਈ ਸਰਬੀਆ ਸਰਕਾਰ ਦਾ ਇੱਕ ਨਾਅਰਾ ਹੋਰ ਹੈ, ‘ਚੱਲੋ ਬੱਚਿਆਂ ਦੀ ਕਿਲਕਾਰੀਆਂ ਸੁਣੀਏ।’ ਉੱਧਰ ਇਸ ‘ਤੇ ਉੱਥੇ ਦੀ ਔਰਤਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਆਬਾਦੀ ਵਧਾਉਣ ਲਈ ਚੰਗਾ ਸਾਥ ਚਾਹੀਦਾ ਹੈ ਨਾ ਕਿ ਮਹਿਜ਼ ਪ੍ਰੇਰਣਾਦਾਇਕ ਸ਼ਬਦ। ਸਰਬੀਆਂ ਦੇ ਵਧੇਰੇ ਲੋਕ ਆਪਣੇ ਘਰ ਛੱਡ ਕੇ ਜਾ ਰਹੇ ਹਨ ਜਿਸ ਨਾਲ ਉੱਥੇ ਦੀ ਜਨਮ ਦਰ ਵੀ ਤੇਜ਼ੀ ਨਾਲ ਹੇਠ ਡਿੱਗਦੀ ਜਾ ਰਹੀ ਹੈ। ਇਸ ਨਾਲ ਸਰਬੀਆ ਦੀ ਆਬਾਦੀ ਘੱਟ ਕੇ 70 ਲੱਖ ਲੋਕਾਂ ‘ਤੇ ਪਹੁੰਚ ਗਈ ਹੈ। ਸੰਯੁਕਤ ਰਾਸ਼ਟਰ ਦਾ ਮਨਣਾ ਹੈ ਕਿ 2050 ਤਕ ਸਰਬੀਆ ਦੀ ਆਬਾਦੀ 15 ਫ਼ੀਸਦ ਤਕ ਹੋਰ ਘੱਟ ਸਕਦੀ ਹੈ। ਘੱਟ ਬੱਚੇ ਪੈਦਾ ਕਰਨ ਦੀ ਆਦਤ ਨੂੰ ਦੂਰ ਕਰਨ ਲਈ ਸਰਬੀਆਈ ਅਧਿਕਾਰੀਆਂ ਨੇ ਕਈ ਪ੍ਰਸਤਾਵ ਦਿੱਤੇ ਹਨ, ਜਿਨ੍ਹਾਂ ਦਾ ਐਲਾਨ ਜੂਨ ‘ਚ ਇੱਕ ਯੋਜਨਾ ‘ਚ ਸ਼ਾਮਲ ਕੀਤਾ। ਯੋਜਨਾ ਮੁਤਾਬਕ ਉਨ੍ਹਾਂ ਖੇਤਰਾਂ ‘ਚ ਘੱਟ ਮੰਜ਼ਿਲਾਂ ਵਾਲੇ ਮਕਾਨ ਹੋਣਗੇ ਜਿੱਥੇ ਬੱਚਿਆਂ ਦੀ ਦਰ ਘੱਟ ਹੈ। ਇਸ ਤੋਂ ਇਲਾਵਾ ਔਰਤਾਂ ਨੂੰ ਹੋਰ ਬੱਚੇ ਪੈਦਾ ਕਰਨ ਲਈ ਪ੍ਰੇਰਿਤ ਕਰਨ ਲਈ ਨਵੇਂ ਜੱਚਾ-ਬੱਚਾ ਦੇਖ ਰੇਖ ਕਾਨੂੰਨ ਪਾਸ ਕੀਤੇ ਗਏ ਹਨ।