ਰੂਸ ਦੇ ਜਾਸੂਸੀ ਜਹਾਜ਼ ਨੇ ਬ੍ਰਿਟਿਸ਼ P-8A 'ਤੇ ਲੇਜ਼ਰ ਹਮਲਾ; ਗੁੱਸੇ 'ਚ ਬਰਤਾਨੀਆ ਨੇ ਪੁਤਿਨ ਨੂੰ ਦਿੱਤੀ ਚੇਤਾਵਨੀ
ਬ੍ਰਿਟੇਨ ਦਾ ਦੋਸ਼ ਹੈ ਕਿ ਸਕਾਟਲੈਂਡ ਦੇ ਨੇੜੇ ਬ੍ਰਿਟਿਸ਼ ਸਮੁੰਦਰੀ ਖੇਤਰ ਵਿੱਚ ਰੂਸ ਦੇ ਇੱਕ ਜਾਸੂਸੀ ਜਹਾਜ਼ ਉੱਤੇ ਨਿਗਰਾਨੀ ਕਰਦੇ ਸਮੇਂ, ਰੂਸ ਨੇ ਰੌਇਲ ਏਅਰਫੋਰਸ ਦੇ ਜਾਸੂਸੀ ਜਹਾਜ਼ P-8A ‘ਤੇ ਲੇਜ਼ਰ ਹਮਲਾ ਕੀਤਾ। ਬ੍ਰਿਤੇਨ ਦੇ ਅਨੁਸਾਰ, ਰੂਸੀ ਜਹਾਜ਼ ਨੇ ਲੇਜ਼ਰ ਦੀ ਮਦਦ ਨਾਲ ਬ੍ਰਿਤਿਸ਼ ਪਾਇਲਟ
ਬ੍ਰਿਟੇਨ ਦੇ ਰੌਇਲ ਪਾਇਲਟ ‘ਤੇ ਲੇਜ਼ਰ ਹਮਲੇ ਤੋਂ ਬਾਅਦ ਬ੍ਰਿਟੇਨ ਅਤੇ ਰੂਸ ਵਿਚਕਾਰ ਤਣਾਅ ਵੱਧ ਗਿਆ ਹੈ। ਬ੍ਰਿਟੇਨ ਦਾ ਦੋਸ਼ ਹੈ ਕਿ ਸਕਾਟਲੈਂਡ ਦੇ ਨੇੜੇ ਬ੍ਰਿਟਿਸ਼ ਸਮੁੰਦਰੀ ਖੇਤਰ ਵਿੱਚ ਰੂਸ ਦੇ ਇੱਕ ਜਾਸੂਸੀ ਜਹਾਜ਼ ਉੱਤੇ ਨਿਗਰਾਨੀ ਕਰਦੇ ਸਮੇਂ, ਰੂਸ ਨੇ ਰੌਇਲ ਏਅਰਫੋਰਸ ਦੇ ਜਾਸੂਸੀ ਜਹਾਜ਼ P-8A ‘ਤੇ ਲੇਜ਼ਰ ਹਮਲਾ ਕੀਤਾ। ਬ੍ਰਿਟੇਨ ਦੇ ਅਨੁਸਾਰ, ਰੂਸੀ ਜਹਾਜ਼ ਨੇ ਲੇਜ਼ਰ ਦੀ ਮਦਦ ਨਾਲ ਬ੍ਰਿਟਿਸ਼ ਪਾਇਲਟ ਨੂੰ ਭਟਕਾਉਣ ਦੀ ਕੋਸ਼ਿਸ਼ ਕੀਤੀ। ਇਸ ਘਟਨਾ ਤੋਂ ਬਾਅਦ ਇੰਗਲੈਂਡ ਦੇ ਰੱਖਿਆ ਮੰਤਰੀ ਜੌਨ ਹੇਲੀ ਨੇ ਰੂਸ ਨੂੰ ਸਖਤ ਚੇਤਾਵਨੀ ਦਿੱਤੀ ਹੈ। ਉਨ੍ਹਾਂ ਕਿਹਾ, “ਰੂਸੀ ਜਾਸੂਸੀ ਜਹਾਜ਼ ‘ਯਾਂਤਰ’ ਨੇ ਪਹਿਲੀ ਵਾਰ ਯੂਕੇ ਦੀ ਜਲ-ਸੀਮਾ ਦੇ ਨੇੜੇ ਨਿਗਰਾਨੀ ਕਰ ਰਹੇ ਬ੍ਰਿਟਿਸ਼ ਪਾਇਲਟਾਂ ਨੂੰ ਰੋਕਣ ਲਈ ਲੇਜ਼ਰ ਦੀ ਵਰਤੋਂ ਕੀਤੀ ਹੈ।”
ਬਰਤਾਨੀਆ ਵੱਲੋਂ ਸਖਤ ਵਾਰਨਿੰਗ
ਬਰਤਾਨਵੀ ਰੱਖਿਆ ਮੰਤਰੀ ਜਾਨ ਹੈਲੀ ਨੇ ਸਖ਼ਤ ਚੇਤਾਵਨੀ ਦਿੰਦਿਆਂ ਕਿਹਾ, “ਰੂਸ ਅਤੇ ਪੁਤਿਨ ਲਈ ਮੇਰਾ ਸਪਸ਼ਟ ਸੁਨੇਹਾ ਹੈ ਕਿ ਅਸੀਂ ਤੁਹਾਨੂੰ ਦੇਖ ਰਹੇ ਹਾਂ। ਅਸੀਂ ਜਾਣਦੇ ਹਾਂ ਕਿ ਤੁਸੀਂ ਕੀ ਕਰ ਰਹੇ ਹੋ, ਅਤੇ ਜੇ ਯਾਂਤਰ ਇਸ ਹਫ਼ਤੇ ਦੱਖਣ ਵੱਲ ਵਧਦਾ ਹੈ ਤਾਂ ਅਸੀਂ ਪੂਰੀ ਤਰ੍ਹਾਂ ਤਿਆਰ ਹਾਂ। ਸਾਡੇ ਸਾਰੇ ਸੈਨਿਕ ਵਿਕਲਪ ਤਿਆਰ ਹਨ।”
ਹੈਲੀ ਨੇ ਦੱਸਿਆ ਕਿ ਇਸ ਜਹਾਜ਼ ਦੀ ਹਰ ਗਤੀਵਿਧੀ 'ਤੇ ਨਜ਼ਰ ਰੱਖਣ ਲਈ ਰੋਇਲ ਨੇਵੀ ਦਾ ਇੱਕ ਫ੍ਰਿਗੇਟ ਅਤੇ ਆਰਏਐਫ਼ ਦਾ P-8 ਵਿਮਾਨ ਤੈਨਾਤ ਕੀਤਾ ਗਿਆ ਹੈ। ਇਸ ਦੌਰਾਨ ਯਾਂਤਰ ਨੇ ਸਾਡੇ ਪਾਇਲਟ 'ਤੇ ਲੇਜ਼ਰ ਦਾਗੇ। ਰੂਸ ਦੀ ਇਹ ਕਾਰਵਾਈ ਬਹੁਤ ਗੰਭੀਰ ਅਤੇ ਖਤਰਨਾਕ ਹੈ। ਇਸ ਸਾਲ ਇਹ ਦੂਜੀ ਵਾਰ ਹੈ ਕਿ ਯਾਂਤਰ ਨਾਮਕ ਇਹ ਜਹਾਜ਼ ਬ੍ਰਿਟੇਨ ਦੇ ਜਲਖੇਤਰ ਵਿੱਚ ਤੈਨਾਤ ਕੀਤਾ ਗਿਆ ਹੈ।
ਰੂਸ ਨੇ ਬ੍ਰਿਤੇਨ ਦੇ ਦੋਸ਼ਾਂ ਦਾ ਜਵਾਬ ਦਿੰਦਿਆਂ ਕਿਹਾ ਹੈ ਕਿ ਉਨ੍ਹਾਂ ਦੇ ਦੇਸ਼ ਦੀਆਂ ਗਤੀਵਿਧੀਆਂ ਦਾ ਯੂਨਾਈਟਡ ਕਿੰਗਡਮ ਦੇ ਹਿੱਤਾਂ ‘ਤੇ ਕੋਈ ਅਸਰ ਨਹੀਂ ਪੈਂਦਾ ਅਤੇ ਨਾ ਹੀ ਉਹ ਉਸ ਦੀ ਸੁਰੱਖਿਆ ਨੂੰ ਕਮਜ਼ੋਰ ਕਰਨ ਦੀ ਨੀਤੀ ਰੱਖਦੇ ਹਨ। ਰੂਸੀ ਦੂਤਾਵਾਸ ਨੇ ਇਹ ਵੀ ਸਪਸ਼ਟ ਕੀਤਾ ਕਿ ਉਨ੍ਹਾਂ ਨੂੰ ਬ੍ਰਿਟਿਸ਼ ਅੰਡਰਵਾਟਰ ਕਮਿਊਨੀਕੇਸ਼ਨ ਵਿਚ ਕੋਈ ਦਿਲਚਸਪੀ ਨਹੀਂ ਹੈ।
ਦੂਜੇ ਪਾਸੇ, ਯੂਕ੍ਰੇਨ ਨੂੰ ਮਿਲ ਰਹੀ ਬ੍ਰਿਤੇਨ ਦੀ ਸੈਨੀਕ ਮਦਦ ਕਾਰਨ ਰੂਸ ਅਤੇ ਬ੍ਰਿਤੇਨ ਵਿਚਕਾਰ ਤਣਾਅ ਪਹਿਲਾਂ ਹੀ ਚੱਲ ਰਿਹਾ ਹੈ। ਇਸੇ ਦੌਰਾਨ, ਫਰਾਂਸ ਵੱਲੋਂ ਯੂਕ੍ਰੇਨ ਨੂੰ 100 ਰਾਫੇਲ ਲੜਾਕੂ ਜਹਾਜ਼ ਦੇਣ ਦੇ ਐਲਾਨ ਤੋਂ ਬਾਅਦ ਤਣਾਅ ਹੋਰ ਵੀ ਵਧ ਗਿਆ ਹੈ। ਅਜਿਹੇ ਹਾਲਾਤਾਂ ਵਿਚ ਰੂਸ ਨੇ ਆਪਣੇ ‘ਯਾਂਤਰ’ ਜਾਸੂਸੀ ਜਹਾਜ਼ ਨੂੰ ਯੂਰਪ ਵਿਚ ਤੈਨਾਤ ਕਰਕੇ ਆਪਣੇ ਇਰਾਦੇ ਸਾਫ਼ ਕਰ ਦਿੱਤੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
