ਅਮਰੀਕਾ ਨੇ ਭਾਰਤ 'ਤੇ ਕੱਸਿਆ ਸ਼ਿਕੰਜਾ, 'ਪਾਬੰਦੀ ਲਗਾਓ ਤੇ ਤੇਲ-ਗੈਸ ਖਰੀਦ ਰੋਕੋ'...ਟਰੰਪ ਨੇ ਯੂਰਪੀਅਨ ਦੇਸ਼ਾਂ ਨੂੰ ਦਿੱਤੇ ਹੁਕਮ!
ਹੁਣ ਟਰੰਪ ਭਾਰਤ ਦੇ ਨਾਲ ਖੁੰਦਸ ਕੱਢ ਉੱਤੇ ਆਇਆ ਹੋਇਆ ਹੈ, ਉਹ ਕਿਸੇ ਨਾ ਕਿਸੇ ਤਰ੍ਹਾਂ ਭਾਰਤ ਨੂੰ ਝੁਕਾ ਕੇ ਆਪਣੀ ਸ਼ਰਤਾਂ ਨੂੰ ਮੰਨਵਾਉਣਾ ਚਾਹੁੰਦਾ ਹੈ। ਦੂਜੇ ਪਾਸੇ ਭਾਰਤ ਵੱਲੋਂ ਦੋ ਟੁਕ ਜਵਾਬ ਹੈ। ਹੁਣ ਟਰੰਪ ਵੱਲੋਂ ਨਵੀਂ ਚਾਲ ਚੱਲ ਗਈ ਹੈ। EU
US-India Tension: ਇੱਕ ਸਮਾਂ ਸੀ ਜਦੋਂ ਪੀਐੱਮ ਮੋਦੀ ਤੇ ਟਰੰਪ ਦੀ ਖੂਬ ਦੋਸਤੀ ਹੁੰਦੀ ਸੀ। ਪਰ ਹੁਣ ਟਰੰਪ ਭਾਰਤ ਦੇ ਨਾਲ ਖੁੰਦਸ ਕੱਢ ਉੱਤੇ ਆਇਆ ਹੋਇਆ ਹੈ, ਉਹ ਕਿਸੇ ਨਾ ਕਿਸੇ ਤਰ੍ਹਾਂ ਭਾਰਤ ਨੂੰ ਝੁਕਾ ਕੇ ਆਪਣੀ ਸ਼ਰਤਾਂ ਨੂੰ ਮੰਨਵਾਉਣਾ ਚਾਹੁੰਦਾ ਹੈ। ਦੂਜੇ ਪਾਸੇ ਭਾਰਤ ਵੱਲੋਂ ਦੋ ਟੁਕ ਜਵਾਬ ਹੈ। ਹੁਣ ਟਰੰਪ ਵੱਲੋਂ ਨਵੀਂ ਚਾਲ ਚੱਲ ਗਈ ਹੈ। ਅਮਰੀਕਾ ਨੇ ਭਾਰਤ ‘ਤੇ ਰੂਸ ਤੋਂ ਤੇਲ ਖਰੀਦਣ ਦੇ ਖਮਿਆਜ਼ੇ ਨੂੰ ਭੁਗਤਨ ਦੇ ਲਈ ਦਬਾਅ ਹੋਰ ਵਧਾ ਦਿੱਤਾ ਹੈ। ਵ੍ਹਾਈਟ ਹਾਊਸ ਹੁਣ ਯੂਰਪੀ ਦੇਸ਼ਾਂ ਨੂੰ ਵੀ ਭਾਰਤ ‘ਤੇ ਉਹੀ ਪਾਬੰਦੀਆਂ ਲਗਾਉਣ ਦੀ ਅਪੀਲ ਕਰ ਰਿਹਾ ਹੈ, ਜੋ ਖੁਦ ਅਮਰੀਕਾ ਨੇ ਲਗਾਈਆਂ ਹਨ। ਟਰੰਪ ਪ੍ਰਸ਼ਾਸਨ ਚਾਹੁੰਦਾ ਹੈ ਕਿ ਯੂਰਪ ਭਾਰਤ ਤੋਂ ਤੇਲ-ਗੈਸ ਦੀ ਖਰੀਦ ਪੂਰੀ ਤਰ੍ਹਾਂ ਰੋਕ ਦੇਵੇ ਅਤੇ ਸੈਕੰਡਰੀ ਟੈਰਿਫ ਲਗਾਏ।
ਤਿਆਨਜਿਨ ਵਿੱਚ ਹੋਣ ਵਾਲੇ ਸ਼ੰਘਾਈ ਸਹਿਯੋਗ ਸੰਗਠਨ (ਐਸਸੀਓ) ਸਿਖਰ ਸੰਮੇਲਨ ਦੌਰਾਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ, ਚੀਨ ਦੇ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਅਤੇ ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਦੀ ਮੁਲਾਕਾਤ ਵਿੱਚ ਇਸ ਮੁੱਦੇ ਨੂੰ ਖਾਸ ਤੌਰ 'ਤੇ ਚੁੱਕੇ ਜਾਣ ਦੀ ਉਮੀਦ ਕੀਤੀ ਜਾ ਰਹੀ ਹੈ।
'ਭਾਰਤ ਰੂਸ ਨੂੰ ਦੇ ਰਿਹਾ ਹੈ ਸਹਾਇਤਾ'
ਅਮਰੀਕਾ ਦਾ ਦਾਵਾ ਹੈ ਕਿ ਭਾਰਤ ਰੂਸੀ ਕੱਚਾ ਤੇਲ ਖਰੀਦ ਕੇ ਮਾਸਕੋ ਨੂੰ ਆਰਥਿਕ ਸਹਾਇਤਾ ਦੇ ਰਿਹਾ ਹੈ ਅਤੇ ਇਸ ਤਰ੍ਹਾਂ ਅਪਰੋਖ ਤੌਰ ‘ਤੇ ਯੂਕਰੇਨ ਯੁੱਧ ਨੂੰ "ਇੰਧਨ" ਮਿਲ ਰਿਹਾ ਹੈ। ਵਾਸ਼ਿੰਗਟਨ ਨੇ ਭਾਰਤ ‘ਤੇ 50% ਟੈਰਿਫ ਲਗਾ ਦਿੱਤਾ ਹੈ। ਇਸਦਾ ਜਵਾਬ ਦਿੰਦਿਆਂ ਭਾਰਤ ਨੇ ਪੱਛਮੀ ਦੇਸ਼ਾਂ ‘ਤੇ ਦੋਹਰੇ ਮਿਆਰ ਦਾ ਦੋਸ਼ ਲਾਇਆ ਅਤੇ ਕਿਹਾ ਕਿ ਚੀਨ ਅਤੇ ਯੂਰਪ ਦੋਹਾਂ ਰੂਸ ਤੋਂ ਵੱਡੇ ਪੱਧਰ ‘ਤੇ ਤੇਲ ਅਤੇ ਗੈਸ ਖਰੀਦ ਰਹੇ ਹਨ, ਪਰ ਉਨ੍ਹਾਂ ‘ਤੇ ਕੋਈ ਸਜ਼ਾ ਨਹੀਂ ਲੱਗੀ।
ਯੂਰਪ ਦੀ ਚੁੱਪ ਅਤੇ ਟਰੰਪ ਦਾ ਗੁੱਸਾ
ਇੰਡੀਆ ਟੁਡੇ ਦੀ ਰਿਪੋਰਟ ਮੁਤਾਬਕ, ਕਈ ਯੂਰਪੀਅਨ ਆਗੂ ਜਨਤਕ ਤੌਰ 'ਤੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀਆਂ ਜੰਗ ਖਤਮ ਕਰਨ ਦੀਆਂ ਕੋਸ਼ਿਸ਼ਾਂ ਦਾ ਸਮਰਥਨ ਕਰਦੇ ਨਜ਼ਰ ਆਉਂਦੇ ਹਨ, ਪਰ ਗੁਪਤ ਰੂਪ ਨਾਲ ਅਲਾਸਕਾ ਵਿੱਚ ਹੋਈ ਟਰੰਪ-ਪੁਤਿਨ ਸਿਖਰ ਵਾਰਤਾ ਦੀ ਪ੍ਰਗਤੀ ਨੂੰ ਕਮਜ਼ੋਰ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ। ਅਮਰੀਕੀ ਅਧਿਕਾਰੀਆਂ ਦਾ ਮੰਨਣਾ ਹੈ ਕਿ ਯੂਰਪੀਅਨ ਦੇਸ਼ਾਂ ਵੱਲੋਂ ਯੂਕਰੇਨ ਲਈ "ਹੋਰ ਬਿਹਤਰ ਸੌਦੇ" ਦਾ ਦਬਾਅ ਪਾਉਣਾ ਜੰਗ ਨੂੰ ਹੋਰ ਲੰਮਾ ਕਰ ਰਿਹਾ ਹੈ। ਇਸੇ ਕਾਰਨ ਵ੍ਹਾਈਟ ਹਾਊਸ ਯੂਰਪੀਅਨ ਆਗੂਆਂ ਤੋਂ ਨਾਰਾਜ਼ ਹੈ।
ਤਿਆਨਜਿਨ ਵਿੱਚ ਹੋਵੇਗੀ ਮਹੱਤਵਪੂਰਨ ਗੱਲਬਾਤ
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ, ਚੀਨ ਦੇ ਰਾਸ਼ਟਰਪਤੀ ਸੀ ਜਿਨਪਿੰਗ ਅਤੇ ਰੂਸ ਦੇ ਰਾਸ਼ਟਰਪਤੀ ਵਲਾਦਿਮੀਰ ਪੁਤਿਨ ਅਗਲੇ ਦੋ ਦਿਨਾਂ ਵਿੱਚ ਤਿਆਨਜਿਨ ਵਿੱਚ ਹੋਣ ਵਾਲੇ ਸ਼ੰਘਾਈ ਸਹਿਯੋਗ ਸੰਗਠਨ (SCO) ਸ਼ਿਖਰ ਸੰਮੇਲਨ ਦੇ ਇਤਰ ਮੁਲਾਕਾਤ ਕਰਨਗੇ। ਕੂਟਨੀਤਕ ਸੂਤਰਾਂ ਦੇ ਅਨੁਸਾਰ, ਭਾਰਤ ‘ਤੇ ਲੱਗੇ ਅਮਰੀਕੀ ਟੈਰਿਫ ਅਤੇ ਰੂਸ-ਯੂਕਰੇਨ ਯੁੱਧ ਤਿਆਨਜਿਨ ਵਿੱਚ ਇਹਨਾਂ ਬੈਠਕਾਂ ਦੇ ਮੁੱਖ ਮਸਲੇ ਰਹਿਣਗੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
