ਪਰਿਵਾਰ ਨੂੰ ਸੜਕ 'ਤੇ ਮਿਲੇ ਮਿਲੀਅਨ ਡਾਲਰ, ਫਿਰ ਚੁੱਕਿਆ ਇਹ ਵੱਡਾ ਕਦਮ

ਵਰਜੀਨੀਆ ਦਾ ਇਹ ਪਰਿਵਾਰ ਲੌਕਡਾਊਨ ਕਾਰਨ ਪਰੇਸ਼ਾਨ ਹੋ ਗਿਆ ਸੀ। ਇਸ ਕਾਰਨ ਇਨ੍ਹਾਂ ਨੇ ਲੰਬੇ ਸਫ਼ਰ 'ਤੇ ਜਾਣ ਦਾ ਮਨ ਬਣਾਇਆ। ਦੁਪਹਿਰ ਸਮੇਂ ਡਰਾਇਵ 'ਤੇ ਨਿਕਲੇ ਪਰਿਵਾਰ ਨੂੰ ਸੜਕ 'ਤੇ ਬੈਗ ਦਿਖਾਈ ਦਿੱਤਾ।

ਵਰਜੀਨੀਆ: ਅਮਰੀਕਾ ਦੇ ਵਰਜੀਨੀਆ 'ਚ ਇੱਕ ਪਰਿਵਾਰ ਨੇ ਇਮਾਨਦਾਰੀ ਦੀ ਵੱਡੀ ਮਿਸਾਲ ਦਿੱਤੀ ਹੈ। ਦਰਅਸਲ ਇਸ ਪਰਿਵਾਰ ਨੂੰ ਸੜਕ 'ਤੇ ਨਕਦੀ ਦੇ ਰੂਪ 'ਚ ਮਿਲੀ ਵੱਡੀ ਰਕਮ ਪੁਲਿਸ ਹਵਾਲੇ ਕਰ ਦਿੱਤੀ। ਪਰਿਵਾਰ ਮੁਤਾਬਕ ਇਹ ਰਕਮ ਉਨ੍ਹਾਂ ਦੀ ਨਹੀਂ ਸੀ। ਇਸ ਲਈ ਇਸ ਨੂੰ ਉਸ ਦੇ ਮਾਲਕ ਤਕ ਪਹੁੰਚਾਉਣਾ ਉਨ੍ਹਾਂ ਦਾ ਫਰਜ਼ ਸੀ।

ਵਰਜੀਨੀਆ ਦਾ ਇਹ ਪਰਿਵਾਰ ਲੌਕਡਾਊਨ ਕਾਰਨ ਪਰੇਸ਼ਾਨ ਹੋ ਗਿਆ ਸੀ। ਇਸ ਕਾਰਨ ਇਨ੍ਹਾਂ ਨੇ ਲੰਬੇ ਸਫ਼ਰ 'ਤੇ ਜਾਣ ਦਾ ਮਨ ਬਣਾਇਆ। ਦੁਪਹਿਰ ਸਮੇਂ ਡਰਾਇਵ 'ਤੇ ਨਿਕਲੇ ਪਰਿਵਾਰ ਨੂੰ ਸੜਕ 'ਤੇ ਬੈਗ ਦਿਖਾਈ ਦਿੱਤਾ। ਪਰਿਵਾਰ ਨੇ ਜਦ ਬੈਗ ਚੁੱਕ ਕੇ ਦੇਖਿਆ ਤਾਂ ਇਸ ਬੈਗ 'ਚ 10 ਲੱਖ ਡਾਲਰ ਨਕਦ ਸਨ। ਅੱਗੇ ਵਧਣ 'ਤੇ ਇਕ ਹੋਰ ਬੈਗ ਬਰਾਮਦ ਹੋਇਆ ਉਸ 'ਚ ਵੀ ਰਕਮ ਬਰਾਮਦ ਹੋਈ।

ਪਰਿਵਾਰ ਦੇ ਇੱਕ ਮੈਂਬਰ ਏਮਲੀ ਨੇ ਦੱਸਿਆ ਕਿ ਬੈਗ 'ਚ ਕੈਸ਼ ਵਾਲਟ ਲਿਖਿਆ ਸੀ ਤੇ ਨਾਲ ਹੀ ਕਿਸੇ ਥਾਂ ਦਾ ਪਤਾ ਦਿੱਤਾ ਹੋਇਆ ਸੀ। ਉਨ੍ਹਾਂ ਪੁਲਿਸ ਨੂੰ ਸੂਚਨਾ ਪਹੁੰਚਾਈ ਤਾਂ ਮੌਕੇ 'ਤੇ ਪਹੁੰਚੀ ਪੁਲਿਸ ਨੇ ਬੈਗ ਲੈਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਰਕਮ ਡਾਕ ਸੇਵਾ ਦੀ ਹੋਵੇਗੀ ਜਿਸ ਨੂੰ ਬੈਂਕ 'ਚ ਜਮ੍ਹਾ ਕਰਾਉਣ ਲਈ ਲਿਜਾਇਆ ਜਾ ਰਿਹਾ ਹੋਵੇਗਾ। ਪਰ ਸੜਕ ਦੇ ਵਿਚਾਲੇ ਏਨੀ ਵੱਡੀ ਤਦਾਦ 'ਚ ਰਕਮ ਕਿਵੇਂ ਪਹੁੰਚੀ ਇਹ ਵੱਡੀ ਗੁੰਝਲ ਬਣਿਆ ਹੋਇਆ।

ਪੁਲਿਸ ਵੱਲੋਂ ਜਦ ਇਸ ਪਰਿਵਾਰ ਨੂੰ ਪੁੱਛਿਆ ਗਿਆ ਕਿ ਉਨ੍ਹਾਂ ਇਹ ਰਕਮ ਆਪਣੇ ਕੋਲ ਕਿਉਂ ਨਹੀਂ ਰੱਖੀ ਤਾਂ ਉਨ੍ਹਾਂ ਕਿਹਾ ਕਿ ਇਹ ਰਕਮ ਉਨ੍ਹਾਂ ਦੀ ਨਹੀਂ ਸੀ। ਪੁਲਿਸ ਨੇ ਪਰਿਵਾਰ ਦੀ ਇਮਾਨਦਾਰੀ ਦੀ ਤਾਰੀਫ਼ ਕੀਤੀ।

ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਏਬੀਪੀ ਸਾਂਝਾ ਦੀ ਐਪ ਹੁਣੇ ਕਰੋ ਡਾਊਨਲੋਡ