World News: 3 ਦਿਨ ਲਿਫਟ 'ਚ ਫਸੀ ਰਹਿ ਮਹਿਲਾ, ਚੌਥੇ ਦਿਨ ਜਦੋਂ ਦਰਵਾਜ਼ਾ ਖੋਲ੍ਹਿਆਂ ਦਾ ਸਭ ਹੋ ਗਏ ਹੈਰਾਨ
ਉਜ਼ਬੇਕਿਸਤਾਨ ਦੇ ਤਾਸ਼ਕੰਦ ਤੋਂ ਇੱਕ ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਸਾਹਮਣੇ ਆਈ ਹੈ। 'ਦਿ ਮਿਰਰ' ਦੀ ਰਿਪੋਰਟ ਮੁਤਾਬਕ ਇੱਥੇ ਤਿੰਨ ਦਿਨ ਤੱਕ ਲਿਫਟ 'ਚ ਫਸੇ ਰਹਿਣ ਕਾਰਨ ਇਕ ਔਰਤ ਦੀ ਮੌਤ ਹੋ ਗਈ। ਮ੍ਰਿਤਕ ਦੀ ਪਛਾਣ ਓਲਗਾ ਲਿਓਨਟੀਵਾ ਵਜੋਂ ਹੋਈ ਹੈ, ਜਿਸ ਦੀ ਉਮਰ 32 ਸਾਲ ਸੀ।
ਉਜ਼ਬੇਕਿਸਤਾਨ ਦੇ ਤਾਸ਼ਕੰਦ ਤੋਂ ਇੱਕ ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਸਾਹਮਣੇ ਆਈ ਹੈ। 'ਦਿ ਮਿਰਰ' ਦੀ ਰਿਪੋਰਟ ਮੁਤਾਬਕ ਇੱਥੇ ਤਿੰਨ ਦਿਨ ਤੱਕ ਲਿਫਟ 'ਚ ਫਸੇ ਰਹਿਣ ਕਾਰਨ ਇਕ ਔਰਤ ਦੀ ਮੌਤ ਹੋ ਗਈ। ਮ੍ਰਿਤਕ ਦੀ ਪਛਾਣ ਓਲਗਾ ਲਿਓਨਟੀਵਾ ਵਜੋਂ ਹੋਈ ਹੈ, ਜਿਸ ਦੀ ਉਮਰ 32 ਸਾਲ ਸੀ। ਲਿਓਨਟੀਵਾ 9 ਮੰਜ਼ਿਲਾ ਇਮਾਰਤ ਦੀ ਸਭ ਤੋਂ ਉਪਰਲੀ ਮੰਜ਼ਿਲ 'ਤੇ ਲਿਫਟ 'ਚ ਫਸ ਗਈ ਅਤੇ ਮਦਦ ਲਈ ਰੌਲਾ ਪਾਉਂਦੀ ਰਹੀ ਪਰ ਕੋਈ ਵੀ ਅੱਗੇ ਨਹੀਂ ਆਇਆ। ਇਹ ਬਦਕਿਸਮਤੀ ਸੀ ਕਿ ਇੰਨੀ ਉਚਾਈ ਕਾਰਨ ਕਿਸੇ ਨੇ ਉਸ ਦੀ ਆਵਾਜ਼ ਨਹੀਂ ਸੁਣੀ।
ਜਦੋਂ ਲਿਓਨਟੀਵਾ ਕੰਮ ਤੋਂ ਬਾਅਦ ਘਰ ਨਹੀਂ ਪਰਤੀ ਤਾਂ ਉਸ ਦੇ ਪਰਿਵਾਰਕ ਮੈਂਬਰਾਂ ਨੂੰ ਚਿੰਤਾ ਹੋ ਗਈ। ਇਸ ਸਬੰਧੀ ਪਰਿਵਾਰ ਨੇ ਗੁੰਮਸ਼ੁਦਗੀ ਦੀ ਸ਼ਿਕਾਇਤ ਦਰਜ ਕਰਵਾਈ ਹੈ। ਪਰਿਵਾਰ ਵਾਲਿਆਂ ਨੇ ਲਿਓਨਟੀਵਾ ਨੂੰ ਲੱਭਣ ਦੀ ਕਾਫੀ ਕੋਸ਼ਿਸ਼ ਕੀਤੀ ਪਰ ਕੋਈ ਸੁਰਾਗ ਨਹੀਂ ਮਿਲਿਆ।
ਆਖਿਰਕਾਰ 2 ਦਿਨਾਂ ਬਾਅਦ ਲਿਫਟ 'ਚੋਂ ਲਿਓਨਟੀਵਾ ਦੀ ਲਾਸ਼ ਮਿਲੀ। ਲਿਓਨਟੀਵਾ ਵਿਆਹੀ ਹੋਈ ਸੀ. ਉਨ੍ਹਾਂ ਦੀ ਇੱਕ 6 ਸਾਲ ਦੀ ਬੇਟੀ ਹੈ, ਜੋ ਹੁਣ ਰਿਸ਼ਤੇਦਾਰਾਂ ਦੀ ਦੇਖਭਾਲ ਵਿੱਚ ਹੈ। ਇਹ ਬੱਚੀ ਆਪਣੀ ਮਾਂ ਨੂੰ ਭੁੱਲ ਨਹੀਂ ਪਾ ਰਹੀ ਅਤੇ ਰੋ-ਰੋ ਕੇ ਇਸ ਦਾ ਬੁਰਾ ਹਾਲ ਹੈ।
ਲਿਫਟ 'ਚ ਫਸੇ ਜਾਣ ਦੀ ਘਟਨਾ ਸਬੰਧੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ। ਸ਼ੁਰੂਆਤੀ ਜਾਂਚ 'ਚ ਪਾਇਆ ਗਿਆ ਕਿ ਇਹ ਚੀਨ ਦੀ ਬਣੀ ਲਿਫਟ ਸੀ ਜੋ ਘਟਨਾ ਦੇ ਸਮੇਂ ਕੰਮ ਕਰਨ ਵਾਲੀ ਹਾਲਤ 'ਚ ਤਾਂ ਸੀ ਪਰ ਇਸ ਦਾ ਰਜਿਸੀਟ੍ਰੇਸ਼ਨ ਨਹੀਂ ਕਰਵਾਇਆ ਹੋਇਆ ਸੀ। ਆਊਟਲੈੱਟ ਦੇ ਅਨੁਸਾਰ, ਜਿਸ ਦਿਨ ਔਰਤ ਲਿਫਟ ਵਿੱਚ ਫਸ ਗਈ, ਉਸ ਦਿਨ ਬਿਜਲੀ ਦਾ ਕੋਈ ਕੱਟ ਨਹੀਂ ਸੀ। ਇਸ ਸਬੰਧੀ ਸਥਾਨਕ ਲੋਕਾਂ ਦੇ ਬਿਆਨ ਵੀ ਦਰਜ ਕੀਤੇ ਗਏ ਹਨ। ਇਨ੍ਹਾਂ ਸਾਰੀਆਂ ਗੱਲਾਂ ਨੂੰ ਧਿਆਨ 'ਚ ਰੱਖਦੇ ਹੋਏ ਹਾਦਸੇ ਦਾ ਕਾਰਨ ਲਿਫਟ 'ਚ ਖਰਾਬੀ ਨੂੰ ਮੰਨਿਆ ਗਿਆ ਹੈ।
ਜ਼ਿਕਰਯੋਗ ਹੈ ਕਿ ਪਿਛਲੇ ਹਫਤੇ ਇਟਲੀ ਦੇ ਪਲੇਰਮੋ 'ਚ ਵੀ ਅਜਿਹੀ ਹੀ ਘਟਨਾ ਵਾਪਰੀ ਸੀ। ਇੱਥੇ ਇੱਕ 61 ਸਾਲਾ ਔਰਤ ਦੀ ਲਿਫਟ ਵਿੱਚ ਫਸਣ ਨਾਲ ਮੌਤ ਹੋ ਗਈ। ਜਦੋਂ ਫਰਾਂਸਿਸਕਾ ਮਾਰਚਿਓਨ ਲਿਫਟ ਵਿੱਚ ਸੀ, ਬਿਜਲੀ ਚਲੀ ਗਈ ਅਤੇ ਪੂਰੀ ਕਲੋਨੀ ਹਨੇਰੇ ਵਿੱਚ ਡੁੱਬ ਗਈ। ਘਟਨਾ ਦੀ ਸੂਚਨਾ ਮਿਲਦੇ ਹੀ ਐਮਰਜੈਂਸੀ ਸੇਵਾ ਨੂੰ ਮੌਕੇ 'ਤੇ ਬੁਲਾਇਆ ਗਿਆ ਪਰ ਉਦੋਂ ਤੱਕ ਔਰਤ ਦੀ ਮੌਤ ਹੋ ਚੁੱਕੀ ਸੀ। ਲਿਫਟ ਖੋਲ੍ਹਣ 'ਤੇ ਅੰਦਰੋਂ ਉਸ ਦੀ ਲਾਸ਼ ਮਿਲੀ। ਲਿਫਟ ਵਿੱਚ ਵਧਦੀਆਂ ਘਟਨਾਵਾਂ ਨੂੰ ਲੈ ਕੇ ਚਿੰਤਾ ਦਾ ਮਾਹੌਲ ਬਣ ਗਿਆ ਹੈ। ਅਜਿਹੇ ਮਾਮਲਿਆਂ ਦੀ ਡੂੰਘਾਈ ਨਾਲ ਜਾਂਚ ਦੀ ਮੰਗ ਕੀਤੀ ਗਈ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
