ਦੇਖੋ ਮਾਰੂਤੀ ਸਵਿਫਟ ਦੀ ਬਰਾਬਰ ਪਾਵਰ ਵਾਲੀ ਇਹ ਮੋਟਰਸਾਈਕਲ, ਇਹ ਮਿਲ ਰਹੇ ਹਨ ਫੀਚਰਜ਼

ਡੁਕਾਟੀ ਇੰਡੀਆ

Ducati India ਨੇ ਦੇਸ਼ ਵਿੱਚ ਨਵੀਂ Ducati Scrambler Tribute 1100 Pro ਨੂੰ ਲਾਂਚ ਕਰ ਦਿੱਤਾ ਹੈ। ਇਸਦੇ ਲਈ ਬੁਕਿੰਗ ਇਸ ਸਾਲ ਦੇ ਸ਼ੁਰੂਆਤ ਵਿੱਚ ਸ਼ੁਰੂ ਹੋਈ ਸੀ, ਹੁਣ Scrambler Tribute 1100 Pro ਦੀ ਡਿਲੀਵਰੀ ਸਾਰੇ ਡੁਕਾਟੀ ਇੰਡੀਆ ਡੀਲਰਸ਼ਿਪਾਂ ਵਿੱਚ ਸ਼ੁਰੂ ਹੋ ਗਈ ਹੈ।

ਨਵੀਂ ਡੁਕਾਟੀ ਸਕ੍ਰੈਂਬਲਰ ਟ੍ਰਿਬਿਊਟ 1100 ਪ੍ਰੋ ਇੱਕ ਵਿਸ਼ੇਸ਼ ਮੋਟਰਸਾਈਕਲ ਹੈ ਕਿਉਂਕਿ ਇਹ ਏਅਰ-ਕੂਲਡ ਟਵਿਨ-ਸਿਲੰਡਰ ਇੰਜਣ ਦੇ ਇਤਿਹਾਸ ਨੂੰ ਸ਼ਰਧਾਂਜਲੀ ਹੈ।

ਇਸ 'ਚ ਬਲੈਕ ਫਰੇਮ ਦੇ ਨਾਲ ਇੱਕ ਵੱਖਰਾ "ਗਿਆਲੋ ਓਕਰਾ" ਅਤੇ ਸਬ-ਫ੍ਰੇਮ ਨਾਲ ਡੈਡੀਕੇਟਡ ਸਿਲਾਈ ਦੇ ਨਾਲ ਬ੍ਰਾਊਨ ਸੀਟ ਮਿਲਦੀ ਹੈ।

ਬਾਈਕ ਦੇ ਹੋਰ ਸਟਾਈਲਿੰਗ ਐਲੀਮੈਂਟਸ ਵਿੱਚ 1970 ਦੇ ਦਹਾਕੇ ਦਾ ਆਈਕੋਨਿਕ ਡੁਕਾਟੀ ਲੋਗੋ, ਕਾਲੇ ਸਪੋਕਡ ਵ੍ਹੀਲਜ਼, ਗੋਲ ਰੀਅਰ-ਵਿਊ ਮਿਰਰ ਅਤੇ ਹੋਰ ਬਹੁਤ ਕੁਝ ਸ਼ਾਮਲ ਹੈ।

ਨਵੀਂ Ducati Scrambler Tribute 1100 Pro 1079 cc L-ਟਵਿਨ, ਏਅਰ-ਕੂਲਡ ਇੰਜਣ ਵੱਲੋਂ ਸੰਚਾਲਿਤ ਹੈ ਜੋ 86 HP ਦੀ ਪਾਵਰ ਅਤੇ 90 Nm ਪੀਕ ਟਾਰਕ ਜਨਰੇਟ ਕਰਦਾ ਹੈ। ਜੇਕਰ ਇਸ ਦੀ ਪਾਵਰ ਦੀ ਤੁਲਨਾ ਮਾਰੂਤੀ ਸੁਜ਼ੂਕੀ ਸਵਿਫਟ ਦੇ ਇੰਜਣ ਨਾਲ ਕੀਤੀ ਜਾਵੇ ਤਾਂ ਇਹ 89 bhp ਦੀ ਪਾਵਰ ਜਨਰੇਟ ਕਰਦਾ ਹੈ। ਸਵਿਫਟ 'ਚ 1197cc ਇੰਜਣ ਦਿੱਤਾ ਗਿਆ ਹੈ।

ਇਸ ਵਿੱਚ ਤਿੰਨ ਰਾਈਡਿੰਗ ਮੋਡ ਵੀ ਹਨ, ਜਿਵੇਂ ਕਿ ਐਕਟਿਵ, ਜਰਨੀ ਅਤੇ ਸਿਟੀ। ਇਸ ਮੋਟਰਸਾਈਕਲ ਦੀ ਕੀਮਤ 12.89 ਲੱਖ ਰੁਪਏ, ਐਕਸ-ਸ਼ੋਰੂਮ (ਪੂਰੀ-ਭਾਰਤ) ਰੱਖੀ ਗਈ ਹੈ।

ਬਾਈਕ ਨੂੰ ਬਿਲਕੁਲ ਨਵਾਂ ਕਲੱਚ ਹਾਈਡ੍ਰੌਲਿਕ ਕੰਟਰੋਲ ਅਤੇ ਮਲਟੀ ਪਲੇਟ ਟਾਈਪ ਸਰਵੋ ਅਸਿਸਟੇਡ ਸਲਿਪਰ ਫੰਕਸ਼ਨ ਦਿੱਤਾ ਗਿਆ ਹੈ ਜੋ ਡਾਊਨ ਸ਼ਿਫਟ ਦੇ ਦੌਰਾਨ ਪਿਛਲੇ ਪਹੀਏ ਨੂੰ ਸਥਿਰ ਕੰਟਰੋਲ ਪ੍ਰਦਾਨ ਕਰਦਾ ਹੈ। ਬਾਈਕ ਦੇ ਬ੍ਰੇਕਿੰਗ ਸਿਸਟਮ ਦੀ ਗੱਲ ਕਰੀਏ ਤਾਂ ਇਸ ਦੇ ਫਰੰਟ ਵ੍ਹੀਲ ਅਤੇ ਰੀਅਰ ਵ੍ਹੀਲ 'ਚ ਡਿਸਕ ਬ੍ਰੇਕ ਦਿੱਤੀ ਗਈ ਹੈ, ਜਿਸ ਦੇ ਨਾਲ ਐਂਟੀ-ਲਾਕ ਬ੍ਰੇਕਿੰਗ ਸਿਸਟਮ ਵੀ ਲਗਾਇਆ ਗਿਆ ਹੈ।

ਬਾਈਕ ਦੇ ਅੱਗੇ 18-ਇੰਚ ਸਪੋਕ ਅਲਾਏ ਵ੍ਹੀਲ ਅਤੇ ਪਿਛਲੇ ਪਾਸੇ 17-ਇੰਚ ਅਲਾਏ ਵ੍ਹੀਲ ਦਿੱਤਾ ਗਿਆ ਹੈ, ਇਸ ਤੋਂ ਇਲਾਵਾ ਬਾਈਕ 'ਚ ਕਾਰਨਰਿੰਗ ABS ਦੇ ਨਾਲ ਡੁਕਾਟੀ ਟ੍ਰੈਕਸ਼ਨ ਕੰਟਰੋਲ ਸਟੈਂਡਰਡ ਵੀ ਸ਼ਾਮਲ ਕੀਤਾ ਗਿਆ ਹੈ ਜੋ ਸੜਕ 'ਤੇ ਬਾਈਕ ਨੂੰ ਸੁਰੱਖਿਆ ਪ੍ਰਦਾਨ ਕਰਦਾ ਹੈ।