ਜੂਨ ਮਹੀਨੇ ਵਿਕੇ ਮਹਿੰਦਰਾ ਦੇ 48,222 ਟ੍ਰੈਕਟਰ, ਮਈ 'ਚ ਵਿਕੇ ਸੀ ਸਿਰਫ 24,184

mahindra_tractor

ਮਹਿੰਦਰਾ ਐਂਡ ਮਹਿੰਦਰਾ ਲਿਮਿਟੇਡ ਨੇ ਅੱਜ ਦੱਸਿਆ ਕਿ ਜੂਨ 2021 ਦੌਰਾਨ ਉਸ ਦੇ 48,222 ਟ੍ਰੈਕਟਰ ਵਿਕੇ ਹਨ। ਕੋਰੋਨਾ ਵਾਇਰਸ ਮਹਾਮਾਰੀ ਦੀ ਦੂਜੀ ਲਹਿਰ ਕਾਰਨ ਕਾਰੋਬਾਰ ’ਚ ਪਏ ਵਿਘਨ ਤੋਂ ਬਾਅਦ ਜੂਨ ਮਹੀਨੇ ਜਦੋਂ ਕੁਝ ਪਾਬੰਦੀਆਂ ਹਟਣੀਆਂ ਸ਼ੁਰੂ ਹੋਈਆਂ, ਤਾਂ ਟ੍ਰੈਕਟਰਾਂ ਦੀ ਵਿਕਰੀ ਦਾ ਕੰਮ ਮੁੜ ਸ਼ੁਰੂ ਹੋਇਆ।

ਜੂਨ 2020 ਦੌਰਾਨ ਕੰਪਨੀ ਨੇ 36,544 ਟ੍ਰੈਕਟਰ ਵੇਚੇ ਸਨ; ਉਸ ਵੇਲੇ ਵੀ ਕੋਰੋਨਾ ਲੌਕਡਾਊਨ ਕਾਰਨ ਸਾਰੇ ਕਾਰੋਬਾਰਾਂ ਉੱਤੇ ਮਾੜਾ ਅਸਰ ਪਿਆ ਸੀ ਪਰ ਇਸ ਵਾਰ ਹਾਲਾਤ ਕੁਝ ਬਿਹਤਰ ਦਿਸ ਰਹੇ ਹਨ।