EV ਮਾਰਕਿਟ 'ਚ ਧਮਾਕਾ ਕਰੇਗੀ Toyota ਦੀ ਪਹਿਲੀ ਇਲੈਕਟ੍ਰਿਕ SUV ! 550 ਕਿਲੋਮੀਟਰ ਦੀ ਰੇਂਜ

Toyota First Electric SUV: ਇਲੈਕਟ੍ਰਿਕ ਕਾਰਾਂ ਲਗਾਤਾਰ ਭਾਰਤੀ ਬਾਜ਼ਾਰ ਵਿੱਚ ਦਾਖਲ ਹੋ ਰਹੀਆਂ ਹਨ। ਹੁਣ ਜਾਪਾਨੀ ਕਾਰ ਨਿਰਮਾਤਾ ਕੰਪਨੀ ਟੋਇਟਾ ਵੀ ਭਾਰਤੀ ਬਾਜ਼ਾਰ 'ਚ ਇਲੈਕਟ੍ਰਿਕ SUV ਲਿਆਉਣ ਜਾ ਰਹੀ ਹੈ।

Toyota

ਭਾਰਤੀ ਬਾਜ਼ਾਰ 'ਚ ਇਲੈਕਟ੍ਰਿਕ ਕਾਰਾਂ ਦੀ ਮੰਗ ਲਗਾਤਾਰ ਵਧ ਰਹੀ ਹੈ। ਇਸ ਕਾਰਨ ਕਈ ਕਾਰ ਨਿਰਮਾਤਾ ਕੰਪਨੀਆਂ ਭਾਰਤੀ ਬਾਜ਼ਾਰ 'ਚ ਇਲੈਕਟ੍ਰਿਕ ਕਾਰਾਂ ਲਾਂਚ ਕਰ ਰਹੀਆਂ ਹਨ। ਹੁਣ ਜਾਪਾਨੀ ਕੰਪਨੀ ਟੋਇਟਾ ਦਾ ਨਾਂ ਵੀ ਇਲੈਕਟ੍ਰਿਕ ਕਾਰਾਂ ਦੀ ਲਾਂਚਿੰਗ 'ਚ ਸ਼ਾਮਲ ਹੋਣ ਜਾ ਰਿਹਾ ਹੈ।

ਟੋਇਟਾ ਜਲਦ ਹੀ ਭਾਰਤੀ ਬਾਜ਼ਾਰ 'ਚ ਆਪਣੀ ਪਹਿਲੀ ਇਲੈਕਟ੍ਰਿਕ SUV ਲਾਂਚ ਕਰਨ ਦੀ ਤਿਆਰੀ ਕਰ ਰਹੀ ਹੈ।

ਮੀਡੀਆ ਰਿਪੋਰਟਾਂ ਮੁਤਾਬਕ ਟੋਇਟਾ ਇਸ ਇਲੈਕਟ੍ਰਿਕ ਕਾਰ ਨੂੰ ਸਾਲ 2025 'ਚ ਲਾਂਚ ਕਰਨ ਜਾ ਰਹੀ ਹੈ। ਕੰਪਨੀ ਨੇ ਪਿਛਲੇ ਸਾਲ 2023 ਦੇ ਆਖਰੀ ਮਹੀਨਿਆਂ 'ਚ ਇਲੈਕਟ੍ਰਿਕ ਕਾਰ ਬਾਰੇ ਦੱਸਿਆ ਸੀ।

ਇਲੈਕਟ੍ਰਿਕ ਕਾਰਾਂ ਦੇ ਖਰੀਦਦਾਰ ਇਸ ਨੂੰ ਖਰੀਦਣ ਤੋਂ ਪਹਿਲਾਂ ਕਿਸੇ ਵੀ ਮਾਡਲ ਦੀ ਰੇਂਜ ਬਾਰੇ ਜਾਣਨਾ ਚਾਹੁੰਦੇ ਹਨ। ਇਸ ਦੇ ਨਾਲ ਹੀ ਟੋਇਟਾ ਦੀ ਇਹ ਪਹਿਲੀ ਇਲੈਕਟ੍ਰਿਕ SUV ਆਪਣੀ ਗੱਡੀ 'ਚ 550 ਕਿਲੋਮੀਟਰ ਦੀ ਰੇਂਜ ਦੇਣ ਜਾ ਰਹੀ ਹੈ।

ਇਹ ਕਾਰ ਦੋ ਬੈਟਰੀ ਪੈਕ ਮਾਡਲਾਂ ਨਾਲ ਬਾਜ਼ਾਰ 'ਚ ਆਵੇਗੀ। 48kWh ਬੈਟਰੀ ਪੈਕ ਵਾਲੀ ਕਾਰ 400 ਕਿਲੋਮੀਟਰ ਦੀ ਰੇਂਜ ਦੇਵੇਗੀ। 60kWh ਬੈਟਰੀ ਪੈਕ ਵਾਲੀ ਕਾਰ 550 ਕਿਲੋਮੀਟਰ ਦੀ ਰੇਂਜ ਦੇਣ ਜਾ ਰਹੀ ਹੈ।

ਭਾਰਤੀ ਬਾਜ਼ਾਰ 'ਚ ਪਹਿਲਾਂ ਹੀ ਕਈ ਇਲੈਕਟ੍ਰਿਕ ਕਾਰਾਂ ਮੌਜੂਦ ਹਨ। ਟੋਇਟਾ ਦੀ ਇਸ SUV ਦੇ ਨਾਲ ਹੀ ਕੁਝ ਹੋਰ ਕਾਰਾਂ ਵੀ ਬਾਜ਼ਾਰ 'ਚ ਆਉਣ ਜਾ ਰਹੀਆਂ ਹਨ। Toyota ਦੀ SUV ਦੇ ਨਾਲ, Hyundai Creta EV, Tata Curve EV ਅਤੇ Maruti eVX ਨੂੰ ਵੀ ਲਾਂਚ ਕੀਤਾ ਜਾਵੇਗਾ।