Income Tax Notice: ਕੀ ਚੈਰੀਟੇਬਲ ਸੰਸਥਾਵਾਂ ਨੂੰ ਦਾਨ ਦੇਣਾ ਪਵੇਗਾ ਮਹਿੰਗਾ ? 8 ਹਜ਼ਾਰ ਟੈਕਸਦਾਤਾਵਾਂ ਨੂੰ ਨੋਟਿਸ, ਟੈਕਸ ਚੋਰੀ ਦਾ ਸ਼ੱਕ

Income Tax News: ਸਾਰੇ 8 ਹਜ਼ਾਰ ਨੋਟਿਸ ਹਾਲ ਹੀ ਦੇ ਹਫ਼ਤਿਆਂ ਵਿੱਚ ਹੀ ਭੇਜੇ ਗਏ ਹਨ। ਆਉਣ ਵਾਲੇ ਦਿਨਾਂ 'ਚ ਹੋਰ ਸ਼ੱਕੀ ਮਾਮਲਿਆਂ 'ਚ ਵਿਭਾਗ ਟੈਕਸਦਾਤਾਵਾਂ ਨੂੰ ਨੋਟਿਸ ਭੇਜ ਸਕਦਾ ਹੈ।

( Image Source : Getty )

ਆਮਦਨ ਕਰ ਵਿਭਾਗ ਨੇ ਚੈਰੀਟੇਬਲ ਟਰੱਸਟਾਂ ਨੂੰ ਦਾਨ ਦੇਣ ਵਾਲੇ ਲਗਭਗ 8,000 ਟੈਕਸਦਾਤਾਵਾਂ ਨੂੰ ਨੋਟਿਸ ਭੇਜੇ ਹਨ। ਆਮਦਨ ਕਰ ਵਿਭਾਗ ਨੂੰ ਸ਼ੱਕ ਹੈ ਕਿ ਸਬੰਧਤ ਟੈਕਸਦਾਤਾਵਾਂ ਨੇ ਆਮਦਨ ਛੁਪਾਉਣ ਅਤੇ ਟੈਕਸ ਤੋਂ ਬਚਣ ਲਈ ਚੈਰੀਟੇਬਲ ਟਰੱਸਟਾਂ ਨੂੰ ਚੰਦਾ ਦਿਖਾਇਆ ਹੈ।

ਇਸ ਕਾਰਨ ਭੇਜੇ ਗਏ ਨੇ ਨੋਟਿਸ- ਈਟੀ ਦੀ ਇੱਕ ਖਬਰ ਵਿੱਚ ਇਨਕਮ ਟੈਕਸ ਵਿਭਾਗ ਦੇ ਅਧਿਕਾਰੀਆਂ ਦੇ ਹਵਾਲੇ ਨਾਲ ਇਹ ਜਾਣਕਾਰੀ ਦਿੱਤੀ ਗਈ ਹੈ। ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਜਿਨ੍ਹਾਂ ਟੈਕਸਦਾਤਾਵਾਂ ਨੂੰ ਨੋਟਿਸ ਭੇਜੇ ਗਏ ਹਨ, ਉਨ੍ਹਾਂ ਵੱਲੋਂ ਦਿਖਾਇਆ ਗਿਆ ਚੰਦਾ ਉਨ੍ਹਾਂ ਦੀ ਆਮਦਨ ਅਤੇ ਖਰਚ ਨਾਲ ਮੇਲ ਨਹੀਂ ਖਾਂਦਾ।

ਨੋਟਿਸ ਪ੍ਰਾਪਤ ਕਰਨ ਵਾਲੇ ਟੈਕਸਦਾਤਾਵਾਂ ਵਿੱਚ ਤਨਖਾਹਦਾਰ ਵਿਅਕਤੀ, ਸਵੈ-ਰੁਜ਼ਗਾਰ ਅਤੇ ਕੁਝ ਕੰਪਨੀਆਂ ਸ਼ਾਮਲ ਹਨ। ਇਨਕਮ ਟੈਕਸ ਵਿਭਾਗ ਉਨ੍ਹਾਂ ਟੈਕਸ ਪੇਸ਼ੇਵਰਾਂ 'ਤੇ ਵੀ ਨਜ਼ਰ ਰੱਖ ਰਿਹਾ ਹੈ, ਜਿਨ੍ਹਾਂ ਨੇ ਅਜਿਹੇ ਲੈਣ-ਦੇਣ ਕਰਨ 'ਚ ਸਬੰਧਤ ਟੈਕਸਦਾਤਾਵਾਂ ਦੀ ਮਦਦ ਕੀਤੀ ਹੈ।

ਸਾਰੇ ਮਾਮਲਿਆਂ ਵਿੱਚ ਇਹ ਹੈ ਖ਼ਾਸ ਗੱਲ - ਅਧਿਕਾਰੀ ਨੇ ਕਿਹਾ ਕਿ ਜਿਨ੍ਹਾਂ 8,000 ਮਾਮਲਿਆਂ 'ਚ ਨੋਟਿਸ ਭੇਜੇ ਗਏ ਹਨ, ਉਨ੍ਹਾਂ 'ਚ ਕੁਝ ਚੀਜ਼ਾਂ ਆਮ ਹਨ। ਇਨ੍ਹਾਂ ਮਾਮਲਿਆਂ ਵਿੱਚ, ਸਹੀ ਰਕਮ ਦਾ ਦਾਨ ਦਿਖਾਇਆ ਗਿਆ ਹੈ, ਜੋ ਟੈਕਸ ਸਲੈਬ ਨੂੰ ਘਟਾਉਣ ਜਾਂ ਪੂਰੀ ਛੋਟ ਪ੍ਰਾਪਤ ਕਰਨ ਲਈ ਜ਼ਰੂਰੀ ਸੀ।

ਇਸ ਤੋਂ ਇਲਾਵਾ ਇੱਕ ਹੋਰ ਗੱਲ ਜੋ ਆਮ ਹੈ ਕਿ ਸਾਰੇ ਮਾਮਲਿਆਂ ਵਿੱਚ ਦਾਨ ਨਕਦੀ ਵਿੱਚ ਕੀਤਾ ਜਾਂਦਾ ਸੀ। ਇਸੇ ਤਰ੍ਹਾਂ, ਟੈਕਸ ਪੇਸ਼ੇਵਰਾਂ ਨੂੰ ਤਨਖ਼ਾਹ ਤੋਂ ਆਮਦਨ 'ਤੇ ਨਿਰਭਰ ਕਰਦਾਤਾਵਾਂ ਦੁਆਰਾ ਜ਼ਿਆਦਾ ਭੁਗਤਾਨ ਕੀਤਾ ਗਿਆ ਹੈ।

ਹਾਲ ਹੀ ਵਿੱਚ ਭੇਜੇ ਗਏ ਨੋਟਿਸ- ਖਬਰਾਂ ਮੁਤਾਬਕ ਮਾਰਚ ਦੇ ਮੱਧ ਤੋਂ ਅਪ੍ਰੈਲ ਦੀ ਸ਼ੁਰੂਆਤ ਦੌਰਾਨ 3 ਹਫਤਿਆਂ ਵਿੱਚ ਸਬੰਧਤ 8 ਹਜ਼ਾਰ ਟੈਕਸਦਾਤਾਵਾਂ ਨੂੰ ਇਹ ਨੋਟਿਸ ਭੇਜੇ ਗਏ ਹਨ। ਭੇਜੇ ਗਏ ਨੋਟਿਸ ਮੁਲਾਂਕਣ ਸਾਲ 2017-18 ਤੋਂ 2020-21 ਲਈ ਹਨ। ਇਨਕਮ ਟੈਕਸ ਵਿਭਾਗ ਦੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਆਉਣ ਵਾਲੇ ਦਿਨਾਂ 'ਚ ਅਜਿਹੇ ਮਾਮਲਿਆਂ 'ਚ ਹੋਰ ਟੈਕਸ ਦਾਤਾਵਾਂ ਨੂੰ ਨੋਟਿਸ ਦਿੱਤੇ ਜਾ ਸਕਦੇ ਹਨ।

ਟੈਕਸ ਚੋਰੀ ਵਿੱਚ ਮਦਦ ਕਰਦੇ ਨੇ ਟਰੱਸਟ- ਅਧਿਕਾਰੀਆਂ ਨੇ ਦੱਸਿਆ ਕਿ ਕੰਪਨੀਆਂ ਦੇ ਮਾਮਲੇ ਜ਼ਿਆਦਾਤਰ ਛੋਟੀਆਂ ਫਰਮਾਂ ਨਾਲ ਸਬੰਧਤ ਹਨ। ਜੋ ਰਕਮ ਉਨ੍ਹਾਂ ਨੇ ਚੈਰੀਟੇਬਲ ਟਰੱਸਟਾਂ ਨੂੰ ਦਾਨ ਕੀਤੀ ਹੈ ਉਹ ਉਸਦੀ ਕਮਾਈ ਨਾਲ ਕਿਤੇ ਵੀ ਮੇਲ ਨਹੀਂ ਖਾਂਦੀ। ਉਨ੍ਹਾਂ ਕਿਹਾ ਕਿ ਅਜਿਹੇ ਮਾਮਲਿਆਂ ਵਿੱਚ, ਟਰੱਸਟ ਇੱਕ ਕਮਿਸ਼ਨ ਕੱਟਦਾ ਹੈ ਅਤੇ ਬਾਕੀ ਦੀ ਨਕਦ ਰਾਸ਼ੀ ਅਤੇ ਦਾਨ ਦੀ ਪਰਚੀ ਟੈਕਸਦਾਤਾਵਾਂ ਨੂੰ ਦਿੰਦਾ ਹੈ, ਜਿਸ ਨਾਲ ਉਨ੍ਹਾਂ ਨੂੰ ਟੈਕਸ ਤੋਂ ਬਚਣ ਵਿੱਚ ਮਦਦ ਮਿਲਦੀ ਹੈ।

ਟਰੱਸਟਾਂ 'ਤੇ ਹੋ ਸਕਦੀ ਹੈ ਇਹ ਕਾਰਵਾਈ-ਇਨ੍ਹਾਂ ਮਾਮਲਿਆਂ ਦੇ ਸਾਹਮਣੇ ਆਉਣ ਤੋਂ ਬਾਅਦ ਇਨਕਮ ਟੈਕਸ ਵਿਭਾਗ ਹੁਣ ਟਰੱਸਟਾਂ 'ਤੇ ਸ਼ਿਕੰਜਾ ਕੱਸਣ ਦੀ ਤਿਆਰੀ ਕਰ ਰਿਹਾ ਹੈ। ਇਨਕਮ ਟੈਕਸ ਵਿਭਾਗ ਉਨ੍ਹਾਂ ਟਰੱਸਟਾਂ ਦੀ ਕੁੰਡਲੀ ਦੀ ਜਾਂਚ ਕਰ ਰਿਹਾ ਹੈ, ਜੋ ਟੈਕਸ ਦੇਣ ਵਾਲਿਆਂ ਨੂੰ ਫਰਜ਼ੀ ਬਿੱਲ ਜਾਰੀ ਕਰਕੇ ਟੈਕਸ ਚੋਰੀ ਕਰਨ 'ਚ ਮਦਦ ਕਰਦੇ ਹਨ।

ਅਧਿਕਾਰੀਆਂ ਨੇ ਦੱਸਿਆ ਕਿ ਫਿਲਹਾਲ ਅਜਿਹੇ ਟਰੱਸਟਾਂ ਖਿਲਾਫ ਕੋਈ ਕਾਰਵਾਈ ਨਹੀਂ ਕੀਤੀ ਗਈ ਹੈ ਪਰ ਜੇਕਰ ਕੋਈ ਬੇਨਿਯਮੀਆਂ ਪਾਈਆਂ ਜਾਂਦੀਆਂ ਹਨ ਤਾਂ ਉਨ੍ਹਾਂ ਦੀ ਟੈਕਸ ਛੋਟ ਦਾ ਦਰਜਾ ਖਤਮ ਕੀਤਾ ਜਾ ਸਕਦਾ ਹੈ।