ਘੱਟ ਪੈਸਿਆਂ ਵਿੱਚ ਵੀਅਤਨਾਮ ਅਤੇ ਕੰਬੋਡੀਆ ਦੀ ਕਰੋ ਯਾਤਰਾ, IRCTC ਲੈ ਕੇ ਆਇਆ ਸ਼ਾਨਦਾਰ ਟੂਰ ਪੈਕੇਜ

ਇੰਡੀਅਨ ਰੇਲਵੇ ਕੈਟਰਿੰਗ ਅਤੇ ਟੂਰਿਜ਼ਮ ਭਾਰਤ ਤੇ ਦੁਨੀਆ ਦੇ ਕਈ ਮਸ਼ਹੂਰ ਸੈਰ-ਸਪਾਟਾ ਸਥਾਨਾਂ ਲਈ ਟੂਰ ਪੈਕੇਜ ਲਾਂਚ ਕਰਦਾ ਰਹਿੰਦਾ ਹੈ। ਵਰਤਮਾਨ 'ਚ, IRCTC ਤੁਹਾਨੂੰ ਕੰਬੋਡੀਆ ਅਤੇ ਵੀਅਤਨਾਮ ਦਾ ਦੌਰਾ ਕਰਨ ਦਾ ਮੌਕਾ ਦੇ ਰਿਹੈ।

IRCTC Vietnam and Cambodia Tour

IRCTC ਵੀਅਤਨਾਮ ਅਤੇ ਕੰਬੋਡੀਆ ਜਾਣ ਲਈ ਸਸਤੇ ਅਤੇ ਕਿਫਾਇਤੀ ਟੂਰ ਪੈਕੇਜ ਲੈ ਕੇ ਆਇਆ ਹੈ। ਅਸੀਂ ਤੁਹਾਨੂੰ ਇਸ ਦਾ ਵੇਰਵਾ ਦੱਸ ਰਹੇ ਹਾਂ।

IRCTC Vietnam and Cambodia Tour: IRCTC ਨੇ ਕੰਬੋਡੀਆ ਅਤੇ ਵੀਅਤਨਾਮ ਦਾ ਦੌਰਾ ਕਰਨ ਲਈ ਸਸਤੇ ਹਵਾਈ ਟੂਰ ਪੈਕੇਜ ਦੀ ਸ਼ੁਰੂਆਤ ਕੀਤੀ ਹੈ। ਇਹ ਪੈਕੇਜ ਉੱਤਰ ਪ੍ਰਦੇਸ਼ ਦੀ ਰਾਜਧਾਨੀ ਲਖਨਊ ਤੋਂ ਸ਼ੁਰੂ ਹੋਵੇਗਾ।

ਪੈਕੇਜ ਵਿੱਚ ਸੈਲਾਨੀਆਂ ਨੂੰ ਦੱਖਣ-ਪੂਰਬੀ ਏਸ਼ੀਆ ਦੇ ਦੋ ਦੇਸ਼ਾਂ ਕੰਬੋਡੀਆ ਅਤੇ ਵੀਅਤਨਾਮ ਦੀ ਯਾਤਰਾ ਕਰਨ ਦਾ ਮੌਕਾ ਮਿਲੇਗਾ। ਇਨ੍ਹਾਂ ਦੋਵਾਂ ਦੇਸ਼ਾਂ ਦਾ ਭਾਰਤ ਦੇ ਸੱਭਿਆਚਾਰ ਨਾਲ ਵਿਸ਼ੇਸ਼ ਲਗਾਉ ਹੈ।

ਪੈਕੇਜ 18 ਅਪ੍ਰੈਲ 2024 ਨੂੰ ਸ਼ੁਰੂ ਹੋਵੇਗਾ। ਇਸ ਵਿੱਚ ਤੁਹਾਨੂੰ ਵੀਅਤਨਾਮ ਅਤੇ ਕੰਬੋਡੀਆ ਵਿੱਚ 9 ਦਿਨ ਅਤੇ 8 ਰਾਤਾਂ ਰੁਕਣ ਦਾ ਮੌਕਾ ਮਿਲੇਗਾ।

ਇਸ ਪੈਕੇਜ ਵਿੱਚ ਤੁਹਾਨੂੰ ਨਾਸ਼ਤਾ, ਦੁਪਹਿਰ ਦੇ ਖਾਣੇ ਅਤੇ ਰਾਤ ਦੇ ਖਾਣੇ ਦੀ ਸਹੂਲਤ ਮਿਲ ਰਹੀ ਹੈ। ਪੈਕੇਜ ਵਿੱਚ ਕੁੱਲ 35 ਸੀਟਾਂ ਹਨ। ਸੈਲਾਨੀ ਪਹਿਲਾਂ ਲਖਨਊ ਤੋਂ ਕੋਲਕਾਤਾ ਅਤੇ ਕੋਲਕਾਤਾ ਤੋਂ ਹਨੋਈ ਜਾਣਗੇ।

ਇਸ ਪੂਰੇ ਪੈਕੇਜ ਵਿੱਚ ਸੈਲਾਨੀਆਂ ਨੂੰ ਖਾਣ-ਪੀਣ ਤੋਂ ਲੈ ਕੇ ਵੀਜ਼ਾ, ਬੀਮਾ ਅਤੇ ਟੂਰ ਗਾਈਡ ਤੱਕ ਸਭ ਕੁਝ ਮਿਲ ਰਿਹਾ ਹੈ। ਇਸ ਦੇ ਨਾਲ ਹੀ ਤੁਹਾਨੂੰ ਹਰ ਜਗ੍ਹਾ ਠਹਿਰਣ ਲਈ 4 ਸਟਾਰ ਹੋਟਲਾਂ ਦੀ ਸਹੂਲਤ ਵੀ ਮਿਲ ਰਹੀ ਹੈ।

ਪੈਕੇਜ ਵਿੱਚ, ਸੈਲਾਨੀ ਕੰਬੋਡੀਆ ਵਿੱਚ ਅੰਗਕੋਰ ਵਾਟ ਮੰਦਿਰ, ਹਨੋਈ ਵਿੱਚ ਨਗੋਕ ਸੋਨ ਮੰਦਿਰ ਅਤੇ ਵੀਅਤਨਾਮ ਵਿੱਚ ਕਰੂਜ਼ ਦਾ ਆਨੰਦ ਲੈਣਗੇ।

ਇਸ ਪੈਕੇਜ ਵਿੱਚ, ਤੁਹਾਨੂੰ ਸਿੰਗਲ ਆਕੂਪੈਂਸੀ ਲਈ 1,84,200 ਰੁਪਏ, ਡਬਲ ਆਕੂਪੈਂਸੀ ਲਈ 1,49,100 ਰੁਪਏ ਅਤੇ ਟ੍ਰਿਪਲ ਆਕੂਪੈਂਸੀ ਲਈ 1,47,800 ਰੁਪਏ ਦਾ ਭੁਗਤਾਨ ਕਰਨਾ ਹੋਵੇਗਾ।