Neeru Bajwa B’day: ਬਾਲੀਵੁੱਡ ਫਿਲਮ ਨਾਲ ਨੀਰੂ ਬਾਜਵਾ ਨੇ ਕੀਤੀ ਸੀ ਆਪਣੇ ਕੈਰੀਅਰ ਦੀ ਸ਼ੁਰੂਆਤ, ਹੁਣ ਪੰਜਾਬੀ ਇੰਡਸਟਰੀ ਨੇ ਕਰਦੀ ਹੈ ਰਾਜ

Neeru Bajwa: ਪੰਜਾਬੀ ਅਦਾਕਾਰਾ ਨੀਰੂ ਬਾਜਵਾ ਅੱਜ ਆਪਣਾ 42ਵਾਂ ਜਨਮਦਿਨ ਮਨਾ ਰਹੀ ਹੈ। ਨੀਰੂ ਦੇ ਜਨਮਦਿਨ 'ਤੇ ਅਸੀਂ ਤੁਹਾਨੂੰ ਉਨ੍ਹਾਂ ਬਾਰੇ ਕੁਝ ਖਾਸ ਗੱਲਾਂ ਦੱਸਦੇ ਹਾਂ।

Neeru Bajwa

ਅਦਾਕਾਰਾ ਨੀਰੂ ਬਾਜਵਾ ਪੰਜਾਬੀ ਇੰਡਸਟਰੀ ਦਾ ਜਾਣਿਆ-ਪਛਾਣਿਆ ਨਾਂ ਹੈ। ਉਸਨੂੰ ਕਿਸੇ ਪਹਿਚਾਣ ਦੀ ਲੋੜ ਨਹੀਂ ਹੈ। ਨੀਰੂ ਨੇ ਆਪਣੀ ਸ਼ਾਨਦਾਰ ਅਦਾਕਾਰੀ ਨਾਲ ਪ੍ਰਸ਼ੰਸਕਾਂ ਨੂੰ ਦੀਵਾਨਾ ਬਣਾ ਦਿੱਤਾ ਹੈ। ਪੰਜਾਬੀ ਇੰਡਸਟਰੀ ਦੀ ਜਾਨ ਨੀਰੂ ਬਾਜਵਾ ਨੇ ਬਾਲੀਵੁੱਡ ਨਾਲ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ। ਨੀਰੂ ਦੀ ਬਾਲੀਵੁੱਡ ਫਿਲਮ ਬਾਰੇ ਬਹੁਤ ਘੱਟ ਲੋਕ ਜਾਣਦੇ ਹਨ। ਬਾਲੀਵੁੱਡ ਤੋਂ ਬਾਅਦ ਨੀਰੂ ਨੇ ਕਈ ਟੀਵੀ ਸ਼ੋਅਜ਼ ਵਿੱਚ ਕੰਮ ਕੀਤਾ ਹੈ। ਟੀਵੀ ਸ਼ੋਅਜ਼ ਵਿੱਚ ਆਪਣੀ ਵੱਖਰੀ ਪਛਾਣ ਬਣਾਉਣ ਤੋਂ ਬਾਅਦ, ਉਸਨੇ ਪੰਜਾਬ ਇੰਡਸਟਰੀ ਵਿੱਚ ਪ੍ਰਵੇਸ਼ ਕੀਤਾ ਅਤੇ ਪਹਿਲੀ ਫਿਲਮ ਨਾਲ ਹੀ ਛਾ ਗਈ। ਅੱਜ ਨੀਰੂ ਆਪਣਾ 42ਵਾਂ ਜਨਮਦਿਨ ਮਨਾ ਰਹੀ ਹੈ। ਅੱਜ ਉਨ੍ਹਾਂ ਦੇ ਜਨਮਦਿਨ 'ਤੇ, ਆਓ ਤੁਹਾਨੂੰ ਉਨ੍ਹਾਂ ਦੇ ਕਰੀਅਰ ਅਤੇ ਲਵ ਲਾਈਫ ਬਾਰੇ ਦੱਸਦੇ ਹਾਂ।

ਬਹੁਤ ਘੱਟ ਲੋਕ ਜਾਣਦੇ ਹਨ ਕਿ ਨੀਰੂ ਨੇ ਆਪਣੇ ਐਕਟਿੰਗ ਕਰੀਅਰ ਦੀ ਸ਼ੁਰੂਆਤ ਬਾਲੀਵੁੱਡ ਫਿਲਮ 'ਮੈਂ ਸੋਲ੍ਹ ਬਰਸ ਕੀ' ਨਾਲ ਕੀਤੀ ਸੀ। ਇਸ ਫਿਲਮ ਦਾ ਨਿਰਦੇਸ਼ਨ ਦੇਵ ਆਨੰਦ ਨੇ ਕੀਤਾ ਸੀ। ਫਿਲਮਾਂ 'ਚ ਆਪਣੀ ਪਛਾਣ ਨਾ ਬਣਾ ਸਕਣ ਤੋਂ ਬਾਅਦ ਉਸ ਨੇ ਟੀਵੀ ਦੀ ਦੁਨੀਆ 'ਚ ਕਦਮ ਰੱਖਿਆ। ਇਸ ਦੌਰਾਨ ਉਹ ਆਪਣੀ ਲਵ ਲਾਈਫ ਨੂੰ ਲੈ ਕੇ ਸੁਰਖੀਆਂ 'ਚ ਆ ਗਈ ਸੀ।

ਨੀਰੂ ਨੇ ਆਪਣੇ ਟੀਵੀ ਕਰੀਅਰ ਦੀ ਸ਼ੁਰੂਆਤ 'ਅਸਤਿਤਵਾ - ਏਕ ਪ੍ਰੇਮ ਕੀ' ਨਾਲ ਕੀਤੀ ਸੀ। ਇਸ ਤੋਂ ਬਾਅਦ ਉਹ ਜੀਤ, ਗਨ ਐਂਡ ਰੋਜ਼ਜ਼, ਹਰੀ ਮਿਰਚ ਲਾਲ ਮਿਰਚ ਵਰਗੇ ਸੀਰੀਅਲਾਂ 'ਚ ਨਜ਼ਰ ਆਈ। ਨੀਰੂ ਦੀ ਮੁਲਾਕਾਤ ਗਨ ਐਂਡ ਰੋਜ਼ਜ਼ ਸ਼ੋਅ ਦੇ ਸੈੱਟ 'ਤੇ ਅਮਿਤ ਸਾਧ ਨਾਲ ਹੋਈ ਸੀ। ਸ਼ੋਅ ਦੇ ਸੈੱਟ 'ਤੇ ਉਨ੍ਹਾਂ ਦੀ ਦੋਸਤੀ ਪਿਆਰ 'ਚ ਬਦਲ ਗਈ। ਦੋਵਾਂ ਨੇ ਨੱਚ ਬਲੀਏ 1 ਵਿੱਚ ਵੀ ਇਕੱਠੇ ਹਿੱਸਾ ਲਿਆ ਸੀ।

ਅਮਿਤ ਅਤੇ ਨੀਰੂ ਨੇ ਕਰੀਬ 8 ਸਾਲ ਇੱਕ ਦੂਜੇ ਨੂੰ ਡੇਟ ਕੀਤਾ। ਇਸ ਤੋਂ ਬਾਅਦ ਦੋਵੇਂ ਵੱਖ ਹੋ ਗਏ। ਖਬਰਾਂ ਮੁਤਾਬਕ ਜਦੋਂ ਅਮਿਤ ਅਤੇ ਨੀਰੂ ਦਾ ਬ੍ਰੇਕਅੱਪ ਹੋਇਆ ਸੀ, ਉਦੋਂ ਉਹ ਬਿੱਗ ਬੌਸ 'ਚ ਸਨ। ਇਸ ਦੌਰਾਨ ਉਸ ਨੂੰ ਪਤਾ ਲੱਗਾ ਕਿ ਨੀਰੂ ਉਸ ਨੂੰ ਛੱਡ ਕੇ ਚਲੀ ਗਈ ਹੈ। ਬ੍ਰੇਕਅੱਪ ਤੋਂ ਬਾਅਦ ਅਮਿਤ ਸ਼ੋਅ 'ਚ ਬਹੁਤ ਰੋਇਆ।

ਨੀਰੂ ਨੇ ਬਾਲੀਵੁੱਡ ਅਤੇ ਟੀਵੀ ਇੰਡਸਟਰੀ ਦੋਵਾਂ 'ਚ ਕੰਮ ਕੀਤਾ ਹੈ ਪਰ ਉਸ ਨੂੰ ਆਪਣੀ ਅਸਲੀ ਪਛਾਣ ਪੰਜਾਬੀ ਇੰਡਸਟਰੀ ਤੋਂ ਮਿਲੀ। ਉਸਨੇ ਕਈ ਪੰਜਾਬੀ ਫਿਲਮਾਂ ਵਿੱਚ ਕੰਮ ਕੀਤਾ ਹੈ। ਫਿਰ ਚਾਹੇ ਉਹ ਮੇਲ ਕਰਾ ਦੇ ਰੱਬਾ ਹੋਵੇ ਜਾਂ ਜੱਟ ਐਂਡ ਜੂਲੀਅਟ। ਨੀਰੂ ਅਤੇ ਦਿਲਜੀਤ ਦੋਸਾਂਝ ਦੀ ਜੋੜੀ ਨੂੰ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਦੋਵਾਂ ਨੇ ਕਈ ਫਿਲਮਾਂ 'ਚ ਇਕੱਠੇ ਕੰਮ ਕੀਤਾ ਹੈ।

ਨੀਰੂ ਨੇ ਸਾਲ 2015 ਵਿੱਚ ਹੈਰੀ ਰੰਧਾਵਾ ਨਾਲ ਵਿਆਹ ਕੀਤਾ ਸੀ। ਵਿਆਹ ਤੋਂ ਬਾਅਦ ਉਹ ਕੈਨੇਡਾ ਵਿੱਚ ਸੈਟਲ ਹੋ ਗਈ। ਨੀਰੂ ਅਤੇ ਹੈਰੀ ਦੀਆਂ 3 ਬੇਟੀਆਂ ਹਨ। ਨੀਰੂ ਫਿਲਮ ਦੀ ਸ਼ੂਟਿੰਗ ਲਈ ਹੀ ਭਾਰਤ ਆਉਂਦੀ ਹੈ, ਬਾਕੀ ਸਮਾਂ ਉਹ ਕੈਨੇਡਾ ਰਹਿੰਦੀ ਹੈ।