ਐਕਸ਼ਨ ਡ੍ਰਾਮਾ ਨਾਲ ਭਰਪੂਰ ਆਦਿਤਿਆ ਰਾਏ ਕਪੂਰ ਤੇ ਸੰਜਨਾ ਸਾਂਘੀ ਦੀ ‘OM: The Battle Within’ ਦਾ ਟ੍ਰੇਲਰ ਹੋਇਆ ਰਿਲੀਜ਼, 1 ਜੁਲਾਈ ਨੂੰ ਸਿਨੇਮਾਘਰਾਂ 'ਚ ਦੇਵੇਗੀ ਦਸਤਕ

'ਓਮ: ਦਿ ਬੈਟਲ ਵਿਦਿਨ'

ਆਦਿਤਿਆ ਰਾਏ ਕਪੂਰ ਤੇ ਸੰਜਨਾ ਸਾਂਘੀ ਸਟਾਰਰ ਸਭ ਤੋਂ ਵੱਧ ਉਡੀਕੀ ਜਾਣ ਵਾਲੀ ਫਿਲਮ 'ਓਮ: ਦਿ ਬੈਟਲ ਵਿਦਿਨ' 1 ਜੁਲਾਈ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ ਜਿਸ ਦੀ ਟ੍ਰੇਲਰ ਰਿਲੀਜ਼ ਹੋ ਚੁੱਕਿਆ ਹੈ।

ਫਿਲਮ ਦੇ ਟ੍ਰੇਲਰ ਤੋਂ ਹੀ ਪਤਾ ਚੱਲਦਾ ਹੈ ਕਿ ਫਿਲਮ ਇਕ ਐਕਸ਼ਨ ਡਰਾਮਾ ਹੈ ਜਿਸ ਦੀ ਕਹਾਣੀ ਕਾਫੀ ਸਟ੍ਰਾਂਗ ਹੈ ਯਕੀਨਨ ਇਹ ਫਿਲਮ ਦਰਸ਼ਕਾਂ ਨੂੰ ਜੋੜੀ ਰੱਖੇਗੀ।

ਆਦਿਤਿਆ ਰਾਏ ਕਪੂਰ ਇੱਕ ਬਹੁਤ ਹੀ ਬਹਾਦਰੀ ਦੇ ਕਿਰਦਾਰ ਵਿੱਚ ਦਿਖਾਈ ਦੇਣਗੇ, ਜੋ ਕਿ ਨਿਡਰ ਡੇਅਰਡੇਵਿਲ ਸਟੰਟ ਕਰਦੇ ਹਨ, ਰਾਸ਼ਟਰ ਦੀ ਰੱਖਿਆ ਲਈ ਲੜਦੇ ਹਨ।

ਟ੍ਰੇਲਰ ਵਿੱਚ ਅਦਕਾਰਾ ਸੰਜਨਾ ਸਾਂਘੀ ਨੂੰ ਵੀ ਵੱਖਰੇ ਹੀ ਅਵਤਾਰ 'ਚ ਨਜ਼ਰ ਆਵੇਗੀ। ਜਿਸ ਨੂੰ ਪਹਿਲਾਂ ਕਦੇ ਨਹੀਂ ਦੇਖਿਆ ਗਿਆ । ਗਲੈਮਰਸ ਪੱਖ ਨੂੰ ਛੱਡ ਕੇ ਸੰਜਨਾ ਫਿਲਮ 'ਚ ਐਕਸ਼ਨ ਸੀਨ ਕਰਦੀ ਨਜ਼ਰ ਆਵੇਗੀ।

ਫਿਲਮ ਵਿੱਚ ਅਦਾਕਾਰ ਜੈਕੀ ਸ਼ਰਾਫ, ਪ੍ਰਕਾਸ਼ ਰਾਜ, ਆਸ਼ੂਤੋਸ਼ ਰਾਣਾ ਅਤੇ ਪ੍ਰਾਚੀ ਸ਼ਾਹ ਵਰਗੀਆਂ ਸਟਾਰ ਕਾਸਟ ਵੀ ਮੁੱਖ ਭੂਮਿਕਾ ਵਿੱਚ ਹਨ।

ਜ਼ੀ ਸਟੂਡੀਓਜ਼ ਅਤੇ ਅਹਿਮਦ ਖਾਨ ਪ੍ਰਜ਼ੈਂਟਡ, ਏ ਪੇਪਰ ਡੌਲ ਐਂਟਰਟੇਨਮੈਂਟ ਪ੍ਰੋਡਕਸ਼ਨ, ਜ਼ੀ ਸਟੂਡੀਓਜ਼, ਸ਼ਾਇਰਾ ਖਾਨ ਅਤੇ ਅਹਿਮਦ ਖਾਨ ਵੱਲੋਂ ਨਿਰਮਿਤ, 'ਓਮ -ਦ ਬੈਟਲ ਵਿਦੀਨ' ਕਪਿਲ ਵਰਮਾ ਵੱਲੋਂ ਨਿਰਦੇਸ਼ਿਤ ਹੈ ਜੋ ਕਿ 1 ਜੁਲਾਈ 2022 ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਣ ਲਈ ਪੂਰੀ ਤਰ੍ਹਾਂ ਤਿਆਰ ਹੈ।