ਭੈਣ ਸਨਾ ਦੇ ਵਿਆਹ 'ਚ ਪਤਨੀ ਮੀਰਾ ਨਾਲ ਸ਼ਾਹਿਦ ਕਪੂਰ ਨੇ ਕੀਤੀ ਖੂਬ ਮਸਤੀ, ਵੇਖੋ ਦੋਵਾਂ ਦੀ ਕਿਊਟ ਕੈਮਿਸਟਰੀ

Shahid_Kapoor_1

ਐਕਟਰ ਪੰਕਜ ਕਪੂਰ ਤੇ ਸੁਪ੍ਰਿਆ ਪਾਠਕ ਦੀ ਬੇਟੀ ਸਨਾ ਕਪੂਰ ਨੇ 2 ਮਾਰਚ ਨੂੰ ਬੁਆਏਫ੍ਰੈਂਡ ਮਯੰਕ ਪਾਹਵਾ ਨਾਲ ਵਿਆਹ ਕੀਤਾ ਸੀ। ਵਿਆਹ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੋ ਰਹੀਆਂ ਹਨ। ਅਜਿਹੇ 'ਚ ਸਨਾ ਦੇ ਵਿਆਹ 'ਚ ਮਤਰੇਏ ਭਰਾ ਸ਼ਾਹਿਦ ਕਪੂਰ ਅਤੇ ਭਾਬੀ ਮੀਰਾ ਕਪੂਰ ਵੀ ਕਾਫੀ ਲਾਈਮਲਾਈਟ ਹੋਏ।

ਹਾਲ ਹੀ 'ਚ ਇੱਕ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ 'ਚ ਸ਼ਾਹਿਦ ਪਤਨੀ ਮੀਰਾ ਨਾਲ ਮਜ਼ਾਕੀਆ ਪੋਜ਼ ਦਿੰਦੇ ਨਜ਼ਰ ਆ ਰਹੇ ਹਨ।

ਸ਼ਾਹਿਦ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਇੱਕ ਤਸਵੀਰ ਸ਼ੇਅਰ ਕੀਤੀ ਹੈ। ਜਿਸ 'ਚ ਉਹ ਅਤੇ ਉਨ੍ਹਾਂ ਦੀ ਪਤਨੀ ਦੋਵੇਂ ਆਪਣੀ ਜੀਭ ਕੱਢਦੇ ਹੋਏ ਤੇ ਮਜ਼ਾਕੀਆ ਪੋਜ਼ ਦਿੰਦੇ ਨਜ਼ਰ ਆ ਰਹੇ ਹਨ।

ਦੋਵਾਂ ਦੀ ਇਹ ਫੋਟੋ ਬਹੁਤ ਪਿਆਰੀ ਅਤੇ ਫੰਨੀ ਹੈ। ਲੋਕ ਫੋਟੋ ਨੂੰ ਬਹੁਤ ਪਸੰਦ ਕਰ ਰਹੇ ਹਨ। ਇਸ ਫੋਟੋ ਨੂੰ ਸ਼ੇਅਰ ਕਰਦੇ ਹੋਏ ਸ਼ਾਹਿਦ ਕਪੂਰ ਨੇ ਕੈਪਸ਼ਨ 'ਚ ਲਿਖਿਆ- ਕਿਸਦੀ ਜੀਭ ਸਭ ਤੋਂ ਜ਼ਿਆਦਾ ਲਾਲ ਹੈ।

ਸ਼ਾਹਿਦ ਕਪੂਰ ਭੈਣ ਦੇ ਵਿਆਹ 'ਚ ਕਾਲੇ ਰੰਗ ਦੀ ਬੰਨ੍ਹ ਵਾਲੀ ਸ਼ੇਰਵਾਨੀ ਪਹਿਨ ਕੇ ਪਹੁੰਚੇ। ਉਨ੍ਹਾਂ ਨਾਲ ਬੇਟਾ ਜੈਨ ਵੀ ਟਵੀਨਿੰਗ ਕਰਦਾ ਨਜ਼ਰ ਆਇਆ। ਦੂਜੇ ਪਾਸੇ, ਮੀਰਾ ਕਪੂਰ ਆਈਵਰੀ ਕਲਰ ਦੀ ਸਾੜ੍ਹੀ ਵਿੱਚ ਬਹੁਤ ਹੀ ਸ਼ਾਨਦਾਰ ਲੱਗ ਰਹੀ ਹੈ।

ਮੀਰਾ ਨੇ ਆਪਣੀ ਭਾਬੀ ਦੇ ਵਿਆਹ 'ਤੇ ਮਿਨਿਮਲ ਮੇਕਅੱਪ ਕੀਤਾ ਸੀ। ਇਸ ਦੌਰਾਨ ਜੋੜੇ ਨੇ ਖੂਬ ਪੋਜ਼ ਦਿੱਤੇ।ਸ਼ਾਹਿਦ ਅਤੇ ਉਨ੍ਹਾਂ ਦੀ ਪਤਨੀ ਦੀ ਇਹ ਫੋਟੋ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੋ ਰਹੀ ਹੈ। ਇਸ ਫੋਟੋ ਨੂੰ ਦੇਖ ਕੇ ਪ੍ਰਸ਼ੰਸਕ ਕਮੈਂਟਸ ਕਰ ਰਹੇ ਹਨ ਅਤੇ ਉਨ੍ਹਾਂ ਨੂੰ ਕਿਊਟ ਕਪਲ ਵੀ ਕਹਿ ਰਹੇ ਹਨ।

ਦੱਸ ਦਈਏ ਕਿ ਅਕਸਰ ਸ਼ਾਹਿਦ ਕਪੂਰ ਤੇ ਮੀਰਾ ਕਪੂਰ ਕਪਲ ਗੋਲ ਸੈਚ ਕਰਦੇ ਨਜ਼ਰ ਆਉਂਦੇ ਹਨ। ਇੱਕ ਵਾਰ ਫਿਰ ਉਸ ਦੀਆਂ ਤਸਵੀਰਾਂ 'ਚ ਕੁਝ ਅਜਿਹਾ ਹੀ ਦੇਖਣ ਨੂੰ ਮਿਲ ਰਿਹਾ ਹੈ।