Vicky Katrina Wedding: ਕੈਟਰੀਨਾ ਕੈਫ ਦੇ 7 ਭੈਣ-ਭਰਾ, ਕੋਈ ਅਧਿਆਪਕ ਤਾਂ ਕੋਈ ਡਿਜ਼ਾਈਨਰ, ਜਾਣੋ ਕੀ ਕਰਦੇ ਸਾਰੇ?

Katrina_Kaif's_siblings_1

Vicky Kaushal Katrina Kaif Wedding: ਬਾਲੀਵੁੱਡ ਸਟਾਰ ਵਿੱਕੀ ਕੌਸ਼ਲ ਤੇ ਕੈਟਰੀਨਾ ਕੈਫ ਇਨ੍ਹੀਂ ਦਿਨੀਂ ਆਪਣੇ ਵਿਆਹ ਨੂੰ ਲੈ ਕੇ ਸੁਰਖੀਆਂ 'ਚ ਹਨ। ਅਜਿਹੇ 'ਚ ਹਰ ਕੋਈ ਇਨ੍ਹਾਂ ਦੋਵਾਂ ਦੀ ਪਰਸਨਲ ਲਾਈਫ਼ 'ਚ ਕਾਫੀ ਦਿਲਚਸਪੀ ਲੈ ਰਿਹਾ ਹੈ ਤੇ ਹਰ ਡਿਟੇਲ ਜਾਣਨਾ ਚਾਹੁੰਦਾ ਹੈ।

ਵਿਆਹ ਦੀਆਂ ਖ਼ਬਰਾਂ ਵਿਚਾਲੇ ਕੈਟਰੀਨਾ ਕੈਫ ਦੇ ਪਰਿਵਾਰ ਨੂੰ ਫਿਲਹਾਲ ਰਾਜਸਥਾਨ ਦੇ ਸਵਾਈ ਮਾਧੋਪੁਰ 'ਚ ਦੇਖਿਆ ਗਿਆ। ਅਜਿਹੇ 'ਚ ਹਰ ਕੋਈ ਕੈਟਰੀਨਾ ਕੈਫ ਦੇ ਇਨ੍ਹਾਂ ਭੈਣ-ਭਰਾਵਾਂ ਬਾਰੇ ਜਾਣਨਾ ਚਾਹੁੰਦਾ ਹੈ ਕਿ ਇਸ ਬਾਲੀਵੁੱਡ ਅਦਾਕਾਰਾ ਦੇ ਭੈਣ-ਭਰਾ ਅਸਲ ਜ਼ਿੰਦਗੀ 'ਚ ਕੀ ਕਰਦੇ ਹਨ।

ਕੈਟਰੀਨਾ ਕੈਫ ਦਾ ਜਨਮ ਹਾਂਗਕਾਂਗ 'ਚ ਹੋਇਆ ਸੀ। ਕੈਟਰੀਨਾ ਮੂਲ ਰੂਪ 'ਚ ਇੱਕ ਬ੍ਰਿਟਿਸ਼ ਅਦਾਕਾਰਾ ਹੈ। ਕੈਟਰੀਨਾ ਦੇ ਪਿਤਾ ਮੁਹੰਮਦ ਕੈਫ਼ ਕਸ਼ਮੀਰੀ ਹਨ, ਜਦਕਿ ਉਨ੍ਹਾਂ ਦੀ ਮਾਂ Suzanne Turcott ਬ੍ਰਿਟਿਸ਼ ਹੈ।

ਲੰਡਨ ਆਉਣ ਤੋਂ ਪਹਿਲਾਂ ਕੈਟਰੀਨਾ ਕੈਫ ਕਈ ਥਾਵਾਂ 'ਤੇ ਪਲੀ ਵਧੀ ਹੈ। ਖਬਰਾਂ ਮੁਤਾਬਕ ਕਿਹਾ ਜਾਂਦਾ ਹੈ ਕਿ ਕੈਟਰੀਨਾ ਦਾ ਪਰਿਵਾਰ ਬਹੁਤ ਵੱਡਾ ਹੈ। ਕੈਟਰੀਨਾ ਕੈਫ ਦੇ 7 ਭੈਣ-ਭਰਾ ਹਨ। ਇਨ੍ਹਾਂ 'ਚ ਉਸ ਦੀਆਂ 6 ਭੈਣਾਂ ਤੇ 1 ਵੱਡਾ ਭਰਾ ਸ਼ਾਮਲ ਹੈ।

Sebastian Turquotte ਪਰਿਵਾਰ ਦੀ ਦੂਜੀ ਸੰਤਾਨ ਹੈ। Sebastian Turquotte ਨੂੰ ਵਿਆਹ ਦੀਆਂ ਕਈ ਤਿਆਰੀਆਂ ਤੋਂ ਬਾਅਦ ਕੈਟਰੀਨਾ ਤੇ ਵਿੱਕੀ ਦੇ ਘਰ ਜਾਂਦੇ ਸਮੇਂ ਦੇਖਿਆ ਗਿਆ ਹੈ। ਉਹ ਫਰਨੀਚਰ ਡਿਜ਼ਾਈਨਰ ਅਤੇ ਐਡਵੈਂਚਰ ਦੇ ਦੀਵਾਨੇ ਹਨ।

ਕੈਟਰੀਨਾ ਦੀ ਤੀਜੀ ਭੈਣ Christine Turquotte ਇੱਕ ਘਰੇਲੂ ਔਰਤ ਹੈ। ਉਨ੍ਹਾਂ ਦੀ ਚੌਥੀ ਵੱਡੀ ਭੈਣ Natacha Turquotte ਇਕ ਜਵੈਲਰੀ ਡਿਜ਼ਾਈਨਰ ਹੈ।

ਕੈਟਰੀਨਾ ਅਕਸਰ ਨਾਲ ਆਪਣੀ ਪੰਜਵੀਂ ਭੈਣ Melissa Turquotte ਬਾਰੇ ਗੱਲ ਕਰਦੀ ਹੈ, ਜੋ ਵਿਦਵਾਨ ਤੇ ਗਣਿਤ ਸ਼ਾਸਤਰੀ ਹਨ, ਜਿਨ੍ਹਾਂ ਨੇ 2009 'ਚ ਇੰਪੀਰੀਅਲ ਕਾਲਜ 'ਚ ਵੱਕਾਰੀ Laing O' Rourke Mathematics ਐਵਾਰਡ ਜਿੱਤਿਆ ਸੀ।

ਉਸ ਦੀ ਭੈਣ ਇਜ਼ਾਬੇਲ ਕੈਫ ਵੀ ਆਪਣੀ ਵੱਡੀ ਭੈਣ ਕੈਟਰੀਨਾ ਵਾਂਗ ਬਾਲੀਵੁੱਡ 'ਚ ਪੈਰ ਜਮਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਕੈਟਰੀਨਾ ਕੈਫ ਦੀ ਸਭ ਤੋਂ ਛੋਟੀ ਭੈਣ Sonia Turquotte ਇਕ ਫ਼ੋਟੋਗ੍ਰਾਫਰ ਅਤੇ ਇਕ ਡਿਜ਼ਾਈਨਰ ਹੈ।