Diljit- Nimrat: ਦਿਲਜੀਤ ਦੋਸਾਂਝ-ਨਿਮਰਤ ਖਹਿਰਾ ਦੀ ਜੋੜੀ ਨੂੰ ਫੈਨਜ਼ ਨੇ ਕੀਤਾ ਪਸੰਦ, ਅਦਾਕਾਰ ਬੋਲਿਆ- 'ਸ਼ੁਕਰ ਮੇਹਨਤ ਨੂੰ ਭਾਗ ਲੱਗੇ'

Diljit- Nimrat Movie Review: ਪੰਜਾਬੀ ਅਦਾਕਾਰ ਅਤੇ ਐਕਟਰ ਦਿਲਜੀਤ ਦੋਸਾਂਝ ਇੰਨੀਂ ਦਿਨੀਂ ਖੂਬ ਸੁਰਖੀਆਂ 'ਚ ਹਨ। ਦਿਲਜੀਤ ਕੈਲੀਫੋਰਨੀਆ ਦੇ ਕੋਚੈਲਾ ਮਿਊਜ਼ਿਕ ਫੈਸਟੀਵਲ ਤੋਂ ਬਾਅਦ ਫਿਲਮ 'ਜੋੜੀ' ਨੂੰ ਲੈਕੇ ਵੀ ਚਰਚਾ ;ਚ ਹਨ।

Diljit- Nimrat Movie Review

ਦੱਸ ਦੇਈਏ ਕਿ ਕਲਾਕਾਰ ਦੀ ਫਿਲਮ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋ ਚੁੱਕੀ ਹੈ। ਫਿਲਮ ਵਿੱਚ ਦਿਲਜੀਤ ਦੋਸਾਂਝ ਅਤੇ ਨਿਮਰਤ ਖਹਿਰਾ ਦੀ ਅਦਾਕਾਰੀ ਨੂੰ ਦਰਸ਼ਕ ਭਰਮਾ ਹੁੰਗਾਰਾ ਦੇ ਰਹੇ ਹਨ।

ਇਸ ਵਿਚਕਾਰ ਦਿਲਜੀਤ ਦੋਸਾਂਝ ਵੱਲੋਂ ਆਪਣੇ ਸੋਸ਼ਲ ਮੀਡੀਆ ਹੈਂਡਲ ਉੱਪਰ ਇੱਕ ਪੋਸਟ ਸਾਂਝੀ ਕੀਤੀ ਗਈ ਹੈ। ਜਿਸ ਵਿੱਚ ਉਹ ਦਰਸ਼ਕਾਂ ਦਾ ਧੰਨਵਾਦ ਕਰਦੇ ਹੋਏ ਨਜ਼ਰ ਆ ਰਹੇ ਹਨ।

ਦਿਲਜੀਤ ਦੋਸਾਂਝ ਨੇ ਸੋਸ਼ਲ ਮੀਡੀਆ ਹੈਂਡਲ ਇੰਸਟਾਗ੍ਰਾਮ ਉੱਪਰ ਤਸਵੀਰਾਂ ਸ਼ੇਅਰ ਕਰਦੇ ਹੋਏ ਕੈਪਸ਼ਨ ਵਿੱਚ ਲਿਖਿਆ, 'ਜੋੜੀ' ਨੂੰ ਪਿਆਰ ਦੇਣ ਲਈ ਦਿਲੋਂ ਧੰਨਵਾਦ... ਸਾਰੀ ਟੀਮ ਨੇ ਬਹੁਤ ਮੇਹਨਤ ਕੀਤੀ ਸੀ... ਸ਼ੁਕਰ ਮੇਹਨਤ ਨੂੰ ਭਾਗ ਲੱਗੇ... ਆਨੰਦ ਲਵੋਂ ਤੇ ਆਪਣੀ ਪ੍ਰਤੀਕਿਰਿਆ ਜ਼ਰੂਰ ਦਿਓ...

ਦੋਸਾਂਝਾਵਾਲੇ ਦੀ ਇਸ ਪੋਸਟ ਉੱਪਰ ਇੱਕ ਪ੍ਰਸ਼ੰਸ਼ਕ ਨੇ ਕਮੈਂਟ ਕਰ ਲਿਖਿਆ, ਦਿਲਜੀਤ ਜੀ ਤੁਸੀ ਤਾਂ ਰੁਲਾ ਹੀ ਦਿੱਤਾ ਅਖੀਰ ਵਿੱਚ।

ਇੱਕ ਹਰੋ ਪ੍ਰਸ਼ੰਸ਼ਕ ਨੇ ਫਿਲਮ ਦੀ ਤਾਰੀਫ ਕਰਦੇ ਹੋਏ ਕਿਹਾ ਸ਼ਬਦ ਹੀ ਮੁੱਕ ਗਏ ਮੇਰੇ ਵੀਰ... ਇਹ ਬੇਸਟ ਫਿਲਮ ਹੈ। ਫਿਲਮ ਦੀ ਸਟੋਰੀ, ਨਿਰਦੇਸ਼ਨ ਅਤੇ ਹਰ ਐਕਟਰ ਦੀ ਅਦਾਕਾਰੀ ਸਭ ਸ਼ਾਨਦਾਰ ਹੈ।

ਦੱਸ ਦੇਈਏ ਕਿ ਇਹ ਫਿਲਮ ਦੀ ਰਿਲੀਜ਼ ਵਿੱਚ ਪਹਿਲਾਂ ਪਰੇਸ਼ਾਨੀ ਆਈ ਸੀ, ਹਾਲਾਂਕਿ ਬਾਅਦ ਵਿੱਚ ਇਸਨੂੰ ਰਿਲੀਜ਼ ਕਰ ਦਿੱਤਾ ਗਿਆ।

ਫਿਲਹਾਲ ਦਰਸ਼ਕ ਦਿਲਜੀਤ ਅਤੇ ਨਿਮਰਤ ਦੀ ਫਿਲਮ ਨਾਲ ਆਪਣੇ ਵੀਕੈਂਡ ਨੂੰ ਮਜ਼ੇਦਾਰ ਬਣਾ ਰਹੇ ਹਨ। ਜਿਸਦੇ ਚੱਲਦੇ ਫਿਲਮ ਚਰਚਾ ਵਿੱਚ ਬਣੀ ਹੋਈ ਹੈ।