25 ਸਾਲ ਦੀ ਹੋਈ ਸਾਰਾ ਅਲੀ ਖਾਨ, ਮਾਈਂਡ ਤੇ ਬਿਊਟੀ ਦਾ ਸ਼ਾਨਦਾਰ ਕੌਂਬੀਨੇਸ਼ਨ

ਸਾਰਾ ਅਲੀ ਖਾਨ ਉਨ੍ਹਾਂ ਸਟਾਰ ਕਿਡਜ਼ 'ਚੋਂ ਇਕ ਹੈ ਜੋ ਮਾਈਂਡ ਨਾਲ ਸੁੰਦਰਤਾ ਦੀ ਇਕ ਵਧੀਆ ਉਦਾਹਰਣ ਹੈ।

ਪਟੌਦੀ ਗਰਲ ਸਿਨੇਮਾ ਦੀ ਦੁਨੀਆਂ 'ਚ ਸ਼ਾਮਲ ਹੋਣ ਤੋਂ ਪਹਿਲਾਂ ਸਾਲ 2016 'ਚ ਨਿਊਯਾਰਕ ਦੀ ਕੋਲੰਬੀਆ ਯੂਨੀਵਰਸਿਟੀ ਤੋਂ ਗ੍ਰੈਜੂਏਟ ਹੋਈ ਸੀ। ਪਾਪਾ ਸੈਫ ਅਲੀ ਖਾਨ ਇਸ ਗੱਲ ਨੂੰ ਲੈ ਕੇ ਬਹੁਤ ਗੰਭੀਰ ਸੀ ਕਿ ਉਨ੍ਹਾਂ ਨੂੰ ਬਾਲੀਵੁੱਡ 'ਚ ਆਉਣ ਤੋਂ ਪਹਿਲਾਂ ਆਪਣੀ ਪੜ੍ਹਾਈ ਪੂਰੀ ਕਰਨੀ ਚਾਹੀਦੀ ਹੈ।

ਸਾਰਾ ਦੀ ਮਤਰੇਈ ਮਾਂ ਕਰੀਨਾ ਕਪੂਰ ਹੈ, ਜੋ ਬਾਲੀਵੁੱਡ ਦੀਆਂ ਟੌਪ ਅਭਿਨੇਤਰੀਆਂ ਵਿੱਚ ਮਸ਼ਹੂਰ ਹੈ। ਕਰੀਨਾ ਤੇ ਸਾਰਾ ਦਾ ਹਮੇਸ਼ਾ ਤੋਂ ਚੰਗਾ ਰਿਸ਼ਤਾ ਰਿਹਾ ਹੈ। ਸਾਰਾ ਆਪਣੇ ਭਰਾਵਾਂ- ਇਬਰਾਹਿਮ ਤੇ ਤੈਮੂਰ ਦੇ ਕਾਫ਼ੀ ਨੇੜੇ ਹੈ।

ਸਾਰਾ ਨੇ ਫਿਲਮ ਕੇਦਾਰਨਾਥ ਨਾਲ ਸਾਲ 2018 ਵਿੱਚ ਬਾਲੀਵੁੱਡ ਵਿੱਚ ਡੈਬਿਊ ਕੀਤਾ ਸੀ। ਉਹ ਬਾਲੀਵੁੱਡ ਦੇ ਛੋਟੇ ਨਵਾਬ ਸੈਫ ਅਲੀ ਖਾਨ ਤੇ ਅੱਸੀ ਦੇ ਦਹਾਕੇ ਦੀ ਅਭਿਨੇਤਰੀ ਅਮ੍ਰਿਤਾ ਸਿੰਘ ਦੀ ਧੀ ਹੈ।

ਅੱਜ ਬਾਲੀਵੁੱਡ ਦੀ ਉੱਭਰਦੀ ਅਦਾਕਾਰਾ ਸਾਰਾ ਅਲੀ ਖਾਨ ਦਾ ਜਨਮ ਦਿਨ ਹੈ। ਉਹ 12 ਅਗਸਤ, 1995 ਨੂੰ ਪੈਦਾ ਹੋਈ ਸੀ। ਸਾਰਾ ਪਟੌਦੀ ਪਰਿਵਾਰ ਤੋਂ ਹੈ।