ਮਾਹਿਰਾ ਸ਼ਰਮਾ ਤੇ ਰਣਜੀਤ ਬਾਵਾ ਦੀ ਫ਼ਿਲਮ 'LehmberGinni' ਦਾ ਸ਼ੂਟ ਸ਼ੁਰੂ, ਵੇਖੋ ਖਾਸ ਤਸਵੀਰਾਂ

'LehmberGinni'

ਪੰਜਾਬੀ ਫਿਲਮ ਇੰਡਸਟਰੀ ਦੇ ਪ੍ਰਸ਼ੰਸਕਾਂ ਨੂੰ ਇੱਥੇ ਇੱਕ ਤੋਂ ਬਾਅਦ ਇੱਕ ਸਰਪ੍ਰਾਈਜ਼ ਮਿਲ ਰਹੇ ਹਨ। ਫ਼ਿਲਮ ਨਿਰਮਾਤਾ ਕੋਈ ਕਸਰ ਨਹੀਂ ਛੱਡ ਰਹੇ ਹਨ ਤੇ ਬੈਕ-ਟੂ-ਬੈਕ ਫਿਲਮਾਂ ਦਾ ਐਲਾਨ ਕਰ ਰਹੇ ਹਨ।

ਹੁਣ ਇਸ ਸੂਚੀ ਵਿੱਚ ਫਿਲਮ 'ਦੂਰਬੀਨ' ਦੇ ਨਿਰਦੇਸ਼ਕ ਈਸ਼ਾਨ ਚੋਪੜਾ ਨੇ ਇੱਕ ਵਾਰ ਫਿਰ ਆਗਾਮੀ ਫਿਲਮ ਲਹਿੰਬਰ ਗਿੰਨੀ 'LehmberGinni' ਲਈ ਕਮਰ ਕੱਸ ਲਈ ਹੈ। ਇਸ ਪੰਜਾਬੀ ਰੋਮ-ਕਾਮ 'ਚ ਮਾਹਿਰਾ ਸ਼ਰਮਾ ਦੇ ਨਾਲ ਰਣਜੀਤ ਬਾਵਾ ਨਜ਼ਰ ਆਉਣਗੇ।

ਮਾਹਿਰਾ ਸ਼ਰਮਾ ਜਿਸ ਨੇ ਬਿੱਗ ਬੌਸ 13 ਰਾਹੀਂ ਪ੍ਰਸਿੱਧੀ ਪ੍ਰਾਪਤ ਕੀਤੀ ਤੇ ਆਪਣੀ ਇੱਕ ਖਾਸ ਫੈਨ ਬੇਸ ਤਿਆਰ ਕੀਤੀ ਹੁਣ ਵੱਡੇ ਪਰਦੇ 'ਤੇ ਆਪਣੀ ਸ਼ੁਰੂਆਤ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹੈ।

ਪਿਛਲੇ ਦੋ ਸਾਲਾਂ ਵਿੱਚ, ਅਦਾਕਾਰਾ ਨੇ ਆਪਣੇ ਆਪ ਨੂੰ ਸੰਗੀਤ, ਫਿਲਮਾਂ ਵਿੱਚ ਵਿਅਸਤ ਰੱਖਿਆ ਹੈ। ਹੁਣ ਪੰਜਾਬੀ ਇੰਡਸਟਰੀ 'ਚ ਅਜਿਹੇ ਸ਼ਾਨਦਾਰ ਸਟਾਰ ਨੂੰ ਦੇਖਣਾ ਹੈਰਾਨੀਜਨਕ ਹੋਵੇਗਾ ਤੇ ਉਹ ਵੀ 'ਮਿੱਟੀ ਦੇ ਬਾਵਾ' ਨਾਲ।

ਇਸ ਦੀ ਸ਼ੂਟਿੰਗ ਬਾਰੇ ਮਾਹਿਰਾ ਦੀ ਪੋਸਟ ਤੋਂ ਪਤਾ ਲੱਗਦਾ ਹੈ ਕਿ ਸ਼ੂਟਿੰਗ ਲੰਡਨ, ਯੂਨਾਈਟਿਡ ਕਿੰਗਡਮ ਵਿੱਚ ਹੋਵੇਗੀ। ਨਾਲ ਹੀ, ਇਸ ਦਾ ਪੋਸਟਰ 2021 ਵਿੱਚ ਰਿਲੀਜ਼ ਹੋ ਚੁੱਕਾ ਹੈ ਪਰ ਉਸ ਦੌਰਾਨ ਪੂਰੀ ਕਾਸਟ ਨੂੰ ਲਕੋ ਕੇ ਰੱਖਿਆ ਗਿਆ ਸੀ ਪਰ ਹੁਣ ਤਸਵੀਰਾਂ ਤੋਂ ਇਹ ਦੇਖਿਆ ਜਾ ਸਕਦਾ ਹੈ ਕਿ ਰਣਜੀਤ ਤੇ ਮਾਹਿਰਾ ਦੇ ਨਾਲ ਸਰਬਜੀਤ ਚੀਮਾ, ਨਿਰਮਲ ਰਿਸ਼ੀ ਤੇ ਕਿਮੀ ਵਰਮਾ ਮੁੱਖ ਭੂਮਿਕਾਵਾਂ ਵਿੱਚ ਨਜ਼ਰ ਆਉਣਗੇ।

ਕਲੈਪਬੋਰਡ ਦੱਸਦਾ ਹੈ ਕਿ ਫਿਲਮ ਦਾ ਨਿਰਮਾਣ ਓਮਜੀ ਸਟਾਰ ਸਟੂਡੀਓਜ਼ ਵੱਲੋਂ SSD ਪ੍ਰੋਡਕਸ਼ਨ ਦੇ ਸਹਿਯੋਗ ਨਾਲ ਕੀਤਾ ਜਾਵੇਗਾ।

ਹੁਣ, ਪ੍ਰਸ਼ੰਸਕਾਂ ਨੂੰ ਉਮੀਦ ਹੈ ਕਿ ਨਿਰਮਾਤਾ ਜਲਦੀ ਹੀ ਇਸਦੀ ਰਿਲੀਜ਼ ਡੇਟ ਦਾ ਖੁਲਾਸਾ ਕਰਨਗੇ ਕਿਉਂਕਿ ਬਾਵਾ ਤੇ ਮਾਹੀਰਾ ਸ਼ਰਮਾ ਦੇ ਪ੍ਰਸ਼ੰਸਕ ਇਸ ਜੋੜੀ ਨੂੰ ਵੱਡੇ ਪਰਦੇ 'ਤੇ ਇਕੱਠੇ ਦੇਖਣ ਲਈ ਇੰਤਜ਼ਾਰ ਨਹੀਂ ਕਰ ਸਕਦੇ।