ਪੜਚੋਲ ਕਰੋ

Year Ender 2023: ਇਨ੍ਹਾਂ ਪੰਜਾਬੀ ਕਲਾਕਾਰਾਂ ਲਈ ਸਾਲ 2023 ਰਿਹਾ ਬੇਹਤਰੀਨ, ਕਰੋੜਾਂ 'ਚ ਛਾਪੇ ਨੋਟ, ਲਾਈਮਲਾਈਟ 'ਚ ਰਹੇ ਪੂਰਾ ਸਾਲ

Pollywood News: ਨੀਰੂ ਬਾਜਵਾ ਤੋਂ ਦਿਲਜੀਤ ਦੋਸਾਂਝ, ਫਿਰ ਗਿੱਪੀ ਗਰੇਵਾਲ ਤੋਂ ਸੋਨਮ ਬਾਜਵਾ ਇਹ ਉਹ ਕਲਾਕਾਰ ਹਨ, ਜਿਨ੍ਹਾਂ ਦੇ ਲਈ 2023 ਇੱਕ ਯਾਦਗਾਰੀ ਸਾਲ ਬਣ ਗਿਆ। ਤਾਂ ਆਓ ਤੁਹਾਨੂੰ ਦੱਸਦੇ ਹਾਂ।

By : ABP Sanjha | Updated at : 22 Dec 2023 04:04 PM (IST)

Year Ender 2023: ਇਨ੍ਹਾਂ ਪੰਜਾਬੀ ਕਲਾਕਾਰਾਂ ਲਈ ਸਾਲ 2023 ਰਿਹਾ ਬੇਹਤਰੀਨ, ਕਰੋੜਾਂ 'ਚ ਛਾਪੇ ਨੋਟ, ਲਾਈਮਲਾਈਟ 'ਚ ਰਹੇ ਪੂਰਾ ਸਾਲ

1/10

ਨੀਰੂ ਬਾਜਵਾ ਨੇ ਇਸ ਸਾਲ ਪੰਜਾਬੀ ਇੰਡਸਟਰੀ ਨੂੰ ਪਹਿਲੀ ਸੁਪਰਹਿੱਟ ਫਿਲਮ ਦਿੱਤੀ ਸੀ। ਨੀਰੂ ਬਾਜਵਾ, ਵਾਮਿਕਾ ਗੱਬੀ ਤੇ ਸਤਿੰਦਰ ਸਰਤਾਜ ਸਟਾਰਰ ਫਿਲਮ 'ਕਲੀ ਜੋਟਾ' 3 ਫਰਵਰੀ ਨੂੰ ਰਿਲੀਜ਼ ਹੋਈ ਸੀ। ਫਿਲਮ ਨੂੰ ਪੰਜਾਬ ਹੀ ਨਹੀਂ, ਪੂਰੀ ਦੁਨੀਆ 'ਚ ਭਰਵਾਂ ਹੁੰਗਾਰਾ ਮਿਿਲਿਆ। ਨੀਰੂ ਨੇ ਰਾਬੀਆ ਬਣ ਸਭ ਦਾ ਦਿਲ ਜਿੱਤ ਲਿਆ।

2/10

ਇਸ ਦੇ ਨਾਲ ਹੀ ਇਸ ਸਾਲ ਨੀਰੂ ਦੀਆਂ 2 ਹੋਰ ਫਿਲਮਾਂ 'ਇਸ ਜਹਾਨੋਂ ਦੂਰ ਕਿਤੇ ਚੱਲ ਜਿੰਦੀਏ' ਤੇ 'ਬੂਹੇ ਬਾਰੀਆਂ' ਰਿਲੀਜ਼ ਹੋਈਆਂ ਸੀ। ਨੀਰੂ ਦੀਆਂ ਸਾਰੀਆਂ ਹੀ ਫਿਲਮਾਂ ਇਸ ਸਾਲ ਹਿੱਟ ਰਹੀਆਂ। ਇਸ ਤੋਂ ਇਲਾਵਾ ਨੀਰੂ ਨੇ ਇਸ ਸਾਲ ਨੀਰੂ ਬਾਜਵਾ ਰਿਕਾਰਡਜ਼ ਦੇ ਨਾਮ 'ਤੇ ਆਪਣਾ ਰਿਕਾਰਡ ਹਾਊਸ ਵੀ ਖੋਲ੍ਹਿਆ।

3/10

ਗਿੱਪੀ ਗਰੇਵਾਲ ਲਈ ਇਹ ਸਾਲ ਸਭ ਤੋਂ ਖਾਸ ਤੇ ਬੇਹਤਰੀਨ ਰਿਹਾ ਹੈ। ਗਿੱਪੀ ਦੀਆਂ 2 ਫਿਲਮਾਂ ਇਸ ਸਾਲ ਰਿਲੀਜ਼ ਹੋਈਆਂ ਸੀ। 'ਮਿੱਤਰਾਂ ਦਾ ਨਾਂ ਚੱਲਦਾ' ਤੇ 'ਕੈਰੀ ਆਨ ਜੱਟਾ 3'। 'ਕੈਰੀ ਆਨ ਜੱਟਾ 3' ਨੇ ਬਾਕਸ ਆਫਿਸ 'ਤੇ ਸਫਲਤਾ ਦੇ ਝੰਡੇ ਗੱਡੇ।

4/10

ਇਹ ਫਿਲਮ ਪੰਜਾਬੀ ਸਿਨੇਮਾ ਦੀ 100 ਕਰੋੜ ਕਮਾਈ ਵਾਲੀ ਪਹਿਲੀ ਫਿਲਮ ਬਣੀ। ਇਸ ਫਿਲਮ ਰਾਹੀਂ ਗਿੱਪੀ ਗਰੇਵਾਲ ਨੇ ਕਰੋੜਾਂ 'ਚ ਨੋਟ ਛਾਪੇ। ਕਿਉਂਕਿ 'ਕੈਰੀ ਆਨ ਜੱਟਾ 3' ਦੇ ਪ੍ਰੋਡਿਊਸਰ ਖੁਦ ਗਿੱਪੀ ਗਰੇਵਾਲ ਹੀ ਸਨ।

5/10

ਸੋਨਮ ਬਾਜਵਾ ਲਈ ਇਹ ਸਾਲ ਹਰ ਲਿਹਾਜ਼ ਨਾਲ ਖਾਸ ਰਿਹਾ ਹੈ। ਅਦਾਕਾਰਾ ਪੂਰਾ ਸਾਲ ਖੂਬ ਲਾਈਮਲਾਈਟ 'ਚ ਬਣੀ ਰਹੀ। ਇਸ ਸਾਲ ਸੋਨਮ ਨੇ ਇੰਸਟਾਗ੍ਰਾਮ 'ਤੇ 1 ਕਰੋੜ ਫਾਲੋਅਰਜ਼ ਪੂਰੇ ਕੀਤੇ। ਇਸ ਦੇ ਨਾਲ ਨਾਲ ਉਹ ਕਈ ਅਹਿਮ ਈਵੈਂਟਸ ਦਾ ਹਿੱਸਾ ਵੀ ਰਹੀ।

6/10

ਇਸ ਦੇ ਨਾਲ ਨਾਲ ਸੋਨਮ ਦੀਆਂ ਇਸ ਸਾਲ 2 ਫਿਲਮਾਂ 'ਗੋਡੇ ਗੋਡੇ ਚਾਅ' ਤੇ 'ਕੈਰੀ ਆਨ ਜੱਟਾ 3' ਰਿਲੀਜ਼ ਹੋਈਆਂ ਸੀ। ਇਹ ਦੋਵੇਂ ਹੀ ਫਿਲਮਾਂ ਜ਼ਬਰਦਸਤ ਹਿੱਟ ਰਹੀਆ ਅਤੇ ਅਦਾਕਾਰਾ ਦੀ ਪ੍ਰਸਿੱਧੀ ਤੇ ਬੈਂਕ ਬੈਲੇਂਸ ਦੋਵਾਂ 'ਚ ਵਾਧਾ ਹੋਇਆ।

7/10

ਕਰਨ ਔਜਲਾ ਵੀ ਇਸ ਸਾਲ ਲਾਈਮਲਾਈਟ 'ਚ ਰਹੇ। ਪੰਜਾਬੀ ਸਿੰਗਰ ਦੀ ਐਲਬਮ 'ਮੇਕਿੰਗ ਮੈਮੋਰੀਜ਼' ਨੂੰ ਪੂਰੀ ਦੁਨੀਆ 'ਚ ਖੂਬ ਪਿਆਰ ਮਿਿਲਿਆ। ਖਾਸ ਕਰਕੇ ਇਸ ਦਾ ਗਾਣਾ 'ਸੌਫਟਲੀ' ਪੂਰੀ ਦੁਨੀਆ 'ਚ ਲੋਕਾਂ ਦੀ ਪਸੰਦ ਬਣਿਆ ਹੋਇਆ ਹੈ।

8/10

ਇਸ ਦੇ ਨਾਲ ਹੀ ਕਰਨ ਔਜਲਾ ਇਸ ਸਾਲ ਕੈਨੇਡਾ ਤੋਂ ਦੁਬਈ ਸ਼ਿਫਟ ਹੋਇਆ ਸੀ। ਇਸੇ ਸਾਲ ਕਰਨ ਔਜਲਾ ਨੇ ਵਿਆਹ ਵੀ ਕਰਵਾਇਆ ਸੀ। ਇਸ ਸਾਲ ਦਿਲਜੀਤ ਦੋਸਾਂਝ ਦੀ ਵਜ੍ਹਾ ਕਰਕੇ ਕਰਨ ਔਜਲਾ ਦਾ ਨਾਮ ਕੋਚੈਲਾ ਤੱਕ ਗੂੰਜਿਆ ਸੀ।

9/10

ਦਿਲਜੀਤ ਦੋਸਾਂਝ ਪੰਜਾਬੀ ਇੰਡਸਟਰੀ ਦੇ ਟੌਪ ਕਲਾਕਾਰ ਹਨ। ਦਿਲਜੀਤ ਆਪਣੀ ਕੋਚੈਲਾ ਪਰਫਾਰਮੈਂਸ ਤੋਂ ਬਾਅਦ ਇਸ ਸਾਲ ਗਲੋਬਲ ਸਟਾਰ ਬਣ ਕੇ ਉੱਭਰੇ। ਦਿਲਜੀਤ ਤੇ ਨਿਮਰਤ ਖਹਿਰਾ ਦੀ ਫਿਲਮ 'ਜੋੜੀ' ਜ਼ਬਰਦਸਤ ਹਿੱਟ ਰਹੀ। ਦਿਲਜੀਤ ਦੀ ਐਲਬਮ 'ਘੋਸਟ' ਨੂੰ ਲੋਕਾਂ ਨੇ ਖੂਬ ਪਸੰਦ ਕੀਤਾ।

10/10