ਸ਼ਰਾਬ ਹਮੇਸ਼ਾ ਕੱਚ ਦੇ ਗਲਾਸ 'ਚ ਹੀ ਕਿਉਂ ਪੀਤੀ ਜਾਂਦੀ? ਪਲਾਸਟਿਕ ਜਾਂ ਸਟੀਲ ਨਹੀਂ? ਜਾਣੋ ਇਸ ਦੇ ਪਿੱਛੇ ਦਾ ਵਿਗਿਆਨ

ਸ਼ਰਾਬ ਭਾਵੇਂ ਕਿਸੇ ਵੀ ਕਿਸਮ ਦੀ ਹੋਵੇ, ਪਰ ਹਮੇਸ਼ਾ ਕੱਚ ਦੇ ਗਲਾਸ ਵਿੱਚ ਹੀ ਪੀਤੀ ਜਾਂਦੀ ਹੈ। ਪੱਬ ਹੋਵੇ, ਬਾਰ ਹੋਵੇ ਜਾਂ ਕੋਈ ਹੋਰ ਸਮਾਰੋਹ – ਸ਼ਰਾਬ ਨੂੰ ਪਰੋਸਣ ਦੇ ਲਈ ਕੱਚ ਦੇ ਗਲਾਸ ਦੀ ਵਰਤੋਂ ਕੀਤੀ ਜਾਂਦੀ ਹੈ।

( Image Source : Freepik )

ਭਾਵੇਂ ਸ਼ਰਾਬ ਸਿਹਤ ਲਈ ਨੁਕਸਾਨਦਾਇਕ ਮੰਨੀ ਜਾਂਦੀ ਹੈ, ਪਰ ਫਿਰ ਵੀ ਲੋਕ ਇਸਨੂੰ ਚੀਅਰਜ਼ ਕਰਕੇ ਖੁਸ਼ੀ-ਖੁਸ਼ੀ ਪੀਂਦੇ ਹਨ। ਪਰ ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ ਸ਼ਰਾਬ ਹਮੇਸ਼ਾ ਕੱਚ ਦੇ ਹੀ ਗਿਲਾਸ ਵਿੱਚ ਕਿਉਂ ਪੀਤੀ ਜਾਂਦੀ ਹੈ? ਪਲਾਸਟਿਕ ਜਾਂ ਸਟੀਲ ਵਿੱਚ ਕਿਉਂ ਨਹੀਂ? ਇਸ ਦੇ ਪਿੱਛੇ ਵਿਗਿਆਨਕ ਕਾਰਨ ਹਨ, ਜੋ ਅੱਗੇ ਸਮਝਾਏ ਜਾਣਗੇ।

ਵਾਈਨ ਐਕਸਪਰਟ ਦਾ ਕਹਿਣਾ ਹੈ ਕਿ ਸਟੀਲ ਜਾਂ ਪਲਾਸਟਿਕ ਦੇ ਗਲਾਸ ਵਿੱਚ ਸ਼ਰਾਬ ਪੀਣ ਨਾਲ ਸਿਹਤ ਨੂੰ ਕੋਈ ਨੁਕਸਾਨ ਤਾਂ ਨਹੀਂ ਹੁੰਦਾ, ਪਰ ਇਨ੍ਹਾਂ ਗਲਾਸਾਂ ਵਿੱਚ ਸ਼ਰਾਬ ਦੇ ਅਸਲੀ ਸੁਆਦ ਅਤੇ ਅਨੁਭਵ ਨੂੰ ਮਹਿਸੂਸ ਕਰਨਾ ਮੁਸ਼ਕਿਲ ਹੁੰਦਾ ਹੈ।

ਇਸ ਪਿੱਛੇ ਕਾਰਨ ਹੈ — ਇਨਸਾਨ ਦੀਆਂ ਇੰਦ੍ਰੀਆਂ: ਮਾਹਿਰ ਮੰਨਦੇ ਹਨ ਕਿ ਖਾਣ-ਪੀਣ ਦਾ ਅਸਲੀ ਸੁਆਦ ਸਭ ਤੋਂ ਪਹਿਲਾਂ ਅੱਖਾਂ ਰਾਹੀਂ ਹੁੰਦਾ ਹੈ। ਇਸ ਤੋਂ ਇਲਾਵਾ, ਸ਼ਰਾਬ ਦੀ ਖੁਸ਼ਬੂ, ਉਸਦਾ ਸਵਾਦ ਅਤੇ ਟਚ (ਛੂਹ) ਦੇ ਅਹਿਸਾਸ ਲਈ ਸਾਡੀਆਂ ਹੋਰ ਇੰਦ੍ਰੀਆਂ ਵੀ ਕੰਮ ਕਰਦੀਆਂ ਹਨ।

ਕੱਚ ਦਾ ਗਿਲਾਸ ਇਹਨਾਂ ਸਭ ਅਨੁਭਵਾਂ ਨੂੰ ਬਹੁਤ ਹੀ ਸੁਚੱਜੇ ਢੰਗ ਨਾਲ ਪੇਸ਼ ਕਰਦਾ ਹੈ। ਸ਼ਰਾਬ ਪੀਣ ਦੌਰਾਨ ਕੰਨਾਂ ਦੀ ਭੂਮਿਕਾ ਵੀ ਹੁੰਦੀ ਹੈ, ਖਾਸ ਕਰਕੇ ਜਦੋਂ ਦੋ ਗਲਾਸ "ਚੀਅਰਜ਼" ਕਰਕੇ ਟਕਰਾਏ ਜਾਂਦੇ ਹਨ। ਕੱਚ ਦੇ ਗਲਾਸ ਦੀ ਖਣਕ ਦੀ ਆਵਾਜ਼ ਕੰਨਾਂ ਤੱਕ ਪਹੁੰਚਦੀ ਹੈ, ਜੋ ਸ਼ਰਾਬ ਪੀਣ ਦੇ ਅਨੁਭਵ ਨੂੰ ਹੋਰ ਵੀ ਰੌਮਾਂਚਕ ਬਣਾਉਂਦੀ ਹੈ।

ਪਰ ਜੇਕਰ ਤੁਸੀਂ ਸਟੀਲ ਜਾਂ ਪਲਾਸਟਿਕ ਦੇ ਗਿਲਾਸ ਵਿੱਚ ਸ਼ਰਾਬ ਪੀਂਦੇ ਹੋ, ਤਾਂ ਇਹ ਦੋ ਵੱਡੇ ਨੁਕਸਾਨ ਹੁੰਦੇ ਹਨ: ਸ਼ਰਾਬ ਦੀ ਰੰਗਤ ਨੂੰ ਠੀਕ ਤਰ੍ਹਾਂ ਦੇਖਿਆ ਨਹੀਂ ਜਾ ਸਕਦਾ। “ਚੀਅਰਜ਼” ਕਰਦੇ ਹੋਏ ਉਹ ਖਣਕ ਦੀਆਂ ਆਵਾਜ਼ਾਂ ਨਹੀਂ ਆਉਂਦੀਆਂ, ਜੋ ਸਾਰੇ ਮਾਹੌਲ ਨੂੰ ਖ਼ਾਸ ਬਣਾਉਂਦੀਆਂ ਹਨ। ਇਸੇ ਲਈ ਕੱਚ ਦੇ ਗਲਾਸ ਨੂੰ ਸ਼ਰਾਬ ਲਈ ਸਭ ਤੋਂ ਵਧੀਆ ਮੰਨਿਆ ਜਾਂਦਾ ਹੈ।

ਕੱਚ ਦੇ ਗਿਲਾਸ ਉਹਨਾਂ ਲੋਕਾਂ ਨੂੰ ਸ਼ਰਾਬ ਦੇ ਰੰਗ, ਬਣਾਵਟ ਅਤੇ ਪਾਰਦਰਸ਼ਤਾ ਦਾ ਸੱਚਾ ਅਨੁਭਵ ਕਰਾਉਂਦੇ ਹਨ। ਇਸ ਨਾਲ ਇੱਕ ਮਨੋਵਿਗਿਆਨਕ ਪ੍ਰਭਾਵ ਪੈਦਾ ਹੁੰਦਾ ਹੈ, ਜੋ ਸ਼ਰਾਬ ਪੀਣ ਦੇ ਅਨੁਭਵ ਨੂੰ ਹੋਰ ਵੀ ਬਿਹਤਰ ਬਣਾਉਂਦਾ ਹੈ। ਕੱਚ ਦਾ ਗਿਲਾਸ ਸ਼ਰਾਬ ਦੀ ਅਸਲੀ ਖੁਸ਼ਬੂ ਨੂੰ ਵੀ ਕਾਇਮ ਰੱਖਦਾ ਹੈ। ਦੂਜੇ ਪਾਸੇ, ਪਲਾਸਟਿਕ ਦੇ ਗਿਲਾਸ ਵਿੱਚ ਨਾ ਸਿਰਫ਼ ਸ਼ਰਾਬ ਦੀ ਮਹਿਕ ਬਦਲੀ ਹੋਈ ਲੱਗਦੀ ਹੈ, ਸਗੋਂ ਸਵਾਦ ਵੀ ਵਿਗੜ ਜਾਂਦਾ ਹੈ, ਜਿਸ ਨਾਲ ਪੀਣ ਦਾ ਅਨੁਭਵ ਖਰਾਬ ਹੋ ਜਾਂਦਾ ਹੈ। ਉਸੇ ਤਰ੍ਹਾਂ, ਸਟੀਲ ਦੇ ਗਿਲਾਸ ਵਿੱਚ ਸ਼ਰਾਬ ਦਾ ਤਾਪਮਾਨ ਤੁਰੰਤ ਬਦਲ ਜਾਂਦਾ ਹੈ, ਜਿਸ ਕਾਰਨ ਅਸਲੀ ਸਵਾਦ ਨਹੀਂ ਆਉਂਦਾ।

ਹਾਲਾਂਕਿ, ਜੇ ਤੁਸੀਂ ਪਲਾਸਟਿਕ ਜਾਂ ਸਟੀਲ ਦੇ ਗਿਲਾਸ ਵਿੱਚ ਸ਼ਰਾਬ ਪੀਂਦੇ ਹੋ, ਤਾਂ ਸਿਹਤ ਨੂੰ ਕੋਈ ਸਿੱਧਾ ਨੁਕਸਾਨ ਨਹੀਂ ਹੁੰਦਾ। ਇਹ ਸਿਰਫ਼ ਅਨੁਭਵ ਅਤੇ ਰੁਝਾਨ ਦੀ ਗੱਲ ਹੈ, ਨਾ ਕਿ ਸਿਹਤ ਸੰਬੰਧੀ।