Microwave 'ਚ ਬਣਾਏ ਪੌਪਕੌਰਨ ਖਾਣਾ ਸਹੀ ਰਹਿੰਦਾ ਜਾਂ ਨਹੀਂ! ਜਾਣੋ ਸਿਹਤ ਮਾਹਿਰ ਦੀ ਰਾਏ

ਪੌਪਕੌਰਨ ਇੱਕ ਅਜਿਹਾ ਸਨੈਕ ਹੈ, ਜਿਸਨੂੰ ਖਾਣਾ ਹਰ ਕੋਈ ਪਸੰਦ ਕਰਦਾ ਹੈ, ਕਿਉਂਕਿ ਇਹ ਥੋੜ੍ਹੇ ਸਮੇਂ ਵਿੱਚ ਤਿਆਰ ਹੋ ਜਾਂਦਾ ਹੈ ਅਤੇ ਇਸਨੂੰ ਖਾਣ ਨਾਲ ਸਰੀਰ ਨੂੰ ਫਾਈਬਰ ਅਤੇ ਲੋ ਫੈਟ ਮਿਲਦਾ ਹੈ। ਪਰ ਕੀ ਮਾਈਕਰੋਵੇਵ ਵਿੱਚ ਬਣਾਕੇ ਪੌਪਕੌਰਨ ਖਾਣ ਨਾਲ

( Image Source : Freepik )

ਪੌਪਕੌਰਨ ਇੱਕ ਅਜਿਹਾ ਸਨੈਕ ਹੈ, ਜਿਸਨੂੰ ਖਾਣਾ ਹਰ ਕੋਈ ਪਸੰਦ ਕਰਦਾ ਹੈ, ਕਿਉਂਕਿ ਇਹ ਥੋੜ੍ਹੇ ਸਮੇਂ ਵਿੱਚ ਤਿਆਰ ਹੋ ਜਾਂਦਾ ਹੈ ਅਤੇ ਇਸਨੂੰ ਖਾਣ ਨਾਲ ਸਰੀਰ ਨੂੰ ਫਾਈਬਰ ਅਤੇ ਲੋ ਫੈਟ ਮਿਲਦਾ ਹੈ। ਪਰ ਕੀ ਮਾਈਕਰੋਵੇਵ ਵਿੱਚ ਬਣਾਕੇ ਪੌਪਕੌਰਨ ਖਾਣ ਨਾਲ ਕੈਂਸਰ ਹੋ ਸਕਦਾ ਹੈ? ਇਸ ਬਾਰੇ ਲੋਕਾਂ ਅਤੇ ਹੈਲਥ ਐਕਸਪਰਟਸ ਵਿੱਚ ਕਈ ਗੱਲਾਂ ਪ੍ਰਚਲਿਤ ਹਨ ਕਿ ਇਹ ਕੈਂਸਰ ਦਾ ਕਾਰਨ ਬਣ ਸਕਦੇ ਹਨ। ਪਰ ਇਸਦੀ ਹਕੀਕਤ ਕੀ ਹੈ?

RDN ਅਤੇ ਆਂਕੋਲੋਜੀ ਡਾਈਟੀਸ਼ਨ ਨਿਕੋਲ ਐਂਡਰਿਊਜ਼ ਦੱਸਦੀਆਂ ਹਨ ਕਿ ਬਹੁਤ ਸਾਰੇ ਲੋਕ ਮਾਈਕਰੋਵੇਵ ਵਿੱਚ ਬਣੇ ਪੌਪਕੌਰਨ ਬਾਰੇ ਇਹ ਮੰਨਦੇ ਹਨ ਕਿ ਜੇਕਰ ਉਹ ਇਨ੍ਹਾਂ ਨੂੰ ਖਾਣਗੇ, ਤਾਂ ਉਨ੍ਹਾਂ ਨੂੰ ਕੈਂਸਰ ਹੋ ਸਕਦਾ ਹੈ।

ਹਾਲਾਂਕਿ, ਡਾਈਟੀਸ਼ਨ ਦਾ ਕਹਿਣਾ ਹੈ ਕਿ ਅਜਿਹਾ ਕੋਈ ਖਤਰਾ ਨਹੀਂ ਹੈ, ਕਿਉਂਕਿ 2016 ਤੋਂ ਹੀ ਪੌਪਕੌਰਨ ਬੈਗਜ਼ ਵਿੱਚੋਂ PFOA (ਪਰਫਲੂਓਰੋਆਕਟੇਨੋਇਕ ਐਸਿਡ) ਨੂੰ ਹਟਾ ਦਿੱਤਾ ਗਿਆ ਸੀ। ਇਸ ਲਈ, ਮਾਈਕਰੋਵੇਵ ਵਿੱਚ ਬਣੇ ਪੌਪਕੌਰਨ ਖਾਣ ਸੁਰੱਖਿਅਤ ਹਨ।

2014 ਵਿੱਚ ਯੂਐਸ ਫੂਡ ਐਂਡ ਡਰੱਗ ਐਡਮਿਨਿਸਟ੍ਰੇਸ਼ਨ (FDA) ਦੀ ਇੱਕ ਰਿਪੋਰਟ ਵਿੱਚ ਦੱਸਿਆ ਗਿਆ ਸੀ ਕਿ ਪਰਫਲੂਓਰੋਆਕਟੇਨੋਇਕ ਐਸਿਡ (PFOA) ਵਾਲੀ ਪੈਕੇਜਿੰਗ ਵਿੱਚ ਵਿਕਣ ਵਾਲੇ ਖਾਣ-ਪੀਣ ਦੀ ਚੀਜ਼ਾਂ ਨੂੰ ਅਮਰੀਕਾ ਵਿੱਚ ਬੰਦ ਕਰ ਦਿੱਤਾ ਗਿਆ ਹੈ, ਕਿਉਂਕਿ ਇਹ ਕੈਂਸਰ ਦਾ ਕਾਰਣ ਬਣ ਸਕਦੀ ਸੀ।

ਇਸ ਕਾਰਨ, ਪੌਪਕੌਰਨ ਹੁਣ ਕੈਂਸਰ-ਮੁਕਤ ਮੰਨੇ ਜਾਂਦੇ ਹਨ। ਇਸੇ ਰਿਸਰਚ ਵਿੱਚ ਪੌਪਕੌਰਨ ਨੂੰ ਲੋ-ਕੈਲੋਰੀ ਅਤੇ ਸੁਪਰ-ਹੈਲਦੀ ਸਨੈਕ ਵੀ ਦੱਸਿਆ ਗਿਆ ਹੈ। 3 ਕੱਪ ਪੌਪਕੌਰਨ ਖਾਣ ਨਾਲ ਸਰੀਰ ਨੂੰ ਸਿਰਫ 90 ਕੈਲੋਰੀ ਮਿਲਦੀ ਹੈ।

ਸਾਬਤ ਅਨਾਜ ਵਾਲੇ ਪੌਪਕੌਰਨ ਸਰੀਰ ਲਈ ਲਾਭਦਾਇਕ ਹੁੰਦੇ ਹਨ, ਕਿਉਂਕਿ ਇਹ ਐਂਟੀਆਕਸੀਡੈਂਟਸ ਨਾਲ ਭਰਪੂਰ ਹੁੰਦੇ ਹਨ, ਜੋ ਦਿਲ ਦੀ ਸਿਹਤ ਲਈ ਵਧੀਆ ਮੰਨੇ ਜਾਂਦੇ ਹਨ। ਪੌਪਕੌਰਨ ਕੋਲੇਸਟਰੋਲ ਦੀ ਮਾਤਰਾ ਕੰਟਰੋਲ ਵਿੱਚ ਰੱਖਣ ਵਿੱਚ ਮਦਦ ਕਰਦਾ ਹੈ ਅਤੇ ਵਜ਼ਨ ਘਟਾਉਣ ਵਿੱਚ ਵੀ ਲਾਭਕਾਰੀ ਸਾਬਤ ਹੁੰਦਾ ਹੈ।