Soft Idli: ਇਡਲੀ ਬਣਾਉਣਾ ਚਾਹੁੰਦੇ ਹੋ ਨਰਮ...ਤਾਂ ਅਪਣਾਓ ਇਹ ਸ਼ਾਨਦਾਰ ਟ੍ਰਿਕਸ

ਦੱਖਣੀ ਭਾਰਤੀ ਪਕਵਾਨ ਖਾਣ ਦੇ ਸ਼ੌਕੀਨ ਲੋਕ ਨਾਸ਼ਤੇ ਵਿਚ ਇਡਲੀ ਖਾਣਾ ਪਸੰਦ ਕਰਦੇ ਹਨ। ਨਾਸ਼ਤੇ ਜਾਂ ਦੁਪਹਿਰ ਦੇ ਖਾਣੇ ਲਈ ਇਡਲੀ ਸੁਆਦੀ ਹੁੰਦੀ ਹੈ। ਆਓ ਜਾਣਦੇ ਹਾਂ ਘਰ ਦੇ ਵਿੱਚ ਕਿਵੇਂ ਨਰਮ ਇਡਲੀ ਨੂੰ ਤਿਆਰ ਕੀਤਾ ਜਾ ਸਕਦਾ ਹੈ।

( Image Source : Freepik )

ਰੈਸਟੋਰੈਂਟਾਂ 'ਚ ਮਿਲਣ ਵਾਲੀ ਇਡਲੀ ਕਾਫੀ ਨਰਮ ਹੁੰਦੀ ਹੈ। ਹਾਲਾਂਕਿ, ਜਦੋਂ ਘਰ ਵਿੱਚ ਬਣਾਈ ਜਾਂਦੀ ਹੈ, ਤਾਂ ਉਹ ਥੋੜੀ ਸਖ਼ਤ ਹੋ ਜਾਂਦੀ ਹੈ। ਅਜਿਹੇ 'ਚ ਜੇਕਰ ਤੁਸੀਂ ਸਾਫਟ ਇਡਲੀ ਬਣਾਉਣਾ ਚਾਹੁੰਦੇ ਹੋ ਤਾਂ ਇੱਥੇ ਦਿੱਤੇ ਗਏ ਕੁਝ ਆਸਾਨ ਟਿਪਸ ਨੂੰ ਅਪਣਾਓ।

ਨਰਮ ਇਡਲੀ ਬਣਾਉਣ ਲਈ ਕਦੇ ਵੀ ਬਾਸਮਤੀ ਚੌਲਾਂ ਦੀ ਵਰਤੋਂ ਨਾ ਕਰੋ। ਇਸ ਦੇ ਲਈ ਜੇਕਰ ਤੁਸੀਂ ਇਡਲੀ ਚਾਵਲ ਜਾਂ ਪਰਬਲੇ ਵਾਲੇ ਚੌਲਾਂ ਦੀ ਵਰਤੋਂ ਕਰੋ ਤਾਂ ਬਿਹਤਰ ਹੋਏਗਾ। ਬੈਟਰ ਬਣਾਉਣ ਲਈ ਦਰਮਿਆਨੇ ਜਾਂ ਛੋਟੇ ਅਨਾਜ ਵਾਲੇ ਚੌਲਾਂ ਦੀ ਵਰਤੋਂ ਕਰੋ।

ਇਡਲੀ ਦੇ ਡੋਹ ਨੂੰ ਤਿਆਰ ਕਰਦੇ ਸਮੇਂ ਚੌਲਾਂ ਅਤੇ ਧੋਤੀ ਹੋਈ ਉੜਦ ਦੀ ਦਾਲ ਦੇ ਅਨੁਪਾਤ ਦਾ ਖਾਸ ਧਿਆਨ ਰੱਖੋ। ਦੋ ਕੱਪ ਚੌਲਾਂ ਲਈ ਇੱਕ ਕੱਪ ਦਾਲ ਦੀ ਵਰਤੋਂ ਕਰੋ। ਜੇਕਰ ਤੁਸੀਂ ਬਿਹਤਰ ਨਤੀਜੇ ਚਾਹੁੰਦੇ ਹੋ ਤਾਂ ਤਾਜ਼ੀ ਦਾਲ ਦੀ ਹੀ ਵਰਤੋਂ ਕਰੋ।

ਭਿੱਜੇ ਹੋਏ ਚੌਲਾਂ ਅਤੇ ਦਾਲਾਂ ਨੂੰ ਪੀਸਣ ਲਈ, ਫੂਡ ਪ੍ਰੋਸੈਸਰ ਦੀ ਬਜਾਏ ਸਿਲ ਵੱਟੇ ਦੀ ਵਰਤੋਂ ਕਰੋ। ਦਾਲਾਂ ਅਤੇ ਚੌਲਾਂ ਨੂੰ ਪੀਸਣ ਲਈ ਇਸ 'ਚ ਠੰਡਾ ਪਾਣੀ ਮਿਲਾਓ। ਠੰਡੇ ਪਾਣੀ ਦੀ ਵਰਤੋਂ ਕਰਨੀ ਚਾਹੀਦੀ ਹੈ ਤਾਂ ਕਿ ਪੀਸਣ ਵੇਲੇ ਮਿਸ਼ਰਣ ਗਰਮ ਨਾ ਹੋਵੇ। ਘੋਲ ਜਾਂ ਤਾਂ ਠੰਡਾ ਜਾਂ ਆਮ ਕਮਰੇ ਦੇ ਤਾਪਮਾਨ 'ਤੇ ਹੋਣਾ ਚਾਹੀਦਾ ਹੈ।

ਮੇਥੀ ਦੇ ਬੀਜ ਇਡਲੀ ਨੂੰ ਨਰਮ ਬਣਾਉਣ ਵਿੱਚ ਤੁਹਾਡੀ ਬਹੁਤ ਮਦਦ ਕਰ ਸਕਦੇ ਹਨ। ਚੌਲਾਂ ਅਤੇ ਦਾਲਾਂ ਦੇ ਨਾਲ ਡੇਢ ਤੋਂ ਦੋ ਚਮਚ ਮੇਥੀ ਦੇ ਬੀਜਾਂ ਨੂੰ ਭਿਓ ਕੇ ਪੀਸ ਲਓ। ਇਡਲੀ ਨਾ ਸਿਰਫ਼ ਨਰਮ ਹੋ ਜਾਵੇਗੀ ਸਗੋਂ ਇਸ ਦਾ ਸਵਾਦ ਵੀ ਬਿਹਤਰ ਹੋਵੇਗਾ।

ਨਰਮ ਇਡਲੀ ਬਣਾਉਣ ਲਈ, ਸਮੱਗਰੀ ਨੂੰ ਪੀਸਣ ਤੋਂ ਬਾਅਦ, ਇਸ ਨੂੰ ਪੰਜ ਮਿੰਟਾਂ ਲਈ ਹੱਥਾਂ ਨਾਲ ਚੰਗੀ ਤਰ੍ਹਾਂ ਘੋਲ ਲਓ ਅਤੇ ਫਿਰ ਇਸ ਨੂੰ ਫਰਮੈਂਟੇਸ਼ਨ ਹੋਣ ਲਈ ਛੱਡ ਦਿਓ।

ਮਿਸ਼ਰਣ ਨੂੰ ਚੰਗੀ ਤਰ੍ਹਾਂ ਘੋਲਣ ਤੋਂ ਇਸ ਵਿੱਚ ਕਾਫ਼ੀ ਹਵਾ ਬਾਹਰ ਆ ਜਾਂਦੀ ਹੈ, ਜੋ ਇਡਲੀ ਨੂੰ ਨਰਮ ਬਣਨ ਵਿੱਚ ਮਦਦ ਕਰਦੀ ਹੈ। ਫਰਮੈਂਟੇਸ਼ਨ ਲਈ ਪਲਾਸਟਿਕ ਜਾਂ ਏਅਰਟਾਈਟ ਬਰਤਨਾਂ ਦੀ ਵਰਤੋਂ ਨਾ ਕਰੋ। ਜੇਕਰ ਤੁਸੀਂ ਇਸ ਟ੍ਰਿਕ ਦੇ ਨਾਲ ਇਡਲੀ ਬਣਾਓਗੇ ਤਾਂ ਇਹ ਨਰਮ ਬਣੇਗੀ।