ਸਿਰਫ਼ ਧੀਰੇਂਦਰ ਸ਼ਾਸਤਰੀ ਹੀ ਨਹੀਂ, ਵਿਵਾਦਾਂ 'ਚ ਰਹਿ ਚੁੱਕੇ ਚਮਤਕਾਰ ਦਾ ਦਾਅਵਾ ਕਰਨ ਵਾਲੇ ਇਹ 'ਬਾਬੇ', ਕਈਆਂ 'ਤੇ ਲੱਗੇ ਗੰਭੀਰ ਆਰੋਪ

ਬਾਗੇਸ਼ਵਰ ਧਾਮ ਦੇ ਧੀਰੇਂਦਰ ਸ਼ਾਸਤਰੀ ਇਨ੍ਹੀਂ ਦਿਨੀਂ ਅੰਧਵਿਸ਼ਵਾਸ ਫੈਲਾਉਣ ਦੇ ਦੋਸ਼ਾਂ 'ਚ ਘਿਰੇ ਹੋਏ ਹਨ। ਹਾਲਾਂਕਿ ਇਸ ਤੋਂ ਪਹਿਲਾਂ ਵੀ ਕਈ ਅਜਿਹੇ ਬਾਬੇ ਸਾਹਮਣੇ ਆਏ ,ਜਿਨ੍ਹਾਂ 'ਤੇ ਗੰਭੀਰ ਦੋਸ਼ ਲੱਗੇ ਅਤੇ ਉਨ੍ਹਾਂ ਨੂੰ ਜੇਲ੍ਹ ਵੀ ਜਾਣਾ ਪਿਆ।

Bageshwar Dham

ਬਾਗੇਸ਼ਵਰ ਧਾਮ ਦੇ ਧੀਰੇਂਦਰ ਸ਼ਾਸਤਰੀ ਇਨ੍ਹੀਂ ਦਿਨੀਂ ਅੰਧਵਿਸ਼ਵਾਸ ਫੈਲਾਉਣ ਦੇ ਦੋਸ਼ਾਂ 'ਚ ਘਿਰੇ ਹੋਏ ਹਨ। ਹਾਲਾਂਕਿ ਇਸ ਤੋਂ ਪਹਿਲਾਂ ਵੀ ਕਈ ਅਜਿਹੇ ਬਾਬੇ ਸਾਹਮਣੇ ਆਏ ,ਜਿਨ੍ਹਾਂ 'ਤੇ ਗੰਭੀਰ ਦੋਸ਼ ਲੱਗੇ ਅਤੇ ਉਨ੍ਹਾਂ ਨੂੰ ਜੇਲ੍ਹ ਵੀ ਜਾਣਾ ਪਿਆ।

ਕਈ ਚਮਤਕਾਰਾਂ ਦਾ ਦਾਅਵਾ ਕਰਨ ਵਾਲੇ ਸੱਤਿਆ ਸਾਈਂ ਬਾਬਾ ਆਪਣੇ ਜੀਵਨ ਵਿੱਚ ਕਈ ਵਿਵਾਦਾਂ ਵਿੱਚ ਵੀ ਫਸੇ ਰਹੇ। ਉਸ 'ਤੇ ਜਿਨਸੀ ਸ਼ੋਸ਼ਣ ਦੇ ਦੋਸ਼ ਵੀ ਲੱਗੇ ਸਨ ਪਰ ਬਾਬੇ ਨੇ ਇਨ੍ਹਾਂ ਦੋਸ਼ਾਂ ਨੂੰ ਖਾਰਜ ਕਰ ਦਿੱਤਾ ਸੀ। ਬ੍ਰਿਟੇਨ ਦੀ ਲੇਬਰ ਪਾਰਟੀ ਦੇ ਸੰਸਦ ਮੈਂਬਰ ਟੋਨੀ ਕੋਲਮੈਨ ਅਤੇ ਸਾਬਕਾ ਬ੍ਰਿਟਿਸ਼ ਮੰਤਰੀ ਟੌਮ ਸਕਰਿਲ ਨੇ ਬ੍ਰਿਟਿਸ਼ ਸੰਸਦ ਵਿੱਚ ਵੀ ਇਹ ਮਾਮਲਾ ਉਠਾਇਆ ਸੀ। ਉਸ 'ਤੇ ਵਿਦੇਸ਼ 'ਚ ਵੀ ਕਈ ਮਾਮਲੇ ਦਰਜ ਹਨ।

ਆਸਾਰਾਮ ਬਾਪੂ 'ਤੇ ਛਿੰਦਵਾੜਾ ਗੁਰੂਕੁਲ 'ਚ ਪੜ੍ਹਦੀ ਨਾਬਾਲਗ ਵਿਦਿਆਰਥਣ ਨੇ ਬਲਾਤਕਾਰ ਦਾ ਦੋਸ਼ ਲਗਾਇਆ ਸੀ। ਦੱਸਿਆ ਗਿਆ ਕਿ 15 ਅਗਸਤ 2013 ਨੂੰ ਆਸਾਰਾਮ ਨੇ ਜੋਧਪੁਰ ਦੇ ਮਨਾਈ ਪਿੰਡ ਸਥਿਤ ਫਾਰਮ ਹਾਊਸ 'ਚ ਉਸ ਦਾ ਜਿਨਸੀ ਸ਼ੋਸ਼ਣ ਕੀਤਾ। ਇਸ ਮਾਮਲੇ ਵਿੱਚ ਉਹ ਇਸ ਸਮੇਂ ਜੇਲ੍ਹ ਦੀ ਸਜ਼ਾ ਕੱਟ ਰਿਹਾ ਹੈ।

ਗੁਰਮੀਤ ਰਾਮ ਰਹੀਮ ਨੂੰ ਸਾਲ 2017 'ਚ ਬਲਾਤਕਾਰ ਦੇ ਮਾਮਲੇ 'ਚ ਸਜ਼ਾ ਸੁਣਾਈ ਗਈ ਸੀ। ਉਦੋਂ ਤੋਂ ਉਹ ਰੋਹਤਕ ਦੀ ਸੁਨਾਰੀਆ ਜੇਲ 'ਚ ਬੰਦ ਹੈ ਅਤੇ ਕਈ ਵਾਰ ਪੈਰੋਲ 'ਤੇ ਬਾਹਰ ਆਉਂਦਾ ਰਹਿੰਦਾ ਹੈ। ਦੋਸ਼ ਸੀ ਕਿ ਆਸ਼ਰਮ 'ਚ ਸਾਧੂਆਂ ਦੀ ਜ਼ਬਰਦਸਤੀ ਨਸਬੰਦੀ ਕੀਤੀ ਸੀ। 2002 ਵਿੱਚ ਰਾਮ ਰਹੀਮ ਦੇ ਆਸ਼ਰਮ ਵਿੱਚ ਸਾਧਵੀਆਂ ਨਾਲ ਜਿਨਸੀ ਸ਼ੋਸ਼ਣ ਕਰਨ ਦੇ ਦੋਸ਼ ਲੱਗੇ ਸਨ। ਰਾਮ ਰਹੀਮ ਦੀ ਗ੍ਰਿਫਤਾਰੀ ਤੋਂ ਬਾਅਦ ਪੰਚਕੂਲਾ ਵਿੱਚ ਦੰਗੇ ਭੜਕ ਗਏ ਸਨ ,ਜਿਸ ਵਿੱਚ 38 ਲੋਕਾਂ ਦੀ ਮੌਤ ਹੋ ਗਈ ਸੀ।

ਸਾਊਥ ਦੀ ਮਸ਼ਹੂਰ ਅਦਾਕਾਰਾ ਨਾਲ ਬਾਬਾ ਦੇ ਅਫੇਅਰ ਦੀ ਚਰਚਾ ਹੋ ਗਈ ਸੀ। ਬਦਨਾਮੀ ਕਾਰਨ ਬਾਬਾ ਫਰਾਰ ਹੋ ਗਿਆ ਪਰ ਉਸ ਨੂੰ ਤੁਰੰਤ ਗ੍ਰਿਫਤਾਰ ਕਰ ਲਿਆ ਗਿਆ। ਉਸ ਸਮੇਂ ਉਸਨੇ ਦਾਅਵਾ ਕੀਤਾ ਸੀ ਕਿ ਉਹ ਨਪੁੰਸਕ ਸੀ ਅਤੇ ਸਿਰਫ ਸ਼ਵਾਸਨ ਦਾ ਅਭਿਆਸ ਕਰ ਰਿਹਾ ਸੀ। ਜ਼ਮਾਨਤ 'ਤੇ ਬਾਹਰ ਆਉਣ ਤੋਂ ਬਾਅਦ ਇਸ ਬਾਬੇ ਨੇ ਫਿਰ ਦਰਬਾਰ ਲਗਾਇਆ। ਕੁਝ ਸਾਲ ਪਹਿਲਾਂ ਉਸਨੇ ਇਕਵਾਡੋਰ ਦੇ ਨੇੜੇ ਇੱਕ ਟਾਪੂ ਖਰੀਦਿਆ ਅਤੇ ਇਸਦਾ ਨਾਮ ਕੈਲਾਸ਼ਾ ਰੱਖਿਆ।

ਰਾਧੇ ਮਾਂ ਦਾ ਅਸਲੀ ਨਾਂ ਸੁਖਵਿੰਦਰ ਕੌਰ ਹੈ। 17 ਸਾਲ ਦੀ ਉਮਰ ਵਿੱਚ ਵਿਆਹ ਤੋਂ ਬਾਅਦ ਰਾਧੇ ਮਾਂ ਅਧਿਆਤਮਿਕਤਾ ਵੱਲ ਮੁੜ ਗਈ। ਹੁਸ਼ਿਆਰਪੁਰ ਦੇ ਰਾਮਦੀਨ ਦਾਸ ਨੇ ਉਸ ਦਾ ਨਾਂ ਰਾਧੇ ਮਾਂ ਰੱਖਿਆ। ਸ਼ੁਰੂ ਵਿਚ ਉਸ ਨੇ ਪੰਜਾਬ ਵਿਚ ਆਪਣਾ ਦਰਬਾਰ ਲਗਾਉਣਾ ਸ਼ੁਰੂ ਕੀਤਾ ਪਰ ਸਮੇਂ ਦੇ ਨਾਲ ਉਸਨੇ ਮੁੰਬਈ ਵਿੱਚ ਆਪਣਾ ਦਰਬਾਰ ਲਗਾਉਣਾ ਸ਼ੁਰੂ ਕਰ ਦਿੱਤਾ। ਸਾਲ 2015 ਵਿੱਚ ਰਾਧੇ ਮਾਂ ਦੀ ਮਿੰਨੀ ਸਕਰਟ ਵਿੱਚ ਫੋਟੋ ਵਾਇਰਲ ਹੋਈ ਸੀ। ਇਸ ਫੋਟੋ ਦੇ ਆਧਾਰ 'ਤੇ ਹੀ ਸ਼ਰਧਾਲੂਆਂ ਨੇ ਉਸ ਖਿਲਾਫ ਧੋਖਾਧੜੀ ਦੀ ਸ਼ਿਕਾਇਤ ਦਰਜ ਕਰਵਾਈ ਸੀ। ਰਾਧੇ ਮਾਂ 'ਤੇ ਮੁੰਬਈ 'ਚ ਕਾਰੋਬਾਰੀ ਮਨਮੋਹਨ ਗੁਪਤਾ ਦੇ ਬੰਗਲੇ 'ਤੇ ਕਬਜ਼ਾ ਕਰਨ ਦਾ ਵੀ ਦੋਸ਼ ਹੈ।

ਨਿਰਮਲ ਬਾਬਾ ਆਪਣੀ ਸਲਾਹ ਲਈ ਮਸ਼ਹੂਰ ਸੀ। ਨਿਰਮਲ ਬਾਬਾ ਨੇ ਅਜਿਹੇ ਹੀ ਇੱਕ ਸ਼ੂਗਰ ਦੇ ਮਰੀਜ਼ ਨੂੰ ਖੀਰ ਖਾਣ ਦੀ ਸਲਾਹ ਦਿੱਤੀ। ਸ਼ਰਧਾਲੂ ਨੇ ਦੋਸ਼ ਲਾਇਆ ਕਿ ਖੀਰ ਖਾਣ ਤੋਂ ਬਾਅਦ ਉਸ ਦੀ ਬਲੱਡ ਸ਼ੂਗਰ ਵਧ ਗਈ ਅਤੇ ਉਸ ਦੀ ਸਿਹਤ ਵਿਗੜ ਗਈ। ਇਸ ਦੋਸ਼ ਵਿੱਚ ਨਿਰਮਲ ਬਾਬਾ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਨਿਰਮਲ ਬਾਬਾ ਖ਼ਿਲਾਫ਼ ਦੇਸ਼-ਵਿਦੇਸ਼ ਵਿੱਚ ਧੋਖਾਧੜੀ ਦੀਆਂ ਕਈ ਸ਼ਿਕਾਇਤਾਂ ਦਰਜ ਹਨ।