ਨਹੀਂ ਦੇਖਣ ਨੂੰ ਮਿਲ ਰਹੀਆਂ ਗਣੇਸ਼ ਚਤੁਰਥੀ ਦੀਆਂ ਰੌਣਕਾਂ, ਮੂਰਤੀ ਕਾਰੀਗਰ ਵੀ ਕੋਰੋਨਾ ਨੇ ਝੰਬੇ

ਪਹਿਲਾਂ ਉਹ ਆਪਣੇ ਪੂਰੇ ਪਰਿਵਾਰ ਸਮੇਤ ਪੰਜ ਮਹੀਨੇ ਪਹਿਲਾਂ ਹੀ ਮੂਰਤੀਆਂ ਬਣਾਉਣੀ ਸ਼ੁਰੂ ਕਰ ਦਿੰਦੇ ਸੀ ਪਰ ਇਸ ਵਾਰ ਦੋ ਮਹੀਨੇ ਤੋਂ ਹੀ ਮੂਰਤੀਆਂ ਬਣਾਉਣੀਆਂ ਸ਼ੁਰੂ ਕੀਤੀਆਂ ਹਨ।

ਦੇਸ਼ ਭਰ 'ਚ ਹਰ ਸਾਲ ਦੀ ਤਰ੍ਹਾਂ ਗਨੇਸ਼ ਉਤਸਵ ਦਾ ਤਿਉਹਾਰ ਮਨਾਇਆ ਜਾ ਰਿਹਾ ਹੈ ਪਰ ਬਠਿੰਡਾ ਵਿਖੇ ਇਹ ਤਿਉਹਾਰ ਕੋਰੋਨਾ ਕਰਕੇ ਫਿੱਕਾ ਪੈਂਦਾ ਦਿਖਾਈ ਦੇ ਰਿਹਾ ਹੈ।

ਗ੍ਰਾਹਕ ਮਿੱਟੀ ਵਾਲੀਆਂ ਮੂਰਤੀਆਂ ਮੰਗਦੇ ਹਨ ਪਰ ਉਸ ਦਾ ਸਹੀ ਮੁੱਲ ਨਹੀਂ ਮਿਲਦਾ।

ਬਠਿੰਡਾ ਵਿਖੇ ਗਣੇਸ਼ ਦੀ ਮੂਰਤੀਆਂ ਬਣਾਉਣ ਵਾਲੇ ਕਾਰੀਗਰਾਂ ਨੇ ਕਿਹਾ ਕਿ ਲੌਕਡਾਊਨ ਲੱਗਣ ਕਾਰਨ ਉਹ ਦੇਰੀ ਨਾਲ ਬਠਿੰਡਾ ਪਹੁੰਚੇ ਹਨ।

ਉਨ੍ਹਾਂ ਕਿਹਾ ਕਿ ਉਹ ਮੂਰਤੀਆਂ ਬਣਾਉਣ ਜੋ ਕੁਝ ਵੀ ਸਾਮਾਨ ਲੈ ਕੇ ਆਏ ਹਨ, ਉਹ ਵੀ ਉਧਾਰ ਚੁੱਕਿਆ ਹੈ।