Hajj 2024 Registration: ਸਾਊਦੀ ਅਰਬ ਨੇ ਹੱਜ ਲਈ ਰਜਿਸਟ੍ਰੇਸ਼ਨ ਪ੍ਰਕਿਰਿਆ ਕੀਤੀ ਸ਼ੁਰੂ, ਜਾਣੋ ਕਿਵੇਂ ਕਰਨਾ ਅਪਲਾਈ

Hajj 2024 Registration: ਅਗਲੇ ਸਾਲ 2024 'ਚ ਹੱਜ 'ਤੇ ਜਾਣ ਵਾਲਿਆਂ ਲਈ ਖੁਸ਼ਖਬਰੀ ਹੈ। ਸਾਊਦੀ ਅਰਬ ਨੇ ਸੋਮਵਾਰ (25 ਦਸੰਬਰ) ਨੂੰ ਐਲਾਨ ਕੀਤਾ ਕਿ ਹੱਜ 2024 ਲਈ ਅਧਿਕਾਰਤ ਰਜਿਸਟ੍ਰੇਸ਼ਨ ਪ੍ਰਕਿਰਿਆ ਸ਼ੁਰੂ ਹੋ ਗਈ ਹੈ।

Hajj 2024 Registration

ਸਾਊਦੀ ਸਰਕਾਰ ਦੇ ਸੈਂਟਰ ਫਾਰ ਇੰਟਰਨੈਸ਼ਨਲ ਕਮਿਊਨੀਕੇਸ਼ਨ (ਸੀਆਈਸੀ) ਨੇ ਇਕ ਬਿਆਨ ਜਾਰੀ ਕਰਕੇ ਕਿਹਾ ਕਿ ਏਸ਼ੀਆ, ਅਫਰੀਕਾ, ਯੂਰਪ, ਉੱਤਰੀ ਅਮਰੀਕਾ, ਦੱਖਣੀ ਅਮਰੀਕਾ ਅਤੇ ਓਸ਼ੀਆਨਾ ਮਹਾਦੀਪਾਂ ਦੇ ਹਾਜੀ Nusuk Hajj ਐਪ ਰਾਹੀਂ ਹੱਜ ਲਈ ਅਪਲਾਈ ਕਰ ਸਕਦੇ ਹਨ।

ਸਾਊਦੀ ਸਰਕਾਰ ਦੇ ਸੈਂਟਰ ਫਾਰ ਇੰਟਰਨੈਸ਼ਨਲ ਕਮਿਊਨੀਕੇਸ਼ਨ (ਸੀਆਈਸੀ) ਨੇ ਹੱਜ ਅਰਜ਼ੀ ਲਈ hajj.nusuk.sa ਵੈੱਬਸਾਈਟ 'ਤੇ ਜਾਣ ਦੀ ਸਲਾਹ ਦਿੱਤੀ ਹੈ।

ਸਾਊਦੀ ਸਰਕਾਰ ਵਲੋਂ ਸੰਚਾਲਿਤ Nusuk Hajj ਐਪ, ਉਮਰਾਹ ਯਾਤਰੀਆਂ ਨੂੰ ਉਨ੍ਹਾਂ ਦੀ ਯਾਤਰਾ ਦਾ ਪ੍ਰਬੰਧਨ ਕਰਨ ਵਿੱਚ ਮਦਦ ਕਰਦੀ ਹੈ। ਇਸ ਐਪ ਰਾਹੀਂ ਹੱਜ 'ਤੇ ਜਾਣ ਲਈ ਹਵਾਈ ਟਿਕਟ, ਹੋਟਲ ਅਤੇ ਖਾਣ-ਪੀਣ ਨਾਲ ਜੁੜੀ ਹਰ ਚੀਜ਼ ਉਪਲਬਧ ਹੈ।

Nusuk Hajj ਐਪ ਸਾਊਦੀ ਅਰਬ ਵਿਚ ਹੱਜ ਨਾਲ ਸਬੰਧਤ ਦਿਸ਼ਾ-ਨਿਰਦੇਸ਼ ਵੀ ਜਾਰੀ ਕਰਦਾ ਹੈ, ਜਿਸ ਰਾਹੀਂ ਸ਼ਰਧਾਲੂਆਂ ਨੂੰ ਪਹਿਲਾਂ ਤੋਂ ਜਾਣਕਾਰੀ ਮਿਲਦੀ ਹੈ।

ਸਾਲ 2022 ਵਿੱਚ, Nusuk Hajj ਐਪ ਨੂੰ ਸਾਊਦੀ ਅਰਬ ਦੇ ਉਮਰਾਹ ਮੰਤਰਾਲੇ ਦੁਆਰਾ ਲਾਂਚ ਕੀਤਾ ਗਿਆ ਸੀ। ਇਸ ਦਾ ਮਕਸਦ ਹੱਜ ਯਾਤਰੀਆਂ ਦੀ ਯਾਤਰਾ ਨੂੰ ਆਸਾਨ ਬਣਾਉਣਾ ਸੀ।

ਹਾਜੀਆਂ ਲਈ ਹੱਜ 2024 ਲਈ ਰਜਿਸਟ੍ਰੇਸ਼ਨ ਲਈ hajj.nusuk.sa ਵੈੱਬਸਾਈਟ 'ਤੇ ਜਾਣਾ ਜ਼ਰੂਰੀ ਹੈ। ਇਸ ਵਿੱਚ ਤੁਹਾਡੀ ਨਿੱਜੀ ਈਮੇਲ ਆਈਡੀ ਅਤੇ ਕੌਮੀਅਤ ਦੇ ਦੇਸ਼ ਦਾ ਜ਼ਿਕਰ ਕਰਨਾ ਜ਼ਰੂਰੀ ਹੈ।

ਹੱਜ ਇਸਲਾਮ ਦੇ ਪੰਜ ਥੰਮ੍ਹਾਂ ਵਿੱਚੋਂ ਇੱਕ ਹੈ। ਇਸਲਾਮ ਧਰਮ ਦੇ ਅਨੁਸਾਰ, ਹਰ ਵਿਅਕਤੀ ਲਈ ਹੱਜ ਕਰਨਾ ਜ਼ਰੂਰੀ ਹੈ, ਜੇਕਰ ਉਹ ਸਰੀਰਕ ਤੌਰ 'ਤੇ ਮਜ਼ਬੂਤ ਹੈ।