Asian Games 2023: ਏਸ਼ੀਆਈ ਖੇਡਾਂ ਹੋਈਆਂ ਸ਼ੁਰੂ, ਹਰਮਨ-ਲਵਲੀਨਾ ਨੇ ਭਾਰਤ ਦੀ ਕੀਤੀ ਅਗਵਾਈ; ਦੇਖੋ ਓਪਨਿੰਗ ਸੈਰੇਮਨੀ ਦੀਆਂ ਤਸਵੀਰਾਂ

Asian Games 2023 Opening Ceremony: ਏਸ਼ੀਆਈ ਖੇਡਾਂ 2023 ਦਾ ਉਦਘਾਟਨੀ ਸਮਾਰੋਹ ਅੱਜ (23 ਸਤੰਬਰ) ਨੂੰ ਹੋਇਆ। ਇਸ ਵਾਰ ਏਸ਼ੀਆਈ ਖੇਡਾਂ ਦਾ 19ਵਾਂ ਐਡੀਸ਼ਨ ਹੋਵੇਗਾ, ਜੋ ਚੀਨ ਦੇ ਹਾਂਗਜ਼ੂ ਵਿੱਚ ਹੋਵੇਗਾ।

Asian Games 2023

ਉਦਘਾਟਨੀ ਸਮਾਰੋਹ ਵਿੱਚ ਹਾਕੀ ਟੀਮ ਦੇ ਕਪਤਾਨ ਹਰਮਨਪ੍ਰੀਤ ਸਿੰਘ ਅਤੇ ਮੁੱਕੇਬਾਜ਼ ਲਵਲੀਨਾ ਬੋਰਗੋਹੇਨ ਨੇ ਭਾਰਤ ਦੀ ਅਗਵਾਈ ਕੀਤੀ। ਸਮਾਗਮ ਵਿੱਚ ਹਰਮਨਪ੍ਰੀਤ ਅਤੇ ਲਵਲੀਨਾ ਝੰਡਾਬਰਦਾਰਾਂ ਵਜੋਂ ਨਜ਼ਰ ਆਈਆਂ।

ਭਾਰਤੀ ਖਿਡਾਰੀਆਂ ਦੀ ਡਰੈੱਸ ਕੋਡ ਦਾ ਰੰਗ ਖਾਕੀ ਸੀ। ਮਹਿਲਾ ਖਿਡਾਰਨਾਂ ਖਾਕੀ ਸਾੜੀ 'ਚ ਨਜ਼ਰ ਆਈਆਂ, ਜਦਕਿ ਪੁਰਸ਼ ਖਿਡਾਰੀ ਖਾਕੀ ਕੁੜਤੇ 'ਚ ਨਜ਼ਰ ਆਏ।

ਸਮਾਗਮ ਦੀ ਸ਼ੁਰੂਆਤ ਆਰਟਿਸਟਿਕ ਪ੍ਰੋਗਰਾਮ ਨਾਲ ਹੋਈ। ਚੀਨੀ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਇਸ ਸਮਾਗਮ ਵਿੱਚ ਅਹਿਮ ਮਹਿਮਾਨਾਂ ਵਿੱਚ ਸ਼ਾਮਲ ਸਨ। ਸ਼ੀ ਜਿਨਪਿੰਗ ਨੇ ਏਸ਼ੀਆਈ ਖੇਡਾਂ ਦੀ ਸ਼ੁਰੂਆਤ ਦਾ ਐਲਾਨ ਕੀਤਾ ਸੀ।

ਦੱਸ ਦੇਈਏ ਕਿ ਏਸ਼ੀਆਈ ਖੇਡਾਂ ਵਿੱਚ 45 ਦੇਸ਼ਾਂ ਦੇ 10 ਹਜ਼ਾਰ ਤੋਂ ਵੱਧ ਐਥਲੀਟ ਹਿੱਸਾ ਲੈਣਗੇ। ਸਾਰੇ ਖਿਡਾਰੀ 40 ਵੱਖ-ਵੱਖ ਖੇਡਾਂ ਵਿੱਚ 1,000 ਤੋਂ ਵੱਧ ਮੈਡਲਾਂ ਲਈ ਲੜਨਗੇ।

ਉੱਥੇ ਹੀ ਸਾਰੀਆਂ ਖੇਡਾਂ ਵਿੱਚ ਭਾਰਤ ਦੇ 655 ਖਿਡਾਰੀ ਏਸ਼ੀਆਈ ਖੇਡਾਂ ਵਿੱਚ ਹਿੱਸਾ ਲੈਣ ਲਈ ਚੀਨ ਪਹੁੰਚ ਚੁੱਕੇ ਹਨ। ਐਥਲੈਟਿਕਸ ਵਿੱਚ ਭਾਰਤ ਦੇ ਸਭ ਤੋਂ ਵੱਧ 68 ਖਿਡਾਰੀ ਏਸ਼ੀਆਈ ਖੇਡਾਂ ਵਿੱਚ ਹਿੱਸਾ ਲੈਣਗੇ।