Keshav Maharaj: ਭਗਵਾਨ ਹਨੂੰਮਾਨ ਦਾ ਭਗਤ ਕੇਸ਼ਵ ਮਹਾਰਾਜ, ਦੱਖਣੀ ਅਫਰੀਕਾ ਦਾ ਖਿਡਾਰੀ ਹਿੰਦੂ ਧਰਮ 'ਚ ਰੱਖਦਾ ਡੂੰਘੀ ਆਸਥਾ

Keshav Maharaj vs Pakistan: ਵਿਸ਼ਵ ਕੱਪ 2023 'ਚ ਪਾਕਿਸਤਾਨ ਖਿਲਾਫ ਦੱਖਣੀ ਅਫਰੀਕਾ ਦੀ ਰੋਮਾਂਚਕ ਜਿੱਤ ਤੋਂ ਬਾਅਦ ਜੇਕਰ ਕਿਸੇ ਵਿਅਕਤੀ ਦੀ ਸਭ ਤੋਂ ਜ਼ਿਆਦਾ ਗੱਲ ਕੀਤੀ ਜਾ ਰਹੀ ਹੈ ਤਾਂ ਉਹ ਹੈ ਕੇਸ਼ਵ ਮਹਾਰਾਜ।

keshav maharaj hindu religion

ਇਸ ਮੈਚ 'ਚ ਕੇਸ਼ਵ ਮਹਾਰਾਜ ਨੇ ਨਾ ਤਾਂ ਕੋਈ ਵਿਕਟ ਲਈ ਅਤੇ ਨਾ ਹੀ ਜ਼ਿਆਦਾ ਦੌੜਾਂ ਬਣਾਈਆਂ। ਪਰ ਸੋਸ਼ਲ ਮੀਡੀਆ 'ਤੇ ਸਿਰਫ ਉਸਦੀ ਚਰਚਾ ਹੋ ਰਹੀ ਹੈ। ਪਾਕਿਸਤਾਨ ਵਿਰੁੱਧ ਜਿੱਤ ਦਾ ਚੌਕਾ ਜੜਨਾ ਤਾਂ ਇਸਦਾ ਕਾਰਨ ਹੈ ਹੀ, ਇਸ ਦੇ ਨਾਲ ਹੀ ਸਭ ਤੋਂ ਵੱਡਾ ਕਾਰਨ ਉਸ ਦਾ ਹਿੰਦੂ ਹੋਣਾ ਵੀ ਹੈ।

ਕੇਸ਼ਵ ਮਹਾਰਾਜ ਭਾਰਤੀ ਮੂਲ ਦੇ ਹਨ ਅਤੇ ਹਿੰਦੂ ਧਰਮ ਵਿੱਚ ਡੂੰਘੀ ਆਸਥਾ ਰੱਖਦੇ ਹਨ। ਦੱਖਣੀ ਅਫਰੀਕਾ ਲਈ ਉਹ ਲੰਬੇ ਸਮੇਂ ਤੋਂ ਕ੍ਰਿਕਟ ਖੇਡ ਰਿਹਾ ਹੈ। ਬੀਤੀ ਰਾਤ ਜਦੋਂ ਉਸ ਨੇ ਚੌਕਾ ਜੜਿਆ ਤਾਂ ਸੋਸ਼ਲ ਮੀਡੀਆ 'ਤੇ ਪ੍ਰਤੀਕਿਰਿਆਵਾਂ ਅਤੇ ਮੀਮਜ਼ ਦਾ ਹੜ੍ਹ ਆ ਗਿਆ। ਸੋਸ਼ਲ ਮੀਡੀਆ ਦੀਆਂ ਸਾਰੀਆਂ ਪੋਸਟਾਂ ਦਾ ਸਾਰ ਇਹੋ ਸੀ ਕਿ ਜੋ ਵਿਅਕਤੀ ਹਨੂੰਮਾਨ ਦਾ ਭਗਤ ਹੈ ਅਤੇ ਉਸ ਦੇ ਬੱਲੇ 'ਤੇ ਓਮ ਲਿਖਿਆ ਹੈ, ਉਹ ਪਾਕਿਸਤਾਨ ਤੋਂ ਕਿਵੇਂ ਹਾਰ ਸਕਦਾ ਹੈ।