ਸਚਿਨ-ਕੋਹਲੀ ਤੋਂ ਲੈ ਕੇ ਮਾਹੀ ਤੱਕ... ਇਹ ਨੇ ਦੁਨੀਆ ਦੇ ਸਭ ਤੋਂ ਅਮੀਰ ਕ੍ਰਿਕਟਰ, ਜਾਣੋ ਕਿੰਨੀ ਹੈ ਉਨ੍ਹਾਂ ਦੀ ਜਾਇਦਾਦ

MS Dhoni: ਅੰਤਰਰਾਸ਼ਟਰੀ ਮੈਚਾਂ ਤੋਂ ਇਲਾਵਾ, ਭਾਰਤੀ ਕ੍ਰਿਕਟਰ ਆਈਪੀਐਲ ਕੰਟਰੈਕਟਸ ਤੋਂ ਕਰੋੜਾਂ ਰੁਪਏ ਕਮਾਉਂਦੇ ਹਨ, ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਵਿਸ਼ਵ ਕ੍ਰਿਕਟ ਦੇ ਚੋਟੀ ਦੇ 5 ਸਭ ਤੋਂ ਅਮੀਰ ਕ੍ਰਿਕਟਰ ਕੌਣ ਹਨ?

richest cricketers

ਸਾਬਕਾ ਭਾਰਤੀ ਬੱਲੇਬਾਜ਼ ਅਤੇ ਮਾਸਟਰ ਬਲਾਸਟਰ ਦੇ ਨਾਂਅ ਨਾਲ ਮਸ਼ਹੂਰ ਸਚਿਨ ਤੇਂਦੁਲਕਰ ਸਭ ਤੋਂ ਅਮੀਰ ਕ੍ਰਿਕਟਰ ਹਨ। ਸਚਿਨ ਤੇਂਦੁਲਕਰ ਲਗਭਗ 10 ਸਾਲ ਪਹਿਲਾਂ ਕ੍ਰਿਕਟ ਨੂੰ ਅਲਵਿਦਾ ਕਹਿ ਚੁੱਕੇ ਹਨ, ਪਰ ਇਸ ਸੂਚੀ ਵਿੱਚ ਚੋਟੀ 'ਤੇ ਬਣੇ ਹੋਏ ਹਨ। ਸਚਿਨ ਤੇਂਦੁਲਕਰ ਦੀ ਕੁੱਲ ਜਾਇਦਾਦ ਲਗਭਗ 1250 ਕਰੋੜ ਰੁਪਏ ਹੈ।

ਇਸ ਦੇ ਨਾਲ ਹੀ ਇਸ ਸੂਚੀ 'ਚ ਸਚਿਨ ਤੇਂਦੁਲਕਰ ਤੋਂ ਬਾਅਦ ਵਿਸ਼ਵ ਕੱਪ ਜੇਤੂ ਕਪਤਾਨ ਮਹਿੰਦਰ ਸਿੰਘ ਧੋਨੀ ਦੂਜੇ ਸਥਾਨ 'ਤੇ ਹਨ। ਮੀਡੀਆ ਰਿਪੋਰਟਾਂ ਮੁਤਾਬਕ ਮਾਹੀ ਦੀ ਕੁੱਲ ਜਾਇਦਾਦ ਲਗਭਗ 1040 ਕਰੋੜ ਰੁਪਏ ਹੈ।

ਸਚਿਨ ਤੇਂਦੁਲਕਰ ਅਤੇ ਮਹਿੰਦਰ ਸਿੰਘ ਧੋਨੀ ਤੋਂ ਬਾਅਦ ਵਿਰਾਟ ਕੋਹਲੀ ਤੀਜੇ ਨੰਬਰ 'ਤੇ ਹਨ। ਵਿਰਾਟ ਕੋਹਲੀ ਦੀ ਕੁੱਲ ਜਾਇਦਾਦ 1020 ਕਰੋੜ ਰੁਪਏ ਹੈ।

ਸਾਬਕਾ ਭਾਰਤੀ ਕਪਤਾਨ ਸੌਰਵ ਗਾਂਗੁਲੀ ਚੌਥੇ ਨੰਬਰ 'ਤੇ ਹਨ। ਸੌਰਵ ਗਾਂਗੁਲੀ ਦੀ ਕੁੱਲ ਜਾਇਦਾਦ ਲਗਭਗ 634 ਕਰੋੜ ਰੁਪਏ ਹੈ। ਇਸ ਤਰ੍ਹਾਂ ਦੁਨੀਆ ਦੇ ਸਭ ਤੋਂ ਅਮੀਰ ਕ੍ਰਿਕਟਰਾਂ ਦੀ ਸੂਚੀ 'ਚ ਟਾਪ-4 ਭਾਰਤੀ ਖਿਡਾਰੀ ਹਨ।

ਇਸ ਸੂਚੀ 'ਚ ਪਹਿਲਾ ਵਿਦੇਸ਼ੀ ਨਾਂ ਰਿਕੀ ਪੋਂਟਿੰਗ ਦਾ ਹੈ। ਆਸਟ੍ਰੇਲੀਆ ਦੇ ਸਾਬਕਾ ਕਪਤਾਨ ਰਿਕੀ ਪੋਂਟਿੰਗ ਦੀ ਕੁੱਲ ਜਾਇਦਾਦ ਲਗਭਗ 480 ਕਰੋੜ ਰੁਪਏ ਹੈ।