IPL 2024 ਵਿੱਚ ਕਿਹੜੇ ਖਿਡਾਰੀ ਕਰਨਗੇ ਡੈਬਿਊ ? List 'ਚ ਵਿਦੇਸ਼ੀਆਂ ਸਣੇ ਦੋ ਭਾਰਤੀ ਖਿਡਾਰੀਆਂ ਦਾ ਨਾਂਅ ਸ਼ਾਮਲ

IPL 2024: ਆਈਪੀਐਲ 2024 ਲਈ ਹੋਈ ਨਿਲਾਮੀ ਵਿੱਚ ਕੁੱਲ 72 ਖਿਡਾਰੀ ਵਿਕ ਚੁੱਕੇ ਹਨ, ਜਿਸ ਲਈ ਕੁੱਲ 230 ਕਰੋੜ ਰੁਪਏ ਖਰਚ ਕੀਤੇ ਗਏ ਹਨ।

ipl 2024 debut players

ਇਨ੍ਹਾਂ 72 ਖਿਡਾਰੀਆਂ 'ਚ ਕਈ ਅਜਿਹੇ ਖਿਡਾਰੀ ਹਨ, ਜਿਨ੍ਹਾਂ ਦੇ ਨਾਵਾਂ ਦੀ ਪਹਿਲੀ ਵਾਰ ਬੋਲੀ ਲੱਗੀ ਹੈ ਅਤੇ ਉਹ ਪਹਿਲੀ ਵਾਰ ਵਿਕ ਗਏ ਹਨ। ਆਓ ਤੁਹਾਨੂੰ ਦੱਸਦੇ ਹਾਂ ਚੋਟੀ ਦੇ 5 ਕ੍ਰਿਕਟਰਾਂ ਬਾਰੇ ਜੋ IPL 2024 ਵਿੱਚ ਡੈਬਿਊ ਕਰ ਸਕਦੇ ਹਨ।

ਸਮੀਰ ਰਿਜ਼ਵੀ - ਭਾਰਤ ਇਸ ਸੂਚੀ ਵਿੱਚ ਪਹਿਲਾ ਨਾਮ ਭਾਰਤ ਦੇ ਸਮੀਰ ਰਿਜ਼ਵੀ ਦਾ ਹੈ, ਜੋ ਮੇਰਠ ਦਾ ਰਹਿਣ ਵਾਲਾ ਹੈ ਅਤੇ ਇੱਕ ਅਨਕੈਪਡ ਖਿਡਾਰੀ ਹੈ। ਇਸ ਖਿਡਾਰੀ ਦੇ ਨਾਂ 'ਤੇ ਚੇਨਈ ਸੁਪਰ ਕਿੰਗਜ਼ ਨੇ 8.40 ਕਰੋੜ ਰੁਪਏ ਖਰਚ ਕੀਤੇ ਹਨ। ਸਮੀਰ ਮੱਧ ਕ੍ਰਮ ਦਾ ਬੱਲੇਬਾਜ਼ ਹੈ, ਜੋ ਖੁੱਲ੍ਹ ਕੇ ਵੱਡੇ ਛੱਕੇ ਮਾਰਨ ਲਈ ਜਾਣਿਆ ਜਾਂਦਾ ਹੈ। ਇਸ ਕਾਰਨ ਚੇਨਈ ਦੀ ਟੀਮ ਨੇ ਇਸ ਖਿਡਾਰੀ ਦੇ ਨਾਂ 'ਤੇ ਵੱਡੀ ਬੋਲੀ ਲਗਾਈ ਅਤੇ ਸਮੀਰ ਰਿਜ਼ਵੀ ਵੀ ਇਸ ਨਿਲਾਮੀ ਦੇ ਸਭ ਤੋਂ ਮਹਿੰਗੇ ਅਨਪੈਕਡ ਖਿਡਾਰੀ ਬਣ ਗਏ। ਅਜਿਹੇ 'ਚ ਉਮੀਦ ਕੀਤੀ ਜਾ ਰਹੀ ਹੈ ਕਿ ਸਮੀਰ ਰਿਜ਼ਵੀ 2024 'ਚ IPL 'ਚ ਡੈਬਿਊ ਕਰ ਸਕਦੇ ਹਨ।

ਕੁਮਾਰ ਕੁਸ਼ਾਗਰਾ - ਭਾਰਤ ਇਸ ਸੂਚੀ 'ਚ ਇਕ ਹੋਰ ਅਨਕੈਪਡ ਭਾਰਤੀ ਖਿਡਾਰੀ ਦਾ ਨਾਂ ਵੀ ਹੈ, ਜਿਸ ਨੂੰ ਦਿੱਲੀ ਕੈਪੀਟਲਸ ਨੇ 7.20 ਕਰੋੜ ਰੁਪਏ ਦੇ ਕੇ ਆਪਣੀ ਟੀਮ 'ਚ ਸ਼ਾਮਲ ਕੀਤਾ ਹੈ। ਟਰਾਇਲਾਂ 'ਚ ਇਸ ਖਿਡਾਰੀ ਦੇ ਵਿਕਟਕੀਪਿੰਗ ਹੁਨਰ ਨੂੰ ਦੇਖਦੇ ਹੋਏ ਸੌਰਵ ਗਾਂਗੁਲੀ ਨੇ ਕਿਹਾ ਸੀ ਕਿ ਉਸ 'ਚ ਧੋਨੀ ਦਾ ਥੋੜ੍ਹਾ ਜਿਹਾ ਗੁਣ ਨਜ਼ਰ ਆ ਰਿਹਾ ਸੀ। ਗਾਂਗੁਲੀ ਨੇ ਝਾਰਖੰਡ ਦੇ ਇਸ ਖਿਡਾਰੀ ਨਾਲ ਵਾਅਦਾ ਕੀਤਾ ਸੀ ਕਿ ਉਹ ਦਿੱਲੀ ਕੈਪੀਟਲਸ ਲਈ ਜ਼ਰੂਰ ਖੇਡੇਗਾ, ਭਾਵੇਂ ਨਿਲਾਮੀ ਵਿੱਚ ਉਸ ਲਈ 10 ਕਰੋੜ ਰੁਪਏ ਤੱਕ ਦੀ ਬੋਲੀ ਕਿਉਂ ਨਾ ਲਗਾਉਣੀ ਪਵੇ।

ਗੇਰਾਲਡ ਕੋਏਟਜ਼ੀ - ਦੱਖਣੀ ਅਫਰੀਕਾ ਇਸ ਸੂਚੀ 'ਚ ਦੱਖਣੀ ਅਫਰੀਕਾ ਦੇ ਤੇਜ਼ ਗੇਂਦਬਾਜ਼ ਗੇਰਾਲਡ ਕੋਏਟਜ਼ੀ ਦਾ ਨਾਂ ਵੀ ਸ਼ਾਮਲ ਹੈ, ਜਿਸ ਨੇ ਵਨਡੇ ਵਿਸ਼ਵ ਕੱਪ ਦੌਰਾਨ ਆਪਣੀ ਟੀਮ ਲਈ ਸਭ ਤੋਂ ਵੱਧ ਵਿਕਟਾਂ ਲਈਆਂ। ਇਸ ਖਿਡਾਰੀ ਨੂੰ ਮੁੰਬਈ ਇੰਡੀਅਨਜ਼ ਨੇ 5 ਕਰੋੜ ਰੁਪਏ 'ਚ ਖਰੀਦਿਆ ਹੈ। ਕੋਏਟਜ਼ੀ ਸੱਜੇ ਹੱਥ ਦਾ ਤੇਜ਼ ਅਤੇ ਸਵਿੰਗ ਗੇਂਦਬਾਜ਼ ਹੈ। ਅਜਿਹੇ 'ਚ ਇਹ ਲਗਭਗ ਤੈਅ ਹੈ ਕਿ ਉਸ ਦਾ ਆਈਪੀਐੱਲ ਡੈਬਿਊ ਆਈਪੀਐੱਲ 2024 'ਚ ਹੋਵੇਗਾ।

ਦਿਲਸ਼ਾਨ ਮਦੁਸ਼ੰਕਾ - ਸ਼੍ਰੀਲੰਕਾ ਇਸ ਸੂਚੀ 'ਚ ਅਗਲਾ ਨਾਂ ਦਿਲਸ਼ਾਨ ਮਦੁਸ਼ੰਕਾ ਦਾ ਹੈ, ਜੋ ਸ਼੍ਰੀਲੰਕਾ ਦੇ ਖੱਬੇ ਹੱਥ ਦੇ ਤੇਜ਼ ਗੇਂਦਬਾਜ਼ ਹਨ। ਇਸ ਤੇਜ਼ ਗੇਂਦਬਾਜ਼ ਨੂੰ ਵੀ ਮੁੰਬਈ ਇੰਡੀਅਨਜ਼ ਨੇ 4.60 ਕਰੋੜ ਰੁਪਏ 'ਚ ਖਰੀਦਿਆ ਹੈ। ਦਿਲਸ਼ਾਨ ਨੇ ਹਾਲ ਹੀ ਦੇ ਇੱਕ ਰੋਜ਼ਾ ਵਿਸ਼ਵ ਕੱਪ ਦੌਰਾਨ ਸ਼੍ਰੀਲੰਕਾ ਲਈ ਸਭ ਤੋਂ ਵੱਧ ਵਿਕਟਾਂ ਲਈਆਂ। ਅਜਿਹੇ 'ਚ ਦਿਲਸ਼ਾਨ ਦਾ 2024 'ਚ ਆਈ.ਪੀ.ਐੱਲ. ਡੈਬਿਊ ਹੋਣਾ ਲੱਗਭਗ ਤੈਅ ਹੈ।

ਰਚਿਨ ਰਵਿੰਦਰ - ਨਿਊਜ਼ੀਲੈਂਡ ਨਿਊਜ਼ੀਲੈਂਡ ਦੇ ਇਸ ਆਲਰਾਊਂਡਰ ਰਚਿਨ ਰਵਿੰਦਰਾ ਨੇ ਵਿਸ਼ਵ ਕੱਪ ਦੌਰਾਨ ਨਿਊਜ਼ੀਲੈਂਡ ਲਈ ਸਭ ਤੋਂ ਵੱਧ ਦੌੜਾਂ ਬਣਾਈਆਂ ਅਤੇ ਕੁਝ ਵਿਕਟਾਂ ਵੀ ਲਈਆਂ। ਇਸ ਖਿਡਾਰੀ ਨੂੰ ਆਈਪੀਐਲ 2024 ਲਈ ਹੋਈ ਨਿਲਾਮੀ ਵਿੱਚ ਚੇਨਈ ਸੁਪਰ ਕਿੰਗਜ਼ ਨੇ 1.80 ਕਰੋੜ ਰੁਪਏ ਵਿੱਚ ਖਰੀਦਿਆ ਸੀ। ਅਜਿਹੇ 'ਚ ਇਹ ਲਗਭਗ ਤੈਅ ਹੈ ਕਿ ਰਚਿਨ 2024 'ਚ ਧੋਨੀ ਦੀ ਟੀਮ ਚੇਨਈ ਸੁਪਰ ਕਿੰਗਸ ਲਈ ਆਈਪੀਐੱਲ 'ਚ ਡੈਬਿਊ ਕਰਨਗੇ।