WhatsApp ਨੇ ਭਾਰਤ 'ਚ ਬੰਦ ਕੀਤੇ 84 ਲੱਖ ਅਕਾਊਂਟ! ਜਾਣੋ ਇਨ੍ਹਾਂ ਨੂੰ ਕਿਉਂ ਕੀਤਾ ਗਿਆ ਬੈਨ ?

Whatsapp Accounts Ban: ਵਟਸਐਪ ਦੇਸ਼ ਦਾ ਸਭ ਤੋਂ ਵੱਡਾ ਮੈਸੇਜਿੰਗ ਪਲੇਟਫਾਰਮ ਬਣ ਗਿਆ ਹੈ। ਪਰ ਹਾਲ ਹੀ ਵਿੱਚ ਵਟਸਐਪ ਨੇ ਭਾਰਤ ਵਿੱਚ ਲਗਭਗ 84 ਲੱਖ ਖਾਤੇ ਬੰਦ ਕਰ ਦਿੱਤੇ ਹਨ।

Whatsapp Accounts Ban

ਇਹ ਕਦਮ WhatsApp ਦੀ ਮੂਲ ਕੰਪਨੀ Meta ਵੱਲੋਂ ਚੁੱਕਿਆ ਗਿਆ ਹੈ। ਇਸਦਾ ਮੁੱਖ ਉਦੇਸ਼ ਪਲੇਟਫਾਰਮ 'ਤੇ ਵੱਧ ਰਹੀ ਧੋਖਾਧੜੀ ਅਤੇ ਦੁਰਵਰਤੋਂ ਨੂੰ ਰੋਕਣਾ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਇਹ ਫੈਸਲਾ ਯੂਜ਼ਰਸ ਨੂੰ ਔਨਲਾਈਨ ਧੋਖਾਧੜੀ ਤੋਂ ਬਚਾਉਣ ਅਤੇ ਇੱਕ ਸੁਰੱਖਿਅਤ ਵਾਤਾਵਰਣ ਪ੍ਰਦਾਨ ਕਰਨ ਲਈ ਲਿਆ ਗਿਆ ਹੈ। ਮੈਟਾ ਦੀ ਪਾਰਦਰਸ਼ਤਾ ਰਿਪੋਰਟ ਦੇ ਅਨੁਸਾਰ, 1 ਅਗਸਤ ਤੋਂ 31 ਅਗਸਤ ਦੇ ਵਿਚਕਾਰ 8.45 ਮਿਲੀਅਨ (84 ਲੱਖ ਤੋਂ ਵੱਧ) ਖਾਤਿਆਂ ਨੂੰ ਬੈਨ ਕੀਤਾ ਗਿਆ। ਇਹ ਕਾਰਵਾਈ ਸੂਚਨਾ ਤਕਨਾਲੋਜੀ ਐਕਟ ਦੀ ਧਾਰਾ 4(1)(d) ਅਤੇ 3A(7) ਦੇ ਤਹਿਤ ਕੀਤੀ ਗਈ ਹੈ।

1.66 ਮਿਲੀਅਨ ਖਾਤਿਆਂ ਨੂੰ ਗੰਭੀਰ ਉਲੰਘਣਾਵਾਂ ਲਈ ਤੁਰੰਤ ਬਲੌਕ ਕਰ ਦਿੱਤਾ ਗਿਆ। ਹੋਰ ਖਾਤਿਆਂ ਦੀ ਸਮੀਖਿਆ ਕਰਨ ਤੋਂ ਬਾਅਦ, ਜਦੋਂ ਉਹ ਸ਼ੱਕੀ ਗਤੀਵਿਧੀਆਂ ਵਿੱਚ ਸ਼ਾਮਲ ਪਾਏ ਗਏ ਤਾਂ ਉਨ੍ਹਾਂ 'ਤੇ ਪਾਬੰਦੀ ਲਗਾ ਦਿੱਤੀ ਗਈ। 1.6 ਮਿਲੀਅਨ ਤੋਂ ਵੱਧ ਖਾਤਿਆਂ ਨੂੰ WhatsApp ਨੇ ਖੁਦ ਮੌਨਿਟਰਿੰਗ ਦੁਆਰਾ ਪ੍ਰੋਟੈਕਟਿਵ ਤੌਰ ਤੇ ਪਾਬੰਦੀ ਲਗਾਈ, ਜਿਸ ਵਿੱਚ ਯੂਜ਼ਰ ਦੀ ਸ਼ਿਕਾਇਤ ਦੀ ਜ਼ਰੂਰਤ ਨਹੀਂ ਪਈ।

ਹੁਣ ਅਸੀਂ ਤੁਹਾਨੂੰ ਇਸ ਪਿੱਛੇ ਦਾ ਕਾਰਨ ਦੱਸਦੇ ਹਾਂ। ਦਰਅਸਲ, ਵਟਸਐਪ ਦੇ ਕੁਝ ਨਿਯਮ ਅਤੇ ਸ਼ਰਤਾਂ ਹੁੰਦੀਆਂ ਹਨ ਜਿਨ੍ਹਾਂ ਦੀ ਪਾਲਣਾ ਨਾ ਕਰਨ 'ਤੇ, ਵਟਸਐਪ ਨੂੰ ਅਧਿਕਾਰ ਹੈ ਕਿ ਉਹ ਖਾਤਾ ਬੰਦ ਕਰ ਸਕਦਾ ਹੈ।

ਇਸ ਵਿੱਚ ਬਿਨਾਂ ਇਜਾਜ਼ਤ ਦੇ ਥੋਕ ਸੁਨੇਹੇ ਭੇਜਣਾ, ਸਪੈਮਿੰਗ ਅਤੇ ਧੋਖਾਧੜੀ ਵਾਲੀਆਂ ਗਤੀਵਿਧੀਆਂ, ਗਲਤ ਜਾਂ ਗੁੰਮਰਾਹਕੁੰਨ ਜਾਣਕਾਰੀ ਫੈਲਾਉਣਾ ਸ਼ਾਮਲ ਹੈ। ਇਸ ਤੋਂ ਇਲਾਵਾ, ਅਜਿਹੇ ਖਾਤਿਆਂ 'ਤੇ ਪਾਬੰਦੀ ਲਗਾਈ ਗਈ ਜੋ ਸਥਾਨਕ ਕਾਨੂੰਨਾਂ ਦੀ ਉਲੰਘਣਾ ਕਰ ਰਹੇ ਸਨ। 10,707 ਯੂਜ਼ਰਸ ਨੇ ਖਾਤਿਆਂ ਵਿਰੁੱਧ ਸ਼ਿਕਾਇਤਾਂ ਦਰਜ ਕਰਵਾਈਆਂ। ਇਨ੍ਹਾਂ ਵਿੱਚੋਂ 93% ਮਾਮਲਿਆਂ ਵਿੱਚ ਤੁਰੰਤ ਕਾਰਵਾਈ ਕੀਤੀ ਗਈ। ਪਰੇਸ਼ਾਨੀ, ਧੋਖਾਧੜੀ, ਜਾਂ ਅਣਉਚਿਤ ਵਿਵਹਾਰ ਨਾਲ ਸਬੰਧਤ ਸ਼ਿਕਾਇਤਾਂ 'ਤੇ ਵਿਸ਼ੇਸ਼ ਧਿਆਨ ਦਿੱਤਾ ਗਿਆ।

ਵਟਸਐਪ ਦਾ ਇਹ ਕਦਮ ਪਲੇਟਫਾਰਮ ਨੂੰ ਸੁਰੱਖਿਅਤ ਅਤੇ ਭਰੋਸੇਮੰਦ ਬਣਾਉਣ ਲਈ ਚੁੱਕਿਆ ਗਿਆ ਹੈ। ਮੈਟਾ ਵੱਲੋਂ ਲੱਖਾਂ ਖਾਤਿਆਂ 'ਤੇ ਪਾਬੰਦੀ ਲਗਾਉਣਾ ਦਰਸਾਉਂਦਾ ਹੈ ਕਿ ਕੰਪਨੀ ਧੋਖਾਧੜੀ ਅਤੇ ਦੁਰਵਰਤੋਂ ਨੂੰ ਰੋਕਣ ਲਈ ਲਗਾਤਾਰ ਸਖ਼ਤ ਉਪਾਅ ਕਰ ਰਹੀ ਹੈ।